ຫວຽດນາມ-ລາວ: ເພີ່ມທະວີການຮ່ວມມືໃນຂົງເຂດ ວັດແທນ ແລະ ແຜນທີ່

14:04 2018/11/19

ຍສໝ - ວັນທີ 16 ພະຈິກ, ຢູ່ທີ່ສຳນັກງານ ກົມ ວັດແທກ, ແຜນທີ່ ແລະ ຂ່າວສານ ພູມສາດຫວຽດນາມ, ກະຊວງ ຊັບພະຍາກອນ ແລະ ສິ່ງແວດລ້ວມ ປະສານສົມທົບ ກັບ ກະຊວງພາຍໃນ ແຫ່ງ ສປປ ລາວ ຈັດກອງປະຊຸມ ສະຫຼຸບ ໂຄງການ “ ສ້າງຖານຂໍ້ມູນ ດ້ານພູມສັນຖານ ພື້ນຖານຮັບໃຊ້ເຂົ້າໃນການສ້າງແຜນພັດທະນາ ເສດຖະກິດ-ສັງຄົມ ແລະ ກວດກາຕິດຕາມສິ່ງແວດລ້ອມ ສປປ ລາວ”

ຫວຽດນາມ-ລາວ: ເພີ່ມທະວີການຮ່ວມມືໃນຂົງເຂດ ວັດແທນ ແລະ ແຜນທີ່
ຮອງລັດຖະມົນຕີ ຫງວ໋ຽນ ຖິເຟືອງຮວາ ກ່າວເປີດກອງປະຊຸມ. (ພາບ:baotainguyenmoitruong.vn) 

ກ່າວຄຳເຫັນໃນງານເປີດກອງປະຊຸມ ຮອງລັດຖະມົນຕີ ກະຊວງ ຊັບພະຍາກອນ ແລະ ສິ່ງແວດລ້ອມ  ຫງວ໋ຽນ ຖິເຟືອງຮວາ ໄດ້ໃຫ້ຮູ້ວ່າ: ວັນທີ 07 ມັງກອນ 2012 ທີ່ນະຄອນຫຼວງວຽງຈັນ, ລັດຖະບານ ສອງປະເທດ ຫວຽດນາມ-ລາວ ໄດ້ເປັນເອກກະພາບກັນ ເຊັນສົນທິສັນຍາຮ່ວມມືເສດຖະກິດ, ວັດທະນະທຳ, ສືກສາ ແລະ ເຕັກນິກ-ວິທະຍາສາດ. ສະນັ້ນ ກະຊວງ ຊັບພະຍາກອນ ແລະ ສິ່ງແວດລ້ອມ ໄດ້ປະສານສົມທົບກັບກະຊວງພາຍໃນລາວ ສ້າງ ແລະຜັນຂະຫຍາຍ ໂຄງການ “ ສ້າງ ຖານຂໍ້ມູນ ກ່ຽວກັບ ພູມສັນຖານພື້ນຖານ ເພື່ອຮັບໃຊ້ ວຽກງານ ສ້າງແຜນພັດທະນາເສດຖະກິດ-ສັງຄົມ ແລະ ກວດກາຕິດຕາມຊັບພະຍາກອນທຳມະຊາດ ສປປ ລາວ”.

ຮອງລັດຖະມົນຕີ ກະຊວງພາຍໃນ ສປປ ລາວ ທອງຈັນ ມະນີໄຊ ໄດ້ກ່າວຄຳປາໄສທີ່ກອງປະຊຸມ. (ພາບ:baotainguyenmoitruong.vn) 

ຮອງລັດຖະມົນຕີ ກະຊວງພາຍໃນ ສປປ ລາວ ທອງຈັນ ມະນີໄຊ ໄດ້ໃຫ້ຮູ້ວ່າ: ໃນຂົງເຂດການວັດແທກ ແລະ ແຜນທີ່, ພັກ-ລັດ ແລະ ປະຊາຊົນ ຫວຽດນາມ ອ້າຍນ້ອງເວົ້າລວມ, ເປັນຕົ້ນແມ່ນ ຂະແໜງການ ວັດແທກ ແລະ ແຜນທີ່ ຫວຽດນາມ ໄດ້ຊ່ວຍເຫຼືອຂະແໜງວັດແທກ ແລະ ແຜນທີ່ ລາວ ເລີ່ມແຕ່ປີ 70 ຈົນມາເຖິງປະຈຸບັນ. ກົມວັດແທກ ແລະ ແຜນທີ່ ຂອງລັດຖະບານຫວຽດນາມ ກ່ອນໜ້ານີ້ໄດ້ຊ່ວຍເຫຼືອໃນການພັດທະນາວຽກງານການວັດແທກ ແລະ ແຜນທີ່ ຢູ່ ລາວ, ຊ່ວຍສ້າງໂຄງການ ການສິດສອນ ລະດັບຊັ້ນສູງ ຢູ່ ລາວ, ເປີດຊຸດຝຶກອົບຮົມຊັ້ນກາງ, ຊັ້ນສູງ ຢູ່ ຫວຽດນາມ, ສ້າງເຄືອຂ່າຍ ທີ່ຕັ້ງ, ເຄືອຈ່າຍຄວາມສູງ, ເຄືອຂ່າຍນຳ້ໜັກແຫ່ງຊາດ, ສະແດງພາບແຜນທີ່ພູມສັນຖານ, ຊ່ວຍເພີ່ມທະວີຖານຂໍ້ມູນດ້ານພູມສາດ ເພື່ອຮັບໃຊ້ວຽກງານການສ້າງແຜນພັດທະນາເສດຖະກິດ-ສັງຄົມ ແລະ ຕິດຕາມກວດກາ ຊັບພະຍາກອນ ແລະ ສິ່ງແວດລ້ອມ ຢູ່ ສປປ ລາວ.

ທ່ານ ບົວສົດ ສຸວັນນະກຸມານ ໄດ້ກ່າວວ່າ: “ ຜົນສຳເລັດຂອງ ໂຄງການຊ່ວຍເຫຼືອ ລາວ ໄດ້ມາແຫ່ງ ຖານຂໍ້ມູນ  ຮາກຖານຂໍ້ມູນດ້ານພູມສັນຖານໂດຍພື້ນຖານ 1/50.000 ຢ່າງຄົບຖ້ວນໃນທົ່ວປະເທດ. ນີ້ແມ່ນ ຂໍ້ມູນທີ່ສຳຄັນຮັບໃຊ້ວຽກງານການຄຸ້ມຄອງ ຂອງ ກະຊວງ, ຂະແໜງການທ້ອງຖິ່ນ; ຮັບໃຊ້ເຂົ້າໃນການວາງແຜນການ ພັດທະນາເສດຖະກິດ-ສັງຄົມ, ປ້ອງກັນປະເທດ, ປ້ອງກັນຄວາມສະຫງົບ, ຄຸ້ມຄອງ ຊັບພະຍາກອນ ແລະ ປົກປັກຮັກສາສິ່ງແວດລ້ອມ”

ຮອງລັດຖະມົນຕີ ກະຊວງພາຍໃນ ສປປ ລາວ ທອງຈັນ ມອບຫຼຽນໄຊ ອິດສະຫຼະ ຊັ້ນ ສາມ ໃຫ້ ຮອງລັດຖະມົນຕີ ຫງວ໋ຽນ ຖິເຟືອງຮວາ. (ພາບ:baotainguyenmoitruong.vn) 

ຮອງລັດຖະມົນຕີ ກະຊວງພາຍໃນ ສປປ ລາວ ທອງຈັນ ມອບຫຼຽນໄຊແຮງງານຊັ້ນ ໜຶ່ງ ໃຫ້ໝູ່ຄະນະ ກົມວັດແທກ ແຜນທີ່ ແລະ ຂໍ້ມູນພູມສາດ  ຫວຽດນາມ.(ພາບ:baotainguyenmoitruong.vn) 
ຮອງລັດຖະມົນຕີ ກະຊວງພາຍໃນ ສປປ ລາວ ທອງຈັນ ມອບຫຼຽນໄຊແຮງງານຊັ້ນ ຊັ້ນສອງ ໃຫ້ສະຫາຍຫົວໜ້າກົມ ຟານ ດຶກຫ໋ຽວ. (ພາບ:baotainguyenmoitruong.vn) 

ກ່າວປິດກອງປະຊຸມ ຮອງລັດຖະມົນຕີ ຫງວ໋ຽນ ຖິເຟືອງຮວາ ຕີລາຄາສູງບັນດາການປະກອບສ່ວນຂອງພະນັກງານ, ລັດຖະກອນ ແລະ ຊາວຜູ້ອອກແຮງງານຂອງທັງສອງປະເທດ ຫວຽດ-ລາວ ທີ່ມີສ່ວນປະກອບໃນຜົນສຳເລັດ ຂອງໂຄງການດັ່ງກ່າວນີ້. ຮອງລັດຖະມົນຕີ ຫງວຽ໋ນ ຖິເຟືອງຮວາ ໄດ້ຝາກຄຳຂອບໃຈ ເຖິງຄວາມເອົາໃຈໃສ່ຂອງພັກ ແຫ່ງ ສປປ ລາວ, ຮັບຮູ້ເຖິງການປະກອບສ່ວນຂອງພະນັກງານປະຕິບັດງານໂຄງການ. ຮອງລັດຖະມົນຕີ ຫງວ໋ຽນ ຖິເຟືອງຮວາ ອວຍພອນ ໃຫ້ສາຍພົວພັນລະຫວ່າງສອງປະເທດ, ປະຊາຊົນຊາດ ເວົ້າລວມ ແລະ ນຳ້ໃຈມິດຕະພາບໃນຂົງເຂດ ວັດແທກ ແລະ ແຜນທີ່ ເວົ້າສະເພາະ ໃຫ້ຍືນຍົງຍາວນານຕະຫຼອດໄປ.

ຮອງລັດຖະມົນຕີ ກະຊວງພາຍໃນ ສປປ ລາວ ທອງຈັນ ມອບຫຼຽນໄຊແຮງງານ ຊັ້ນສອງ ໃຫ້ 3 ໝູ່ຄະນະ.(ພາບ:baotainguyenmoitruong.vn) 
ຮອງລັດຖະມົນຕີ ກະຊວງພາຍໃນ ສປປ ລາວ ທອງຈັນ ມອບຫຼຽນໄຊແຮງງານ ຊັ້ນສາມ ໃຫ້ 5 ໝູ່ຄະນະ.(ພາບ:baotainguyenmoitruong.vn) 
ຮອງລັດຖະມົນຕີ ກະຊວງພາຍໃນ ສປປ ລາວ ທອງຈັນ ມອບຫຼຽນໄຊແຮງງານ ຊັ້ນສາມ ໃຫ້ບຸກຄົນ ຈຳນວນ 7 ສະຫາຍ.

ຮັບຮູ້ເຖິງການຊີ້ນຳອັນທັນການຂອງ ກະຊວງ ຊັບພະຍາກອນ ແລະ ສິ່ງແວດລ້ອມ ແລະ ຄວາມມານະພະຍາຍາມ, ຄວາມຮັບຜິດຊອບ ຂອງ ບັນດາໜ່ວຍງານ ປະຕິບັດການຂອງໂຄງການ, ຢູ່ ທີ່ກອງປະຊຸມນີ້ ຕ່າງໜ້າ ລັດຖະບານ ແລະ ກະຊວງ ພາຍໃນ ແຫ່ງ ສປປ ລາວ, ຮອງລັດຖະມົນຕີ ກະຊວງພາຍໃນ ແຫ່ງ ສປປ ລາວ ທ່ານ ທອງຈັນ ມະນີໄຊ ໄດ້ມອບຫຼຽນໄຊ, ຫຼຽນກາ ແລະ ໃບຍ້ອງຍໍ ໃຫ້ແກ່ບຸກຄົນ ແລະ ໝູ່ຄະນະ ໃນແຕ່ລະໄຍຍະ ຂອງ ກະຊວງ ຊັບພະຍາກອນ ແລະ ສິ່ງແວດລ້ອມ. ນີ້ແມ່ນ ບຸກຄົນ ແລະ ໝູ່ຄະນະ ໄດ້ປະກອບສ່ວນອັນດີເລີດໃນວຽກງານ ການຈັດຕັ້ງປະຕິບັດ ໂຄງການເພື່ອຊ່ວຍໃນການເພີ່ມທະວີສາຍພົວພັນມິດຕະພາບ, ສາມັກຄີ ແລະ ຮ່ວມມືລະຫວ່າງ ສອງພັກ ແລະ ສອງລັດ ແລະ ປະຊາຊົນ ສອງຊາດ ຫວຽດນາມ-ລາວ.

ຮອງລັດຖະມົນຕີ ກະຊວງພາຍໃນ ສປປ ລາວ ທອງຈັນ ມອບຂອງຂວັນທີ່ລະນຶກ ໃຫ້ ຮອງລັດຖະມົນຕີ ຫງວ໋ຽນ ຖິເຟືອງຮວາ.(ພາບ:baotainguyenmoitruong.vn) 
ທ່ານ ບົວສົດ ສຸວັນນະກຸມານ ຫົວໜ້າກົມ ແຜນທີ່ແຫ່ງຊາດ ສປປ ລາວ ໄດ້ມອບຂອງຂວັນທີ່ລະນືກ ໃຫ້ແກ່ ສະຫາຍ ຟານ ດຶກຫ໋ຽວ ຫົວກົມວັດແທກ ແຜນທີ່ ແລະ ຂໍ້ມູນພູມສາດ  ຫວຽດນາມ.(ພາບ:baotainguyenmoitruong.vn) 


ຫັດ​ທະ​ບູນ
;

同类别新闻