ຫວຽດນາມ-ລາວ: ເພີ່ມທະວີການຮ່ວມມືໃນຂົງເຂດຫໍສະໝຸດກອງທັບ

09:25 2019/08/07

ຍສໝ - ໃນຕອນບ່າຍຂອງວັນທີ 5 ສິງຫາ 2019, ຢູ່ນະຄອນຫຼວງວຽງຈັນ, ຫໍສະໝຸດກອງທັບປະຊາຊົນ ຫວຽດນາມ ໄດ້ສົມທົບກັບຫໍສະໝຸດກອງທັບປະຊາຊົນ ລາວ ຈັດຕັ້ງກອງປະຊຸມປະເມີນຜົນຂອງການຮ່ວມມືໃນໄລຍະທີ່ຜ່ານມາ, ພ້ອມທັງສະເໜີ ທິດທາງການຮ່ວມມືໃນໄລຍະຈະມາເຖິງ.

ຫວຽດນາມ-ລາວ: ເພີ່ມທະວີການຮ່ວມມືໃນຂົງເຂດຫໍສະໝຸດກອງທັບ
ຫໍສະໝຸດກອງທັບຫວຽດນາມ ມອບຄອມປິວເຕີ, ເຄື່ອງ photocopy ຈໍານວນໜຶ່ງໃຫ້ແກ່ຫໍສະໝຸດ ກອງທັບລາວ. (ພາບ: nhandan.com.vn)

ທີ່ການເຮັດວຽກ, ທ່ານພັນໂທ ພິມພາ ປັນຍາຮັກ ຜູ້ອຳນວຍການຫໍສະໝຸດ ກອງທັບປະຊາຊົນ ລາວ ໃຫ້ຮູ້ວ່າ: ວຽກງານຫໍສະໝຸດໃນກອງທັບລາວ  ຍັງປະສົບກັບຄວາມຫຍຸ້ງຍາກຈໍານວນໜຶ່ງ, ເຊິ່ງບໍ່ທັນແກ້ໄຂໄດ້ຍ້ອນວ່າຂາດພາຫະນະເຮັດວຽກ ແລະບຸກຄະລາກອນ ແລະ ໄດ້ສະເໜີໃຫ້ຫໍສະໝຸດກອງທັບປະຊາຊົນ ຫວຽດນາມ ຊ່ວຍເຫຼືອການບຳລຸງສ້າງ, ຍົກລະດັບວິຊາການໃຫ້ແກ່ພະນັກງານ, ນັກຮົບຂອງ         ຫໍສະໝຸດກອງທັບປະຊາຊົນ ລາວ, ເພີ່ມທະວີການພົວພັນຮ່ວມມືແລກປ່ຽນດ້ານຂໍ້ມູນຂ່າວສານ, ປື້ນປະເພດຕ່າງໆເພື່ອຕອບສະໜອງຄວາມຕ້ອງການຂອງພະນັກງານ, ນັກຮົບ ແລະ ທົ່ວສັງຄົມ ແລະ ອື່ນໆ.

ທ່ານນາງພັນເອກພິເສດ ເຈິ່ນບິກເຫວ້ ຢັ້ງຢັນວ່າ, ຫໍສະໝຸດກອງທັບຫວຽດນາມ ຈະເພີ່ມທະວີບັນດາການເຄື່ອນໄຫວຮ່ວມມືກັບຫໍສະໝຸດກອງທັບລາວ. ກ່ຽວກັບບັນດາເນື້ອໃນ ເຊິ່ງຝ່າຍລາວສະເໜີ, ຫໍສະໝຸດກອງທັບຫວຽດນາມ ຈະຄົ້ນຄວ້າ ແລະສະເໜີຕໍ່ຂັ້ນເທິງເພື່ອສາມາດຜັນຂະຫຍາຍບັນດາຂໍ້ສະເໜີຂອງຫໍສະໝຸດກອງທັບລາວ ຢ່າງໄວທີ່ສຸດ.

ບັນຍາກາດທີ່ການເຮັດວຽກ. (ພາບ: nhandan.com.vn)

ເນື່ອງໃນໂອກາດນີ້, ຫໍສະໝຸດກອງທັບປະຊາຊົນ ຫວຽດນາມ ໄດ້ມອບອຸປະກອນຫ້ອງການຈຳນວນໜຶ່ງໃຫ້ແກ່ຫໍສະໝຸດກອງທັບປະຊາຊົນລາວລວມມີ: ຄອມພິວເຕີ, ເຄື່ອງພິມເອກະສານ, ເຄື່ອງ scan ແລະ ຈັກ photocopy.

ໄຊພອນ
;

同类别新闻