ສປປ ລາວ ປະດັບຫຼຽນໄຊ ໃຫ້ບຸກຄົນ ແລະ ໝູ່ຄະນະ ຂອງແຂວງ ກວ້າງຈິ ສສ ຫວຽດນາມ

16:08 2018/11/23

ຍສໝ - ວັນທີ 22 ພະຈິກ ປີ 2018, ສປປ ລາວ ໄດ້ຈັດພິທີມອບ ແລະ ປະດັບ ຫຼຽນໄຊ ໃຫ້ແກ່ບຸກຄົນ ແລະ ໝູ່ຄະນະ ຂອງແຂວງກວ້າງຈິ . ເຂົ້າຮ່ວມໃນງານ ເບຶ້ອງລາວ ປະກອບມີ ທ່ານ ສັນຕິພາບ ພົມວິຫານ ກຳມະການສູນກາງພັກ ປະຊາຊົນປະຕິວັດລາວ ເລຂາພັກແຂວງເຈົ້າແຂວງໆ ສະຫວັນນະເຂດ. ເບື້ອງແຂວງກວ້າງຈິ ສສ ຫວຽດນາມ ປະກອບມີ ສະຫາຍ ຫງວ໋ຽນ ວັນຮຸ່ງ ກຳມະການສູນກາງພັກກອມມູນິດຫວຽດນາມ ເລຂາພັກແຂວງ ປະທານສະພາປະຊາຊົນ ແຂວງກວ້າງຈິ, ຮອງເລຂາຄະນະປະຈຳພັກແຂວງ ຟ້າມ ດຶກເຈົາ, ສະຫາຍ ຫງວ໋ຽນ ດຶກຈິງ ຮອງເລຂາພັກແຂວງ ປະທານສະພາປະາຊາຊົນແຂວງ, ບັນດາຄະນະກຳມະການປະຈຳພັກແຂວງ, ຄະນະປະຈຳສະພາປະຊາຊົນ, ຄະນະກຳມະການປະຊາຊົນ, ຄະນະກຳມະການແນວໂຮມແຫ່ງຊາດຫວຽດນາມ ປະຈຳແຂວງ, ຄະນະຜູ້ແທນສະພາແຫ່ງຊາດ ແຂວງ ແລະ ບັນດາການນຳ ພະແນກການ, ຂະແໜງການ ແລະ ຫ້ອງການທຸກຂັ້ນເຂົ້າຮ່ວຢ່າງພ້ອມພຽງ...

 ສປປ ລາວ ປະດັບຫຼຽນໄຊ ໃຫ້ບຸກຄົນ ແລະ ໝູ່ຄະນະ ຂອງແຂວງ ກວ້າງຈິ ສສ ຫວຽດນາມ
ເລຂາພັກແຂວງ ເຈົ້າແຂວງໆ ສະຫວັນນະເຂດ ທ່ານ ສັນຕິພາບ ພົມວິຫານ ປະດັບຫຼຽນໄຊ ແຮງງານຊັ້ນ ໜຶ່ງ ຂອງ ສປປ ລາວ ໃຫ້ແກ່ແຂວງກວ້າງຈິ. (ພາບ: ແທັ່ງຢຸງ)

ທີ່ກອງປະຊຸມຕ່າງໜ້າພັກ ແລະ ລັດຖະບານ ແຫ່ງ ສປປ ລາວ ເລຂາພັກແຂວງ ເຈົ້າແຂວງໆ ສະຫວັນນະເຂດ ທ່ານ ສັນຕິພາບ ພົມວິຫານ ໄດ້ປະດັບຫຼຽນໄຊ ແຮງງານຊັ້ນ ໜຶ່ງ ໃຫ້ແກ່ແຂວງກວ້າງຈິ ສສ ຫວຽດນາມ ທີ່ມີຜົນງານພົ້ນເດັ່ນ ແລະ ດີເລີດໃນວຽກງານການຊ່ວຍເຫຼືອແຂວງ ສະຫວັນນະເຂດ ພັດທະນາ ພື້ນຖານໂຄງລ່າງ ແລະ ກໍ່ສ້າງຊັບພະຍາກອນມະນຸດ ກໍ່ຄືບຸກຄະລາກອນ, ປະກອບເຂົ້າໃນການສ້າງ, ເສີມຂະຫຍາຍ ສາຍພົວພັນມິດຕະພາບ ຮ່ວມມື ພິເສດ ແລະ ຮອບດ້ານ ລະຫວ່າງ ສອງຊາດ ລາວ-ຫວຽດນາມ.

ເລຂາພັກແຂວງ ເຈົ້າແຂວງໆ ສະຫວັນນະເຂດ ທ່ານ ສັນຕິພາບ ພົມວິຫານ ປະດັບຫຼຽນໄຊ ອິດສະຫຼະຊັ້ນສອງ ຂອງ ສປປ ລາວ ໃຫ້ແກ່ເລຂາພັກແຂວງ ຫງວຽ໋ນ ວັນຮຸ່ງ. (ພາບ: ແທັ່ງຢຸງ)

ປະດັບຫຼຽນໄຊ ອິດສະຫຼະຊັ້ນສອງ ຂອງ ສປປ ລາວ ໃຫ້ແກ່ສະຫາຍ ຫງວຽ໋ນ ວັນຮຸ່ງເລຂາພັກແຂວງ ປະທານ ສະພາປະຊາຊົນແຂວງ ຍ້ອນຜົນງານອັນດີເດັ່ນ ໃນການສ້າງ ແລະ ພັດທະນາ ສາຍພົວພັນມິດຕະພາບ ລາວ-ຫວຽດນາມ. ມອບຫຼຽນໄຊ ອິດສະຫຼະ ຊັ້ນສາມ ໃຫ້ແກ່ສະຫາຍ ຟ້າມ ດຶກເຈົາ ຮອງເລຂາຄະນະປະຈຳພັກກແຂວງ,  ສະຫາຍ ຫງວ໋ຽນ ດຶກຈິງ ຮອງປະທານ ກຳມະການປະຊາຊົນແຂວງ ແລະ ສະຫາຍ ມາຍຈຶກ ອາດີດຮອງປະທານຄະນະປະຈຳ ກຳມະການປະຊາຊົນແຂວງ, ມອບຫຼຽນໄຊ ມິດຕະພາບ ໃຫ້ແກ່ບັນດາ ຮອງປະທານ ກຳມະການປະຊາຊົນແຂວງ ສະຫາຍ ຫງວ໋ຽນ ກວົນຈິ໋ງ,  ສະຫາຍ ຮະ ສີດົ່ງ ຍ້ອນບັນດາຜົນງານ ແລະ ການປະກອບສ່ວນໃນການສ້າງ ແລະ ພັດທະນາ ສາຍພົວພັນມິດຕະພາບ ລາວ-ຫວຽດນາມ.

ເລຂາພັກແຂວງ ເຈົ້າແຂວງໆ ສະຫວັນນະເຂດ ທ່ານ ສັນຕິພາບ ພົມວິຫານ ປະດັບຫຼຽນໄຊ ອິດສະຫຼະຊັ້ນສອງ ຂອງ ສປປ ລາວ ໃຫ້ແກ່ບຸກຄົນທີ່ດີເດັ່ນ. (ພາບ: ແທັ່ງຢຸງ)

ກ່າວຄຳເຫັນໃນພິທີປະດັບຫຼຽນໄຊ ໃນຄັ້ງນີ້ ທ່ານ ສັນຕິພາບ ພົມວິຫານ ເລຂາພັກແຂວງ ເຈົ້າແຂວງໆ ສະຫວັນນະເຂດ ສະແດງຄວາມເປັນກຽດທີ່ໄດ້ຮັບການມອບໝາຍຈາກ ປະທານປະເທດ ແຫ່ງ ສປປ ລາວ ໃຫ້ຕ່າງໜ້າ ໃນການປະດັບຫຼຽນໄຊ ອັນຊົງກຽດ ໃຫ້ແກ່ແຂວງກວ້າງຈິ ກໍ່ຄື ບັນດາການນຳຂອງແຂວງແຂວງ. ພ້ອມກັນນັ້ນກໍ່ຕີລາຄາສູງ ແລະ ສະແດງຄວາມຂອບໃຈອັນເລິກເຊິ່ງ ຂອງວຽກງານການປະສານສົມທົບ ຄວາມເອົາໃຈໃສ່ຊ່ວຍເຫຼືອ ອູ້ມຊູໃນຫຼາຍໆດ້ານ ຂອງແຂວງກວ້າງຈິ ຕໍ່ກັບແຂວງສະຫວັນນະເຂດ ເພື່ອພັດທະນາ ເສດຖະກິດ-ສັງຄົມ, ປັບປຸງການປ້ອງກັນຊາດ-ປ້ອງກັນຄວາມສະຫງົບ. ໃນໂອກາດອັນສະຫງ່າລາສີນີ້ ເລຂາພັກແຂວງ ເຈົ້າແຂວງໆ ສະຫວັນນະເຂດ ໄດ້ສະແດງຄວາມເຊື່ອໝັ້ນຕໍ່ສາຍພົວພັນມິດຕະພາບ ລະຫວ່າງ ສອງຊາດ ລາວ-ຫວຽດນາມ ເວົ້າລວມ, ສາຍພົວພັນມິດພາບ ລະຫວ່າງສອງແຂວງ ເວົ້າສະເພາະ ຈະສືບຕໍ່ໄດ້ຮັບການພັດທະນາ.

ບັນດາຄະນະການນຳທັງສອງແຂວງ ຖ່າຍຮູບເປັນທີ່ລະນຶກ. (ພາບ: ແທັ່ງຢຸງ)

ຕ່າງໜ້າໃຫ້ແກ່ກຳມະການພັກແຂວງ, ອຳນາດການປົກຄອງ, ປະຊາຊົນ ແຂວງກວ້າງຈິ ແລະ ບຸກຄົນທີ່ໄດ້ຮັບຫຼຽນໄຊອັນລຳ້ຄ່າ, ທ່ານ ຫງວຽ໋ນ ວັນຮຸ່ງ ເລຂາພັກແຂວງ ປະທານສະພາປະຊາຊົນ  ໄດ້ສະແດງຄວາມຮູ້ສຶກເປັນກຽດ ແລະ ຮູ້ສຶກດີໃຈຢ່າງຫາແນວປຽບບໍ່ໄດ້ ຕໍ່ກັບຄວາມເອົາໃຈໃສ່ ຍອມຮັບຂອງ ສປປ ລາວ ຕໍ່ກັບບັນດາການປະກອບສ່ວນໃນພາລະກິດ ສ້າງສາ ແລະ ພັດທະນາ ສາຍພົວພັນມິດຕະພາບ ລາວ-ຫວຽດນາມ. ເວົ້າລວມແລ້ວ ການກຳເນີດ ແລະ ພັດທະນາ ຂອງສາຍພົວພັນມິດຕະພາບ ລະຫວ່າງ ສອງປະເທດ ກໍ່ຄືຂອງສອງແຂວງ ກວ້າງຈິ-ສະຫວັນນະເຂດ ເລຂາ ພັກແຂວງໆ ກວ້າງຈິ ຫງວ໋ຽນ ວັນຮຸ່ງ ຢັ້ງຢືນວ່າ: ແຂວງກວ້າງຈິ ຈະສືບຕໍ່ເຮັດໃຫ້ດີທີ່ສຸດຄວາມສາມາດ ເພື່ອສ້າງສາ ແລະ ພັດທະນາສາຍພົວພັນມີດຕະພາບ ຮ່ວມມືພິເສດ ແລະ ຮອບດ້ານ ຫວຽດນາມ-ລາວ ກ້າວຂື້ນສູ່ບາດກ້າວໃໝ່.

(ຫັດ​ທະ​ບູນ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll