ລາວ-ຫວຽດນາມ ມອບ-ຮັບສະຖານີເຄືອຂ່າຍສົ່ງຕໍ່ສັນຍານວິທະຍຸ – ໂທລະພາບຢູ່ແຂວງສະຫວັນນະເຂດ

09:08 2018/12/25

ໃນຕອນເຊົ້າຂອງວັນທີ 24 ທັນວາ 2018, ພິທີມອບ-ຮັບສະຖານີເຄືອຂ່າຍສົ່ງຕໍ່ສັນຍານວິທະຍຸ – ໂທລະພາບ ໄດ້ຈັດຂຶ້ນຢ່າງເປັນທາງການ ທີ່ບ້ານ ໂພໄຊ, ເມືອງພະລານໄຊ, ແຂວງສະຫວັນນະເຂດ, ໂດຍການເປັນປະທານ ຂອງທ່ານ ສະຫວັນຄອນ ຣາຊມຸນຕີ, ຮອງລັດຖະມົນຕີກະຊວງຖະແຫຼງຂ່າວ ວັດທະນະທຳ ແລະ ທ່ອງທ່ຽວ, ໂດຍມີທ່ານ ຄຳເຜີຍ ແກ້ວກິນນາລີ, ຮອງປະທານຄະນະກຳມາທິການຮ່ວມມືລາວ – ຫວຽດນາມ, ບັນດາທ່ານໃນຄະນະນຳຂອງກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ, ຄະນະນຳຈາກວິທະຍຸ – ໂທລະພາບແຫ່ງຊາດລາວ, ການນຳແຂວງ ແລະ ເມືອງພະລານໄຊ ແຂວງສະຫວັນນະເຂດ, ຜູ້ອຳນວຍການໃຫຍ່ບໍລິສັດ Emico, ຜູ້ອຳນວຍການວິທະຍຸກະຈາຍສຽງພາກກາງ – ພາກເໜືອຫວຽດນາມ ພ້ອມດ້ວຍແຂກຖືກເຊີນ.

ລາວ-ຫວຽດນາມ ມອບ-ຮັບສະຖານີເຄືອຂ່າຍສົ່ງຕໍ່ສັນຍານວິທະຍຸ – ໂທລະພາບຢູ່ແຂວງສະຫວັນນະເຂດ
ພິທີມອບ-ຮັບສະຖານີເຄືອຂ່າຍສົ່ງຕໍ່ສັນຍານວິທະຍຸ – ໂທລະພາບ.

ໂຄງການກໍ່ສ້າງສະຖານີເຄືອຂ່າຍສົ່ງຕໍ່ສັນຍານວິທະຍຸ – ໂທລະພາບເຂດ ເປັນໂຄງການຮ່ວມມືຊ່ວຍເຫຼືອຂອງລັດຖະບານ ສສ ຫວຽດນາມແຫ່ງທີ 4 ຖັດຈາກແຂວງຈຳປາສັກ, ຫຼວງພະບາງ ແລະ ອຸດົມໄຊ ໃນມູນຄ່າການກໍ່ສ້າງ 115,795,147,896 ດົງ ( ຫລື 116 ຕື້ດົງ ). ທ່ານໂພສີ ແກ້ວມມະນີວົງ, ຜູ້ອຳນວຍການໃຫຍ່ວິທະຍຸກະຈາຍສຽງແຫ່ງຊາດລາວໃຫ້ຮູ້ວ່າ :ເຄືອຂ່າຍສົ່ງຕໍ່ສັນຍານທີ່ບ້ານໂພໄຊ, ເມືອງພະລານໄຊ, ແຂວງສະຫວັນນະເຂດ ແມ່ນຮັບສັນຍານຈາກວິທະຍຸກະຈາຍສຽງແຫ່ງຊາດລາວ ແລ້ວສົ່ງສັນຍານຕໍ່ອອກສູ່ບັນດາແຂວງພາກໃຕ້, ໂດຍສະເພາະແຂວງສະຫວັນນະເຂດ ແລະ ບັນດາແຂວງໃກ້ຄຽງ ແມ່ນຈະໄດ້ຮັບສັນຍານຢ່າງທົ່ວເຖິງ ແລະ ສາມາດຮັບຮູ້ຂໍ້ມູນຂ່າວສານຕ່າງໆທາງວິທະຍຸ ໄດ້ຫຼາຍຂຶ້ນ. ສະຖານີເຄືອຂ່າຍສົ່ງຕໍ່ສັນຍານວິທະຍຸ – ໂທລະພາບແຫ່ງຊາດ ແມ່ນເລີ່ມລົງມືກໍ່ສ້າງ ມາແຕ່ວັນທີ 12 ທັນວາ 2015 ໂດຍແມ່ນບໍລິສັດກໍ່ສ້າງຂອງ ສສ ຫວຽດນາມ ແລະ ໄດ້ຈັດພິທີມອບ-ຮັບ; ສະຖານີແຫ່ງນີ້ ມີແຮງສົ່ງສັນຍານ 20 ກິໂລວັດ, ເຄື່ອງສົ່ງໂທລະພາບດີຈີຕອນ 5 ກິໂລວັດ ຕາມມາດຕະຖານ DTMB, ອັງແຕນ, ລະບົບອິນເຕີເນັດ ພ້ອມຕຶກອາຄານທັນສະໄໝຄົບຊຸດ ເຊິ່ງສັນຍານວິທະຍຸລະບົບ FM 103.7 MHz ຈາກວິທະຍຸກະຈາຍ ສຽງແຫ່ງຊາດລາວ ຈະສາມາດຮັບຟັງໄດ້ຢູ່ທົ່ວແຂວງສະຫວັນນະເຂດ ແລະ ແຂວງໄກ້ຄຽງໄດ້ເຖິງ 95 ສ່ວນຮ້ອຍ.

(ແຫຼ່ງ​ຂໍ້​ມູນ​: ວສລ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll