ລັດຖະບານລາວ ປະດັບຫຼຽນໄຊອິດສະຫຼະ, ຫຼຽນໄຊແຮງງານ ແລະ ໃບຍ້ອງຍໍ ໃຫ້ບຸກຄົນ ແລະ ໝູ່ຄະນະ ຢູ່ ແຂວງດົ່ງນາຍ

15:19 2018/11/15

ຍສໝ - ຕອນບ່າຍຂອງວັນທີ 13 ພະຈິກ, ຢູ່ ສຳນັກງານລັດຖະບານແຂວງ ໄດ້ຈັດພິທີ ປະດັບຫຼຽນໄຊ ແລະ ມອບໃບຍ້ອງຍໍ ຂອງ ສປປ ລາວ ໃຫ້ແກ່ ບຸກຄົນ ແລະ ໝູ່ຄະນະ ຂອງແຂວງດົ່ງນາຍ ທີ່ມີສ່ວນປະກອບໃນການສ້າງສາຍພົວພັນມິດຕະພາບອັນເກົ່າແກ່ ລາວ-ຫວຽດນາມ.

ລັດຖະບານລາວ ປະດັບຫຼຽນໄຊອິດສະຫຼະ, ຫຼຽນໄຊແຮງງານ ແລະ ໃບຍ້ອງຍໍ ໃຫ້ບຸກຄົນ ແລະ ໝູ່ຄະນະ ຢູ່ ແຂວງດົ່ງນາຍ
ບັນດາສະຫາຍ ຫງວ໋ຽນ ຟູ໋ເກື່ອງ ແລະ ສະຫາຍ ດິງ ກ້ວກຖ໋າຍ ແລກປ່ຽນຢ່າງເປັນກັນເອງ ກັບ ສະຫາຍ ບຸນທອງ ສີວິໄຊ. (ພາບ: ກົງເຫງຍ/baodongnai)

ເຂົ້າຮ່ວມໃນພິທີປະດັບຫຼຽນໄຊໃນຄັ້ງນີ້ ຝ່າຍ ສປປ ລາວ ປະກອບມີ : ສະຫາຍ ບຸນທອງ ສີວິໄຊ ກຳມະການສູນກາງພັກ ປະຊາຊົນປະຕິວັດລາວ , ເລຂາພັກແຂວງ ເຈົ້າແຂວງໆ ຈຳປາສັກ ແລະ ບັນດາສະຫາຍໃນຄະນະຜູ້ແທນຂັ້ນສູງຂອງແຂວງຈຳປາສັກ.

ສະຫາຍ ຫງວ໋ຽນ ຟູ໋ເກື່ອງ ກຳມະການສູນກາງພັກ ເລຂາພັກແຂວງ ປະທານສະພາປະຊາຊົນ ແຂວງ ກ່າວຄຳ ຕ້ອນຮັບຄະນະຜູ້ແທນແຂວງ ຈຳປາສັກ.(ພາບ: ກົງເຫງຍ/baodongnai)

ເບື້ອງແຂວງ ດົ່ງນາຍ ປະກອບມີບັນດາສະຫາຍ ຫງວ໋ຽນ ຟູ໋ເກື່ອງ ກຳມະການສູນກາງພັກ ເລຂາພັກແຂວງ ປະທານສະພາປະຊາຊົນແຂວງ, ສະຫາຍ ກິງ ກ້ວກຖ໋າຍ ຮອງເລຂາພັກແຂວງ ປະທານ ກຳມະການປະຊາຊົນແຂວງ, ສະຫາຍ ເຈີ່ນ ວັນວິງ ກຳມະການ ເສນາທິການສູນກາງ ຮອງປະທານ ກຳມະການປະຊາຊົນແຂວງ ພ້ອມທັງບັນດາການນຳຂັ້ນພະແນກ, ຫ້ອງການ ແລະ ຂະແໜງການຕ່າງໆຂອງແຂວງເຂົ້າຮ່ວມ.

ສະຫາຍ ບຸນທອງ ສີວິໄຊ ປະດັບຫຼຽນໄຊ ອິດສະຫຼະ ຂັ້ນສອງ ໃຫ້ສະຫາຍ ຫງວ໋ຽນ ຟູ໋ເກື່ອງ.(ພາບ: ກົງເຫງຍ/baodongnai)

ທີ່ກອງປະຊຸມ ສະຫາຍ ຫງວ໋ຽນ ຟູ໋ເກື່ອງ ກໍ່ໄດ້ປືກສາຫາລືແລກປ່ຽນ ກັບສະຫາຍ ບຸນທອງ ສີວິໄຊ ແລະ ບັນດາສະມາຊິກໃນຄະນະຜູ້ແທນຂັ້ນສູງ ຂອງແຂວງ ຈຳປາສັກ ກ່ຽວກັບ ບາດກ້າວການພັດທະນາ ເສດຖະກິດ-ສັງຄົມ ສຳຄັນ ຂອງແຂວງດົ່ງນາຍ. ສະຫາຍ ໄດ້ໃຫ້ຮູ້ວ່າ ດ້ານເສດຖະກິດ ແຂວງດົ່ງນາຍ ແມ່ນແຂວງທີ່ມີການພັດທະນາຢ່າງເຂັ້ມແຂງ ດ້ານອຸດສາຫະກຳ , ມີການປະກອບສ່ວນອັນໃຫຍ່ຫຼວງເຂົ້າໃນ ການພັດທະນາ ຂອງປະເທດ. ປະຈຸບັນ ແຂວງດົ່ງນາຍ ມີນິຄົມອຸດສາຫະກຳ ຈຳນວນ 32 ແຫ່ງ, ດຶງດູດການລົງທືນຈາກຫຼາຍປະເທດ ແລະ ເຂດແຄ້ວນ. ລາຍຮັບສະເລ່ຍຕໍ່ຫົວຄົນ ບັນລຸ 4 ພັນ USD/ປີ.

ສະຫາຍ ບຸນທອງ ສີວິໄຊ ປະດັບ ຫຼຽນໄຊອິດສະຫຼະ ຂັ້ນສອງ ໃຫ້ແກ່ ສະຫາຍ ດິງ ກ້ວກຖ໋າຍ.(ພາບ: ກົງເຫງຍ/baodongnai)

ແຂວງດົ່ງນາຍ ໄດ້ ແລະ ກຳລັງ ໃຫ້ການຊ່ວຍເຫຼືອ ກໍ່ສ້າງ ນັກຮຽນນັກສຶກສາ ຈຳນວນ 180 ຄົນ ໃນນັ້ນ ມີຈຳນວນກວ່າ 100 ຄົນ ໄດ້ສຳເລັດໂຄງການກໍ່ສ້າງ ແລະ ໄດ້ກັບປະເທດເຮັດວຽກ. ນອກຈາກນັ້ນ ດົ່ງນາຍ ຍັງຄົງຈັດຕັ້ງການຢ້ຽມຢາມ ຂອງຄະນະຜູ້ແທນ ໄປແຂວງ ຈຳປາສັກຢູ່ເປັນປະຈຳ ແລະ ຈັດຕັ້ງການເຄື່ອນໄຫວ ດ້ານສັງຄົມ ຄືໜ່ວຍອາສາສະໝັກ ເພື່ອຮັດແໜ້ນສາຍພົວພັນມິດຕະພາບ ແລະ ຄວາມເຂົ້າໃຈເຊິ່ງກັນແລະກັນຂອງສອງແຂວງ.

ສະຫາຍບຸນທອງ ສີວິໄຊ ສະແດງຄວາມຍິນດີຕໍ່ກັບຜົນສຳເລັດຂອງການພັດທະນາ ເສດຖະກິດ-ສັງຄົມ ແຂວງດົ່ງນາ, ພ້ອມກັນນັ້ນກໍ່ໄດ້ກ່າວວ່າ: ແຂວງຈຳປາສັກ ກໍ່ໃຫ້ຄວາມສຳຄັນເລື່ອງສາຍພົວພັນມິດຕະພາບ ກັບແຂວງດົ່ງນາຍ. ສະຫາຍ ບຸນທອງ ສີວິໄຊ ສະແດງຄວາມຂອບໃຈຢ່າງສຸດຊື້ງຕໍ່ກັບໄມຕີຈິດ ແລະ ຄວາມເອົາໃຈໃສ່ພິເສດ ຂອງ ແຂວງດົ່ງນາຍ ທີ່ມອບໃຫ້ແກ່ປະຊາຊົນຊາວແຂວງຈຳປາສັກ.

ສະຫາຍ ບຸນທອງ ສີວິໄຊ ໄດ້ປະດັບຫຼຽນໄຊ ແຮງງານ ຂັ້ນໜຶ່ງ ໃຫ້ແກ່ ຫ້ອງວ່າການແຂວງດົ່ງນາຍ, ຫ້ອງການ ກຳມະການປະຊາຊົນແຂວງດົ່ງນາຍ ແລະ ພະແນກການຕ່າງປະເທດແຂວງ ດົ່ງນາຍ.(ພາບ: ກົງເຫງຍ/baodongnai)

ສະຫາຍ ບຸນທອງ ສີວິໄຊ ເນັ້ນໜັກວ່າ: ບັນດາສິ່ງທີ່ມີຄຸນຄ່າ  ແລະ ສູງສົ່ງທີ່ພັກ-ລັດ ແລະ ລັດຖະບານ ແຫ່ງ ສປປ ລາວ ມອບໃຫ້ ບຸກຄົນ ແລະ ໝູ່ຄະນະ ຂອງແຂວງ ດົ່ງນາຍ ໃນມື້ນີ້ ແມ່ນຍ້ອນການຍອມຮັບເຖິງການປະກອບສ່ວນອັນແທ້ຈິງ. ສະຫາຍ ບຸນທອງ ສີວິໄຊ ຫວັງເປັນຢ່າງຍິ່ງວ່າ ໃນອານາຄົດ ສາຍພົວພັນ ລະຫວ່າງ ແຂວງດົ່ງນາຍ ແລະ ແຂວງຈຳປາສັກ ຈະສືບຕໍ່ໄດ້ຮັບການເພີ່ມພູນຄູນສ້າງ ແລະ ຍືນຍົງຕະຫຼອດໄປ.

ທີ່ພິທີປະດັບຫຼຽນໃນຄັ້ງນີ້ ຕ່າງໜ້າ ຂອງ ປະທານປະເທດ ແຫ່ງ ສປປ ລາວ ສະຫາຍ ບຸນທອງ ສີວິໄຊ ໄດ້ມອບ ຫຼຽນໄຊ ແຮງງານຂັ້ນໜຶ່ງ ໃຫ້ແກ່ ຫ້ອງວ່າການແຂວງ ດົ່ງນາຍ,  ຫ້ອງການສະພາປະຊາຊົນແຂວງດົ່ງນາຍ ແລະ ພະແນກ ການຕ່າງປະເທດ ແຂວງດົ່ງນາຍ, ປະດັບຫຼຽນໄຊອິດສະຫຼະຂັ້ນສອງ ໃຫ້ແກ່ບັນດາສະຫາຍຄື: ສະຫາຍ ຫງວ໋ຽນ ຟູ໋ເກື່ອງ, ສະຫາຍ ດິງ ກ້ວກຖ໋າຍ ແລະ ສະຫາຍ ເຈີ່ນ ວັນວິງ; ປະດັບຫຼຽນໄຊ ມິດຕະພາບ ຂອງ ປະທານປະເທດ ແຫ່ງ ສປປ ລາວ ໃຫ້ແກ່ ບຸກຄົນ ຈຳນວນ 4 ສະ ຫາຍຕື່ມອີກ. ສ່ວນແຂວງຈຳປາສັກ ກໍ່ໄດ້ມອບໃບຍ້ອງຍໍໃຫ້ແກ່ ບັນດາທ່ານໝໍຂະແໜງສາທາລະນະສຸກ ຈຳນວນ 28 ສະຫາຍ.

(ຫັດ​ທະ​ບູນ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll