ພິທີປະດັບຫຼຽນໄຊມິດຕະພາບ, ຫຼຽນໄຊແຮງງານຊັ້ນ III ຂອງປະທານປະເທດ ແຫຼ່ງ ສປປລາວ ໃຫ້ແກ່ ແຂວງ ດ້ຽນບຽນ ແລະ ກອງບັນຊາການຕໍາຫຼວດແຂວງ ດ້ຽນບຽນ

14:29 2018/05/24

​ຍ​ສ​ໝ - ໃນວັນທີ 23 ພຶດສະພາ, ທ່ານ ເຈົ້າແຂວງໆ ດ້ຽນບຽນ ໄດ້ຈັດພິທີ ປະດັບຫຼຽນມິດຕະພາບ, ຫຼຽນໄຊແຮງງານ ຊັ້ນ III ຂອງປະທານປະເທດ ສາທາລະນະລັດ ປະຊາທິປະໄຕ ປະຊາຊົນລາວ ຂື້ນຢ່າງຍິ່ງໃຫຍ່ ເຊິ່ງປະດັບໃຫ້ ແຂວງ ດ້ຽນບຽນ ແລະ ກອງບັນຊາການຕໍາຫຼວດແຂວງ ດ້ຽນບຽນ(ປະເທດ ສາທາລະນະລັດ ສັງຄົມນິຍົມ ຫວຽດນາມ).

ພິທີປະດັບຫຼຽນໄຊມິດຕະພາບ, ຫຼຽນໄຊແຮງງານຊັ້ນ III ຂອງປະທານປະເທດ ແຫຼ່ງ ສປປລາວ ໃຫ້ແກ່ ແຂວງ ດ້ຽນບຽນ  ແລະ ກອງບັນຊາການຕໍາຫຼວດແຂວງ ດ້ຽນບຽນ

ໃນນາມຕ່າງໜ້າຂອງປະທ່ານປະເທດແຫ່ງ ສປປລາວ, ສະຫາຍ  ເພັດຖາວອນ ພິລາວັນ ກຳ​ມະ​ການ​ສູນ​ກາງ​ພັກ, ເລຂາພັກ ແຂວງໆ ຫຼວງນໍ້າທາ  ໄດ້ໃຫ້ກຽດປະ​ດັບຫຼຽນໄຊມິດຕະພາບ ໃຫ້ແກ່ ແຂວງ ດ້ຽນບຽນ.

ໃນ​ພິ​ທີປະ​ດັບ​ຫຼຽນ​ຄັ້ງ​ນີ້, ຝ່າຍແຂວງ ດ້ຽນບຽນ ປະ​ກອບ​ມີ:  ສະຫາຍ ເລິມ​ວັນ​ນຳ  ຮອງ​ເລ​ຂາ​ປະ​ຈຳ​ພັກ ແຂວງ  , ສະຫາຍ ມົວອາ ເຊີນ ຮອງເລຂາ ພັກ​ແຂວງ ເຈົ້າ​ແຂວງ;  ສະຫາຍ ເລຈ້ອງໂຄຍ ຮອງປະທານສະພາປະຊາຊົນແຂວງ, ທ່ານ ລໍ່ວັນມຶ່ງ ກຳມະການປະ​ຈຳ ພັກແຂວງ, ປະ​ທານກຳ​ມະ​ການ​ແນວ​ໂຮມປ້ອງ​ກັນ​ຊາດ​ແຂວງ; ​ ບັນດາສະ​ຫາຍ ການ​ນຳຂັ້ນແຂວງ, ຕາງ​ໜ້າ​ຄະ​ນະ​ນຳ​ຂອງພະແນກ, ຂະ​ແໜງ, ອົງການຈັດຕັ້ງມະຫາຊົນຂັ້ນ​ແຂວງ. ​ຝ່າຍ ສປປລາວ ປະ​ກອບມີ : ສະ​ຫາຍ ເພັດ​ຖາ​ວອນ ພິ​ລາ​ວັນ, ກໍາມະການສູນກາງພັກ, ເລຂາພັກແຂວງ, ເຈົ້າ ແຂວງ ຫຼວງນ້ຳທາ.

ໃນນາມປະທານແຫ່ງ ສ. ປ. ປລາວ, ສະ​ຫາຍ ເພັດ​ທະ​ວອນ ພິ​ລາວັນ ໄດ້ມອບຫຼຽນໄຊແຮງງານຊັ້ນ III ໃຫ້ແກ່ຕໍາຫຼວດແຂວງ ດຽນ​ບຽນ.

ໃນພິທີປະ​ດັບ​ດັ່ງ​ກ່າວ, ສະ​ຫາຍ ເພັດ​ທະ​ວອນ ພິ​ລາ​ວັນ ຢັ້ງ​ຢືນ​ວ່າ: ແຂວງ ຫລວງນ້ຳທາ ແລະ ແຂວງ ດຽນ​ບຽນ ​ບໍ່​ມີ​ ​ຊາຍ​ແດນ​ຮ່ວມ​ກັນ, ແຕ່ທັງສອງແຂວງທີ່ມີປະຫວັດສາດ, ຕົ້ນກໍາເນີດ , ປະເພນີ ວັດ​ທະ​ນາ​ທຳ ທີ່ຄ້າຍຄືກັນ. ໃນ​ໄລ​ຍະ​ແຫ່ງ ການຕໍ່ສູ້ ກູ້​ຊາດ, ແຂວງ ດຽນ​ບຽນ ໄດ້ກາຍເປັນທີ່​ໝັ້ນ ທີ່​ສຳ​ຄັນ ຂອງ​ການປະຕິວັດລາວ, ບັນ​ດາກອງກໍາລັງເຂົ້າ​ຮ່ວມປົດປ່ອຍ ບັນດາແຂວງທາງພາກເຫນືອຂອງລາວ, ໂດຍສະເພາະຂະບວນການປົດປ່ອຍ ຫຼວງ​ນ້ຳ​ທາ ໃນປີ 1962. ມາ​ຮອດໄລຍະປົກ​ປັກ​ຮັກ​ສາ ແລະ ພັດ​ທະ​ນາປະເທດ, ແຂວງ​ ດຽນ​ບຽນ ຍັງສືບຕໍ່ຮ່ວມມື ແລະ ​ຊ່ວຍ​ເຫຼືອ ແຂວງຫລວງນ້ໍາທາ ​ດ້ານການຄ້າ, ການບໍລິການ, ການທ່ອງທ່ຽວ, ການພັດທະນາ ວັດທະນະທໍາ ປະເພນີ; ຊ່ວຍ​ເຫຼືອ ດ້ານການພັດທະນາພື້ນຖານໂຄງລ່າງ, ວັດທະນະທໍາ - ສັງຄົມ, ການກະສິກໍາ, ປ່າໄມ້, ​ດ້ານ​ຄວາມ​ສະ​ຫງົບ - ປ້ອງ​ກັນປະ​ເທດ ແລະ ​ກໍ່​ສ້າງຊັບພະຍາກອນມະນຸດ.  ​ດ້ວຍ​ຄວາມ​ໝາຍ, ຄວາມສໍາຄັນອັນໃຫຍ່ຫລວງນັ້ນ ທ່ານ ປະທານປະເທດ​ສ​ປ​ປ ລາວ ໄດ້ມອບ ແລະ ປະ​ດັ​ບ ຫຼຽນ​ໄຊ ມິດຕະພາບ ໃຫ້​ກັບ​ແຂວງ ດ້ຽນບຽນ ແລະ ປະດັບຫຼຽນໄຊແຮງງານ ຊັ້ນ3 ໃຫ້​ກອງ​ບັນ​ຊາ​ການຕໍາຫຼວດແຂວງ ດຽນ​ບຽນ, (ສ​ສ ຫວຽດ​ນາມ.)

ກ່າວຄໍາເຫັນ ໃນພິທີມອບ​ຮັບດັ່ງກ່າວ: ສະ​ຫາຍ ມົ່ວ​ອາ​ເຊີນ, ຮອງ​ເຈົ້າແຂວງໆ ດຽນ​ບ​ຽນ, ເນັ້ນຫນັກ: ແຂວງ ດ້ຽນບຽນ ເປັນ​ກຽດ ແລະ ພາກ​ພູມ​ໃຈ​ເປັນ​ຢ່າງ​ຍິ່ງ ທີ່ ທ່ານປະທານ​ແຫ່ງ  ສ.ປ.ປ. ລາວ ໄດ້ປະ​ດັບ ຫຼຽນມິດຕະພາບ ສໍາລັບຄະ​ນະ​ພັກ ແລະ ປະຊາຊົນ ແຂວງ ​ດຽນ​ບ​ຽນ; ຫຼຽນ​ໄຊແຮງງານ ຊັ້ນສາມ ໃຫ້​ແກ່ກອງ​ບັນ​ຊາ​ການຕໍາຫຼວດແຂວງ ດ້ຽນບຽນ. ຕ່າງ​ໜ້າ​​ພັກ-ລັດ​ ແລະ ປະ​ຊາ​ຊົນ​ບັນ​ດາ​ເຜົ່າພາຍໃນ​ແຂວງ, ເຈົ້າ​ແຂວງໆ ດ້ຽນບຽນ ມົ່ວ​ອາ​ເຊິນ ໄດ້ສະແດງຄວາມຂອບໃຈຢ່າງຈິງໃຈເຖິງຄວາມຮູ້ສຶກທີ່ດີງາມຂອງພັກ ແລະ ລັດຖະ​ບານ​ລາວ ແລະແຂວງ ຫຼວງນ້ຳ​ທາ ໄດ້ມອບໃຫ້ແຂວງ ດ້ຽນບຽນ; ພ້ອມ​ກັນ​ນັ້ນ ທ່ານ​ຍັງມີ​ຄວາມ​ປາດ​ຖະ​ໜາ​ວ່າ:  ສາຍ​ພົວພັນຮ່ວມ​ມື ລະຫວ່າງ ສອງປະເທ​ດ ຫວຽດນາມ - ລາວ ແລະ 2 ແຂວງຄື: ດ້ຽນບຽນ - ຫຼວງນ້ຳທາ ນັບ​ມື້​ນັບ​ມີ​ຄວ​າມ​ແໜ້ນຂື້ນ​ເລື່ອຍໆ, ຮ່ວມມື ແລະ ການພັດທະນາ ຢ່າງ​ຍືນ​ຍົງ ...

(ຫັດ​ທະ​ບູນ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll