ປິດຊຸດຮຽນພາສາລາວໃຫ້ພະນັກງານລັດຖະກອນ ແລະ ນາຍທະຫານ ແຂວງແທງຮວາໃນປີ 2019

17:08 2019/07/31

ຍສໝ - ຕອນບ່າຍວັນທີ 30 ກໍລະກົດ 2019, ກອງບັນຊາການທະຫານຊາຍແດນ ສົມທົບກັບພະແນກພາຍໃນແຂວງແທງຮວາ ໄດ້ຈັດພິທີປິດຊຸດຮຽນພາສາລາວໃຫ້ພະນັກງານ 43 ຄົນທີ່ເປັນພະນັກງານລັດຖະກອນຂອງເມືອງ ເມຶ່ອງລ໋າດ, ກ່ວານເຊີນ, ກ່ວານຮ໋ວາ... ແລະ ນາຍທະຫານວິຊາສະເພາະ ທີ່ເຮັດວຽກຢູ່ຄ້າຍທະຫານປ້ອງກັນຊາຍແດນຫວຽດນາມ - ລາວ.

ຊຸດຮຽນຄັ້ງນີ້ແມ່ນຫຼັກສູດທີ 9 ໂດຍກະຊວງບັງຄັບບັນຊາປ້ອງກັນຊາຍແດນ ສົມທົບກັບພະແນກພາຍໃນແຂວງແທງຮວາ ທີ່ເປີດສອນຕາມຫຼັກສູດພື້ນຖານ ພາສາລາວ... ພາຍຫຼັງເວລາ 2 ເດືອນຂອງການຝຶກອົບຮົມ ໃນຮູບແບບການຮຽນລວມ, ຫ້ອງຮຽນໄດ້ປະກອບໃຫ້ນັກຮຽນມີຄວາມຮູ້ກ່ຽວກັບການສື່ສານທົ່ວໄປ, ເຂົ້າໃຈ ແລະ ເວົ້າພາສາລາວໄດ້, ນັກຮຽນໄດ້ປະຕິບັດຕາມກົດລະບຽບພາຍໃນຢ່າງເຂັ້ມງວດ ແລະ ລະບຽບການຂອງ ໜ່ວຍງານ. ດັ່ງນັ້ນ, ຜົນການຮ່ຳຮຽນໄດ້ຮັບ ແມ່ນ 100%  ນັກຮຽນໄດ້ຕອບສະໜອງຕາມເງື່ອນໄຂທີ່ສະເໜີໄວ້, ໃນນັ້ນ ມີ16 ຄົນໄດ້ຮຽນຈົບ ຢ່າງດີເລີດ.

ພິທີປິດຊຸດຮຽນພາສາລາວ ແຂວງແທງຮວາໃນປີ 2019. (ພາບ: baothanhhoa.vn)

ນີ້ແມ່ນພື້ນຖານໃຫ້ນັກສຶກສາພາຍຫຼັງການຮຽນຈົບ ທີ່ກັບບ້ານເຮັດວຽກຢູ່ທ້ອງຖິ່ນ ແລະ ໜ່ວຍ ງານ ເຊິ່ງຮັບຜົນສຳເລັດໄດ້ດີໃນວຽກງານເສນາທິການໃຫ້ຄະນະພັກແຂວງ ແລະ ອຳນາດການປົກຄອງທ້ອງຖິ່ນ ໄດ້ປະຕິບັດວຽກງານການຕ່າງປະເທດຂອງພັກ, ລັດເປັນຢ່າງດີ ແລະ ສ້າງສາຍພົວພັນມິດຕະພາບ, ສາມັກຄີລະຫວ່າງ 2 ແຂວງແທງຮ໋ວາ - ຫົວພັນ, 2 ປະເທດຫວຽດນາມ - ລາວ. 

ໂຄສະນາ ແລະ ຂົນຂວາຍປະຊາຊົນສອງຝ່າຍໃນ ຊາຍແດນ, ຮັກສາຄວາມສະຫງົບທາງດ້ານການເມືອງ - ຄວາມເປັນລະບຽບຮຽບຮ້ອຍ ແລະ ຄວາມປອດໄພດ້ານສັງຄົມ, ຊ່ວຍເຫຼືອເຊິ່ງກັນ ແລະ ກັນໃນການລົບລ້າງຫຼຸດຜ່ອນຄວາມທຸກຍາກ, ສ້າງເສັ້ນຊາຍແດນໄດ້ສັນຕິພາບ, ມິດຕະພາບ ແລະ ການພັດທະນາ.

ຄຳຮຸ່ງ
;

同类别新闻