ປິດຊຸດຝຶກອົບຮົມ ຄວາມສາມາດດ້ານການທູດ ແລະ ແປພາສາ ໃຫ້ແກ່ພະນັກງານລາວ

10:36 2018/09/21

ຍສໝ - ຕອນບ່າຍຂອງວັນທີ 20 ກັນຍາ ຢູ່ ກະຊວງການຕ່າງປະເທດຫວຽດນາມ ໄດ້ຈັດພິທີອັດຊຸດຝືກອົບຮົມ “ ຄວາມຮູ້ ຄວາມສາມາດ ດ້ານວຽກງານການທູດ” ແລະ ຊຸດຝຶກອົບຮົມ ຄວາມສາມາດດ້ານການແປພາສາຕ່າງປະເທດ ໃຫ້ແກ່ ພະນັງານ ລັດຖະກອນກະຊວງ ການຕ່າງປະເທດ ສປປ ລາວ.

ປິດຊຸດຝຶກອົບຮົມ ຄວາມສາມາດດ້ານການທູດ ແລະ ແປພາສາ ໃຫ້ແກ່ພະນັກງານລາວ

ເຂົ້າຮ່ວມໃນການປິດຊຸດຝຶກອົບຮົມຄັ້ງນີ້ຝ່າຍກະຊວງການຕ່າງປະເທດ ປະກອບມີ: ເລຂາລັດຖະມົນຕີ ທ່ານ ຟ້າມແຊັງ ເຈົາ ຕ່າງໜ້າການນຳກະຊວງການຕ່າງປະເທດເຂົ້າຮ່ວມ ແລະ ຍິນດີກັບພະນັກງານລາວທີ່ເຂົ້າຮ່ວມຊຸດຝຶກອົບຮົມ; ຮສຈ.ປອ ຫງວ໋ຽນຫວູ໋ ຕຸ່ງ ອຳນວຍການ ສະຖາບັນ ການຕ່າງປະເທດ ພ້ອມກັບຕ່າງໜ້າການນຳບັນດາຫ້ອງການຂອງ ກະຊວງການຕ່າງປະເທດ ແລະ ສະຖາບັນການຕ່າງປະເທດ. ສ່ວນຝ່າຍ ສະຖານທູດລາວ ປະຈຳ ຮ່າໂນ້ຍ ປະກອບມີ : ທ່ານ ວຽງໄຊ ດາລາແສນ ທີ່ປຶກສາເອກອັກຄະລັດຖະທູດ ເຂົ້າຮ່ວມ.

ເລຂາລັດຖະມົນຕີ ທ່ານ ຟ້າມແຊັງ ເຈົາ ກ່າວຄຳປາໄສໃນພິທີປິດຊຸດຝຶກອົບຮົມ.

ກ່າວຄຳເຫັນໃນພິທີອັດຊຸດຝຶກອົບຮົມ ທ່ານເລຂາລັດຖະມົນຕີ ຟ້າມແຊັງ ເຈົາ ຢັ້ງຢືນວ່າ: ຊຸດຝຶກອົບຮົມຄັ້ງນີ້ ນອນຢູ່ໃນແຜນງານການເຄື່ອນໄຫວ ແນໃສ່ເພີ່ມທະວີສາຍພົວພັນມິດຕະພາບພິເສດ ລະຫວ່າງ ຫວຽດນາມ ແລະ ລາວ ເພື່ອຊ່ວຍເຫຼືອປະເທດລາວອ້າຍນ້ອງ ໃນວຽກງານການກໍ່ສ້າງພະນັກງານ.

ທ່ານຍັງຫວັງເປັນຢ່າງຍິ່ງວ່າ: ຜ່ານຊຸດຝຶກອົບຮົມໃນຄັ້ງນີ້ ພະນັກງານ ລັດຖະກອນ ຂອງ ສປປ ລາວ ຈະໄດ້ຮັບບົດຮຽນບໍ່ໜ້ອຍກໍ່ຫຼາຍ ໃນວຽກງານ ການທູດ ເຂົ້າໃຈຢ່າງແຈ່ມແຈ້ງ ວ່າ ລັດຖະບານ ແລະ ປະຊາຊົນຫວຽດນາມ ພິເສດ ເຫັນສຳສາຍພົວພັນ ແລະ ນຳ້ໃຈມິດຕະພາບ ຫວຽດ-ລາວ , ເຂົ້າໃຈຂື້ນຕື່ມ ກ່ຽວກັບນະໂຍບາຍການທູດກໍ່ຄືຮີດຄອງປະເພນີ ວັດທະນະທຳ ວິຖີຊີວິດຂອງປະຊາ່ຊົນຫວຽດນາມ.

ທ່ານອຳນວຍການ ສະຖາບັນການຕ່າງປະະເທດ ຮສຈ.ປອ ຫງວ໋ຽນຫວູ໋ ຕຸ່ງ ກ່າວຄຳປະໄສໃນງານປຶດຝຶກອົບຮົມ.

ທ່ານອຳນວຍການ ສະຖາບັນການຕ່າງປະະເທດ ຮສຈ.ປອ ຫງວ໋ຽນຫວູ໋ ຕຸ່ງ ເນັ້ນໜັກວ່າ: ຊຸດຝຶກອົບຮົມ ດ້ານຄວາມຮູ້ ຄວາມສາມາດ ແລະ ເຕັກນິກໃນການແປ ໃຫ້ແກ່ພະນັກງານ ລັດຖະກອນ ຂອງ ກະຊວງການທຕ່າງປະເທດ ລາວ ແມ່ນໂອກາດດີໃຫ້ແກ່ ກະຊວງການຕ່າງປະເທດທັງສອງປະເທດ ຮ່ວມກັນແບ່ງປັນ ແລກປ່ຽນບົດຮຽນກໍ່ຄືປະສົບການ ແລກປ່ຽນຄວາມຮູ້ ບົດຮຽນຕົວຈິງເພື່ອຈັດຕັ້ງປະຕິບັດວຽກງານໃຫ້ດີຂື້ນຕື່ມໃນອານາຄົດ ປະກອບສ່ວນຊຸກຍູ້ສາຍພົວພັນພິເສດລະຫວ່າງສອງປະເທດ.

ການນຳທັງສອງຝ່າຍ ລາວ-ຫວຽດ ຖ່າຍຮູບຮ່ວມກັບ ນັກຝຶກອົບຮົມ.

ນີ້ແມ່ນຊຸດຝຶກອົບຮົບທີສອງນອນຢູ່ໃນການປະຕິບັດຕາມ “ ສັນຍາຮ່ວມມື ລະຫວ່າງ ກະຊວງການຕ່າງປະເທດ ສສ ຫວຽດນາມ ແລະ ກະຊວງ ການຕ່າງປະເທດ ສປປ ລາວ ໄລຍະ 2014-2020” ແລະ “ ສັນຍາການຮ່ວມມື  ລະຫວ່າງ ສະຖາບັນການຕ່າງປະເທດ, ກະຊວງການຕ່າງປະເທດ ແຫ່ງ ສສ ຫວຽດນາມ ແລະ ສະຖາບັນການຕ່າງປະເທດ ກະຊວງ ການຕ່າງປະເທດ ແຫ່ງ ສປປ ລາວ”, ແລະ ຈິດໃຈການຊີ້ນຳ ກອງປະຊຸມປືກສາຫາລື ສອງຝ່າຍ ລະຫວ່າງ ກະຊວງການຕ່າງປະເທດ ຫວຽດນາມ-ລາວ ຄັ້ງທີ 2 ປີ 2015 : ເຫັນດີເປັນເອກກະພາບໃນການເພີ່ມທະວີ ປະສານສົມທົບ ແລະ ຮັດແໜ້ນ ການຮ່ວມມື ໃນຫຼາຍຂົງເຂດ ແລະໃນນັ້ນປະກອບມີ ການກໍ່ສ້າງ ຝຶກອົບຮົມ ພະນັກງານ-ລັດຖະກອນ ເຮັດວຽກງານການທູດຂອງສອງປະເທດ. ຊຸດຝຶກອົບຮົມຄັ້ງທຳອິດ ໄດ້ຖືກຈັດຂື້ນ ຢູ່ ຮ່າໂນ້ຍ ປີ 2016.

ຊຸດຝຶກອົບຮົມ ຄວາມຮູ້ຄວາມສາມາດ ໃຫ້ແກ່ ພະນັກງານ-ລັດຖະກອນ ຂອງ ກະຊວງ ການຕ່າງປະເທດ ລາວ ຄັ້ງນີ້ປະກອບມີ ພະນັກງານຈຳນວນ 30 ສະຫາຍ, ພະນັກງານ ກະຊວງການຕ່າງປະເທດ ຕີລາຄາສູງ ບັນດາ ເນື້ອໃນຂອງຊຸດຝຶກທີ່ນຳມາສິດສອນວ່າມີຄວາມອຸດົມສົມບູນ  ທັງເປັນຈິງ ແລະ ມີປະໂຫຍດຫຼາຍ. ວິທະຍາກອນ ແມ່ນນັກການທູດອະວຸໂສ , ບັນດາຄູອາຈານທີ່ມີປະສົບການ ແລະ ມີຄວາມທຸ້ມເທ ທັງອາດີດ ແລະ ກຳລັງພະນັກງານຫຼັກແຫຼ່ງ ພາຍໃນ ແລະ ຕ່າງປະເທດເປັນຕົ້ນແມ່ນ: ອາດີດ ຮອງນາຍົກລັດຖະມົນຕີ ຫວູ໋ຄວານ, ຮສຈ.ປອ ຫງວ໋ຽນຫວູ໋ ຕຸ່ງ, ທ່ານ ເຈີ່ນຫງ໋ອກ ແທັກ ອາດີ ເອກອັກຄະລັດຖະທູດ ປະຈຳ UAE ທັງເປັນ ອຳນວຍການສູນ ແປພາສາ-ສະຖາບັນການຕ່າງປະເທດ, ອາຈານ Jeff Smith ຫົວໜ້າຫ້ອງແປພາສາ ມະຫາວິທະຍາໄລ ຮ່າໂນ້ຍ, ນັກເສດຖະສາດ ຟ້າມຈີ ລານ, ການນຳບັດດາກົມ /ພະແນກ ຂອງກະຊວງການຕ່າງປະເທດ.

ການນຳທັງສອງຝ່າຍ ລາວ-ຫວຽດ ຖ່າຍຮູບຮ່ວມກັບ ນັກຝຶກອົບຮົມ.

ຄະນະພະນັກງານ ກະຊວງການຕ່າງປະເທດ ລາວ ກໍ່ໄດ້ເຮັດວຽກ ແລະ ແລກປ່ຽນກັບ 2 ພະແນກ ຂອງ ສະຖາບັນການຕ່າງປະເທດ ຄື: ສະຖາບັນ ຍຸດທະສາດ ແລະ ສະຖາບັນ ທະເລຕາເວັນອອກ.

ໃນເວລາເຂົ້າຝຶກອົບຮົມ ສະຖາບັນການຕ່າງປະເທດ ກໍ່ໄດ້ຈັດກິດຈະກຳ ແລະ ລາຍການ-ການໄປທັດສະນະ ຢ້ຽມຢາມ ເພື່ອໂຄສະນາ ແລະ ແນະນຳ ໃຫ້ແກ່ ພະນັກງານລາວ ເຖິງຄວາມສວຍງາມ ຂອງປະເທດ ແລະ ວິຖີຊີວິດຂອງປະຊາຊົນຫວຽດນາມຄື: ໄປທ່ຽວອ່າວ ຫະລ໋ອງ , ຈ່າງອານ-ບ໋າຍດິ໋ງ(ແຂວງນິງບິ່ງ) , ຊົມລາຍການສະແດງ ເຊີດຫຸ່ນກະບອກ ນຳ້....

(​ຫັດ​ທະ​ບູນ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll