ຍູ້ແຮງການແກ້ໄຂບັນຫາ ອົບພະຍົບແບບເສລີ ແລະ ແຕ່ງງານໂດຍບໍ່ຈົດທະບຽນສົມລົດ

09:05 2019/07/10

ຍສໝ - ການຈັດຕັ້ງປະຕິບັດ ຂໍ້ຕົກລົງ ລະຫວ່າງ ລັດຖະບານ ປະເທດ ສາທາລະນະລັດ ສັງຄົມນິຍົມ ຫວຽດນາມ ແລະລັດຖະບານ ປະເທດ ສປປ ລາວ ກ່ຽວກັບ ການແກ້ໄຂບັນຫາການອົບພະຍົບແບບເສລີ, ການແຕ່ງງານບໍ່ໄດ້ຮັບອະນຸຍາດຫຼືຂື້ນທະບຽນ ຢູ່ລຽບຕາມແນວຊາຍແດນ ຂອງສອງປະເທດ, ໃນອະດີດຜ່ານມາ ເມືອງເຮືອງຫວ໋າ ໄດ້ຈັດຕັ້ງປະຕິບັດ ຢ່າງຕັ້ງໜ້າ ບັນດາມາດຕະການເພື່ອກວດກາ, ເກັບກໍາຂໍ້ມູນ, ສ້າງລາຍຊື່ ສະເໜີຕໍ່ອໍານາດການປົກຄອງທີ່ຄຸ້ມຄອງເພື່ອອະນຸມັດ ດໍາເນີນເອກະສານ.

ຍູ້ແຮງການແກ້ໄຂບັນຫາ ອົບພະຍົບແບບເສລີ ແລະ ແຕ່ງງານໂດຍບໍ່ຈົດທະບຽນສົມລົດ
ເພີ່ມທະວີໂຄສະນາເຜີຍແຜ່ລະບຽບກົດໝາຍ ໃຫ້ປະຊາຊົນຊົນເຜົ່າສ່ວນໜ້ອຍ. (ພາບ:baoquangtri.vn)                                      

ອີງຕາມບົດລາຍງານ ຂອງຄະນະກໍາມະການປະຊາຊົນເມືອງ ເຮືອງຫວ໋າ, ໃນໄລຍະຜ່ານມາ, ພາຍໃນເມືອງ ໄດ້ອະນຸມັດລາຍຊື່ ຈຳນວນ 71 ຄອບຄົວ, ເຊິ່ງມີຈຳນວນ 362 ຄົນ, ເປັນຜູ້ອົບພະຍົບແບບເສລີ, ມີ 358 ກໍລະນີ ແຕ່ງງານໂດຍບໍ່ໄດ້ຮັບອະນຸຍາດກໍ່ຄືເຮັດທະບຽນສົມລົດ. ໃນນັ້ນມີຈໍານວນ 240ກໍລະນີ  ຢູ່ ຕາແສງ ອາເຢີຍ ໄດ້ຮັບການຈົດທະບຽນກຽມແລ່ນເອກະສານປ່ຽນສັນຊາດ, ຈົດທະບຽນການເກີດ, ຈົດທະບຽນສົມລົດ.

ໃນປີ 2019, ຄະນະກໍາມະການປະຊາຊົນແຂວງ ໄດ້ສະເຫນີຂື້ນເຖິງ ປະທານປະເທດ ອະນຸມັດຮັບສັນຊາດ ໃຫ້ແກ່ ພົນລະເມືອງຈຳນວນ 400 ກໍລະນີ , ເຊິ່ງໄດ້ແບ່ງອອກເປັນສອງຊຸດ. ໃນຈໍານວນ 80 ກໍລະນີ ທີ່ຍັງບໍ່ທັນໄດ້ເຮັດເອກະສານຮັບສັນຊາດ, ມີ 61 ກໍລະນີ ເງື່ອນໄຂຍັງບໍ່ທັນຄົບຍ້ອນຫຼາຍເຫດຜົນ ເຊັ່ນ: ປະຊາຊົນ ກັບຄືນມາປະເທດລາວ, ລາຍຊື່ອະນຸມັດຊຳ້ກັນ, ບາງກໍ່ລະນີ ມີສັນຊາດຫວຽດນາມແລ້ວ.

ຕໍ່ກັບການກວດກາ, ທົບທວນຄືນ, ແລະ ເກັບກຳສະຖິຕິ ຄົນອົບພະຍົບແບບເສລີ, ການແຕ່ງງານໂດຍບໍ່ມີໃບສົມລົດແຕ່ປີ 2013 ກັບຄືນ(ນອກບັນຊີລາຍຊື່ທີ່ໄດ້ຮັບອະນຸມັດ) ຢູ 7 ຕາແສງຄື: ຫຸກ, ເຮືອງເຊີນ, ເຮືອງລິງ, ເຕິນບຽນ, ເຕິນເລິບ, ເຮືອງລົກ ແລະ ຕົວເມືອງແຄແຊັງ ປະຈຸບັນຍັງເຫຼືອ 59 ກໍລະນີ ທີ່ຍັງບໍ່ທັນໄດ້ຮັບສັນຊາດ ແລະ ໃບທະບຽນສົມລົດ. 

ເປັນທີ່ຮູ້ນຳກັນວ່າ ເມື່ອຮອດ ວັນທີ 14 ພະຈິກ ປີ 2019, ຂໍ້ຕົກລົງ ລະຫວ່າງ ລັດຖະບານ ປະເທດ ສັງຄົມນິຍົມຫວຽດນາມ ແລະ ລັດຖະບານ ສປປ ລາວ ໃນການແກ້ໄຂບັນຫາຄົນອົບພະຍົບແບບເສລີ ແລະ ການແຕ່ງງານທີ່ບໍ່ມີໃບສົມລົດ ຢູ່ລຽບຕາມແນວຊາຍແດນ ຂອງສອງປະເທດ ຈະຫມົດອາຍຸ. ດັ່ງນັ້ນ, ໃນໄລຍະຕໍ່ໄປ, , ກະຊວງຍຸຕິທໍາ ຈະເປັນເຈົ້າການສືບຕໍ່ ປະສານສົມທົບ ຢ່າງແຫນ້ນແຟ້ນ ກັບ ຄະນະກໍາມະການປະຊາຊົນ 7 ແຂວງ ມີຊາຍແດນຮ່ວມ ກັບ ສປປ  ລາວ, ໃນນັ້ນມີ ແຂວງກວ້າງຈິ, ໄດ້ມີບັນຊີລາຍຊື່ຂອງພົນລະເມືອງລາວ ທີ່ ຍ້າຍຖິ່ນຖານແບບເສລີ ດຳລົງຊີວິດຢູ່ ທ້ອງຖິ່ນ ໄດ້ຮັບການອະນຸມັດ, ສຸມໃສ່ການເຮັດສຳເລັດ ໃບຄໍາຮ້ອງຂໍສັນຊາດ ຫວຽດນາມ ໃຫ້ບັນດາຄອບຄົວກໍ່ຄືບຸກຄົນທີ່ເງື່ອນໄຂຍັງບໍ່ທັນພຽງພໍ. 

(ຫັດ​ທະ​ບູນ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll