ຂຸດພົບອັດຖິທະຫານອາສາສະໝັກຫວຽດນາມ ທີ່ບ້ານນາໝາກເກືອ 13 ອັດຖິ

00:54 2019/05/15

ຕາມການລາຍງານຂອງ ນສພ ສະຫວັນພັດທະນາ ໃຫ້ຮູ້ວ່າ ໃນທ້າຍທິດທີ່ຜ່ານມາ, ຄະນະປະຕິບັດງານພິເສດ ທະຫານເຂດ 4 ສສ ຫວຽດນາມ ເຊິ່ງນຳໂດຍທ່ານ ພົນຈັດຕະວາ ຫງວຽນດຶງຮວາ ຮອງຫົວໜ້າການເມືອງທັງເປັນ ຫົວໜ້າຄະນະຊີ້ນຳ 515 ທະຫານ ເຂດ 4 ພ້ອມຄະນະປະຕິບັດ ງານພິເສດແຂວງສະຫວັນນະເຂດ ແລະ ພະແນກການກ່ຽວ ຂ້ອງໄດ້ພ້ອມກັນລົງຕິດຕາມການຂຸດຄົ້ນ, ຊອກຫາອັດຖິທະຫານອາສາສະໝັກ ແລະ ຊ່ຽວຊານຫວຽດນາມ ທີ່ເສຍສະຫຼະຊີວິດໃນປາງສົງຄາມຢູ່ ສປປ ລາວ ໃນເຂດ ບ້ານນາໝາກເກືອ ເມືອງອາດສະພອນ.

ຂຸດພົບອັດຖິທະຫານອາສາສະໝັກຫວຽດນາມ ທີ່ບ້ານນາໝາກເກືອ 13 ອັດຖິ
ຄະນະປະຕິບັດງານພິເສດ ທະຫານເຂດ 4 ສສ ຫວຽດນາມ ກຳລັງຂຸດຄົ້ນ ອັດຖິທະຫານອາສາສະໝັກ ຫວຽດນາມ.

ໂອກາດນີ້, ທ່ານພົນຈັດຕະວາ ຫງວຽນດຶງຮວາ ໄດ້ໂອ້ລົມ ແລະ ສະແດງຄວາມຍ້ອງຍໍຊົມເຊີຍຕໍ່ຄະນະກອງພັນປະຕິບັນງານພິເສດ 584 ແລະ ຄະນະພັກ-ຄະນະບັນຊາທະຫານເມືອງອາດສະພອນ ຕະຫຼອດຮອດອຳນາດການຄອງບ້ານນາໝາກເກືອທີ່ເອົາໃຈໃສ່ ໃນການໃຫ້ຄວາມຮ່ວມມື ແລະ ໃຫ້ຂໍ້ມູນໃນການຊອກຄົ້ນອັດຖິຄັ້ງນີ້ ຈົນສາມາດຂຸດຄົ້ນໄດ້ຕົວຈິງໃນບໍລິເວນຂອບເຂດ ບ້ານດັ່ງກ່າວຈຸດດຽວໄດ້ຈຳນວນ 13 ອັດຖິ ຈາກນັ້ນ, ຄະນະລາວ-ຫວຽດນາມກໍ່ຍັງໄດ້ປຶກສາຫາລືກັນ ກ່ຽວກັບການຂຸດຄົ້ນອັດຖິເພື່ອ ໃຫ້ມີຄວາມສະດວກຂຶ້ນຕື່ມ.

ໂອກາດດຽວກັນ, ທ່ານ ພົນຈັດຕະວາ ຫງວຽນດຶງຮວາ ພ້ອມຄະນະປະຕິບັດງານພິເສດແຂວງກວາງຈິ ກໍ່ໄດ້ມອບຂອງຂວັນເປັນເຄື່ອງ ອຸປະໂພກ-ບໍລິໂພກຈຳນວນໜຶ່ງ ເພື່ອຊຸກຍູ້ນ້ຳໃຈ ແລະ ໃຫ້ກຳລັງໃຈຕໍ່ຄະນະກອງພັນປະຕິບັດງານພິເສດ 584, ຄະນະອຳນາດການປົກຄອງ ແລະ ປະຊາຊົນ. ທີ່ຊ່ວຍເຫຼືອໃຫ້ຂໍ້ມູນໃນການຊອກຫາອັດຖິຄັ້ງນີ້ ຈົນໄດ້ຮັບຜົນສຳເລັດ./

(ແຫຼ່ງ​ຂໍ້​ມູນ​: Savanhphuttana News)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll