ກອງປະຊຸມພົບປະເຈລະຈາ ລະຫວ່າງ ຄະນະຈັດຕັ້ງແຂວງ ກວ້າງຈິ ແລະ ຄະນະຈັດຕັ້ງແຂວງສາລະວັນ

07:56 2019/08/22

ຍສໝ - ມື້ນີ້ວັນທີ 21 ສິງຫາ 2009, ທີ່ນະຄອນດົງຮ່າ, ຄະນະຜູ້ແທນ ຄະນະ ຈັດຕັ້ງແຂວງສາລະວັນ (ສປປ ລາວ), ນຳໂດຍຮອງເລຂາ, ຫົວໜ້າ ຈັດຕັ້ງແຂວງ ທ່ານ ບຸນທຽມ ແກ້ວໄຊຍະວົງ ເປັນຫົວໜ້າຄະນະ ມາພົບປະກັບ ຄະນະ ຈັດຕັ້ງ ແຂວງກວ້າງຈີ ເພື່ອຕີລາຄາຄືນຜົນຂອງການຈັດຕັ້ງປະຕິບັດບົດບັນທຶກການຮ່ວມມືໃນປີ 2016, ປຶກສາຫາລື ແລະ ເຊັນບົດບັນທຶກຊ່ວຍຈຳ ການຮ່ວມມື ລະຫວ່າງ ຄະນະ ຈັດຕັ້ງຂອງສອງແຂວງໃນໄລຍະປີ 2019-2022.ຫົວໜ້າ ຄະນະຈັດຕັ້ງ ແຂວງກວ້າງຈີ ຟານ ວັນ ຟຸ້ງ ໄດ້ໃຫ້ການຕ້ອນຮັບ ແລະ ເຮັດວຽກກັບຄະນະ.

ກອງປະຊຸມພົບປະເຈລະຈາ ລະຫວ່າງ ຄະນະຈັດຕັ້ງແຂວງ ກວ້າງຈິ ແລະ ຄະນະຈັດຕັ້ງແຂວງສາລະວັນ
ບັນຍາກາດທີ່ກອງປະຊຸຸມ.(ພາບ: baoquangtri.vn)

ທີ່ກອງປະຊຸມພົບປະ, ສອງຝ່າຍໄດ້ສະຫຼຸບລາຍງານໂດຍຫຍໍ້ ກ່ຽວກັບສະພາບການເສດຖະກິດ - ສັງຄົມ, ການປ້ອງກັນຊາດ - ປ້ອງກັນຄວາມສະຫງົບ; ແລກປ່ຽນປະສົບການ ກ່ຽວກັບການກໍ່ສ້າງພັກ, ໂດຍສະເພາະແມ່ນວຽກງານການຈັດຕັ້ງ ກໍ່ສ້າງພັກຂອງສອງແຂວງ, ວຽກງານການກະກຽມກອງປະຊຸມໃຫຍ່ຂອງພັກທຸກຂັ້ນໃນໄລຍະ 2020-2025 ແລະ ຕີລາຄາຄືນຜົນຂອງການຈັດຕັ້ງປະຕິບັດ ບົດບັນທຶກຄວາມເຂົ້າໃຈ ທີ່ໄດ້ເຊັນລົງນາມໃນປີ 2016. ໃນໄລຍະທີ່ຜ່ານມາ, ຄະນະຈັດຕັ້ງແຂວງກວ້າງຈີ ຂອງຄະນະພັກໄດ້ເປັນປະທານການເສນາທິການ, ປະສານສົມທົບ ສະຫຼຸບ 10 ຂອງການກໍ່ສ້າງ ທິດສະດີການເມືອງ-ການປົກຄອງ ຊັ້ນກາງໃຫ້ແກ່ຖັນແຖວພະນັກງານສອງ, ແຂວງສະຫວັນນະເຂດ ແລະ ແຂວງສາລະວັນ. ຈາກນັ້ນ, ໂຮງຮຽນການເມືອງ ເລຢ້ວນ ໄດ້ເປີດຊຸດກໍ່ສ້າງ ທິດສະດີການເມືອງ ຊັ້ນກາງຊຸດ ທີ 8 ໃຫ້ແກ່ນັກຮຽນຈຳນວນ 50 ສະຫາຍ, ໃນນັ້ນແຂວງສາລະວັນ ມີນັກຮຽນ 25 ຄົນ; ວິທະຍາໄລສ້າງຄູຊັ້ນສູງ ກວາ້ງຈິ ກໍ່ສ້າງ ເຕັກໂນໂລຢີຂໍ້ມູນຂ່າວສານ ໃຫ້ນັກຮຽນຈຳນວນ 10 ສະຫາຍ, ໃນນັ້ນແຂວງສາລະວັນມີນັກຮຽນຈຳນວນ 5 ຄົນ, ກໍ່ສ້າງຂະແໜງຫວຽດນາມວິທະຍາ ໃຫ້ນັກຮຽນຈຳນວນ 11ສະຫາຍ, ໃນນັ້ນແຂວງສາລະວັນມີນັກຮຽນ 5 ສະຫາຍ; ວິທະຍາໄລການແພດຊັ້ນສູງ ກວາ້ງຈີ ບຳລຸງກສ້າງນັກຮຽນຈຳນວນ 77 ຄົນ, ໃນນັ້ນແຂວງສາລະວັນມີນັກຮຽນ 21 ຄົນ; ກອງບັນຊາການທະຫານຊາຍແດນແຂວງ ເປີດຊຸດອົບຮົມວຽກງານຄຸ້ມຄອງຊາຍແດນໃຫ້ພະແນກ ປກສ, ທະຫານແຂວງສະຫວັນນະເຂດ ແລະ ແຂວງສາລະວັນ ຈຳນວນ 100 ຄົນ ...

ເພື່ອເສີມຂະຫຍາຍມູນເຊື້ອແຫ່ງການພົວພັນມິດຕະພາບແບບພິເສດ ລະຫວ່າງ ສອງພັກ, ສອງລັດ ແລະ ໝາກຜົນຂອງການຈັດຕັ້ງປະຕິບັດບົດບັນທຶກຄວາມເຂົ້າໃຈໃນປີ 2016, ການນຳ ຂອງສອງອົງການຈັດຕັ້ງ ໄດ້ປຶກສາຫາລື ແລະ ຕົກລົງເຫັນດີເປັນເອກະພາບກັນເຊັນບົດບັນທຶກຊ່ວຍຈຳ ໄລຍະປີ 2019-2022 , ສືບຕໍ່ເພີ່ມທະວີການຮ່ວມມື, ເພີ່ມທະວີ ແລະ ພັດທະນາ ສາຍພົວພັນອັນດີງາມ ລະຫວ່າງສອງອົງການຈັດຕັ້ງໃນທຸກຂົງເຂດ. ສືບຕໍ່ເສນາທິການ ກ່ຽວກັບການຈັດຕັ້ງປະຕິບັດຂໍ້ຕົກລົງທີ່ດີ ກ່ຽວກັບວຽກງານການຈັດຕັ້ງ ກໍ່ສ້າງພັກ ທີ່ ການນຳຂັ້ນສູງຂອງແຂວງສາລະວັນ ແລະ ແຂວງກວ້າງຈິ ແລະ ສອງອົງການຈັດຕັ້ງ ໄດ້ເຊັນລົງນາມນຳກັນ. ຄະນະຈັດຕັ້ງແຂວງສາລະວັນ ເສນາທິການໃຫ້ແກ່ກຳມະການພັກແຂວງສາລະວັນ ປະຈຳປີ ໃນການສ້າງແຜນ ສົ່ງເຈົ້າໜ້າທີ່ ໄປຝຶກອົບຮົມຊັ້ນກາງ ທິດສະດີການເມືອງ ແລະ ການປົກຄອງ ຢູ່ແຂວງກວ້າງຈິ, ເສນາທິການ ແລະ ຊີ້ນຳຂັ້ນຕອນການຮັບສະໝັກ ເພື່ອໄປຝຶກອົບຮົມ ຢູ່ແຂວງກວ້າງຈິ, ທັງຮັບປະກັນທັງມາດຕະຖານ ແລະ ຄຸນນະພາບ ທີ່ສະໝຳ່ສະເໝີ. ພະແນກຈັດຕັ້ງ ແຂວງກວ້າງຈີ ເປັນປະທານ, ໃນການປະສານສົມທົບກັບ ໜ່ວຍງານ ເສນາທິການໃຫ້ຄະນະປະຈຳ ພັກແຂວງຊີ້ນຳ ແລະ ສືບຕໍ່ຝຶກອົບຮົມ ດ້ານການເມືອງ - ການປົກຄອງ ຊັ້ນກາງ ໃຫ້ແກ່ ພະນັກງານແຂວງສາລະວັນ ໃນຊຸມປີຕໍ່ໜ້າ; ສະເໜີໃຫ້ຄະນະປະຈຳ ພັກແຂວງ, ຄະນະກຳມະການປະຊາຊົນແຂວງກວາ້ງຈິ ຜັນຂະຫຍາຍການຝືກອົບຮົມ ແລະ ຝຶກອົບຮົມວິຊາສະເພາະໃຫ້ແກ່ພະນັກງານແຂວງສາລະວັນ ໃນຂົງເຂດສາທາລະນະສຸກ, ກະສິກຳ, ຂໍ້ມູນຂ່າວສານ ແລະ ພາສາຕ່າງປະເທດ. ເພີ່ມທະວີການແລກປ່ຽນຂໍ້ມູນຂ່າວສານ, ແລກປ່ຽນປະສົບການ ກ່ຽວກັບການຈັດຕັ້ງກອງປະຊຸມໃຫຍ່ຂອງພັກຂັ້ນຮາກຖານ, ກ້າວໄປສູ່ການຈັດຕັ້ງກອງປະຊຸມໃຫຍ່ ພັກຂັ້ນແຂວງ ສະໄໝ 2020-2025 ຂອງສອງຝ່າຍ. 

ສອງຄະນະ ຈັດຕັ້ງ ຄົ້ນຄວ້າເພື່ອເສນາທິການ, ສະເໜີ ຂັ້ນແຂວງ, ອຳນາດການປົກຄອງ ຂອງແຕ່ລະແຂວງເພີ່ມເນື້ອໃນ , ຈຳນວນລາຍການ-ການຮ່ວມມື ແລະ ການພັດທະນາ ລະຫວ່າງສອງຝ່າຍ. ໃນໂອກາດມາຢ້ຽມຢາມ ແລະ ພົບປະເຈລະຈາ ກັບຄະນະຈັດຕັ້ງ ແຂວງກວ້າງຈີ, ຄະນະຜູ້ແທນຄະນະຈັດຕັ້ງແຂວງສາລະວັນ ນຳໂດຍ ຮອງເລຂາ ແລະ ຫົວໜ້າ ຈັດຕັ້ງ ບຸນທຽມ ແກ້ວໄຊຍະວົງ - ເປັນຫົວໜ້າຄະນະ ໄດ້ເຂົ້າພົບປະ ກັບ ຄະນະປະຈຳ ພັກແຂວງ. ຮອງເລຂາ ຄະນະ ປະຈຳພັກແຂວງ ຫງວ໋ຽນ ດັງ ກວາງ ໄດ້ໃຫ້ການຕ້ອນຮັບຄະນະ.

ກ່າວຄຳເຫັນທີ່ການຕ້ອນຮັບ, ຮອງເລຂາ ຄະນະ ປະຈຳພັກແຂວງ ຫງວ໋ຽນ ດັງ ກວາງ ໄດ້ສະຫຼຸບລາຍງານໂດຍຫຍໍ້ ກ່ຽວກັບບາງຜົນສຳເລັດ ດ້ານເສດຖະກິດ - ສັງຄົມ, ການປ້ອງກັນຊາດ - ປ້ອງກັນຄວາມສະຫງົບ ແລະ ວຽກງານກໍ່ສ້າງພັກຂອງແຂວງກວ້າງຈິ. ໂດຍສະເພາະ, ທ່ານໄດ້ເນັ້ນໜັກ ເຖິງຜົນສຳເລັດຂອງແຂວງໃນໄລຍະຜ່ານມາ ມີການປະກອບສ່ວນ ອັນສຳຄັນຂອງການຈັດຕັ້ງກໍ່ສ້າງພັກ ແລະ ວຽກງານບຸຄະລາກອນທຸກຂັ້ນ. ຄະນະຈັດຕັ້ງຂອງສອງແຂວງ ໄດ້ໂອ້ລົມ ແລະ ແລກປ່ຽນປະສົບການ ກ່ຽວກັບການຈັດຕັ້ງກໍ່ສ້າງພັກ ເພື່ອປະກອບເສນາທິການໃຫ້ຄະນະປະຈຳ ຂອງສອງແຂວງ ບັນດາວິທີການແກ້ໄຂອັນດີ ແລະ ມີປະສິດທິຜົນ ເພື່ອນຳພາການກໍ່ສ້າງພັກທີ່ໂປ່ງໄສ, ເຂັ້ມແຂງ, ພິເສດແມ່ນໃນສະພາບການກະກຽມບຸກຄະລາກອນ ໃຫ້ແກ່ກອງປະຊຸມໃຫຍ່ຂອງພັກທຸກຂັ້ນໃນໄລຍະ 2020-2025. ວຽກງານການບໍລິຫານ ມີຄວາມໝາຍສຳຄັນ ເປັນສ່ວນໜຶ່ງ ທີ່ສຳຄັນເປັນ“ ກະແຈ”ຂອງພາລະກິດ, ປະກອບສ່ວນຢ່າງຕັ້ງ ໜ້າ ເຂົ້າໃນການພັດທະນາລວມຂອງແຂວງ.

ທ່ານຮອງເລຂາ, ຫົວໜ້າ ຈັດຕັ້ງແຂວງສາລະວັນ ບຸນທຽມ ແກ້ວໄຊຍະວົງ ສະແດງຄວາມຂອບໃຈ ຕໍ່ການຕ້ອນຮັບ ແລະ ມິດຕະພາບອັນດີ ຂອງການນຳແຂວງກວາ້ງຈິ  ທີ່ມອບໃຫ້ຄະນະ. ຂໍ້ມູນເພີ່ມເຕີມກ່ຽວກັບສະພາບການ ພາຍຫລັງ 1 ປີ ທີ່ກົມການເມືອງປະຊາຊົນປະຕິວັດລາວ ໄດ້ຈັດຕັ້ງປະຕິບັດກໍ່ຄືຜັນຂະຫຍາຍ ການຖອດຖອນບົດຮຽນ ຈາກ ພັກກອມມູນິດຫວຽດນາມ ກ່ຽວກັບການກໍ່ສ້າງພັກ ປອດໃສ, ເຂັ້ມແຂງ, ຮອງເລຂາ ແລະ ຫົວໜ້າຈັດຕັ້ງແຂວງສາລະວັນ ຫວັງເປັນຢ່າງຍິ່ງວ່າ: ໃນໂອກາດຕໍ່ໄປ ຄະນະພັກແຂວງກວ້າງຈີ ່ຈະອຳນວຍຄວາມສະດວກໃຫ້ແຂວງສາລະວັນ ສຶກສາ ແລະ ແລກປ່ຽນປະສົບການ ກໍ່ຄືແບບແຜນອັນດີ, ແນວຄວາມຄິດປະດິດສ້າງ, ມີປະສິດທິຜົນ ໃນການກໍ່ສ້າງພັກເວົ້າລວມ ແລະ ການຈັດຕັ້ງກໍ່ສ້າງພັກ ເວົ້າສະເພາະ, ປະກອບສ່ວນເຂົ້າໃນການກໍ່ສ້າງໜ່ວຍພັກແຂວງສາລະວັນ ນັບມື້ນັບມີຄວາມປອດໃສ ແລະ ເຂັ້ມແຂງ.

(ຫັດ​ທະ​ບູນ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll