ປະທານກຳມະການປະຊາຊົນແຂວງກວ້າງຈິ ຕ້ອນຮັບການເຂົ້າພົບຂອງທ່ານກົງສຸນໃຫຍ່ແຫ່ງ ສປປລາວ

11:07 2019/02/15

ຕອນເຊົ້າຂອງວັນທີ 14 ກຸມພາ 2019 ທ່ານ ຫງວ໋ຽນ ດຶກຈິ໋ງ ປະທານກຳມະການປະຊາຊົນແຂວງ ກວ້າງຈິ ໄດ້ຕ້ອນຮັບ ທ່ານ ວຽງໄຊ ພົມມະຈັນ ກົງສຸນໃຫຍ່ແຫ່ງ ສປປ ລາວ ປະຈຳດ່າໜັງ ຄົນໃໝ່.

ປະທານກຳມະການປະຊາຊົນແຂວງກວ້າງຈິ ຕ້ອນຮັບການເຂົ້າພົບຂອງທ່ານກົງສຸນໃຫຍ່ແຫ່ງ ສປປລາວ
ທ່ານ ຫງວ໋ຽນ ດຶກຈິ໋ງ ປະທານກຳມະການປະຊາຊົນແຂວງ ກວ້າງຈິ ຕ້ອນຮັບທ່ານກົງສຸນໃຫຍ່ແຫ່ງ ສປປ ລາວ ປະຈຳດ່າໜັງ.(ພາບ:baoquangtri.vn)

ພາຍຫຼັງໄດ້ຮັບຕຳແໜ່ງໃໝ່ ຢູ່ ດ່າໜັງ, ທ່ານ ວຽງໄຊ ພົມມະຈັນ ກົງສຸນໃຫຍ່ແຫ່ງ ສປປ ລາວ ກໍ່ໄດ້ມາຢ້ຽມຢາມແຂວງກວ້າງຈິ. ທ່ານ ວຽງໄຊ ພົມມະຈັນ ຕີລາຄາສູງສາຍພົວພັນຮ່ວມມືຂອງ ແຂວງກວ້າງຈິ ກັບບັນດາທ້ອງຖິ່ນຂອງລາວ. ພິເສດແມ່ນໃນໄລຍະຜ່ານມາ ແຂວງກວ້າງຈິ ໄດ້ມີການຊ່ວຍເຫຼືອຫຼາຍຢ່າງໃຫ້ແກ່ບັນດາແຂວງທີ່ມີຊາຍແດນຮ່ວມກັນ ໃນການພັດທະນາເສດຖະກິດ-ສັງຄົມ, ປ້ອງກັນປະເທດ-ປ້ອງກັນຄວາມສະຫງົບ. ພ້ອມກັນນັ້ນກໍ່ສະແດງຄວາມຂອບໃຈຕໍ່ການຕ້ອນຮັບອັນອົບອຸ່ນຂອງການນຳແຂວງທີ່ມອບໃຫ້ຄະນະ.

ຕ່າງໜ້າການນຳຂອງແຂວງ, ທ່ານ ຫງວ໋ຽນ ດຶກຈິ໋ງ ປະທານກຳມະການປະຊາຊົນ ໄດ້ກ່າວອວຍພອນໃຫ້ແກ່ ທ່ານ ວຽງໄຊ ພົມມະຈັນ ໄດ້ຮັບການມອບໝາຍຈາກ ພັກ ແລະ ລັດຖະບານ ລາວ ສົ່ງມາຮັບຕຳແໜ່ງເປັນ ກົງສຸນໃຫຍ່ ປະຈຳນະຄອນດ່າໜັງ. ພ້ອມກັນນັ້ນ ຂໍ້ມູນກ່ຽວກັບຜົນສຳເລັດຂອງການຮ່ວມມື, ຊ່ວຍເຫຼືອ ລະຫວ່າງ ແຂວງ ກ້ວາງຈິ ກັບບັນດາແຂວງ ທີ່ມີຊາຍແດນຮ່ວມກັບລາວ ຄື: ແຂວງ ສະຫວັນນະເຂດ, ສາລະວັນ 

ປະຕິບັດຕາມບົດບັນທຶກສັນຍາຮ່ວມມື ລະຫວ່າງ ແຂວງກວ້າງຈິ ແລະ ສອງ ແຂວງ ສະຫວັນນະເຂດ ແລະ ສາລະວັນ, ໄລຍະປີ 2017-2019, ແຂວງກວ້າງຈິຊ່ວຍເຫຼືອທັງສອງແຂວງດັ່ງກ່າວ ກວ່າ 6 ຕື້ດົ່ງ/ແຂວງ ເພື່ອກໍ່ສ້າງບັນດາໂຄງການສະຫວັດດີການສັງຄົມ ຢູ່ ບັນດາເມືອງລຽບຕາມແນວຊາຍແດນ. ຄາດຄະເນບັນດາໂຄງການດັ່ງກ່າວຈະມອບຮັບ ແລະນຳໃຊ້ໃນ ງວດ III ປີ 2019.

ນອກຈາກນັ້ນແຂວງກວ້າງຈິ ກໍ່ຍັງໄດ້ຮ່ວມມືກໍ່ສ້າງພະນັກງານ, ຊ່ວຍເຫຼືອເບ້ຍໄມ້, ພັນສັດລ້ຽງ, ເຕັກນິກວິທະຍາສາດ...ໃຫ້ແກ່ບັນແຂວງຂອງລາວ. ຄາດວ່າໃນໄລຍະຕໍ່ໄປ ແຂວງກວ້າງຈິ ຈະຮ່ວມກັບບັນດາແຂວງລຽບຕາມແນວຊາຍແດນ ເພີ່ມທະວີຂື້ນຕື່ມໃນການຮ່ວມມືພັດທະນາ ເສດຖະກິດ, ທ່ອງທ່ຽວ. ທ່ານ ຫງວ໋ຽນ ດຶກຈິ໋ງ ປະທານກຳມະການປະຊາຊົນ ຫວັງເປັນຢ່າງຍິ່ງວ່າ ໃນການມາຮັບຕຳແໜ່ງໃໝ່, ທ່ານ ວຽງໄຊ ພົມມະຈັນ  ຈະປະກອບສ່ວນຢ່າງຕັ້ງໜ້າເພື່ອສືບຕໍ່ຊຸກຍູ້ ແລະ ເພີ່ມທະວີສາຍພົວພັນພິເສດ ຫວຽດນາມ-ລາວເວົ້າລວມ, ສາຍພົວພັນ ລະຫວ່າງ ແຂວງກວ້າງຈິ ກັບ ກົງສຸນໃຫຍ່ລາວ ປະຈຳນະຄອນດ່າໜັງ ເວົ້າສະເພາະ ໃຫ້ມີບາດກ້າວພັດທະນາ ໃນທຸກຂົງເຂດ.

(ຫັດ​ທະ​ບູນ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
Scroll