ແຂວງກວາງນາມ ຈັດຕັ້ງຄະນະກວດກາພະຍາດ ແລະ ມອບຂອງຂວັນໃຫ້ປະຊາຊົນລາວ

06:05 2019/11/12

ໃນວັນທີຕົ້ນເດືອນພະຈິກ, ກອງບັນຊາການທະຫານແຂວງ ໄດ້ສົມທົບກັບຄະນະຂົນຂວາຍພັກແຂວງ, ພະແນກສາທາລະນະສຸກແຂວງກວາງນາມ, ແຕ່ງຕັ້ງຄະນະຜູ້ແທນໄປຢ້ຽມຢາມ, ມອບຂອງຂວັນ, ກວດສຸຂະພາບ ແລະ ແຈກຢາໂດຍບໍ່ເສຍຄ່າ ໃຫ້ປະຊາຊົນຢູ່ເມືອງດາກຈຶງ, ແຂວງເຊກອງ, ປະເທດລາວ.

ຄະນະປະຕິບັດງານ ໄດ້ມອບຂອງຂວັນເກືອບ 200 ຊຸດໃຫ້ປະຊາຊົນຢູ່ບັນດາບ້ານ: ດັກຕາອ້ອກໜ້ອຍ, ດັກຕາອ້ອກໃຫຍ່, ດັກແມນ ແລະ ດັກມວນ (ຂອງຂວັນແຕ່ລະຢ່າງມີມູນຄ່າ 500.000 ດົ່ງ, ໃນນັ້ນມີ: ນ້ຳປາ, ເກືອ, ແປ້ງນົວ, ນ້ຳມັນປຸງແຕ່ງ, ປາແຫ້ງ…).

ແຂວງກວາງນາມ ຈັດຕັ້ງຄະນະກວດກາພະຍາດ ແລະ ມອບຂອງຂວັນໃຫ້ແຂວງເຊກອງ, ປະເທດລາວ. (ພາບ: qdnd.vn)

ຄະນະແພດທ່ານໝໍ ຂອງ ສຸກສາລາ CK42 (ກະຊວງການທະຫານແຂວງ) ແລະ ພະແນກສາທາລະນະສຸກແຂວງກວາງນາມ ໄດ້ຈັດຕັ້ງການກວດສຸຂະພາບ, ການໃຫ້ຄຳປຶກສາດ້ານສຸຂະພາບ ແລະ ການແຈກຢາໂດຍບໍ່ເສຍຄ່າ ໃຫ້ແກ່ປະຊາຊົນ 700 ກວ່າຄົນ. ງົບປະມານທັງໝົດສຳລັບການຢ້ຽມຢາມ, ການໃຫ້ຂອງຂວັນ, ການກວດສຸຂະພາບ ແລະ ການແຈກຢາຍຢາໃນຄັ້ງນີ້ ແມ່ນມີມູນຄ່າຫຼາຍກ່ວາ 200 ລ້ານດົ່ງ.

ນີ້ແມ່ນກິດຈະກຳ ທີ່ມີຄວາມໝາຍເພື່ອຮັກສາມິດຕະພາບ ແລະ ສ້າງຄວາມສາມັກຄີລະຫວ່າງສອງພັກ, ສອງປະເທດຫວຽດນາມ ແລະ ລາວເວົ້າລວມ ແລະ ສອງແຂວງກວາງນາມ - ເຊກອງ ເວົ້າສະເພາະ ທີ່ໄດ້ນັບມື້ນັບແໜ້ນແຟ້ນ ແລະ ມີຄວາມຍືນຍົງຕະຫຼອດໄປ.

(ຄຳຮຸ່ງ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll