ເສີມສ້າງ ສາຍສຳພັນສາມັກຄີ ມິດຕະພາບ ເຊີນລາ (ສສ ຫວຽດນາມ) ແລະ ແຂວງ ຫົວພັນ

10:22 2018/11/06

ຍສໝ - ວັນທີ 5 ພະຈິກ ຄະນະບໍລິຫານຂັ້ນແຂວງໆເຊີນລາ ໂດຍ ສະຫາຍ ຮວ່າງ ວັນເຈິ໋ດ ເລຂາພັກແຂວງ ປະທານສະພາປະຊາຊົນແຂວງ ເປັນຜູ້ນຳພາເຂົ້າພົບປະກັບ ການນຳແຂວງ, ອຳນາດການປົກຄອງ ແຂວງຫົວພັນ ໂອກາດມາເຮັດວຽກຢູ່ ສປປ ລາວ.

ເສີມສ້າງ ສາຍສຳພັນສາມັກຄີ ມິດຕະພາບ ເຊີນລາ (ສສ ຫວຽດນາມ) ແລະ ແຂວງ ຫົວພັນ

ຄະນະບໍລິຫານງານຂັ້ນແຂວງໆເຊີນລາ ສສ ຫວຽດນາມ ເຂົ້າພົບປະກັບການນຳຂອງແຂວງ ຫວົພັນ.

ຄະນະບໍລິຫານງານຂອງແຂວງເຊີນລາຄັ້ງນີ້ປະກອບມີ: ສະຫາຍ ບຸ່ຍ ມິງເຊີນ ກຳມະການຜູ້ປະຈຳການແຂວງ ຮອງປະທານຜູ້ປະຈຳການ ສະພາປະຊາຊົນແຂວງ; ສະຫາຍ ຈ໋າງ ຖິຊົນ ກຳມະການຜູ້ປະຈຳການແຂວງຮອງປະທານຜູ້ປະຈຳການ ສະພາປະຊາຊົນແຂວງ; ສະຫາຍ ມາຍ ທູເຮືອງ ກຳມະການຄະນະຜູ້ປະຈຳການແຂວງ ຫົວໜ້າໂຄສະນາແຂວງ; ສະຫາຍ ຟ້າມ ວັນທຸ້ຍ ຮອງປະທານຄະນະກຳມະການປະຊາຊົນແຂວງ; ການນຳຂອງບັນດາພະແນກການ, ຫ້ອງການຂອງແຂວງ.

ຝ່າຍ ແຂວງຫົວພັນຕ້ອນຮັບໂດຍ ສະຫາຍ ວັນໄຊ ແພງສຸມມາ ຄະນະກຳມະການບໍລິຫານງານ ສູນກາງພັກປະຊາຊົນປະຕິວັດລາວ, ເລຂາພັກແຂວງ ເຈົ້າແຂວງໆຫົວພັນ ແລະ ບັນດາສະຫາຍ ການນຳຂອງແຂວງ, ພະແນກການ, ຫ້ອງການ ຂອງແຂວງຫົວພັນ.

ກ່າວຄຳຍິນດີຕ້ອນຮັບ ສະຫາຍ ວັນໄຊ ແພງສຸມມາ ໄດ້ສະແດງຄວາມດີອົກດີໃຈ ທີ່ຄະນະບໍລິຫານງານແຂວງເຊີນລາ ມາຢ້ຽມຢາມ ແຂວງຫົວພັນ. ພ້ອມກັນນັ້ນກໍ່ຢືນຢັນວ່າ: ໃນຊຸມປີຜ່ານມາ ສາຍພົວພັນອັນເປັນມູນເຊື້ອ, ມິດຕະພາບພິເສດ ຫວຽດ-ລາວ ເວົ້າລວມ ແລະ ສາຍພົວພັນມິດຕະພາບ ລະຫວ່າງ ສອງແຂວງເຊີນລາ-ຫົວພັນ ນັບມື້ນັບໄດ້ຮັບການປັບປຸງເສີມສ້າງ ຈາກນັ້ນສ້າງເງື່ອນໄຂຊຸກຍູ້ ພັດທະນາ ເສດຖະກິດ-ສັງຄົມຂອງທ້ອງຖິ່ນ; ສະແດງຄວາມຮັບຮູ້ເຖິງນ້ຳໃຈອັນຈົບງາມ ແລະ ການຊ່ວຍເຫຼືອອັນລ້ຳຄ່າຂອງພັກ-ລັດ ແລະ ປະຊາຊົນແຂວງເຊີນລາ ທີ່ມອບໃຫ້ປະຊາຊົນ ແຂວງຫົວພັນ, ໂດຍສະເພາະແມ່ນໃນຂົງເຂດວຽກງານການຊ່ວຍເຫຼືອ ລົງທືນເຂົ້າໃນພື້ນຖານໂຄງລ່າງ ແລະ ກໍ່ສ້າງ, ອົບຮົມບຸກຄະລາກອນ... ໂອກາດປີທ່ອງທ່ຽວ ແຫ່ງຊາດ ລາວ 2018 ແລະ ຄຳນັບຮັບຕ້ອນ ຄົບຮອບ 50ປີ ວັນສ້າງຕັ້ງເມືອງວຽງໄຊ ແຂວງຫົວພັນ ແຫ່ງ ສປປ ລາວ ສະຫາຍໄດ້ຖືເປັນກຽດເຊີນບັນດາສະຫາຍການນຳແຂວງ ແລະ ປະຊາຊົນຊາວແຂວງເຊີນລາ ເຂົ້າຮ່ວມງານກິດຈະກຳ ແລະ ຢ້ຽມຊົມສະຖານທີ່ທ່ອງທ່ຽວຂອງແຂວງຫົວພັນ...

ຕ່າງໜ້າຄະນະບໍລິຫານງານແຂວງເຊີນລາ ສະຫາຍ ຮ່ວາງ ວັນເຈີ໋ດ ໄດ້ສະແດງຄວາມຂອບໃຈຕໍ່ການຕ້ອນຮັບອັນອົບອຸ່ນ ແລະ ເຕັມໄປດ້ວຍສຳພັນທະໄມຕີ ຂອງບັນດາການນຳແຂວງໆຫົວພັນ ທີ່ມອບໃຫ້ແກ່ຄະນະ, ສະແດງຄວາມຍິນດີຕໍ່ກັບຜົນສຳເລັດຂອງແຂວງຫົວພັນ ທີ່ໄດ້ບັນລຸໃນປີຜ່ານມາ. ສະຫາຍສະແດງຄວາມຂອບອົກຂອບໃຈ ການຊ່ວຍເຫຼືອຢ່າງສຸດອົກສຸດໃຈຂອງແຂວງຫົວພັນ ໃນວຽກງານການຈັດ “ ວັນສັບປະດາວັດທະນະທຳ-ທ່ອງທ່ຽວ ເຊີນລາ-ຫົວພັນ” ປີ 2018; ນີ້ແມ່ນໂອກາດດີໃຫ້ແກ່ສອງແຂວງ ເຊີນລາ-ຫົວພັນ ເພີ່ມທະວີ ສາຍພົວພັນຮ່ວມມື ພັດທະນາ ເສດຖະກິດ-ສັງຄົມ ແລະ ເປີດກວ້າງການຮ່ວມມືພັດທະນາ ໃນຂົງເຂດວັດທະນະທຳ ແລະ ທ່ອງທ່ຽວ, ຢືນຢັນເຖິງຄວາມສາມັກຄີມິດຕະພາບພິເສດ, ຜູກພັນຮັດແໜ້ນ ລະຫວ່າງປະຊາຊົນທັງສອງຊາດ ຫວຽດນາມ-ລາວ ເວົ້າລວມ ແລະ ແຂວງເຊີນລາ ກັບແຂວງຫົວພັນ ເວົ້າສະເພາະ... ສະຫາຍໄດ້ສະເໜີໃຫ້ແຂວງຫົວພັນ ສ້າງເງື່ອນໄຂໃຫ້ນັກທຸລະກິດຂອງແຂວງເຊີນລາ ເຂົ້າມາລົງທືນໃນແຂວງຫົວພັນ;ພ້ອມກັນນັ້ນ ກໍ່ຖືເປັນກຽດເຊີນ ບັນດາການນຳຂອງແຂວງຫົວພັນ ໄປຢ້ຽມຢາມ ແລະ ເຂົ້າຮ່ວມການເຄື່ອນໄຫວ ໂອກາດ ຄົບຮອບ60 ປີ ວັນ ລຸງໂຮ່ ແລະ ຄະນະບໍລິຫານງານຂອງສູນກາງ ມາຢ້ຽມຢາມ ພໍ່ແມ່ປະຊາຊົນ ຊົນເຜົ່າ ໄຕ່. ສະຫາຍ ວັນໄຊ ແພງສຸມມາ ໄດ້ຂອບອົກຂອບໃຈ ແລະ ຮັບຄຳເຊີນດ້ວຍຄວາມດີໃຈ.

(ຫັດ​ທະ​ບູນ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll