ເສີມສ້າງສາຍພົວພັນມິດຕະພາບອັນຍິ່ງໃຫຍ່, ນ້ຳໃຈສາມັກຄີພິເສດ, ການຮ່ວມມືຮອບດ້ານຫວຽດນາມ-ລາວ

14:36 2019/08/08

ຍສມ - ຕີລາຄາສູງການຈັດຕັ້ງປະຕິບັດເນື້ອໃນ ຂໍ້ຕົກລົງຮ່ວມມື ລະຫວ່າງ ຫ້ອງວ່າການສະພາແຫ່ງຊາດຫວຽດນາມ ແລະ ຫ້ອງວ່າການສະພາແຫ່ງຊາດລາວໃນຊຸມປີທີ່ຜ່ານມາ, ທ່ານຮອງຫົວໜ້າ ຫ້ອງວ່າການສະພາແຫ່ງຊາດຫວຽດນາມ ຫງວ໋ຽນ ແມ້ງ ຮຸ່ງ ຢືນຢັນວ່າ: ຂໍ້ຕົກລົງດັ່ງກ່າວໄດ້ປະກອບສ່ວນ ເສີມສ້າງສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີພິເສດ, ການຮ່ວມມືຮອບດ້ານ ຫວຽດນາມ - ລາວ.

ເສີມສ້າງສາຍພົວພັນມິດຕະພາບອັນຍິ່ງໃຫຍ່, ນ້ຳໃຈສາມັກຄີພິເສດ, ການຮ່ວມມືຮອບດ້ານຫວຽດນາມ-ລາວ

ຕີລາຄາສູງການຈັດຕັ້ງປະຕິບັດເນື້ອໃນ ຂໍ້ຕົກລົງຮ່ວມມື ລະຫວ່າງ ຫ້ອງວ່າການສະພາແຫ່ງຊາດຫວຽດນາມ ແລະ ຫ້ອງວ່າການສະພາແຫ່ງຊາດລາວໃນຊຸມປີທີ່ຜ່ານມາ, ທ່ານຮອງຫົວໜ້າ ຫ້ອງວ່າການສະພາແຫ່ງຊາດຫວຽດນາມ ຫງວ໋ຽນ ແມ້ງ ຮຸ່ງ ຢືນຢັນວ່າ: ຂໍ້ຕົກລົງດັ່ງກ່າວໄດ້ປະກອບສ່ວນ ເສີມສ້າງສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີພິເສດ, ການຮ່ວມມືຮອບດ້ານ ຫວຽດນາມ - ລາວ.

ໃນການຈັດຕັ້ງປະຕິບັດຂໍ້ຕົກລົງການຮ່ວມມື, ຫ້ອງວ່າການສະພາແຫ່ງຊາດຫວຽດນາມ ແລະ ຫ້ອງວ່າການສະພາແຫ່ງຊາດລາວ ໄດ້ປະສານສົມທົບກັນຈັດຕັ້ງກອງປະຊຸມແລກປ່ຽນບົດຮຽນ ແລະ ແລກປ່ຽນການຈັດຕັ້ງປະຕິບັດວຽກງານ ຄັ້ງທີ 10 ຢູ່ແຂວງຊຽງຂວາງ (ສາທາລະນະລັດ ປະຊາທິປະໄຕ ປະຊາຊົນລາວ) ແຕ່ວັນທີ 28-31 ກໍລະກົດ 2019.

ກ່າວຄຳເຫັນທີ່ກອງປະຊຸມສະຫລຸບຕີລາຄາການຈັດຕັ້ງປະຕິບັດເນື້ອໃນຂອງຂໍ້ຕົກລົງການຮ່ວມມື ລະຫວ່າງ ຫ້ອງວ່າການສະພາແຫ່ງຊາດຫວຽດນາມ ແລະ ຫ້ອງວ່າການສະພາແຫ່ງຊາດລາວ ແລະ ວາງທິດທາງແຜນການໃນການຈັດຕັ້ງປະຕິບັດໃນຕໍ່ໜ້າ, ທ່ານຮອງປະທານຫ້ອງການແຫ່ງຊາດ ຫງວ໋ຽນ ແມ້ງ ຮຸ່ງ ໃຫ້ຮູ້ວ່າ: ໃນໄລຍະຜ່ານມາ, ຫ້ອງວ່າການສະພາແຫ່ງຊາດຫວຽດນາມ ໄດ້ຈັດຕັ້ງປະຕິບັດບັນດາໂຄງການຮ່ວມມື ຢ່າງແໜ້ນແຟ້ນ ກັບ ຫ້ອງວ່າການສະພາແຫ່ງຊາດລາວ ໃນຫຼາຍຮູບແບບ.

  

ຮອງຫົວໜ້າຫ້ອງວ່າການສະພາແຫ່ງຊາດຫວຽດນາມ ຫງວ໋ຽນ ແມ້ງ ຮ່ງ ກ່າວຄຳເຫັນທີ່ກອງປະຊຸມສຳມະນາ.(ພາບ:ສະພາແຫ່ງຊາດຫວຽດນາມ)

ບັນດາການເຄື່ອນໄຫວຮ່ວມມືໄດ້ຮັດການຜັນຂະຫຍາຍສຸມໃສ່ເປັນຕົ້ນຕໍແມ່ນການເສນາທິການຮັບໃຊ້ວຽກງານການຈັດຕັ້ງການແລກປ່ຽນຄະນະການນຳຂັ້ນສູງ ຂອງສະພາແຫ່ງຊາດ ແລະ ບັນດາຄະນະຜູ້ແທນທຸກຂັ້ນ ຢ້ຽມຢາມ, ເຮັດວຽກ ແລະ ປະສານສົມທົບຮັບໃຊ້ບັນດາການເຄື່ອນໄຫວ ຢູ່ ບັນດາເວທີປາໄສຫຼາຍຝ່າຍຂອງລັດຖະສະພາ; ຊ່ວຍເຫຼືອຫ້ອງວ່າການສະພາແຫ່ງຊາດລາວ ໃນໂຄງການຕົວຈິງເຊັ່ນ: ຊ່ວຍເຫຼືອໃນການຍົກລະດັບຄວາມສາມາດດ້ານຂໍ້ມູນຂ່າວສານ, ການຄົ້ນຄວ້າ ແລະ ຂໍ້ມູນຂ່າວສານຂອງມວນຊົນ, ຍົກສູງຄວາມສາມາດຂອງນັກຂ່າວສະພາແຫ່ງຊາດລາວ ແລະ ສືບຕໍ່ຈັດຊຸດຝຶກອົບຮົມດ້ານວິຊາສະເພາະ, ວິຊາການ ພາສາຫວຽດ, ກໍ່ສ້າງພະນັກງານຄຸ້ມຄອງ, ກໍ່ສ້າງຫຼັງມະຫາວິທະຍາໄລໃຫ້ແກ່ພະນັກງານຫ້ອງວ່າການສະພາແຫ່ງຊາດລາວ…. ບັນດາການເຄື່ອນໄຫວດັ່ງກ່າວນີ້ປະກອບສ່ວນເຂົ້າໃນການຜັນຂະຫຍາຍການຈັດຕັ້ງປະຕິບັດຂໍ້ຕົກລົງການຮ່ວມມື ລະຫວ່າງ ສະພາແຫ່ງຊາດຫວຽດນາມ ແລະ ສະພາແຫ່ງຊາດລາວ, ພ້ອມກັນນັ້ນກໍ່ເສີົມສ້າງ ສາຍພົວພັນມິດຕະພາບທີ່ຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານ ຫວຽນາມ-ລາວ.

ຕາມທ່ານຮອງຫົວໜ້າຫ້ອງວ່າການສະພາແຫ່ງຊາດ ຫງວ໋ຽນ ແມ້ງ ຮຸ່ງ, ໃນປີ 2017, 2018 ແລະ ແຕ່ຕົ້ນປີ 2019 ມາຮອດປະຈຸບັນ, ການສົ່ງເສີມຮີດຄອງປະເພນີທີ່ດີງາມມາເປັນເວລາຫຼາຍປີ, ບັນດາອົງການສຳນັກງານຫ້ອງວ່າການສະພາແຫ່ງຊາດຂອງສອງປະເທດໄດ້ປະສານສົມທົບຢ່າງແໜ້ນແຟ້ນ, ຈັດຕັ້ງການຢ້ຽມຂອງການນຳຂັ້ນສູງສະພາແຫ່ງຊາດສຳເລັດເປັນຢ່າງດີ.

ບັນດາການເຄື່ອນໄຫວພົບປະແລກປ່ຽນຄະນະຜູ້ແທນ ລະຫວ່າງ ສະພາແຫ່ງຊາດລາວ ແລະ ສະພາແຫ່ງຊາດຫວຽດນາມ ດຳເນີນເປັນປະຈຳ ແລະ ຕໍ່ເນື່ອງໃນລະດັບຕ່າງໆຂອງສະຫະພັນຕ່າງໆ: ຄະນະການນຳສະພາແຫ່ງຊາດ, ບັນດາອົງການຂອງສະພາແຫ່ງຊາດ, ກຸ່ມແມ່ຍິງສະພາແຫ່ງຊາດ, ກຸ່ມສະມາຊິກຜູ້ແທນສະພາແຫ່ງຊາດ, ກຸ່ມລັດຖະສະພາມິດຕະພາບ ແລະ ຜູ້ແທນຂອງສະພາແຫ່ງຊາດເຂດ ໃນການເລືອກຕັ້ງຂອງລາວກັບ ຄະນະຜູ້ແທນສະພາແຫ່ງຊາດທ້ອງຖິ່ນ ແລະ ສະພາປະຊາຊົນຫວຽດນາມ. ການຢ້ຽມຢາມຂອງການນຳຂັ້ນສູງຂອງສະພາແຫ່ງຊາດ ກໍ່ຄື ບັນດາຄະນະຜູ້ແທນ ໄດ້ຈັດຕັ້ງຂື້ນເປັນຢ່າງດີໄດ້ປະກອບສ່ວນຊຸກຍູ້ສາຍພົວພັນ ລະຫວ່າງ ບັນດາອົງການປະຊາຊົນເລືອກ ຂອງສອງປະເທດ, ແລກປ່ຽນຢ່າງແທດຈິງ ປະສົບການການເຄື່ອນໄຫວ ລະຫວ່າງ ສະພາແຫ່ງຊາດສອງປະເທດ.

ຫ້ອງວ່າການສະພາແຫ່ງຊາດຫວຽດນາມ ກໍ່ໄດ້ເຂົ້າຮ່ວມຢ່າງຕັ້ງໜ້າໃນການຊຸກຍູ້ ຄວາມຄືບໜ້າໃນການກໍ່ສ້າງ ອາຄາສະພາແຫ່ງຊາດລາວຫລັງໃໝ່, ເຊິ່ງແມ່ນຂອງຂວັນຂອງພັກ, ລັດ ແລະ ສະພາແຫ່ງຊາດຫວຽດນາມ ສຳເລັດຕາມແຜນການທີ່ວາງໄວ້.

ສອງຝ່າຍກໍ່ໄດ້ສົມທົບກັນຢ່າງແໜ້ນແຟ້ນການຈັດຕັ້ງ ຄະນະຜູ້ແທນສະພາແຫ່ງຊາດເຂົ້າຮ່ວມເວທີປາໄສລັດຖະສະພາພາກພື້ນ ແລະ ສາກົນ, ເຊັ່ນ: ສະຫະພັນລັດຖະສະພາໂລກ (IPU), ກອງປະຊຸມລັດຖະສະພາອາຊີ. - ປາຊີຟິກ (APPF), ສະພາສະຫະພັນລັດຖະສະພາ ອາຊຽນ (AIPA), ສະຫະພັນລັດຖະສະພາ ພາສາຝຣັ່ງ (APF) …

 ທ່ານຮອງປະທານຫ້ອງວ່າການສະພາແຫ່ງຊາດ ຫງວ໋ຽນ ແມ້ງ ຮຸ່ງ ຢືນຢັນວ່າ ກອງປະຊຸມ ສຳມະນາ ແລະ ແລກປ່ຽນວຽກງານ ລະຫວ່າງ ຫ້ອງວ່າການສະພາແຫ່ງຊາດຫວຽດນາມ ແລະ ລາວ ແມ່ນການເຄື່ອນໄຫວແທດຈິງ ທີ່ມີການປະກອບສ່ວນເຂົ້າໃນການເພີ່ມທະວີຄວາມເຂົ້າໃຈ, ການຮ່ວມມື ແລະ ການແລກປ່ຽນດ້ານເສດຖະກິດ ປະສົບການເຮັດວຽກໃນຂົງເຂດເຄື່ອນໄຫວວິຊາການຂອງສອງຫ້ອງການ.(ພາບ:ສະພາແຫ່ງຊາດຫວຽດນາມ)

ກ່ຽວກັບກອງປະຊຸມສຳມະນາການແລກປ່ຽນ ລະຫວ່າງສອງຫ້ອງວ່າການສະພາແຫ່ງຊາດ, ຮອງຫົວໜ້າຫ້ອງວ່າການສະພາແຫ່ງຊາດ, ທ່ານ ຫງວ໋ຽນ ແມ້ງ ຮຸ່ງ ເນັ້ນໜັກວ່າ: ນີ້ແມ່ນຄັ້ງທີ 10 ທີ່ ກອງປະຊຸມສຳມະນາ ແລະ ການແລກປ່ຽນວຽກງານ ລະຫວ່າງ ສອງຫ້ອງວ່າການ ສະພາແຫ່ງຊາດໄດ້ຮັບການຈັດຕັ້ງ ແມ່ນການເຄື່ອນໄຫວທີ່ແທດຈິງປະກອບສ່ວນເຂົ້າໃນການເພີ່ມຄວາມເຂົ້າໃຈ, ການຮ່ວມມື ແລະ ການແລກປ່ຽນປະສົບການການເຮັດວຽກໃນຂົງເຂດການເຄື່ອນໄຫວວິຊາການ ຂອງສອງຫ້ອງການ, ພ້ອມທັງປະກອບສ່ວນເຂົ້າໃນການຊຸກຍູ້ ຄວາມໃກ້ຊິດແລະ ເປັນມິດ ແລະ ຄວາມເຂົ້າໃຈເຊິ່ງກັນແລະກັນ ລະຫວ່າງສະຫາຍການນຳ, ພະນັກງານ, ລັດຖະກອນ ແລະ ບຸກຄະລາກອນຂອງສອງຫ້ອງວ່າການ ສະພາແຫ່ງຊາດຫວຽດນາມ - ລາວ.

ຫ້ອງວ່າການສະພາແຫ່ງຊາດຫວຽດນາມ ເຊື່ອໝັ້ນວ່າ: ຜ່ານການຮ່ວມມື ແລະ ແລກປ່ຽນປະສົບການຕົວຈິ ງກັບຫ້ອງວ່າການສະພາແຫ່ງຊາດລາວ, ສອງຝ່າຍຈະເພີ່ມທະວີການຮ່ວມມື ແລະ ການປະສານສົມທົບກັນຕື່ມອີກ ໃນການສືບຕໍ່ປັບປຸງ, ຍົກສູງຄຸນນະພາບ ແລະ ປະສິດທິຜົນຂອງການເສນາທິການ ແລະ ຮັບໃຊ້ການເຄື່ອນໄຫວຂອງສະພາແຫ່ງຊາດ, ຄະນະຜູ້ແທນສະພາແຫ່ງຊາດ ແລະ ຜູ້ແທນສະພາແຫ່ງຊາດຂອງສອງປະເທດ.

ໃນຂົງເຂດເຕັກໂນໂລຢີຂໍ້ມູນຂ່າວສານ, ຫໍສະໝຸດ, ຮອງຫົວໜ້າຫ້ອງວ່າການສະພາແຫ່ງຊາດ ຫງວ໋ຽນ ແມ້ງ ຮຸ່ງ ໃຫ້ຮູ້ຕື່ມອີກວ່າ: ສູນຂໍ້ມູນຂ່າວສານຫຼືໄອທີ ຂອງຫ້ອງວ່າການສະພາແຫ່ງຊາດຫວຽດນາມ ໄດ້ມີຫຼາຍການຮ່ວມມື, ຊ່ວຍເຫຼືອ, ກໍ່ສ້າງ ແລະ ແບ່ງປັນປະສົບການໃຫ້ແກ່ ສູນຂໍ້ມູນຂ່າວສານ, ເອກະສານ ແລະ ຫໍສະມຸດ - ຫ້ອງວ່າການສະພາແຫ່ງຊາດລາວ ໃນການຄຸ້ມຄອງ ແລະ ບໍລິຫານລະບົບເຕັກໂນໂລຢີຂໍ້ມູນຂ່າວສານຂອງຫ້ອງການສະພາແຫ່ງຊາດລາວ, ປະສານສົມທົບກໍ່ສ້າງພະນັກບໍລິຫານລະບົບເຕັກໂນໂລຢີ ຂໍ້ມູນຂອງຫ້ອງການສະພາແຫ່ງຊາດລາວ… 

ບັນຍາກາດກອງປະຊຸມ.

ກ່ຽວກັບແຜນການຮ່ວມມືໃນໄລຍະຈະມາເຖິງ, ທ່ານຮອງຫົວໜ້າຫ້ອງວ່າການສະພາແຫ່ງຊາດ ຫງວ໋ຽນ ແມ້ງ ຮຸ່ງ ຢືນຢັນວ່າ: ຫ້ອງວ່າການສະພາແຫ່ງຊາດຫວຽດນາມ ແລະ ຫ້ອງວ່າການສະພາແຫ່ງຊາດລາວ ຈະສືບຕໍ່ສົມທົບກັນຢ່າງແໜ້ນແຟ້ນ ໃນການເສນາທິການ, ຮັບໃຊ້ ການເຄື່ອນໄຫວຮ່ວມມື ລະຫວ່າງ ສະພາແຫ່ງຊາດສອງປະເທດ; ສືບຕໍ່ແລກປ່ຽນປະສົບການຢ່າງເປັນປະຈຳ ໃນການເສນາທິການ, ຮັບໃຊ້ການພັດທະນາກົດໝາຍ, ຕິດຕາມກວດກາ ແລະ ຕັດສິນບັນດາບັນຫາທີ່ສຳຄັນຂອງປະເທດ ພາຍໃຕ້ຂອບເຂດສິດຂອງສະພາແຫ່ງຊາດ.

ຫ້ອງວ່າການສະພາແຫ່ງຊາດຫວຽດນາມ ແລະ ຫ້ອງການສະພາແຫ່ງຊາດລາວ ຈະສືບຕໍ່ປະສານສົມທົບກັນຈັດຕັ້ງປະຕິບັດຢ່າງຮອບຄອບ, ອົບອຸ່ນ, ແລະ ປອດໄພ ສຳລັບການຢ້ຽມຢາມທຸກຂັ້ນຂອງສະພາແຫ່ງຊາດຂອງສອງປະເທດ; ປະສານສົມທົບການເຄື່ອນໄຫວຂອງຄະນະຜູ້ແທນສະພາແຫ່ງຊາດຢູ່ບັນດາເວທີປາໄສຫຼາຍຝ່າຍໃນພາກພື້ນ ແລະ ສາກົນ. ຈັດຕັ້ງການຢ້ຽມຢາມເພື່ອແລກປ່ຽນປະສົບການຂອງການນຳຫ້ອງວ່າການສະພາແຫ່ງຊາດ ແລະ ນັກຄົ້ນຄວ້າຂອງຫ້ອງວ່າການສະພາແຫ່ງຊາດຂອງສອງປະເທດ.

ສອງຝ່າຍຈະສືບຕໍ່ປະສານສົມທົບ ແລະ ສ້າງແຜນການຈັດຕັ້ງປະຕິບັດບັນດາການເຄື່ອນໄຫວຮັບໃຊ້ ບັນດາອົງການຂອງສະພາແຫ່ງຊາດສອງປະເທດ ຈັດຕັ້ງຊຸດຝືກອົບຮົມໃຫ້ບັນດາຜູ້ແທນ, ຈັດກອງປະຊຸມສຳມະນາ. ຫ້ອງວ່າການສະພາແຫ່ງຊາດຫວຽດນາມ ສືບຕໍ່ປະສານສົມທົບກັບຫ້ອງວ່າການສະພາແຫ່ງຊາດລາວ ເພື່ອປະຕິບັດເນື້ອໃນກ່ຽວກັບການຮ່ວມມືກໍ່ສ້າງ, ຝຶກອົບຮົມວິຊາການໃຫ້ແກ່ພະນັກງານເຊິ່ງກັນແລະກັນ…

(ຫັດ​ທະ​ບູນ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll