ເລຂາທິການໃຫຍ່ ປະທານປະເທດຫວຽດ​ນາມ ຫງວຽນຝູຈ້ອງ ຕ້ອນຮັບເລຂາທິການໃຫຍ່ ປະທານປະເທດລາວ ບຸນຍັງ ວໍລະຈິດ

11:12 2019/08/10

ຍສໝ - ໃນຕອນບ່າຍຂອງວັນທີ 9 ສິງຫາ 2019, ທີ່ ຮ່າໂນ້ຍ ສສ ຫວຽດນາມ, ທ່ານເລຂາທິການໃຫຍ່, ປະທານປະເທດຫວຽດນາມ ຫງວຽນຝູຈ້ອງ ໄດ້ໃຫ້ການຕ້ອນຮັບທ່ານເລຂາທິການໃຫຍ່, ປະທານປະເທດລາວ ບຸນຍັງ ວໍລະຈິດ.

ເລຂາທິການໃຫຍ່ ປະທານປະເທດຫວຽດ​ນາມ ຫງວຽນຝູຈ້ອງ ຕ້ອນຮັບເລຂາທິການໃຫຍ່ ປະທານປະເທດລາວ ບຸນຍັງ ວໍລະຈິດ
ທ່ານ ຫງວຽນຝູຈ້ອງ ແລະ ທ່ານ ບຸນຍັງ ວໍລະຈິດ.(ພາບ: TTXVN)

ທີ່ການຕ້ອນຮັບ,  ທ່ານເລຂາທິການໃຫຍ່, ປະທານປະເທດຫວຽດນາມ ຫງວຽນຝູຈ້ອງ ແລະ ທ່ານເລຂາທິການໃຫຍ່, ປະທານປະເທດລາວ ບຸນຍັງ ວໍລະຈິດ ໄດ້ແຈ້ງໃຫ້ກັນຊາບກ່ຽວກັບສະພາບການຂອງແຕ່ລະພັກ, ແຕ່ລະປະເທດໃນປະຈຸບັນ, ແລກປ່ຽນຄຳຄິດເຫັນກ່ຽວກັບສະພາບການທີ່ພົ້ນເດັ່ນໃນພາກພື້ນ ແລະ ໂລກ ພ້ອມກັບບາງມາດຕະການຊຸກຍູ້ສາຍພົວພັນສາມັກຄີແບບພິເສດຫວຽດນາມ-ລາວໃນໄລຍະທີ່ຈະມາເຖິງ. 

ການນໍາສອງທ່ານກໍ່ໄດ້ສະແດງຄວາມພາກພູມໃຈກ່ຽວກັບສາຍພົວພັນສາມັກຄີແບບພິເສດລະຫວ່າງຫວຽດນາມ - ລາວ ທີ່ນັບມື້ນັບພັດທະນາ, ເຂົ້າສູ່ລວງເລິກ, ຕິດແທດຕົວຈິງ ແລະ ມີປະສິດທິຜົນໃນທຸກໆຂົງເຂດ, ອັນໄດ້ນຳຜົນປະໂຫຍດອັນແທດຈິງມາສູ່ປະຊາຊົນແຕ່ລະປະເທດ, ປະກອບສ່ວນເຂົ້າໃນສັນຕິພາບ, ສະຖຽນລະພາບ, ການຮ່ວມມື ແລະ ພັດທະນາໃນພາກພື້ນ ແລະ ໃນໂລກ; ຕີລາຄາສູງການສະໜັບສະໜູນ, ຊ່ວຍເຫຼືອຢ່າງໃຫຍ່ຫຼວງ ແລະ ມີປະສິດທິຜົນຊຶ່ງສອງພັກ, ສອງລັດໄດ້ສະຫງວນໃຫ້ກັນ ແລະ ກັນນັບແຕ່ກ່ອນເປັນຕົ້ນມາ.

ທີ່ການຕ້ອນຮັບ,  ສອງຝ່າຍກໍ່ໄດ້ຢືນຢັນຈະສົມທົບກັນຢ່າງແໜ້ນແຟ້ນເພື່ອປະຕິບັດບັນດາຂໍ້ຕົກລົງ ລະຫວ່າງ ການນຳຂັ້ນສູງສອງພັກ,ສອງລັດ; ຮັກສາ, ເພີ່ມພູນຄູນສ້າງສາຍພົວພັນມິດຕະພາບອັນຍິ່ງໃຫຍ່, ນ້ຳໃຈສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງຫວຽດນາມ-ລາວໃຫ້ພັດທະນາຂຶ້ນສູ່ລະດັບສູງໃໝ່.

(ໄຊພອນ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll