ເພີ່ມທະວີນໍ້າໃຈສາມັກຄີ, ມິດຕະພາບລະຫວ່າງກະຊວງປ້ອງກັນປະເທດ ຫວຽດນາມ ແລະ ລາວ

06:00 2019/09/20

ຍສໝ - ຕອນບ່າຍວັນທີ 18 ກັນຍາ, ທີ່ຮ່າໂນ້ຍ, ຄະນະຜູ້ແທນກົມໃຫຍ່ແຜນການ ແລະ ສັງລວມ, ຫ້ອງການກະຊວງປ້ອງກັນປະເທດລາວ ນຳໂດຍທ່ານ ພັນເອກ ວິລາຕຸ ວົງລາຈິດ, ຮອງຫົວໜ້າຄະນະໄດ້ມາຢ້ຽມຢາມ ແລະ ເຮັດວຽກຮ່ວມກັບຄະນະຜູ້ນຳ ຂອງກອງບັນຊາການທະຫານປ້ອງກັນຊາຍແດນ ຫວຽດນາມ. ທ່ານພົນຈັດຕະວາ ເລດຶກຖ໋າຍ, ຮອງຜູ້ບັນຊາການ, ຫົວໜ້າເສນາທິການຂອງ ທະຫານປ້ອງກັນຊາຍແດນ ຫວຽດນາມ ໄດ້ໃຫ້ການຕ້ອນຮັບ.

ໃນພິທີ, ທ່ານ ພັນເອກ ວິລາຕຸ ວົງລາຈິດ ໄດ້ສະແດງຄວາມຂອບໃຈຕໍ່ການຕ້ອນຮັບອັນອົບອຸ່ນ ແລະ ຄວາມຮັກແພງ ຂອງບັນດາຜູ້ນຳກອງບັນຊາການທະຫານຊາຍແດນ. ທ່ານ ພັນເອກ ວິລາຕຸ ວົງລາຈິດ   ກ່າວວ່າຈຸດປະສົງຂອງການເຄື່ອນໄຫວນີ້ ແມ່ນເພື່ອຮຽນຮູ້, ແລກປ່ຽນປະສົບການ ແລະ ຂໍ້ມູນຂ່າວສານກ່ຽວກັບວຽກງານ ໜັງສືເອກະສານ ແລະ ສຳເນົາ. ຕາມນັ້ນແລ້ວ, ໃນວັນທີ 17 ກັນຍາ, ຄະນະໄດ້ມີການພົບປະກັບ ຄະນະຜູ້ແທນຫ້ອງວ່າການກະຊວງປ້ອງກັນປະເທດຫວຽດນາມ ກ່ຽວກັບວຽກງານວຽກງານ ໜັງສືເອກະສານ ແລະ ສຳເນົາ, ການນຳໃຊ້ເຕັກໂນໂລຢີ ຂໍ້ມູນຂ່າວສານເຂົ້າໃນວຽກງານຫ້ອງການ ແລະ ຝຶກອົບຮົມພະນັກງານ ລະຫວ່າງຫ້ອງການກະຊວງປ້ອງກັນປະເທດຫວຽດນາມ - ລາວ. ພ້ອມກັນນັ້ນ, ຄະນະຜູ້ແທນໄດ້ໄປຢ້ຽມຢາມສູນສຳເນົາເອກະສານ (ກະຊວງປ້ອງກັນປະເທດຫວຽດນາມ), ສາງສຳເນົາເອກະສານການທະຫານອາກາດ; ສູນສຳເນົາເອກະສານແຫ່ງຊາດ 3.

ທ່ານ ພັນເອກ ວິລາຕຸວົງລາຈິດ ແລະ ພົນຈັດຕະວາ ເລດຶກຖ໋າຍ ໃນການຕ້ອນຮັບ. (ພາບ: bienphong.com.vn)

ທ່ານ ພັນເອກ ວິລາຕຸວົງລາຈິດ ຢັ້ງຢືນວ່າ ການຢ້ຽມຢາມຂອງຄະນະຜູ້ແທນ ໄດ້ດຳເນີນໃນສະພາບການແຫ່ງມິດຕະພາບທີ່ເປັນມູນເຊື້ອອັນດີງາມ ລະຫວ່າງຫວຽດນາມ ແລະ ລາວ, ໂດຍສະເພາະແມ່ນການຮ່ວມມືຮອບດ້ານລະຫວ່າງສອງພັກ, ກອງທັບ ແລະ ປະຊາຊົນສອງປະເທດ ທີ່ໄດ້ຮັບການເສີມສ້າງຈາກບັນດາຮຸ່ນຄົນລຸ້ນກ່ອນ ໃນເວລາດົນນານ. ທ່ານ ພັນເອກ ວິລາຕຸ ເຊື່ອໝັ້ນວ່າ ສາຍພົວພັນແບບດັ້ງເດີມ, ຄວາມສາມັກຄີ ແລະ ການຮ່ວມມືຮອບດ້ານລະຫວ່າງສອງພັກ, ກອງທັບ ແລະ ປະຊາຊົນສອງປະເທດຫວຽດນາມ - ລາວ, ໂດຍສະເພາະລະຫວ່າງສອງຫ້ອງການຂອງກະຊວງປ້ອງກັນປະເທດຫວຽດນາມ - ລາວກໍ່ຄື ກຳລັງປ້ອງກັນຊາຍແດນຂອງສອງປະເທດ ຈະໄດ້ຮັບການພັດທະນາດີຂື້ນກວ່າເກົ່າ.

ພົນຈັດຕະວາ ເລດຶກຖ໋າຍມອບຂອງທີ່ລະລຶກ ໃຫ້ຄະນະຜູ້ແທນກົມໃຫຍ່ແຜນການ ແລະ ສັງລວມ ລາວ. (ພາບ: bienphong.com.vn)

ກ່າວຄຳເຫັນທີ່ພິທີ, ພົນຈັດຕະວາ ເລດຶກຖ໋າຍ ໃຫ້ຮູ້ວ່າ ໃນຊຸມປີຜ່ານມາ, ທະຫານຊາຍແດນຫວຽດນາມໄດ້ສົມທົບກັບທະຫານຊາຍແດນລາວ ປະຕິບັດວຽກງານຄຸ້ມຄອງ, ປົກປັກຮັກສາຊາຍແດນກໍ່ຄືກວດກາຊາຍແດນ, ການຄວບຄຸມ, ປ້ອງກັນ ແລະ ຕ້ານອາຊະຍາກຳ. ພົນຈັດຕະວາ ເລດຶກຖ໋າຍ ຢືນຢັນວ່າ ການຮ່ວມມືລະຫວ່າງກໍາລັງປ້ອງກັນຊາຍແດນຂອງສອງປະເທດ ໄດ້ປະກອບສ່ວນສ້າງສາຍພົວພັນມິດຕະພາບແບບພິເສດຫວຽດນາມ - ລາວ, ກໍ່ສ້າງຊາຍແດນຫວຽດນາມ - ລາວ ໄດ້ມີຄວາມສັນຕິພາບ, ສະຖຽນລະພາບ. ການວາງແຜນ, ການຮ່ວມມື ແລະ ການພັດທະນາ.

ພົນຈັດຕະວາ ເລດຶກຖ໋າຍ ຢືນຢັນວ່າ, ກອງບັນຊາການທະຫານຊາຍແດນ ພົນຈັດຕະວາ ເລດຶກຖ໋າຍ ຈະສືບຕໍ່ປະສານສົມທົບ ກັບບັນດາອົງການທີ່ມີໜ້າທີ່ຂອງລາວ ເພື່ອປະກອບສ່ວນເຂົ້າໃນການຮັດແໜ້ນ ສາຍພົວພັນມິດຕະພາບທີ່ເປັນມູນເຊື້ອ ລະຫວ່າງຫວຽດນາມ ແລະ ລາວ.

(ຄຳຮຸ່ງ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll