ເພີ່ມທະວີການຝຶກຊ້ອມລະຫວ່າງກອງທັບ ຫວຽດນາມ - ລາວ ໃນຫຼາຍຂົງເຂດ

06:00 2019/09/06

ຍສໝ - ໃນຊຸມປີມໍ່ໆມານີ້, ກອງທັບຫວຽດນາມໄດ້ເພີ່ມທະວີການແລກປ່ຽນ ແລະ ແລກປ່ຽນປະສົບການໃນຫຼາຍຂົງເຂດກັບກອງທັບປະຊາຊົນລາວ. ບັນດາຊຸດຝຶກອົບຮົມນີ້ ແມ່ນເພື່ອແນໃສ່ເພີ່ມທະວີການພົວພັນລະຫວ່າງສອງປະເທດຫວຽດນາມ - ລາວເວົ້າລວມ ແລະ ການທະຫານຂອງສອງຝ່າຍເວົ້າສະເພາະ.

ຕອນບ່າຍວັນທີ 4 ກັນຍາ, ກົມໃຫຍ່ກອງທັບການເມືອງ ຫວຽດນາມ ໄດ້ຈັດພິທີປິດຊຸດການຝຶກອົບຮົມວິຊາສະເພາະ ກ່ຽວກັບວຽກງານໂຄສະນາອົບຮົມໃຫ້ແກ່ພະນັກງານກອງທັບປະຊາຊົນລາວ. ທ່ານພົນຈັດຕະວາ ຫງວຽນ ວັນ ຕິ໋ນ, ຮອງຫົວໜ້າ ພະແນກໂຄສະນາອົບຮົມເປັນປະທານ ແລະ ກ່າວຄຳປາໄສໃນຊຸດຝຶກອົບຮົມ.

ໃນໄລຍະການຝຶກອົບຮົມ, ຜູ້ເຂົ້າຮ່ວມໄດ້ສຸມໃສ່ເນື້ອໃນ ຄື: ສັງເຂບສາຍພົວພັນຫວຽດນາມ - ລາວ, ສາຍພົວພັນລະຫວ່າງກອງທັບປະຊາຊົນຫວຽດນາມ ແລະ ກອງທັບປະຊາຊົນລາວ; ບັນດາບັນຫາພື້ນຖານກ່ຽວກັບການຈັດຕັ້ງ ແລະ ຫຼັກການດຳເນີນງານຂອງສະຫະພັນຊາວໜຸ່ມ ກອມມູນິດ ໂຮ່ຈີມິນໃນກອງທັບປະຊາຊົນຫວຽດນາມ…ພ້ອມກັນກັບບັນດາການເຄື່ອນໄຫວຕ່າງໆຄື: ແລກປ່ຽນປະສົບການ, ການປະຕິບັດທີ່ດີກ່ຽວກັບການເຄື່ອນໄຫວຂອງຊາວໜຸ່ມ, ຮູບແບບເປັນສັນຍະລັກ ຂອງເຍົາວະຊົນຊາວໜຸ່ມ ຫວຽດນາມ.

ຊຸດການຝຶກອົບຮົມວິຊາສະເພາະ ກ່ຽວກັບວຽກງານໂຄສະນາອົບຮົມໃຫ້ແກ່ພະນັກງານກອງທັບປະຊາຊົນລາວ. (ພາບ: bienphong.com.vn)

ຊຸດອົບຮົມແມ່ນ ເພື່ອແນໃສ່ສົ່ງເສີມຄວາມຮູ້, ທັກສະວິຊາຊີບ, ພ້ອມກັນນັ້ນກໍ່ແລກປ່ຽນ ແລະ ແບ່ງປັນປະສົບການໃນການຈັດຕັ້ງເຄື່ອນໄຫວຂອງຊາວໜຸ່ມ ທົ່ວໄປກໍ່ຄືວຽກງານສະຫະພັນ ແລະ ການເຄື່ອນໄຫວຂອງຊາວໜຸ່ມ ໃນກອງທັບປະຊາຊົນຫວຽດນາມ. ໂດຍສະເພາະແມ່ນຂຶ້ນກັບພະນັກງານຄະນະພັກ ແລະ ພະນັກງານທີ່ຮັບຜິດຊອບວຽກງານຊາວໜຸ່ມ ຂອງຄະນະກຳມະການປະຊາຊົນລາວ. ຜ່ານນັ້ນ, ຍົກສູງຄຸນນະພາບ, ທັກສະວິຊາສະເພາະ ແລະ ຄວາມເຂົ້າໃຈກ່ຽວກັບປະຫວັດສາດ, ປະເພນີ, ວັດທະນະທຳ, ປະເທດຊາດ, ປະຊາຊົນ ແລະ ພະນັກງານກອງທັບປະຊາຊົນຫວຽດນາມ.ດ້ວຍຄວາມຮີບດ່ວນ, ຄວາມຮັບຜິດຊອບສູງຂອງຊຸດຝືກອົບຮົມໄດ້ປະສົບຜົນສຳເລັດ, ບັນລຸເປົ້າໝາຍ ແລະ ຄວາມຮຽກຮ້ອງຕ້ອງການ. ນັກຮຽນທັງໝົດໄດ້ປະສົບຜົນສຳເລັດໃນການຝືກອົບຮົມ. 

ໃນຕອນແລງວັນທີ 3 ກັນຍາ ກົມໂຄສະນາຂອງກົມໃຫຍ່ການເມືອງກອງທັບປະຊາຊົນຫວຽດນາມ ໄດ້ຈັດຕັ້ງພິທີເປີດບັ້ນເຝິກອົບຮົມວິຊາສະເພາະ ເຕັກນິກການພິມໃຫ້ແກ່ຖັນແຖວພະນັກງານຂອງໂຮງງານການພິມກອງທັບປະຊາຊົນລາວ ປະຈຳປີ 2019 ຢູ່ທີ່ກອງ 871 ກົມໃຫຍ່ການ ເມືອງກອງທັບ.ວຽກງານການພິມໃນກອງທັບ ມີທີ່ຕັ້ງ ແລະ ພາລະບົດບາດທີ່ສຳຄັນ ມັນທັງເປັນເຄືື່ອງມືໃຫ້ແກ່ວຽກງານແນວຄິດວັດທະນະທຳ ແລະ ທັງເປັນຂະແໜງເສດຖະກິດເຕັກນິກ. 

ເປີດເຝິກອົບຮົມວິຊາສະເພາະເຕັກນິກການພິມໃຫ້ແກ່ ພະນັກງານໂຮງງານການພິມກອງທັບປະຊາຊົນລາວ. (ພາບ:qdnd.vn)
  
ເປັນອີກຂອດໜຶ່ງທີ່ສຳຄັນຂອງວຽກງານພິມຈຳໜ່າຍ, ດຳເນີນການພິມຂ່າວທຸກປະເພດ,  ວາລະສານ ແລະ ພິມຈໍາໜ່າຍບັນດາຜະລິດຕະພັນຕ່າງໆທາງດ້ານການພິມເພືື່ອບໍລິ ການໃຫ້ວຽກງານຂ່າວສານ, ວຽກງານສຶກສາ, ວຽກງານການເຝິກແອບກຽມພ້ອມສູ້ຮົບ ແລະ ຕອບສະໜອງຕາມຄວາມຮຽກຮ້ອງຕ້ອງການຂອງວັດທະນະທຳການອ່ານ. ຍົກສູງຊີວິດຄວາມເປັນຢູ່ ແນວຄິດ - ວັດທະນະທຳຂອງພະນັກງານ, ນັກຮົບ   ສາມາດປະກອບສ່ວນເພື່ອກໍ່ສ້າງໃຫ້ກອງທັບມີຄວາມເຂັ້ມແຂງທາງດ້ານການເມືອງ. ໃນບັນດາຊຸມປີທີ່ຜ່ານມາ ກອງທັບສອງຊາດ ລາວ-ຫວຽດນາມ ໄດ້ຈັດບັ້ນພົບປະແລກປ່ຽນບົດຮຽນ, ບັ້ນຮ່ຳຮຽນວິຊາສະເພາະທີ່ກ່ຽວຂ້ອງຢ່າງເປັນປົກກະຕິ  ທັງນີ້ກໍ່ເພື່ອຍົກສູງລະດັບເຕັກນິກ-ວິຊາສະເພາະ ໃຫ້ແກ່ຖັນແຖວພະນັກງານ, ກຳມະກອນໃນສາຍການພິມຂອງກອງທັບສອງປະເທດ.
(ຄຳຮຸ່ງ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll