ເຈົ້າແຂວງໆສະຫວັນນະເຂດ ຕ້ອນຮັບ ທ່ານເອກອັກຄະລັດຖະທູດຜູ້ມີອຳນາດເຕັມ ແຫ່ງ ສສ ຫວຽດນາມ

15:05 2019/07/08

ໃນທ້າຍອາທິດທີ່ຜ່ານມານີ້, ທີ່ສຳນັກງານຫ້ອງວ່າການປົກຄອງແຂວງ ສະຫວັນນະເຂດ, ທ່ານ ສັນຕິພາບ ພົມວິຫານ ເຈົ້າແຂວງສະຫວັນນະເຂດ ໄດ້ເປັນກຽດຕ້ອນຮັບ ທ່ານ ຫງວຽນ ບ໋າຮຸ໋ງ ເອກອັກຄະ ລັດຖະທູດຜູ້ມີອຳນາດເຕັມແຫ່ງ ສ​ສ ຫວຽດນາມປະຈໍາ ສປປ ລາວ .

ເຈົ້າແຂວງໆສະຫວັນນະເຂດ ຕ້ອນຮັບ ທ່ານເອກອັກຄະລັດຖະທູດຜູ້ມີອຳນາດເຕັມ ແຫ່ງ ສສ ຫວຽດນາມ
ທ່ານ ສັນຕິພາບ ພົມວິຫານ ເຈົ້າແຂວງສະຫວັນນະເຂດ ແລະ ທ່ານ ຫງວ໋ຽນ ບ໋າ ຮຸ່ງ ເອກອັກຄະລັດຖະທູດ ສສ ຫວຽດນາມ ປະຈຳ ສປປ ລາວ. (ພາບ: ສະຫວັນພັດທະນາ ຂ່າວ)

ເນື່ອງໃນໂອກາດທີ່ທ່ານ ເອກອັກຄະລັດຖະທູດແຫ່ງ ສສ ຫວຽດນາມ ປະຈໍາ ສປປ ລາວ ເຂົ້າພົບປະຢ້ຽມຢາມ ການນໍາຂອງແຂວງສະຫວັນນະເຂດ, ທ່ານ ສັນຕິພາບ ພົມວິຫານ ເລຂາພັກແຂວງ ເຈົ້າແຂວງໆ ສະຫວັນນະເຂດ ໄດ້ເປັນກຽດໃຫ້ການຕ້ອນຮັບຢ່າງອົບອຸ່ນ ແລະ ສະແດງຄວາມຍິນດີຕໍ່ການເດີນທາງມາພົບປະຢ້ຽມຢາມ ຂອງທ່ານເອກອັກຄະລັດຖະທູດໃນຄັ້ງນີ້. ໂອກາດນີ້ທ່ານເຈົ້າແຂວງສະຫວັນນະເຂດກໍ່ໄດ້ຍົກເຫັນສະພາບລວມການພັດທະນາເສດຖະກິດ-ສັງຄົມ, ທ່າແຮງການລົງທຶນ ຂອງແຂວງສະຫວັນນະເຂດໂດຍສັງເຂບ, ໂດຍມີເຂດເສດຖະກິດພິເສດ ສະຫວັນ-ເຊໂນເປັນຈຸດສຸມ ຂອງການລົງທຶນໃນທົ່ວແຂວງ ເຮັດໃຫ້ສະພາບເສດຖະກິດ ຂອງແຂວງມີການຂະຫຍາຍຕົວພໍສົມຄວນ. ນອກຈາກນີ້, ທ່ານຍັງໄດ້ກ່າວສະແດງຄວາມຂອບໃຈລັດຖະບານຫວຽດນາມ ໄດ້ໃຫ້ຄວາມ ຊ່ວຍເຫຼືອຍູ້ໜູນແຂວງສະຫວັນນະເຂດ ຕະຫຼອດມາເປັນຕົ້ນແມ່ນ: ດ້ານສາທາລະນາສຸກ, ການສຶກສາ ແລະ ດ້ານອື່ນໆ.

ຈາກນັ້ນ, ທ່ານ ຫງວ໋ຽນ ບ໋າ ຮຸ່ງ ກໍ່່ໄດ້ກ່າວສະແດງຄວາມຂອບໃຈຕໍ່ການຕ້ອນຮັບຢ່າງອົບອຸ່ນ ແລະ ໄມຕີຈິດ; ຊົມເຊີຍຕໍ່ຜົນສໍາເລັດຕ່າງໆທີ່ ແຂວງສະຫວັນນະເຂດ ໄດ້ຈັດຕັ້ງປະຕິບັດຜ່ານມາ, ການພົວພັນຮ່ວມມື ລະຫວ່າງ  2 ພັກ, ສອງລັດ ຖ້າທຽບໃສ່ເມື່ອກ່ອນແມ່ນມີຄວາມແໜ້ນແຟ້ນຂຶ້ນຫຼາຍ ເປັນຕົ້ນແມ່ນການພັດທະນາ ເສດຖະກິດ-ສັງຄົມຮ່ວມກັນ, ຮ່ວມມືສະກັດກັ້ນການລັກລອບນໍາສິ່ງຜິດກົດໝາຍຜ່ານເຂດຊາຍແດນໄດ້ດີຂຶ້ນເປັນຕົ້ນແມ່ນຢາເສບຕິດ, ສິນຄ້າເກືອດຫ້າມ ແລະ ອື່ນໆ. ອາດຍັງມີບາງບັນຫາທີ່ຍັງຂາດຕົກບົກຜ່ອງແຕ່ເຖິງຢ່າງໃດກໍ່ຕາມ ຮຽກຮ້ອງໃຫ້ທ່ານເຈົ້າແຂວງ ຊ່ວຍເບິ່ງແຍງດູແລປະຊາຊົນກໍ່​ຄື​ແຮງງານຫວຽດນາມ ທີ່ເຂົ້າ ອອກ​ແຮງ​ງານກໍ່ຄື​ການມາດໍາລົງຊີວິດພາຍໃນແຂວງສະຫວັນນະເຂດນີ້ດ້ວຍ, ພ້ອມນີ້ກໍ່ ຂໍໃຫ້ທາງແຂວງ ສະຫວັນນະເຂດຊ່ວຍກັນປົກປັກຮັກສາ ເຂດຊາຍແດນຮ່ວມກັນ,ດຶງດູດການລົງທຶນຈາກນັກທຸລະກິດ ຈາກປະເທດຫວຽດນາມ ແລະ ຊາດອື່ນໆເຂົ້າມາລົງທຶນ ໃຫ້ຫຼາຍຂຶ້ນ ແລະ ຮຽກຮ້ອງ​ໃຫ້ເອົາໃຈໃສ່ບັນດາໂຄງການ ທີ່ ສສ ຫວຽດນາມ ທີ່ມີການຮ່ວມມືເປັນຕົ້ນແມ່ນບັນດາບໍລິສັດ ແລະ ວິ​ສາ​ຫະ​ກິດກໍ່​ຄືຊາວຫວຽດນາມ​ທຸກໆ​ຄົນ.

(ແຫຼ່ງ​ຂໍ້​ມູນ​: ສະຫວັນພັດທະນາ ຂ່າວ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll