ຮ່ວມແຮງເຍົາວະຊົນ ຮ່າໂນ້ຍ - ວຽງຈັນ ເພີ່ມພູນສາຍສຳພັນມິດຕະພາບ

10:38 2018/05/14

ຍ​ສ​ໝ - ເລີ່ມແຕ່ວັນທີ 3 ຫາ 11 ພຶດສະພາ, ຄະນະຮັບຜິດຊອບຂອງ ຄະນະຊາວໜຸ່ມນະຄອນຫຼວງ ຮ່າໂນ້ຍ ນຳໂດຍທ່ານ ຫວ໋ຽນວັນທັ໋ງ, ປະທານຊາວໜຸ່ມນະຄອນຫຼວງ ຢ້ຽມຢາມ ແລະ ເຮັດວຽກ ກັບ ຄະນະຊາວໜຸ່ມນະຄອນຫຼວງ ວຽງຈັນ (ສະທາລະນະລັດ ປະຊາທິປະໄຕ ປະຊາຊົນລາວ).

ຮ່ວມແຮງເຍົາວະຊົນ ຮ່າໂນ້ຍ - ວຽງຈັນ ເພີ່ມພູນສາຍສຳພັນມິດຕະພາບ
ຄະ​ນະ​ຊາວ​ໜຸ່ມ​ນະ​ຄອນ​ຫຼວງ​ຮ່າ​ໂນ້ຍ ແລະ ຄະ​ນະຊາວ​ໜຸ່ມ​ນະ​ຄອນ​ຫຼວງວຽງ​ຈັນ ເລີ່ມ​ການ​ກໍ່​ສ້າງ​ໂຄງ​ການ​ຊາວ​ໜຸ່ມ.

ນີ້​ແມ່ນ​ກິດ​ຈ​ະ​ກຳ​ຂອງ​ຊາວ​ໜຸ່ມ ນະ​ຄອນ​ຫຼວງ​ເນື່ອງ​ໃນ​ໂອ​ກາດ​ຄົບ​ຮອບ 56 ປີ ວັນ​ສ້າງ​ຕັ້ງ​ສາຍ​ພົວ​ພັນ​ຕ່າງ​ປະ​ເທດ (5/9/1962 – 5/9/2018), 41 ປີ ຄົບ​ຮອບ​ປີ​ເຊັນ​ສັນ​ຍາ​ມິດ​ຕະ​ພາບ​ການ​ຮ່ວມ​ມື ຫວຽດ​ນາມ - ລາວ (18/7/1977 – 18/7/2018) ແລະ ຄົບ​ຮອບ 21 ປີ ການ​ເຊັນ​ສັນ​ຍາ​ຮ່ວມ​ມື, ພົວ​ພັນ​ມິດ​ຕະ​ພາບ ລະ​ຫວ່າງ ຄະ​ນະ​ຊາວໜຸ່ມ ນະ​ຄອນ​ຫຼວງ ຮ່າ​ໂນ້ຍ ແລະ ຄະ​ນ​ະ​ຊາວ​ໜຸ່ມ​ວຽງ​ຈັນ.

ໃນໄລຍະ 8 ມື້ເຮັດວຽກ, ຄະນະຜູ້ແທນໄດ້ມີກິດຈະກໍາຕ່າງໆເຊັ່ນ: ການສົນທະນາ, ແລກປ່ຽນປະສົບການກ່ຽວກັບພາລະກິດ, ຂະ​ບວນ​ການການເຄື່ອນໄຫວຂອງຄະ​ນະ​ຊາວຫນຸ່ມ ແລະ ເຍົາ​ວະ​ຊົນ; ຈັດຕັ້ງໂຄງການອາສາທີ່ມີຫົວຂໍ້ "ຮ່ວມແຮງຊາວຫນຸ່ມຮ່າໂນ້ຍ - ວຽງຈັນເພື່ມ​ພູນ​ນ້ຳ​ໃຈມິດຕະພາບ" ​ທີ່ ໂຮງຮຽນມັດທະຍົມຕົ້ນ  ນາທຽມ (ເມືອງ ສັງທອງ, ນະຄອນ ຫຼວງວຽງຈັນ); ເພື່ອເລີ່ມຕົ້ນການກໍ່ສ້າງ ສອງ ໂຄງ​ການຊາວຫນຸ່ມ ໃຫ້ແກ່ຊາວ​ໜຸ່ມ​ເຍົາ​ວະ​ຊົນລາວ; ມອບຂອງ​ຂວັນ​ຈຳ​ນວນ  50 ຊຸດ ແລະ ທຶນການສຶກສາແກ່ບັນ​ດາຄອບຄົວ, ​ຊາວ​ໜຸ່ມ​ເຍົ​າ​ວະ​ຊົນທີ່ທຸກຍາກຢູ່ ແຂວງ ຊຽງຂວາງ, ຫຼວງພະບາງ; ມອບອຸປະກອນໄອທີ, ອຸປະກອນຫ້ອງການ, ອຸປະກອນກິລາ ໃຫ້​ແກ່ຊາວຫນຸ່ມວຽງຈັນ…, ມີມູນຄ່າທັງຫມົດເກືອບ 400 ລ້ານດົ່ງ.

ຄະນະຊາວ​ໜຸ່ມ ນ​ະ​ຄອນ​ຫຼວງ ຮ່າ​ໂນ້ຍ ໄດ້​ໄປ​ໄຫວ້​ສັກ​ກະ​ລ​ະ ອະ​ນຸ​ສອນ ທ່ານ​ປະ​ທານ ໄກ​ສອນ ພົມ​ວິ​ຫານ  ແລະ ຫໍ​ພະ​ພິດ​ຕະ​ພັນ ໄກ​ສອນ​ ພົມວິ​ຫານ, ເຮັດວຽກກັບຄະນະສູນກາງ ຊາວ​ໜຸ່ມລາວ; ຢ້ຽມຢາມ ສະຖານທູດຫວຽດນາມ ປະ​ຈຳ  ນະຄອນຫຼວງວຽງຈັນ ..

ໂຄງການແລກປ່ຽນ, ການຢ້ຽມຢາມ ແລະ ເຮັດວຽກ ລະຫວ່າງຄະ​ນະ ຊາວ​ໜຸ່​ມ​ນະ​ຄອນ​ຫຼວງ ຂອງສອງນະຄອນຫຼວງແມ່ນກິດຈະກໍາປະຈໍາປີທີ່ສໍາຄັນເພື່ອຊ່ວຍໃຫ້ ພະນັກງານ ຊາວ​ໜຸ່ມ​ມີໂອກາດຮຽນຮູ້ ແລະ ແບ່ງປັນບົດ​ຮຽນໃນ​ການເຮັດວຽກຮ່ວມກັນ ເພື່ອຮັກສາສາຍພົວພັນອັນ​ເກົ່າ​ແກ່ ພ້ອມດຽວກັນນັ້ນ,ຍົກ​ສູງຄຸນນະພາບຂອງການ​ປະ​ສານງານຂອງສອງ​ຄະ​ນະ​ຊາວ​ໜຸ່ມ​ນະ​ຄອນ​ຫຼວງ ຮ່າ​ໂນ້ຍ -  ນະຄອນຫຼວງວຽງຈັນ.

ຫັດ​ທະ​ບູນ
;

同类别新闻