ອົງການໄອຍະການປະຊາຊົນແຂວງແທັງຮ໊ວາ ຊຸກຍູ້ການຮ່ວມມືກັບ ອົງການໄອຍະການປະຊາຊົນແຂວງຫົວພັນ

08:39 2019/07/11

ຍສໝ - ໃນວັນທີ 9 ກໍລະກົດ 2019, ຄະນະຜູ້ແທນຂອງອົງການໄອຍະການປະຊາຊົນ ແຂວງ ຫົວພັນ ໄດ້ນຳພາໂດຍທ່ານ ກິ່ງເພັດ ບົວລະພັນ, ຮອງຫົວໜ້າອົງການໄອຍະການປະຊາຊົນແຂວງຫົວພັນ ໄດ້ມາຢ້ຽມຢາມ ແລະ ເຮັດວຽກນຳອົງການໄອຍະການປະຊາຊົນ ແຂວງ ແທັງຮ໊ວາ.

ທີ່ການເຮັດວຽກ, ອົງການໄອຍະການປະຊາຊົນ 2 ແຂວງໄດ້ຕີລາຄາສູງຕໍ່ການຮ່ວມມືປົກປັກຮັກສາຄວາມໝັ້ນຄົງ, ການເມືອງຢູ່ເຂດຊາຍແດນຫວຽດນາມ - ລາວ ແລະແຈ້ງໃຫ້ກັນຊາບກ່ຽວກັບສະພາບການພັດທະນາເສດຖະກິດ - ສັງຄົມ, ການປ້ອງກັນຊາດ - ປ້ອງກັນຄວາມສະຫງົບ ແລະ ການເຄື່ອນໄຫວຂອງອົງການໄອຍະການປະຊາຊົນ 2 ແຂວງໃນໄລຍະຜ່ານມາ.

ທ່ານ ໂດ໊ວັນເຟືອງ ຫົວໜ້າອົງການໄອຍະການປະຊາຊົນແຂວງແທັງຮ໊ວາ ກ່າວຄຳປາໄສທີ່ການເຮັດວຽກ. (ພາບ: baovephapluat.vn)

ການພົວພັນຮ່ວມມືລະຫວ່າງອົງການໄອຍະການປະຊາຊົນ 2 ແຂວງໄດ້ປະກອບສ່ວນເພີ່ມພູນຄູນສ້າງ, ພັດທະນາການພົວພັນມິດຕະພາບ ແລະ ການຮ່ວມມືຮອບດ້ານລະຫວ່າງສອງພັກ, ສອງລັດ ແລະ ປະຊາຊົນສອງຊາດເວົ້າລວມ ແລະ ລະຫວ່າງແຂວງແທັງຮ໊ວາ - ຫົວພັນ ເວົ້າສະເພາະ ບົນພື້ນຖານເສີມຂະຫຍາຍມູນເຊື້ອ “ສາມັກຄີ, ເຄົາລົບ” ທີ່ນັບມື້ນັບເລິກເຊິ່ງເຂັ້ມຂຸ້ນ.

ອົງການໄອຍະການປະຊາຊົນ 2 ແຂວງ ໄດ້ເຫັນດີເປັນເອກະພາບຕໍ່ເນື້ອໃນ ແລະ ແຜນການຮ່ວມມືແຕ່ປີ 2019 ຮອດປີ 2021 ດ້ວຍເນື້ອໃນ: ຈັດຕັ້ງປະຕິບັດ ແລະຜັນຂະຫຍາຍເນື້ອໃນບົດບັນທຶກຊ່ວຍຈໍາທີ່ໄດ້ລົງນາມລະຫວ່າງອົງການໄອຍະການປະຊາຊົນ 2 ແຂວງ ແທັງຮ໊ວາ - ຫົວພັນ ປີ 2009, ປີ 2013 ຢູ່ເທດສະບານເມືອງ ຊໍາເໜືອ; ປີ 2015 ຢູ່ນະຄອນແທັງຮ໊ວາ ແລະປີ 2017 ຢູ່ເທດສະບານເມືອງ ຊໍາເໜືອ, ແຂວງຫົວພັນ.

ອົງການໄອຍະການປະຊາຊົນແຂວງແທັງຮ໊ວາ ມອບຂອງຂວັນໃຫ້ແກ່ອົງການໄອຍະການປະຊາຊົນແຂວງຫົວພັນ. (ພາບ: baovephapluat.vn)

ສິ້ນສຸດກອງປະຊຸມ, ທ່ານ ໂດ໊ ວັນ ເຟືອງ ໄດ້ຕີລາຄາສູງຕໍ່ຄວາມຮັບຜິດຊອບຂອງອົງການໄອຍະການປະຊາຊົນແຂວງຫົວພັນ ໃນການສົມທົບກັນປົກປັກຮັກສາຄວາມໝັ້ນຄົງ - ການເມືອງຢູ່ເຂດຊາຍແດນໃນຊຸມປີຜ່ານມາ. 

(ຄຳຮຸ່ງ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll