ຫວຽດນາມ ເຫັນຄວາມສຳຄັນໃນການເສີມຂະຫຍາຍ ແລະ ເພີ່ມທະວີ ສາຍພົວພັນ ພິເສດກັບ ລາວ

22:50 2018/06/16

ຍ​ສ​ໝ - ນາຍົກລັດຖະມົນຕີ ຫວຽດນາມ ຫງວ໋ຽນຊົນຟຸ໋ກ ໄດ້ມີການພົບປະສອງຝ່າຍກັບ ນາຍົກລັດຖະມົນຕີ ລາວ ອ້ອມຂ້າງ ກອງປະຊຸມ ACMECS 8 ທີ່ ບາງກອກ ປະເທດໄທ.

ຫວຽດນາມ ເຫັນຄວາມສຳຄັນໃນການເສີມຂະຫຍາຍ ແລະ ເພີ່ມທະວີ ສາຍພົວພັນ ພິເສດກັບ ລາວ
ນາຍົກລັດຖະມົນຕີ ຫງວ໋ຽນ​ຊົນ​ຟຸ໋ກ ແລະ ນາຍົກລັດຖະມົນຕີ ທອງ​ລຸນ ສີ​ສຸ​ລິດ.

ໃນ​ການ​ພົບ​ປະ, ​ນາ​ຍົກ​ລັດ​ຖະ​ມົນ​ຕີທັງສອງ ໄດ້ສະແດງ ຄວາມຍິນດີປິ​ຕິ ຕໍ່​ກັບການພັດທະນາໃຫມ່ ຂອງມູນ​ເຊື້ອ​​ແຫ່ງສາຍ​ພົວ​ພັນ ມິດຕະພາບ, ສາມັກຄີພິ​ເສດ ແລະ ການຮ່ວມມື​ຮອບ​ດ້ານ ລະຫວ່າງ ຫວຽດນາມ-ລາວ.

ດ້ວຍການຕັດສິນໃຈ ສືບຕໍ່ການຮ່ວມມືສອງຝ່າຍຢ່າງເລິກເຊິ່ງ, ນາ​ຍົກ​ລັດ​ຖະ​ມົນ​ຕີທັງສອງ ໄດ້ປະສານສົບ​ທົບ ຊຸກ​ຍູ້ ຈັດ​ຕັ້ງ​ປະ​ຕິ​ບັດ​ຢ່າງ​ສົມ​ບູນ ສົນ​ທິ​ສັນຍາລະດັບສູງ ແລະ ມະ​ຕິ​ຕົກ​ລົງ ຂອງ ກອງປະຊຸມ ຄັ້ງທີ 40 ຄະນະກໍາມະທິການ ລັດ​ຖະ​ບານ​ປະ​ສົມ ຫວຽດນາມ-ລາວ , ມີ​ມາດ​ຕະ​ການເດັດ​ຂາດ​ໃນ​ການແກ້ໄຂບັນຫາຄົງ​ຄ້າງ, ໂດຍສະເພາະແມ່ນ​ຕໍ່​ກັບ​ບັນ​ດາ​ໂຄງ​ການ-ການຮ່ວມມືສໍາຄັນພິ​ເສດ ຄື: ຂະແໜງພະລັງງານ, ຂຸດຄົ້ນບໍ່​ແຮ່ ແລະ ເຊື່ອມ​ຕໍ່​ຄົມ​ມະ​ນາ​ຄົມ.

ນາຍົກລັດຖະມົນຕີ ຫງວ໋ຽນ​ຊົນ​ຟຸ໋ກ ໄດ້ຢືນຢັນວ່າ: ພັກ, ລັດ, ແລະ ປະຊາຊົນຫວຽດນາມ ໃຫ້​ຄວາມ​ສຳ​ຄັນ ແລະ ມອບ​ບູ​ລິ​ມະ​ສິດສູງ​ສຸ​ດ ໃນ​ການ​ເສີມ​ສ້າງ ແລະ ເພີ່ມ​ທະ​ວີ ສາຍພົວພັນພິເສດກັບລາວ. ທ່ານນາ​ຍົກ​ສະ​ແດງ​ຄວາມ​ເຊື່ອ​ໝັ້ນຕໍ່​ພັກ, ລັດ ແລະ ປະ​ຊາ​ຊົນ​ລາວ​ອ້າຍ​ນ້ອງ ຈະ​ສືບ​ຕໍ່​ເສີມ​ຂະ​ຫ​ຍາຍ​ຜົນ​ສຳ​ເລັດ​ທີ່​ບັນ​ລຸ​ໄດ້​ໃນ​ໄລ​ຍະ​ທີ່​ຜ່ານ​ມາ​ໃຫ້​ດີ, ຈັດ​ຕັ້ງ​ປະ​ຕິ​ບັດ​ຢ່າງ​ມີ​ໄຊ ບັນ​ດາ​ເປົ້າ​ໝາຍ ຂອງ​ມະ​ຕິ​ກອງ​ປະ​ຊຸມ​ໃຫຍ່​ຄັ້ງ​ທີ 10 ຂອງ​ພັກ​ປະ​ຊາ​ຊົນ​ປະ​ຕິ​ວັດ​ລາວ ແລະ ແຜນ​ພັດ​ທະ​ນາ​ເສດ​ຖະ​ກິດ-ສັງ​ຄົມ 5ປີ ຄັ້ງ​ທີ 8(2016-2020), ສ້າງ​ສາ​ປະ​ເທດ​ຊາດ​ໃຫ້​ນັບ​ມື້​ນັບ​ຈະ​ເລີນ​ຮຸ່ງ​ເຮືອງ​, ສີ​ວິ​ໄລ.

ທ່ານນາຍົກລັດຖະມົນຕີ ຫງວ໋ຽ​ນ​ຊົນ​ຟຸ໋ກ  ສະແດງຄວາມຂອບໃຈຢ່າງເລິກເຊິ່ງຕໍ່ລັດຖະບານລາວ ແລະ ບັນດາປະເທດອາຊຽນ ໄດ້​ໃຫ້​ຄຳ​ໝັ້ນ​ສັນ​ຍາ​ວ່າ​ຈະສະຫນັບສະຫນູນໃຫ້ ຫວຽດນາມ ໄດ້​ຮັບ​ການ​ຄັດ​ເລືອກ​ເຂົ້າ​ໃນ ໃນສະພາຄວາມຫມັ້ນຄົງສະຫະປະຊາຊາດ ສະ​ໄໝ 2020-2021 ແລະ ການສະຫນັບສະຫນູນຂອງ ສປປ ລາວ ກ່ຽວ​ກັບ​ຫົວ​ຄິດ​ປະ​ດິດ​ສ້າງ ຂອງຫວຽດນາມ ຢູ່ທີ່ ກອງປະຊຸມ ສິດທິມະນຸດຍະ​ຊົນ ທີ່​ຜ່ານ​ມາ. ທ່ານນາຍົກລັດຖະມົນຕີ ​ນຳສະ​ເໜີວ່າ ໃຫ້ທັງສອງຝ່າຍສືບຕໍ່ແລກປ່ຽນຂໍ້ມູນຂ່າວສານ ແລະ ການປະສານສົມ​ທົບ​ກັນ​ຢ່າງ​ແໜ້ນ​ແຟ້ນ ໃນອາຊຽນ ແລະ ຢູ່​ບົນ​ເວ​ທີ-ກອງປະຊຸມຫຼາຍ​ຝ່າຍ​ອື່ນໆ, ປະ​ກອບ​ສ່ວນເຂົ້າ​ໃນ​ການຮັກສາສັນຕິພາບ, ສະຖຽນລະພາບ ແລະ ການພັດທະນາແບບຍືນຍົງໃນແຕ່ລະປະເທດ ກໍ່​ຄື​ໃນພາກພື້ນ ແລະ ໃນໂລກ.

ນາຍົກລັດຖະມົນຕີ ທອງ​ລຸນ ສີ​ສຸ​ລິດ ໃຫ້​ຮູ້​ວ່າ: ຈະພົບປະ ແລະ ປຶກສາຫາລືໂດຍກົງກັບບັນດາ ນັກ​ທຸ​ລະ​ກິດຫວຽດນາມທີ່​ກຳ​ລັງລົງທຶນ​ຢູ່ລາວ, ຢືນຢັນວ່າ​ຈະຊີ້ນໍາບັນດາກະຊວງ, ຂະ​ແໜງ​ການ ແລະ ທ້ອງຖິ່ນຂອງລາວ ປະ​ສານ​ງານ​ຢ່າງ​ແໜ້ນ​ແຟ້ນ​ກັບ ຄູ່​ຮ່ວມ​ມືຫວຽດນາມ ແກ້​ໄຂ​ຂໍ້​ຫຍຸ້ງ​ຍາກໃນ​ການ​ຮ່ວມ​ມື, ໂດຍສະເພາະແມ່ນໃນບັນດາໂຄງການທີ່ ມີ​ຄວາມ​ໝາຍສໍາຄັນ ​ອັນ​ຍິ່ງໃຫຍ່​ໃນການພັດທະນາເສດຖະກິດ ແລະ ສັງຄົມ, ນໍາໄປ​ສູ່ຜົນສຳ​ເລັດອັນໃຫຍ່ຫຼວງມາໃຫ້ທັງສອງຝ່າຍ.

ນາຍົກລັດຖະມົນຕີ ຫງວ໋ຽ​ນ​ຊົນ​ຟຸ໋ກ  ສະ​ແດງ​ຄວາມ​ຂອບ​ອົກ​ຂອບ​ໃຈຕໍ່ ນາຍົກລັດຖະມົນຕີ ທອງ​ລຸນ ສີ​ສຸ​ລິດ ທີ່​ຕອບ​ຮັບ​ເຂົ້າຮ່ວມ ກອງປະຊຸມ ເສດຖະກິດໂລກ ກ່ຽວກັບອາຊຽນ ເຊິ່ງ​ຈະ​ຈັດ​ຂື້ນ​ທີ່ນະຄອນຫຼວງ ຮ່າໂນ້ຍ ໃນເດືອນກັນຍາທີ່​ຈະ​ມາ​ເຖິງນີ້.

(ຫັດ​ທະ​ບູນ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll