ຫວຽດນາມ-ລາວ: ແບ່ງປັນບົດຮຽນຄຸ້ມຄອງລັດກ່ຽວກັບວຽກງານພາຍໃນ

07:15 2019/07/12

ຍສໝ - ເມື່ອມໍ່ໆມານີ້, ທີ່ ຮ່າໂນ້ຍ, ກະຊວງພາຍໃນ ຫວຽດນາມ ແລະ ກະຊວງພາຍໃນ ລາວ ໄດ້ຈັດຕັ້ງກອງປະຊຸມສໍາມະນາແລກປ່ຽນບົດຮຽນການຄຸ້ມຄອງລັດຖະກອນ ແລະ ຄຸ້ມຄອງອໍານາດການປົກຄອງທ້ອງຖິ່ນຫວຽດນາມ-ລາວ.

ຫວຽດນາມ-ລາວ: ແບ່ງປັນບົດຮຽນຄຸ້ມຄອງລັດກ່ຽວກັບວຽກງານພາຍໃນ
ບັນຍາກາດທີ່ກອງປະຊຸມສໍາມະນາ.(ພາບ:moha.gov.vn)

ທີ່ກອງປະຊຸມສໍາມະນາ, ທ່ານ ເລ ວິງ ເຕີນ ລັດຖະມົນຕີກະຊວງພາຍໃນຫວຽດນາມ ຫວັງວ່າຜ່ານພຶດຕິກຳຕົວຈິງທີ່ໄດ້ແລກປ່ຽນນຳກັນ, ກະຊວງພາຍໃນສອງປະເທດຈະຖອດຖອນບົດຮຽນເພື່ອເປັນເສນາທິການໃນໜ້າທີ່ສ້າງບັນດາເອກະສານນິຕິກໍາທີ່ກ່ຽວຂ້ອງໃຫ້ເໝາະສົມກັບພຶດຕິກໍາຕົວຈິງສອງປະເທດ.

ທີ່ກອງປະຊຸມສໍາມະນາ, ຫວຽດນາມ ໄດ້ແບ່ງປັນກ່ຽວກັບການຄຸ້ມຄອງອໍານາດການປົກຄອງທ້ອງຖິ່ນ ແລະ ການປະຕິບັດການປະຕິຮູບໃນວຽກງານຄຸ້ມຄອງລັດຖະກອນຂອງຫວຽດນາມ ຢ່າງເປີດອົກເປີດໃຈ; ການນໍາກະຊວງພາຍໃນລາວ ຍົກໃຫ້ເຫັນຄວາມຫຍຸ້ງຍາກ, ຂໍ້ຕິດຂັດຈໍານວນໜຶ່ງ, ບັນດາບັນຫາຄວນແກ້ໄຂເພື່ອໃຫ້ກອງປະຊຸມສໍາມະນາບັນລຸໄດ້ໝາກຜົນສູງທີ່ສຸດ.

ກ່ອນໜ້ານັ້ນ, ໃນຕອນເຊົ້າວັນທີ 9 ກໍລະກົດ, ທີ່ຮ່າໂນ້ຍ, ພາຍໃຕ້ການເປັນສັກຂີພິຍານຂອງລັດຖະມົນຕີກະຊວງພາຍໃນສອງປະເທດຫວຽດນາມ  ແລະ ລາວ, ມະຫາວິທະຍາໄລພາຍໃນຮ່າໂນ້ຍ (ກະຊວງພາຍໃນ) ໄດ້ລົງນາມບົດບັນທຶກຊ່ວຍຈໍາການຮ່ວມມືກ່ຽວກັບການສຶກສາ, ບໍາລຸງສ້າງ ແລະ ຄົ້ນຄວ້າກັບກົມຕີລາຄາ ແລະ ພັດທະນາລັດຖະກອນ (ກະຊວງພາຍໃນລາວ).

(ໄຊພອນ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll