ຫວຽດນາມ - ລາວ: ເພີ່ມທະວີການຮ່ວມມືດ້ານປ້ອງກັນຊາດ

14:19 2019/07/12

ຍສໝ - ໃນຕອນເຊົ້າຂອງວັນທີ 10 ກໍລະກົດ 2019, ຢູ່ ທີ່ຫ້ອງປະຊຸມກອງບັນຊາການ ໄດ້ຈັດຂຶ້ນກອງປະຊຸມສະໄໝສາມັນ ປະຈຳປີ 2019 ລະຫວ່າງ 11 ກົມກອງທະຫານພາກເໜືອຂອງລາວ ກັບ ກອງບັນຊາການທະຫານເຂດ II ກອງທັບປະຊາຊົນຫວຽດນາມ.

ກອງປະຊຸມສະໄໝສາມັນ ປະຈຳປີ 2019 ລະຫວ່າງ 11 ກົມກອງທະຫານພາກເໜືອຂອງ ລາວ ກັບ ກອງບັນຊາການທະ ເຂດ II ກອງທັບປະຊາຊົນຫວຽດນາມ ເຊິ່ງປະກອບມີ: ກອງພົນທີ 2, ກອງພົນທີ 3, ໂຮງຮຽນນາຍ ສິບເລກ 1 ແລະ ກອງບັນຊາການທະຫານແຂວງ 8 ແຂວງພາກເໜືອລາວ.

ທະຫານແຂວງຫົວພັນຝ່າຍລາວ ນຳໂດຍ ສະຫາຍ ພັນເອກ ປອ ສີພອນ ແກ້ວສະໄໝ ຫົວໜ້າການເມືອງ ກອງພົນທີ 2 ເປັນຫົວໜ້າຄະນະ ໄດ້ພົບປະເຈລະຈາ  ນຳກອງບັນຊາການທະຫານເຂດ II ກອງທັບປະຊາຊົນຫວຽດນາມ  ໄດ້ນຳພາໂດຍ ສະຫາຍ ພົນຈັດຕະວາ ຮວ່າງ ຫງັອກ ຢຸ້ງ ຮອງຫົວໜ້າກອງບັນຊາການທະຫານເຂດ II ກອງທັບປະຊາຊົນຫວຽດນາມ ເປັນຫົວໜ້າ.

 ພິທີລົງນາມເຊັນບົດບັນທຶກຊ່ວຍຈຳ. (ພາບ: Lao's Army News)

ໂອກາດນີ້, ຫົວໜ້າຄະນະທັງສອງຝ່າຍໄດ້ຜັດປ່ຽນກັນຂຶ້ນລາຍງານຈຸດພິເສດສະພາບການດ້ານຕ່າງໆຂອງໂລກ, ພາກພື້ນ, ສະພາບພົ້ນເດັ່ນຢູ່ພາຍໃນປະເທດ ແລະ ບັນດາກົມກອງຂອງຕົນເປັນຕົ້ນແມ່ນວຽກງານປ້ອງກັນຊາດ-ປ້ອງກັນຄວາມສະຫງົບ, ການສ້າງເສດຖະກິດ, ວັດທະນະນຳ-ສັງຄົມ, ການພັດທະນາພື້ນຖານໂຄງລ່າງ, ການສະກັດກັ້ນປະກົດການຫຍໍ້ທໍ້ທີ່ເກີດຂຶ້ນ ແລະ ບັນຫາອື່ນໆທີ່ຈະຕ້ອງໄດ້ເສີມຂະຫຍາຍ ແລະ ປັບປຸງແກ້ໄຂໃນຕໍ່ໜ້າ, ສຳລັບການຈັດຕັ້ງປະຕິບັດພົວພັນຮ່ວມມືທັງສອງຝ່າຍໄດ້ປະຕິບັດຕາມບົດບັນທຶກສັນຍາທີ່ໄດ້ລົງນາມນຳກັນໃນຄັ້ງວັນທີ 14 ສິງຫາ 2018 ທີ່ນະຄອນຫວຽດຈີ ແຂວງຟູເຖາະ ສສ ຫວຽດນາມ ໂດຍບັນດາກົມກອງ ຂອງລາວ - ຫວຽດນາມ ຕ້ອງຈັດຕັ້ງແຮກສ່ຽວນຳກັນ, ໂດຍສະເພາະບັນດາກອງບັນຊາການທະຫານແຂວງ ແລະ ກົມກອງທີ່ມີຊາຍແດນຕິດຈອດກັນ, ຕ້ອງໄດ້ ມີການເຄື່ອນໄຫວພົບປະແລກປ່ຽນຖອດຖອນບົດຮຽນຊ່ວຍເຫຼືອເຊິ່ງກັນ ແລະ ກັນຢ່າງເປັນປົກກະຕິ, ເດັດດ່ຽວປົກປັກຮັກສາ ແລະ ເສີມຂະຫຍາຍມູນເຊື້ອແຫ່ງຄວາມສາມັກຄີພິເສດ, ການພົວພັນຮ່ວມມືຮອບດ້ານລະຫວ່າງ ສອງພັກ, ສອງລັດ, ສອງກອງທັບ ແລະ ປະຊາຊົນສອງຊາດລາວ - ຫວຽດນາມ ເວົ້າລວມ, ເວົ້າສະເພາະກອງບັນຊາການທະຫານ ເຂດ II ກອງທັບປະຊາຊົນຫວຽດນາມກັບບັນດາກົມກອງທະຫານພາກເໜືອລາວ ໃຫ້ໝັ້ນຄົງຄະນົງແກ່ນຕະຫຼອດໄປ. ໂອກາດນີ້, ຄະນະທັງສອງຝ່າຍ ໄດ້ເປັນເອກະພາບກັນລົງນາມເຊັນບົດບັນທຶກຊ່ວຍຈຳນຳກັນ ແລະ ຜັດປ່ຽນກັນມອບຂອງຂວັນທີ່ລະນຶກໃຫ້ເຊິ່ງກັນ ແລະ ກັນຕື່ມອີກ.

ຄຳຮຸ່ງ
;

同类别新闻