ຫວຽດນາມ - ລາວ: ເພີ່ມທະວີການຮ່ວມມືດ້ານການກອງທັບ

12:07 2019/08/16

ຍສໝ - ວັນທີ 14 ສິງຫາ, ຢູ່ເມືອງ ຫາຍຝ່ອງ, ກົມປ້ອງກັນພາຍໃນ, ກົມໃຫຍ່ການເມືອງ ແລະ ກອງທັບປະຊາຊົນລາວ ນຳໂດຍ ທ່ານພົນຈັດຕະວາ ບຸນລ້ຽງ ແສງພະຈັນ ຫົວໜ້າ ກົມປ້ອງກັນພາຍໃນກອງທັບລາວ ໄດ້ກ່າວຄຳອວຍພອນ ເຖິງກອງບັນຊາການກອງທັບ ປະຊາຊົນຫວຽດນາມ. ທ່ານ ນາຍພົນເຮືອເອກ ເລືອງ ວຽດ ຫູ່ງ, ຮອງຜູ້ບັນຊາການທະຫານເຮືອ ຮັບຜິດຊອບການຕ້ອນຮັບ.

ທີ່ການຕ້ອນຮັບ, ທ່ານພົນເຮືອເອກ ເລືອງ ວຽດ ຫູ່ງ ໄດ້ເນັ້ນໜັກ ວ່າ ຫວຽດນາມ ແລະ ລາວ ແມ່ນສອງປະເທດບ້ານໃກ້ເຮືອນຄຽງ ທີ່ມີສາຍພົວພັນມິດຕະພາບແບບພິເສດ ແລະ ການຮ່ວມມືຮອບດ້ານລະຫວ່າງສອງພັກ ແລະ ສອງລັດໃນບັນດາຂົງເຂດ ຄື: ການເມືອງ, ວັດທະນະທຳ, ວິທະຍາສາດ - ເຕັກໂນໂລຢີ ແລະ ການປ້ອງກັນຊາດ - ປ້ອງກັນຄວາມສະຫງົບ. ຄຽງຄູ່ກັບການພັດທະນາຂອງສາຍພົວພັນນັ້ນ, ການພົວພັນລະຫວ່າງກອງທັບສອງປະເທດຫວຽດນາມ - ລາວພວມໄດ້ຮັບການເພີ່ມທະວີ ແລະ ພັດທະນາຢ່າງບໍ່ຢຸດຢັ້ງ.

ທ່ານ ເລືອງ ວຽດ ຫູ່ງ ມອບຂອງທີ່ລະລຶກໃຫ້ ທ່ານ ບຸນລ້ຽງ ແສງພະຈັນ. (ພາບ: cpv.org.vn)

ທ່ານພົນເຮືອເອກ ເລືອງ ວຽດ ຫູ່ງ ແນະນຳໂດຍຫຍໍ້ກ່ຽວກັບຂະບວນການກໍ່ສ້າງ ແລະ ພັດທະນາຂອງກອງທັບເຮືອປະຊາຊົນຫວຽດນາມໃນ 64 ປີທີ່ຜ່ານມາ. ຕາມນັ້ນແລ້ວ, ກອງທັບເຮືອຫວຽດນາມແມ່ນ ກຳລັງຫຼັກແຫຼ່ງໃນການປົກປ້ອງອະທິປະໄຕທະເລ, ໝູ່ເກາະ ແລະ ເຂດໄຫຼ່ທະວີບຂອງປະເທດ. ກອງທັບເຮືອຫວຽດນາມ ມີການພົວພັນມິດຕະພາບກັບກອງທັບເຮືອຫຼາຍປະເທດໃນພາກພື້ນ ແລະ ໃນໂລກ; ໄດ້ຈັດຕັ້ງການລາດຕະເວນຮ່ວມທາງທະເລ ແລະ ສ້າງຕັ້ງຊ່ອງການສື່ສານກັບກອງທັບເຮືອຈີນ, ກອງທັບເຮືອ ກຳປູເຈຍ ແລະ ກອງທັບເຮືອໄທ…ໃນຊຸມປີຜ່ານມານີ້, ກອງທັບເຮືອຫວຽດນາມໄດ້ສົ່ງ ກຳປັ່ນໄປຢ້ຽມຢາມບັນດາປະເທດໃນພາກພື້ນ, ເຂົ້າຮ່ວມພິທີສວນສະໜາມບັນດາ ກຳປັ່ນສາກົນ ໂດຍອົງການກອງທັບເຮືອຈັດຕັ້ງ ເຊັ່ນ: ສະຫະພັນລັດເຊຍ, ຈີນ, ອິນເດຍ, ສ. ເກົາຫຼີ, ປະເທດໄທ…

ທ່ານພົນຈັດຕະວາ ບຸນລ້ຽງ ແສງພະຈັນ ໄດ້ແລກປ່ຽນ ໝາກຜົນທີ່ດີໃນການໂອ້ລົມ ຂອງຄະນະຜູ້ແທນ ກັບກົມປ້ອງກັນ ແລະ ກົມສືບສວນຄະດີອາຍາ. ທ່ານພົນຈັດຕະວາ ບຸນລ້ຽງ ແສງພະຈັນ ໄດ້ສະແດງ ຄວາມຊົມຊື່ນ ໂດຍການພັດທະນາຂອງກອງທັບເຮືອຫວຽດນາມ, ປາດຖະໜາວ່າ ກອງທັບເຮືອຫວຽດນາມສືບຕໍ່ຮ່ວມມື ກັບກອງທັບລາວ ແລະ ມີການເຄື່ອນໄຫວແທດຈິງຫຼາຍຢ່າງ, ປະກອບສ່ວນເຂົ້າໃນການຮັກສາ, ເສີມຂະຫຍາຍສາຍພົວພັນທີ່ເປັນມູນເຊື້ອອັນດີງາມ ຫວຽດນາມ ແລະ ລາວ.

(ຄຳຮຸ່ງ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll