ຫວຽດນາມ-ລາວ ສືບຕໍ່ ເພີ່ມພູນຄູນສ້າງສາຍພົວພັນສາມັກຄີແບບພິເສດ

13:37 2019/08/16

ຍສໝ - ຕອນບ່າຍວັນທີ 15 ສິງຫາ, ຢູ່ທີ່ສຳນັກງານສູນກາງພັກ, ທ່ານ ເຈີ່ນ ກ໋ວກ ເວື້ອງ, ກຳມະການກົມການເມືອງ, ເລຂາຄະນະປະຈຳ ໄດ້ໃຫ້ກຽດ ຕ້ອນຮັບຄະນະຜູ້ແທນຂັ້ນສູງ ຄະນະ ກຳມະການກວດກາສູນກາງພັກປະຊາຊົນປະຕິວັດລາວ ແລະ ອົງການກວດກາລັດຖະບານ ແຫ່ງ ສປປ ລາວ ໂດຍ ທ່ານ ບຸນທອງ ຈິດມະນີ, ທ່ານ ບຸນທອງ ຈິດມະນີ, ກຳມະການກົມການເມືອງ, ຮອງນາຍົກລັດຖະມົນຕີ, ປະທານຄະນະກວດກາສູນກາງພັກ, ປະທານອົງການກວດກາລັດຖະບານ ແລະຫົວໜ້າອົງການຕ້ານການສໍ້ລາດບັງຫຼວງຂັ້ນສູນກາງ ມາຢ້ຽມຢາມ ແລະ ເຮັດວຽກ ຢູ່ ສສ ຫວຽດນາມ.

ຫວຽດນາມ-ລາວ ສືບຕໍ່ ເພີ່ມພູນຄູນສ້າງສາຍພົວພັນສາມັກຄີແບບພິເສດ

ທ່ານ ເຈີ່ນ ກ໋ວກ ເວື້ອງ ຕ້ອນຮັບ ທ່ານ ບຸນທອງ ຈິດມະນີ (ພາບ: ສຳນັກຂ່າວຫວຽດນາມ).

ທ່ານ ບຸນທອງ ຈິດມະນີ ໄດ້ສະແດງ ຄວາມຂອບອົກຂອບໃຈ ທ່ານ ເຈີ່ນ ກ໋ວກ ເວື້ອງ ທີ່ໄດ້ໃຫ້ກຽດຕ້ອນຮັບຢ່າງອົບອຸ່ນ ແລະ ໄມຕີຈິດ ໃກ້ແກ່ຄະນະ. ທ່ານໄດ້ສະແດງຄວາມຍິນດີ ແລະ ຊົມເຊີຍ ຕໍ່ກັບບັນດາຜົນສຳເລັດອັນສຳຄັນ ທີ່ຫວຽດນາມ ຍາດມາໄດ້ ໃນຊຸມປີຜ່ານມາ ແລະ ສະແດງຄວາມເຊື່ອໝັ້ນວ່າ ພາຍໃຕ້ການນຳພາຂອງພັກກອມມູນິດຫວຽດນາມ, ປະຊາຊົນຫວຽດນາມ ຈະຍາດໄດ້ຜົນສຳເລັດໃໝ່ ກໍ່ຄືໄຊຊະນະອັນໃຫຍ່ຫຼວງຂື້ນອີກ. ໃນຂະບວນວິວັດປ່ຽນແປງໃໝ່, ຈັດຕັ້ງປະຕິບັດໄຊຊະນະ ຂອງເປົ້າໝາຍທີ່ກອງປະຊຸມໃຫຍ່ຄັ້ງທີ XII ຂອງພັກວາງອອກ; ສະແດງຄວາມເບີກບານມ່ວນຊື່ນ ແລະ ດີໃຈຍິ່ງ ຕໍ່ກັບ ສາຍພົວພັນສາມັກຄີແບບພິເສດຫວຽດນາມ - ລາວ ທີ່ນັບມື້ນັບໄດ້ຮັບການພັດທະນາຢ່າງເລິກເຊິ່ງ, ກວ້າງຂວາງໃນທຸກຂົງເຂດ.

ທ່ານ ບຸນທອງ ຈິດມະນີ ໄດ້ສະຫຼຸບລາຍງານໂດຍຫຍໍ້ເຖິງ ທ່ານເລຂາຄະນະປະຈຳ ເຈິ່ນ ກ໋ວກ ເວື້ອງ ກ່ຽວກັບສະພາບການຮ່ວມມືລະຫວ່າງ ຄະນະກຳມະການກວດກາສູນກາງ ຂອງສອງພັກ ແລະ ລະຫວ່າງອົງການກວດກາລັດຂອງສອງປະເທດ; ທ່ານຢືນຢັນວ່າ ຄະນະ ກຳມະການກວດກາສູນກາງພັກປະຊາຊົນປະຕິວັດລາວ ແລະ ອົງການກວດກາລັດ ຈະປະຕິບັດຂໍ້ຕົກລົງລະຫວ່າງ ການນຳຂັ້ນສູງຂອງສອງພັກ, ສອງລັດ ແລະ ເພີ່ມພູນຄູນສ້າງສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີພິເສດ, ການຮ່ວມມືຮອບດ້ານ ລະຫວ່າງ ລາວ - ຫວຽດນາມ.

ທ່ານ ເຈີ່ນ ກ໋ວກ ເວື້ອງ ໄດ້ໃຫ້ການຕ້ອນຮັບຢ່າງອົບອຸ່ນ ແລະ ສຸດອົກສຸດໃຈຕໍ່ ທ່ານ ບຸນທອງ ຈິດມະນີ ທີ່ກຳລັງມາຢ້ຽມຢາມ ແລະ ເຮັດວຽກ ຢູ່ ສສ ຫວຽດນາມ; ທ່ານຕີລາຄາສູງ ຄວາມໝາຍຄວາມສຳຄັນຂອງການມາຢ້ຽມຢາມ ແລະ ເຮັດວຄັ້ງນີ້; ທ່ານໄດ້ສະແດງຄວາມຊົມເຊີຍເຖິງບັນດາຜົນສຳເລັດກໍ່ຄືໝາກຜົນທີ່ສຳຄັນ ຂອງສປປ ລາວ ຍາດມາໄດ້ ພາຍຫຼັງ 3 ປີແຫ່ງການຈັດຕັ້ງປະຕິບັດ, ຜົນຂະຫຍາຍ ມະຕິກອງປະຊຸມໃຫຍ່ຄັ້ງທີ X ຂອງພັກ ປະຊາຊົນປະຕິວັດລາວ.

ທ່ານ ເຈິ່ນ ກ໋ວກ ເວື້ອງ ໄດ້ສະແດງຄວາມປິຕິຊົມຊື່ນ ກ່ຽວກັບສາຍພົວພັນມິດຕະພາບທີ່ເປັນມູນເຊື້ອ ລະຫວ່າງ ຫວຽດນາມ - ລາວ ທີກຳລັງນັບມື້ນັບກ້າວໄປສູ່ຄວາມເລິກເຊິ່ງ, ມີປະສິດທິຜົນ ແລະ ແທດຈິງ, ໃນນັ້ນມີການປະກອບສ່ວນຢ່າງຕັ້ງໜ້າ ຂອງຄະນະກຳມະກວດກາສູນກາງພັກປະຊາຊົນປະຕິວັດລາວ ແລະ ອົງການກວດກາລັດ. ທ່ານ ເຈີ່ນ ກ໋ວກ ເວື້ອງ ຢືນຢັນວ່າ: ຫວຽດນາມຈະເຮັດຈົນສຸດຄວາມສາມາດຂອງຕົນຮ່ວມກັບ ສປປ ລາວ ເພື່ອປົກປັກຮັກສາ, ເພີ່ມພູນຄູນສ້າງສາຍພົວພັນແບບພິເສດ ລະຫວ່າງ ຫວຽດນາມ ແລະ ລາວໃຫ້ເລິກເຊິ່ງ, ແທດຈິງ ແລະ ມີປະສິດທິຜົນໃນທຸກໆຂົງເຂດ.

ພ້ອມດຽວກັນນັ້ນ, ທ່ານຍັງໄດ້ຕີລາຄາສູງຕໍ່ ໝາກຜົນກໍ່ຄືຜົນສຳເລັດຂອງການຮ່ວມມື ລະຫວ່າງ ສອງອົງການກວດກາ ແລະ ການກວດສອບ ຂອງສອງພັກ ແລະ ສອງປະເທດ; ທ່ານໄດ້ນຳສະເໜີ ໃຫ້ຄະນະກຳມະການສູນກາງ ຂອງສອງພັກ ແລະ ອົງການກວດສອບລັດຂອງສອງປະເທດ ສືບຕໍ່ຊຸກຍູ້ສົ່ງເສີມມູນເຊື້ອປະເພນີຂອງການຮ່ວມມື, ການປະສານສົມທົບກັນຢ່າງໃກ້ຊິດ ແລະ ການຈັດຕັ້ງປະຕິບັດບັນດາຂໍ້ຕົກລົງທີ່ໄດ້ເຊັນລົງນາມຢ່າງມີປະສິດທິຜົນ, ໂດຍສະເພາະແມ່ນການກໍ່ສ້າງພັກ; ກໍ່ສ້າງລະບົບການເມືອງ, ກວດກາ, ກວດສອບ ແລະ ຕ້ານການສໍ້ລາດບັງຫຼວງ.

(ຫັດ​ທະ​ບູນ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll