ຫວຽດນາມ ມອບຫລຽນກາລະນຶກ ເພື່ອພາລະກິດຍຸຕິທຳ ໃຫ້ເອກອັກຄະລັດຖະທູດລາວ

14:49 2019/05/14

ທ້າຍອາທິດທີ່ຜ່ານມາ, ທີ່ນະຄອນຫລວງ ຮ່າໂນ້ຍ, ກະຊວງ ຍຸຕິທຳ ແຫ່ງ ສສ ຫວຽດນາມ ໄດ້ຈັດພິທີ ມອບຫລຽນກາລະນຶກ ເພື່ອພາລະກິດ ຍຸຕິທຳ ໃຫ້ ທ່ານ ທອງສະຫວັນ ພົມວິຫານ ເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງ ສປປ ລາວ ປະຈຳ ສສ ຫວຽດນາມ ທີ່ມີຜົນງານດີເດັ່ນ ປະກອບສ່ວນເຂົ້າໃນການພັດທະນາ ຂອງ ຂະແໜງການຍຸຕິທຳ ຫວຽດນາມ.

ຫວຽດນາມ ມອບຫລຽນກາລະນຶກ ເພື່ອພາລະກິດຍຸຕິທຳ ໃຫ້ເອກອັກຄະລັດຖະທູດລາວ
ຫວຽດນາມ ມອບຫລຽນກາລະນຶກ ເພື່ອພາລະກິດຍຸຕິທຳ ໃຫ້ເອກອັກຄະລັດຖະທູດລາວ.

ໃຫ້ກຽດມອບໂດຍ ທ່ານ ເລແທ່ງລອງ ກຳມະການສູນກາງພັກ, ລັດຖະມົນຕີ ກະຊວງ ຍຸຕິທຳ ຫວຽດນາມ ໂດຍການເຂົ້າຮ່ວມຂອງການນຳຈາກກະຊວງຍຸຕິທຳ ຫວຽດນາມ ແລະ ພະນັກງານສະຖານທູດລາວ ປະຈຳຫວຽດນາມ. 

ໂອກາດນີ້, ທ່ານ ເລແທ່ງລອງ ກໍໄດ້ກ່າວເຖິງຜົນງານອັນໂດດເດັ່ນຂອງ ທ່ານ ທອງສະຫວັນ ພົມວິຫານ ທີ່ໄດ້ປະກອບສ່ວນໃນການເພີ່ມພູນຄູນສ້າງ ຄວາມສຳພັນລະຫວ່າງລາວ-ຫວຽດນາມ ເວົ້າລວມ, ເວົ້າສະເພາະແມ່ນສອງກະຊວງຍຸຕິທຳ ລາວ-ຫວຽດນາມ ໃນໄລຍະຜ່ານມາ, ພ້ອມອວຍພອນໃຫ້ທ່ານ ທອງສະຫວັນ ພົມວິຫານ ຈົ່ງປະສົບຜົນສຳເລັດໃນໜ້າທີ່ການງານທີ່ພັກ-ລັດ ມອບໝາຍໃຫ້. 

ທ່ານ ທອງສະຫວັນ ພົມວິຫານ ໄດ້ກ່າວສະແດງຄວາມຂອບໃຈ ຕໍ່ກະຊວງ ຍຸຕິທຳ ທີ່ໄດ້ມອບຫລຽນກາ ເພື່ອພາລະກິດ ຍຸຕິທຳ ໃນຄັ້ງນີ້, ຂອບໃຈຕໍ່ການເອົາໃຈໃສ່ ແລະ ການຮ່ວມມືຢ່າງໃກ້ຊິດ ລະຫວ່າງ ກະຊວງຍຸຕິທຳລາວ ແລະ ຫວຽດນາມ ໃນໄລຍະຜ່ານມາ ແລະ ຫວັງວ່າ ຄວາມຮ່ວມມືດັ່ງກ່າວ, ຈະຍິ່ງໄດ້ຮັບການເສີມຂະຫຍາຍ ແລະ ພັດທະນາຢ່າງບໍ່ຢຸດຢັ້ງ.

(来源: ຂ​ປ​ລ)
;

同类别新闻