ສະມາຄົມມິດຕະພາບ ຫວຽດ-ລາວ ແມ່ນສະມາຄົມຂອງປະຊາຊົນທົ່ວໜ້າ

17:59 2018/05/07

​ຍ​ສ​ໝ - ໃນ​ທ້າຍ​ອາ​ທິດ​ກ່ອນນີ້, ທີ່ແຂວງ ບັກຢາງ, ສະມາຄົມມິດຕະພາບ ຫວຽດ-ລາວ ຂອງແຂວງບັກຢາງ ໄດ້ເປັນປະທານ, ຮ່ວມກັບສະມາຄົມມິດຕະພາບ ຫວຽດ-ລາວ ແຂວງ ທ໋າຍຫງຽນ ແລະ ສະມາຄົມມິດຕະພາບ ຫວຽດ-ລາວ ແຂວງ ຫ໋າຍຟ່ອງ ໄດ​້​ຈັດງານຮ່ຳຮຽນ, ແລກປ່ຽນປະສົບການ​ໃນການຈັດຕັ້ງປະຕິບັດ ແລະ ຜັນຂະຫຍາຍການເຄື່ອນຂອງປະຊາຊົນ ຫວຽດ-ລາວ ແຕ່ລະແຂວງຄື: ສະມາຄົມ ທ໋າຍຫງຽນ, ບັກຢາງ, ຫ໋າຍຟ່ອງ.

ສະມາຄົມມິດຕະພາບ ຫວຽດ-ລາວ ແມ່ນສະມາຄົມຂອງປະຊາຊົນທົ່ວໜ້າ

ເຂົ້າ​ຮ່ວມ​ໃນ​ງານ​ມີ ເລ​ຂາ​ທິ​ການ​​ສູນ​ກາງ ສະ​ມາ​ຄົມ​ມິດ​ຕະ​ພາບ ຫວຽດ-ລາວ, ຫົວ​ໜ້າ​ຄະ​ນະ ອາ​ຊີ ອາ​ບ​ຟະ​ລິ​ກາ, ສະ​ຫະ​ພັນ​ອົງ​ການ​ມິ​ດ​ຕະ​ພາບ ຫວຽດ​ນາມ(ສະ​ຫະ​ພັນ) ຫງວ໋ຽນ​ວັນ​ມີ໋ ຮ່ວມ​ກັບ​ຕ່າງ​ໜ້າ​ບັນ​ດາ​ຄະ​ນະ​ສະ​ມາ​ຄົມ​ມິ​ດ​ຕະ​ພາບ​ແຂວງ, ນະ​ຄອນ. ໃນ​ງ​ານ​ຄະ​ນະ​ມິ​ດ​ຕະ​ພາບ ຫວຽດ-ລາວ ສູນ​ກາງ ແລະ ທ້ອງ​ຖິ່ນ ໄດ້​ຢ້ຽມ​ຊົມ​ວັດ ວິ໋ງ​ງຽມ ສະ​ຖານ​ທີ່​ບັນ​ຈຸພະຄຳ​ພີ​ເກົ່າ​ແກ່ ຖືກ UNESCO ຮອງ​ຮັບວ່າ​ເປັນ​ມໍ​ລະ​ດົກ​ທາງ​ດ້ານ​ເອກ​ກະ​ສານ ຂອງ​ຂົງ​ເຂດ​ອາ​ຊີ​ອາ​ຄະ​ເນ, ເປັນ​ມໍ​ລະ​ດົກ​ແຫ່ງ​ຊາດ​ພິ​ເສດ ປີ 2015; ມໍ​ລະ​ດົກ​ເມືອງ​ເກົ່າ ເຊືອງ​ຢາງ; ຕົ້ນ ຢ໋າ​ເຮືອງ ມີ​ອາ​ຍຸກວ່າ 1.000 ປີ ແລະ​ເຂົ້າ​ຮ່ວມ​ໃນ​ການ​ເຄື່ອນ​ໄຫວ​ແລກ​ປ່ຽນ​ມິ​ດ​ຕະ​ພາບ​ລະ​ຫວ່າງ 3 ແຂວງ, ນະ​ຄອນ.

ບັນ​ດາ​ຜູ່​ແທນ​ທີ່​ເຂົ້າ​ງານ​ຖ່າ​ຍ​ຮູບ​ເປັນ​ທີ່​ລະ​ນຶກ​ທີ່​ວັດ ວິ໋ງ​ງຽມ ແຂວງ​ບັກ​ຢາວ. (ພາບ: PM)

ງານ​ພົບ​ປະ​ໃນ​ຄັ້ງ​ນີ້ ບໍ່​ພຽງ​ແຕ່ເປັນ​ໂອ​ກາດ​ໃຫ້​ບັນ​ດາ​ສະ​ມາ​ຊິກ​ຂອງ​ສະ​ມາ​ຄົມ​ມິດ​ຕະ​ພາບ​ຂອງ​ແຕ່​ລະ​ແຂວງ, ນະ​ຄອນ ໄດ້​ພົບ​ປະ​ກັນ​ ແຕ່​ຍັງ​ເປັນ​ໂອ​ກາດ​ໃຫ້​ສະ​ມາ​ຄົມ​ມີ​ຄວາມ​ຮັດ​ແໜ້ນ, ແລກ​ປ່ຽນ ແລະ ຮຽນ​ຮູ້​ປະ​ສົບ​ການ​ຂອງ​ກັນ ​ແລະ​ ກັນ​ໃນ​ການ​ຜັນ​ຂ​ະ​ຫຍາຍ​ການ​ເຄື່ອນ​ໄຫວ​ການ​ຕ່າງ​ປະ​ເທດ​ຂອງ​ປະ​ຊາ​ຊົນ ຫວຽດ-ລາວ. ແຕ່​ລະ​ແຂວງ​ລ້ວນ​ແລ້ວ​ແຕ່​ມີ​ຈຸດ​ພິ​ເສດ​ອັນ​ສະ​ເພາະ​ຂອງ​ໃຜ​ລາວໃນ​ການ​ເຄື່ອນ​ໄຫວ​ຂອງ​ແຕ່​ລະ​ຂົງ​ເຂດ.

ທ໋າຍ​ຫງຽນ: ປະ​ຊາ​ຊົນ​ທຸກ​ຄົນ​ລ້ວນ​ແລ້ວ​ແຕ່​ສາ​ມາດ​ເປັນ​ສະ​ມາ​ຊິກ​ຂອງ​ສະ​ມາ​ຄົມ​ມິດ​ຕະ​ພາບ ຫວຽດ-ລາວ​ໄດ້.

ສາຍ​ພົວ​ພັນ​ອັນ​ພິ​ເສດ ຫວຽດ​ນາມ-ລາວ ໄດ້​ຖືກ ປະ​ທານ ໂຮ່​ຈີ໋​ມິງ, ປະ​ທານ​ ໄກ​ສອນ ພົມ​ວິ​ຫານ ແລະ ປະ​ທານ ສຸ​ພາ​ນຸ​ວົງ ກໍ່​ສ້າງ​ຮ່ວມ​ກັບ​ບັນ​ດາ​ຜູ່​ນຳ​ຫຼາຍ​ລຸ້ນ ແລະ ບັນ​ດາ​ຊັ້ນ​ຄົນ ຂອ​ງ​ສອງ​ຊາດຮ່ວມ​ແຮງ​ຮ່ວມ​ໃຈ​ສ້າງ​ຂື້ນ. ເຮັດ​ໃຫ້​ສາຍ​ສຳ​ພັນ​ມະ​ຫາ​ພາກ​ກາຍ​ມາ​ເປັນ​ຄວາມ​ໄກ້​ສິດ​ຂອງ​ປະ​ຊາ​ຊົນ​ນັ້ນ​ແມ່ນ ສິ່ງ​ນັ້ນ​ແມ່ນ​ຈຸດ​ແກ່ນ​ກາງ ຂອງ​ການ​ເຄື່ອນ​ໄຫວ​ສະ​ມາ​ຄົມ ຫວຽດ-ລາວ ຂອງ​ແຂວງ ທ໋າຍ​ຫງຽນ. “ຖ່າຍ​ທອດ​ຄວາມ​ຮູ້​ສືກ​ແບບ​ພິ​ເສດ​ນັ້ນ ສູ່​ປະ​ຊາ​ຊົນ​ຂ​ອງ​ສອງ​ຊາດ​ໂດຍ​ຜ່ານ​ການ​ເຄື່ອນ​ໄຫວ​ຕ່າງ​ປະ​ເທດ​ຂອງ​ປະ​ຊາ​ຊົນ ແມ່ນ​ໜ້າ​ທີ່​ຂອງ​ສະ​ມາ​ຄົມ​ມິດ​ຕະ​ພາບ ຫວຽດ​-ລາວ​ແຂວງ” ທ່ານ ຫງ໋ຽນ​ຢ໋​ວານ​ກິງ ປະ​ທານ ສະ​ມາ​ຄົມ​ມິດ​ຕະ​ພາບ ຫວຽດ​-ລາວ​ ແຂວງ​ ທ໋າຍ​ຫງຽນໃຫ້​ຮູ້​ວ່າ:

ພາຍ​ໃຕ້​ຈິດ​ໃຈ​ກຳ​ໄດ້​ເນື້ອ​ໃນ​ແຈ່ມ​ແຈ້ງ​ ໜ້າ​ທີ່​ຂອງ​ສະ​ມາ​ຄົມ​ມິດ​ຕະ​ພາບ ຫວຽດ​-ລາວ ໃນ​ວຽກ​ງານ​ຮັດ​ແໜ້ນ​ສາຍ​ສຳ​ພັນ​ລະ​ຫວ່າງ​ປະ​ຊາ​ຊົນ​ສອງ​ຊາດ, ຊີ້​ນຳ​ຕິດ​ແທດ​ຂອງ​ຜູ່​ນຳ​ສະ​ຫະ​ພັນ, ສະ​ມາ​ຄົມ​ມິດ​ຕະ​ພາບ ຫວຽດ​-ລາວ ແຂວງ​ ທ໋າຍ​ຫງຽນ ໂດຍ​ຖື​ເອົາ​ນິ​ຍາມ ທຸກໆ​ຄົນ​ລ້ວນ​ແລ້ວ​ແຕ່​ສາ​ມາດ​ເປັນ​ສຳ​ມາ​ຊິກ​ຂອງ​ສະ​ມາ​ຄົມ​ມິດ​ຕະ​ພາບ ຫວຽດ​-ລາວ ໄດ້​ເປີດກວ້າງ​ພາກ​ສ່ວນ​ສາ​ມາດ​ເຂົ້າ​ຮ່ວມ​ສະ​ມາ​ຄົມ​ໄດ້​ຢ່າງ​ບໍ່​ຢຸດຢັ້ງ ປະ​ກອບ​ມີ 4 ຂັ້ນ​ແຂວງ, ເມືອງ, ບ້ານ, ຕາ​ແສງ. ໃນ​ນັ້ນ ມີ ພະ​ນັກ​ງ​ານ 7,000​ ຄົນ, ນັກ​ຮົບ, ທະ​ຫານ, ຊາວ​ໜຸ່ມອາ​ສາ ກັບ​ມາ​ແຕ່​ລາວ ພ້ອມ​ກັບ​ຄົນ​ໄກ້​ສິດ ແລະ ກອງ​ກຳ​ລັງ​ນັກ​ສຶກ​ສາ​ລາວ ​ກຳ​ລັດ​ຮ່ຳຮຽນ​ ຢູ່  ໂຮງ​ຮຽນ 13 ແຫ່ງ ຂອງ ແຂວງ ທ໋າຍ​ຫງຽນ ເກືອບ 2,000 ຄົນ ເປັນ​ພື້ນ​ຖານ​ອັນ​ໜັກ​ແໜ້ນ​ໃນ​ລະ​ບົບ​ການ​ຈັດ​ຕັ້ງ​ມິດ​ຕະ​ພາບ​ປະ​ຊາ​ຊົນ ຫວຽດ-ລາວ ໃນ​ຂອບ​ເຂດ​ແຂວງ.

ໃນ​ໄລ​ຍະ​ທີ່​ຜ່າ​ນ​ມາ ສະ​ມາ​ຄົມ​ມິດ​ຕະ​ພາບ ຫວຽດ​-ລາວ ແຂວງ ທ໋າຍ​ຫງຽນ ໄດ້​ລະ​ດົມ ແລະ ຈັດ​ຕັ້ງ​ປະ​ຕິ​ບັດ​ບັນ​ດາ​ນະ​ໂຍ​ບາຍ​ສັງ​ຄົມ​ຂອງ​ສ​ະ​ຫ​ະ​ພັນ ແລະ ສູນ​ກາງ ໄດ້​ເປັນ​ຢ່າງ​ດີ. ທ໋າຍ​ຫງຽນ​ເປັນ​ສ​ະ​ຖານ​ທີ່​ທຳ​ອິດ​ຂອງ​ໂຮງ​ຮຽນ​ວັດ​ທະ​ນະ​ທຳ​ສະ​ເພາະ​ລູກ​ຫຼານ​ຄົນ​ລາວ. ປະ​ຈຸ​ບັນ​ແຂວງ​ມີ​ສູນກໍ່​ສ້າງ​ບຸກ​ຄະ​ລາ​ກອນ​ແຫ່ງ​ຊາດ​ໃຫ້​ແກ່​ນັກ​ຮຽນ​ລາວ ດ້ວຍ​ຄວາມ​ຮູ້​ສຶກ​ອັນ​ໄກ້​ສິດ​ເປັນ​ກັນ​ເອງ, ພ້ອມ​ທັງ​ມີ​ການ​ເຄື່ອນ​ໄຫວ​ວັດ​ທະ​ນະ​ທຳ, ເຮັດ​ໃຫ້​ສາຍ​ສຳ​ພັນ​ມິດ​ຕະ​ພາບ​​ຮັດ​ແໜ້ນ​ຂອງ​ປະ​ຊາ​ຊົນ​ທັງ​ສອງ​ຊາດມີ​ຄວາມ​ເລິກ​ເຊິ່ງ. ພ້ອມນີ້​ການ​ເຄື່ອນ​ໄຫວ​ຊ່ວຍ​ເຫຼືອ​ນ້ອງ​ນັກ​ຮຽນ​ລາວ​ຂອງ​ແຂວງ​ກໍ່​ໄດ້​ຮັບ​ຄວາມ​ເອົາ​ໃຈ​ໃສ່ ຕັ້ງ​ແຕ່​ຂັ້ນ​ໂຮງ​ຮຽນ ແລະ ແຜ່​ອອກ​ໄປ​ສູ່​ພະ​ນັກ​ງ​ານ​ທຸກ​ຂັ້ນ ແລະ ປະ​ຊາ​ຊົນ​ພາຍ​ໃນ​ແຂວງ.

ຄຽງ​ຄູ່​ກັນ​ນັ້ນ ສະ​ມາ​ຄົມ​ໄດ້​ຮ່ວມ​ມື​ກັບ​ບໍ​ລິ​ສັດ​ທ່ອງ​ທ່ຽວ ຈັດ​ຕັ້ງ​ການ​ເຄື່ອນ​ໄຫວ​ກ່ຽວ​ກັບ​ສະ​ຖານ​ທີ່​ທ່ອງ​ທ່ຽວ, ຢ້ຽມ​ຢາມ ສະ​ໜາມ​ຮົບ​ເກົ່າ​ຂ​ອງ​ແຕ່​ລະ​ແຂວງ​ໃນ ສ​ປ​ປ ລາວ ໃຫ້​ຄອບ​ຄົວ​ທີ່​ເຄີຍ​ຕໍ່​ສູ້ ແລະ ເສຍ​ສະ​ຫຼະ​ຢູ່​ລາວ. ປີ 2017 ສະ​ມາ​ຄົມ​ໄດ້​ຈັດ​ຕັ້ງການ​ຢ້ຽມ​ຢາມ ເຖິງ 14-15 ຄັ້ງ ທີ່​ແຂວງ ສະ​ຫວັນ​ນະ​ເຂດ, ຫົວ​ພັນ, ຊຽງ​ຂວາງ, ນະ​ຄອນຫຼວງວຽງ​ຈັດ ຂອງ​ລາວ ມີຜູ່​ເຂົ້າ​ຮ່ວມ​ເກືອບ 2,000 ຄັ້ງ. ດ້ານ​ເສ​ດ​ຖະ​ກິດ ປິ 2018 ສະ​ມາ​ຄົມ​ກະ​ກຽມ​ການ​ສຳ​ມະ​ນາ​ຄັ້ງ​ທີ​ສອງ ກ່ຽວ​ກັບ​ການ​ຮ່ວມ​ມື ດ້ານ​ການ​ລົງ​ທືນ ພັດ​ທະ​ນາ​ເສດ​ຖ​ະ​ກິດ ຫວຽດ-ລາວ ດ້ວ​ຍ​ຂະ​ໜາດ​ທີ່​ໃຫຍ່​ກວ່າ​ເກົ່າ​ໂດຍ​ມີ​ອົງ​ປະ​ກອບ​ລາກ​ຫຼາຍ​ກ່​ວາ​ເກົ່າ ເພື່ອ​ລະ​ດົມ​ນັກ​ທຸ​ລະ​ກິດ, ບໍ​ລິ​ສັດ ໃນ​ແຂວງ​ສົນ​ໃຈ​ແລະ​ຮ່​ວມ​ການ​ລົງ​ທືນ​ພັດ​ທະ​ນາ​ເສດ​ຖະ​ກິດ ຫວຽດ-ລາວ.

ຜູ່​ແທນ​ບັນ​ດາ​ຜູ່​ນຳ ຂອງ​ສາມ​ສະ​ມາ​ຄົມ​ມິດ​ຕະ​ພາບ​ຫວຽດ-ລາວ ທ໋າຍ​ຫງຽນ, ບັກ​ຢາງ, ຫ້າຍ​ຟ່ອງ ທີ່​ງານ​ພົບ​ປະ​ແລກ​ປ່ຽນ​ມິດ​ຕະ​ພາບ(ພາບ: PM)

ບັກ​ຢາງ: ສະ​ມາ​ຄົມ​ມິດ​ຕະ​ພາບ ຫວຽດ​-ລາວ ຄວາມ​ຮູ້​ສືກ​ຮັດ​ແໜ້ນ​ພາຍ​ໃນ​ຄອບ​ຄົວ.

ການ​ເປັນ​ປະ​ທານ ສະ​ມາ​ຄົມ​ມິດ​ຕະ​ພາບ ຫວຽດ​-ລາວ ແຂວງ ບັກ​ຢາງ ຄັ້ງ​ທີ 3 ສະ​ໄໝ ຕໍ່​ໜ້າ, ວິ​ລະ​ຊົນ ເຈີ່ນ​ງ໋ອກ​ເຟືອງ​ໄດ້​ເຜີຍ​ວ່າ: ກຳ​ໄດ້​ເປົ້າ​ໝາຍ​ຕ້ອງ​ໄດ້​ຮີ​ບ​ໂຮມ​ຫຼາຍ​ອົງ​ປະ​ກອບ​ອັນ​ເປັນ​ຫຼັກ , ມີ​ເສດ​ຖະ​ກິດ​ບົມ​ຊ້ອນ​ແນ​ໃສ່​ຮັກ​ສາ​ບັນ​ດາ​ການ​ເຄື່ອນ​ໄຫວ​ດຳ​ເນີນ​ໄປ​ຢ່າງ​ຟົດ​ຟື້ນ, ຕັ້ງ​ໜ້າຜ່ານ​ກາ​ນ​ເຊື່ອມ​ໂຍງສັງ​ຄົມ​ ສະ​ມາ​ຄົມ​ໄດ້​ສືບ​ຕໍ່​ເຜີຍ​ແຜ່​ການ​ເຄື່ອນ​ໄຫວ​ສູ່​ເຍົາ​ວະ​ຊົນ​ລຸ້ນ​ຫຼັງ ໃນ​ນັ້ນ​ມີ​ລູກ​ຫຼານກອງ​ກຳ​ລັງ​ອາ​ສາ​ສະ​ໝັກ​ເຂົ້າ​ຮ່ວມ​ສະ​ມາ​ຄົມ​ກໍ່​ຄືກ​ານ​ເຄື່ອນ​ໄຫວ​ນຳ​ພາ​ນັກ​ທຸ​ລະ​ກິດ​ຫວຽດ​ນາມ ໄປ​ລາວ ຊອກ​ຮູ້​ ໂອ​ກາດ​ຮ່ວມ​ມື​ກັບ​ນັກ​ທຸ​ລະ​ກິດ​ລາວ.

ອາດ​ຈະ​ເວົ້າ​ໄດ້​ວ່າ ການ​ກໍ່​ສ້າງສຳ​ມະ​ຊິກ​ທີ່​ມີ​ຄວາມ​ສາ​ມາດ​ບົມ​ຊ້ອນ ໄດ້​​ເປັນ​ໜື່ງ​ໃນ​ບັນ​ດາ​ເປົ້າ​ໝາຍ​ທີ່​ສຳ​ຄັນ​ຊ່ວຍ​ເປັນ​ຂົວ​ຕໍ່ ແລະ ພັດ​ທະ​ນາ​ແບບ​ຍືນ​ຍົງ​ບັນ​ດາ​ການ​ເຄື່ອນ​ໄຫວ ຂອງ ສະ​ມາ​ຄົມ​ມິ​ດ​ຕະ​ພາບ ຫວຽດ-ລາວ ແຂວງ​ບັກ​ຢາງ. ຍ້ອນ​ແນວນັ້ນ​ຄຽງ​ຄູ່​ກັບ​ອົງ​ປະ​ກອບ​ທີ່​ເປັນ​ແກນ​ຫຼັກ ສະ​ມາ​ຄົມ​ຍັງ​ໃຫ້​ຄວາ​ມ​ສຳ​ຄັນ​ຮັບ​ເອົາ​ຄະ​ນະ​ສິນ​ລະ​ປະ​ເຂົ້າ​ຮ່ວມ​ເປັນ​ສຳ​ມາ​ຊິກ. ທ່ານ ເຟືອງ​ໄດ້​ສະ​ແດງ: ວັດ​ທະ​ນະ​ທຳ ແມ່ນ​ຂົວ​ຕໍ່​ຕົວ​ຈິງ​ພາ​ໃຫ້​ປະ​ຊາ​ຊົນ​ສອງ​ປະ​ເທດ ຫວຽດ​ນາມ-ລາວ ໃຫ້​ໄດ້​ໄກ້​ສິດກວ່າ​ເກົ່າ. ບັນ​ດາ​ບົດ​ເພງ, ບົດ​ຟ້ອນ ພ້ອມ​ກັບ​ແນວ​ຄິດ​ປະ​ດິດ​ສ້າງ​ດ້ານ​ສິນ​ລະ​ປະ ອີງ​ໃສວັດ​ທະ​ນະ​ທຳ​ຂອງ​ປະ​ເທດ​ເພື່ອນ​ມັນ​ໄດ້​ຜັນ​ຂະ​ຫຍາຍ​ໜ້າ​ທີ່​ອັນ​ຕັ້ງ​ໜ້າ, ຊ່ວຍ​ໃຫ້​ຄວາມ​ສຳ​ພັນ​ປະ​ຊາ​ຊົນ​ສອ​ງ​ປະ​ເທດ​ນັບ​ມື້​ນັບ​ແໜ້ນ​ແຟ້ນ ແລະ ເລິກ​ເຊິ່ງ.

ບໍ່​ພຽງ​ເທົ່າ​ນັ້ນ ຮັດ​ແໜ້ນ​ສາ​ຍ​ສຳ​ພັນ​ມິ​ດ​ຕະ​ພາບ​ລ​ະ​ຫວ່າງ​ສອງ​ປະ​ເທດ ຫວຽດ​ນາມ-ລາວ ຜ່ານ​ກາ​ນກໍ່​ສ້າງ​ຄວາມ​ຮູ້​ສືກ​ຄືຄົນ​ໃນ​ຄອບ​ຄົວ ຖ້າ​ເວົ້າ​ເຖິງ​ໝູ່​ເພື່ອນ​ລາວ​ແມ່ນ​ເປັນ​ລັກ​ສະ​ນະ​ພິ​ເສດ​ຂອງ ສະ​ມາ​ຄົມ​ມິດ​ຕະ​ພາບ ຫວຽດ-ລາວ , ສະ​ມາ​ຄົມ​ມິ​ດ​ຕະ​ພາບ ຫວຽດ-ລາວ ແຂວງ ບັກ​ຢາງ. ໃນ​ໂອ​ກາດ​ງານ​ມ່ວນ​ຊື່ນ, ງານ​ໂສກ​ເສົ້າ ຂອງ​ປະ​ຊາ​ຊົນ​ລາວ, ສະ​ມາ​ຄົມ​ມິ​ດ​ຕະ​ພາບ ຫວຽດ-ລາວ ແຂວງ ບັກ​ຢາງ ລ້ວນ​ແລ້ວ​ແຕ່​ໄດ້​ສະ​ຫຼະ​ເວ​ລາ​ເຂົ້າ​ຮ່ວມ, ຊົມ​ເຊີຍ, ອາ​ໄລ ເພື່ອ​ແບ່ງ​ປັນ ຄວາມ​ມ່ວນ​ຊື່ນ ແລະ ຄວາມ​ໂສກ​ເສົ້າ ກັບ​ອ້າຍ​ນ້ອງ​ລາວ.

ແລກ​ປ່ຽນ​ສິນ​ລະ​ປະ​ລະ​ຫວ່າງ​ຜຸ່​ແທນ ແລະ ນ້ອງ​ນັກ​ຮ​ຽນ​ລາວ(ພາບ: PM)

ຫ້າຍ​ຟ່ອງ: ຊຸກ​ຍູ້​ແນວ​ຄິດ​ປະ​ດິດ​ສ້າງ​ໃນ​ກາ​ນ​ເຄື່ອນ​ໄຫວ

ພາຍ​ຫຼັງເກືອບ 20 ປີ ຂອງ​ການ​ສ້າງ​ຕັ້ງ ມາ​ຮອດ​ປະ​ຈຸ​ບັນ ສະ​ມາ​ຄົມ​ມິ​ດ​ຕະ​ພາບ ຫວຽດ-ລາວ ແຂວງ ຫ້າຍ​ຟ່ອງ​ ມີ​ສຳ​ມະ​ຊິກປະ​ມານ 3.600 ຄົນ ຢູ່​ພາຍ​ໃນ​ເມືອງແຂວງ​ ແລະ ທະ​ຫານ.

ໃນ​ໄລ​ຍະ​ຜ່ານ​ມາ ສະ​ມາ​ຄົມ​ມິ​ດ​ຕະ​ພາບ ຫວຽດ-ລາວ ແຂວງ ຫ້າຍ​ຟ່ອງໄດ້​ຈັດ​ຕັ້ງ​ປະ​ຕິ​ບັດ​ການ​ພົວ​ພັນ​ພາຍ​ໃນ ແລະ ພາຍນອກ​ໄດ້​ດີ. ຈາກນັ້ນ ສະ​ມາ​ຄົມ​ໄດ້​ເອົາ​ໃຈ​ໃສ່​ເບິ່ງ​ແຍງ​ຊີ​ວິດ​ການ​ເປັນ​ຢູ່​ຂອງພະ​ນັກ​ງານ, ສະ​ມາ​ຊິກກໍ່​ຄື​ການ​ຊຸກ​ຍູ້​ການ​ເຂົ້າ​ຮ່​ວມ​ການ​ເຄື່ອນ​ໄຫວ​ການ​ເມືອງ, ສັງ​ຄົມ​ຂອງ​ທ້ອງ​ຖິ່ນ​ຄື: ການ​ຈັດ​ຕັ້ງ​ການ​ຊອກ​ຫາ​ຊາກ​ສົບ​ຂອງ​ທະ​ຫານ​ນັກ​ຮົບທີ່​ຕໍ່​ສູ້ ແລະ ​ເສຍ​ສະ​ຫຼະ​ຢູ່​ລາວ ດ້ວຍ​ຄ່າ​ໃຊ້​ຈ່າຍ​ຫຼາຍ​ຮ້ອຍ​ລ້ານ​ຕໍ່​ປີ. ນອກນີ້ ສະ​ໜອງ​ຕໍ່​ການ​ປຸກ​ລະ​ດົມ​ຂອງ​ສູນ​ກາງ​ສະ​ມາ​ຄົມ, ສະ​ມາ​ຄົມ​ມິ​ດ​ຕະ​ພາບ ຫວຽດ-ລາວ ແຂວງ ຫ້າຍ​ຟ່ອງ ປີ​ຜ່ານ​ມາກໍ່​ໄດ້​ປະ​ກາດ​ແຈ້ງ​ຮ່ວມ​ໃຈ​ ປຸກ​ເຮືອນ ສາຍ​ໃຍ ໃຫ້​ແມ່ນ​ລາ​ວ ທີ່​ມີ​ຄວາມ​ດີ​ຄວາມ​ຊອບ​ໃນ​ການ​ລ້ຽງ​ດູ​ເບິ່ງ​ແຍງ ທະ​ຫານ​ຫວຽດ​ນາມ ທີ່ບາດ​ເຈັບ​ໜັກ, ຊ່ວຍ​ເຫຼືອ​ໃຫ້​ໄດ້​ຮັກ​ສາ ແລະ ຟື້ນ​ຟູ ດ້ວຍ​ເງິນ 29 ລ້ານ​ດົ່ງ.

ເປັນ​ນະ​ຄອນ​ແຮກ​ສ່ຽວ​ກັບ ສອງ​ ແຂວງ ວຽງ​ຈັນ ແລະ ອຸ​ດົມ​ໄຊ ຂອງ ລາວ, ສະ​ມາ​ຄົມ​ມິ​ດ​ຕະ​ພາບ ຫວຽດ-ລາວ ແຂວງ ຫ້າຍ​ຟ່ອງ ໄດ້​ປະ​ກອບ​ສ່​ວນ​ໃຈ​ກາງ​ໃນ​ວຽກ​ງານ​ຕື່ນ​ຕົວ​ເອົາ​ໃຈ​ໃສ່​ເບິ່ງ​ແຍງ​ນັກ​ຮຽນ​ລາວ ທີ່​ກຳ​ລັງ​ສື​ກ​ສາ​ຮ່ຳ​ຮຽນ​ໃນ​ຂອບ​ເຂດ​ແຂວງ​ຜ່ານ​ການ​ຮ່ວມມ​ມື​ກັບ​ໂຮງ​ຮຽນ ຖາມ​ຂ່າວ​ຄາວ, ໃຫ້​ກຳ​ລັງ​ໃຈ, ແນະ​ນຳ​ໂຮງ​ໝໍ​ເອົາ​ໃຈ​ໃສ່​ເບິ່ງ​ແຍງ​ສຸ​ຂະ​ພາບ​ຂອງ​ນັກ​ຮຽນ​ລາວ ຈັດ​ຕັ້ງ​ບຸນ​ປີ​ໃໝ່​ລາວ ແລະ ອວຍ​ພອນ ມອບ​ຂອງ​ຂວັນ​ໃຫ້​ນັກ​ຮຽນ​ດ້ວຍ​ຂອງ​ຂັວນ​ອັນ​ມີ​ຄ່າ​ຢ່າງ​ແທ້​ຈິງ, ຈັດ​ການ​ໄປ​ຢ້ຽມ​ຢາມ … ສິ່ງ​ດັ່ງ​ກ່າວ​ເຮັດ​ນັກ​ຮຽນ​ລາວ ສາ​ມາດ​ຊອກ​ຮູ້​ປະ​ຫວັດ​ສາດ ສ້າງ​ຄວາມ​ຮູ້​ສຶກ​ອັນ​ດີ​ຕໍ່​ຫວຽດ​ນາມ ແລະ ເພີ່ມ​ພູນ​ຄວາມ​ຮັບ​ຮູ້​ກ່ຽວ​ກັບ​ສາ​ຍ​ສຳ​ພັນ ຫວຽດ-ລາວ

​ເຖິ​ງວ່າ​ຍັງ​ມີ​ຫຼາຍ​ບັນ​ຫາ​ທີ່​ຍັງ​ຫຍຸ້ງ​ຍາກ ແຕ່ສະ​ມາ​ຄົມ​ມິ​ດ​ຕະ​ພາບ ຫວຽດ-ລາວ ແຂວງ ຫ້າຍ​ຟ່ອງໄດ້​ປຸກ​ລະ​ດົມ​ນັກ​ທຸ​ລະ​ກິດ​ເຂົ້າ​ຮ່ວມ​ເປັນ​ສຳ​ມາ​ຊິກ, ຈາກ​ນັ້ນ​ຊຸກ​ຍູ້​ແນວ​ຄິດ​ປະ​ດິດ​ສ້າງ​​ເຊື່ອມ​ໂຍງສັງ​ຄົມ​ໃນ​ການ​ເຄື່ອນ​ໄຫວ​ສະ​ມາ​ຄົມ. ຕົວ​ຈິງ​ຄື ໃນ​ປີ​ສະ​ມັກ​ຄີ​ມິດ​ຕະ​ພາບ ຫວຽດ​-ລາວ ທີ່​ຜ່ານ​ມາ ຄຽງ​ຄູ່​ກັບ​ກັບ​ມອບ​ຫຼຽນ​ໄຊ ຫຼຽນ​ກາ​ໃຫ້​ທະ​ຫານ​ຜູ່​ເສຍ​ອົງ​ຄະ, ວິ​ລະ​ຊົນ​ທີ່​ຕໍ່​ສູ້​ໃນ​ສະ​ໜາມ​ຮົບ​ລາວ. ສະ​ມາ​ຄົມ​ຍັງ​ລະ​ດົມເງິນ​ໄດ້ເກືອບ​ຮອດ 200 ລ້ານ​ດົ່ງ ແຕ່​ຄັງ​ເງິນ​ຍ້ອງ​ຍໍ​ຂອງ​ນະ​ຄອນ​ ເພື່ອ​ຊົມ​ເຊີຍ​ນັກ​ຮົບ. ນ​ອກ​ນັ້ນ ໂຮງ​ງານ ຢາ​ງ ຖ໋ຽວ​ນຽນ​ຕ່ຽນ​ຟອງ ຫົວ​ໜ່ວຍ​ຂົວ​ຕໍ່​ສຳ​ພັນ ຂອງ​ລາວ​ໃນ​ຂົງ​ເຂດກໍ່​ສ້າງ ແລະ ເສ​ດ​ຖະ​ກິດ , ສະ​ມາ​​ຊິກ​ສະ​ມາຄົມໄດ້​ປຸກ​ລະ​ດົມ​ໄດ້ 200 ລ້ານ​ດົ່ງ​ເພື່ອ​ສ້ອມ​ແປງ, ປຸກ​ສ້າງ ແລະ ມອບ​ຂອງ​ຂວັນ​ໃຫ້​ຄອບ​ຄົວ​ຜູ່​ເສຍ​ອົງ​ຄະ​, ນັກ​ຮົບ​ຜູ່​ເສຍ​ສະ​ຫຼະ…

ອາດ​ຈະ​ຢືນ​ຢັນ​ໄດ້​ວ່າ ໂຄງ​ການ​ແລກ​ປ່ຽນ, ປືກ​ສາ​ຫາ​ລື ແມ່ນ​ການ​ເຄື່ອນ​ໄຫວ​ທີ່​ມີ​ປະ​ໂຫຍດ​ຊ່ວຍ​ໃຫ້​ສະ​ມາ​ຄົມ​ມິດ​ຕະ​ພາບ​ແຂວງ​ ແບ່ງ​ປັນ​ບົດ​ຮຽນຈາກນັ້ນ​ຈະ​ເຮັດ​ໃຫ້​ມີ​ຄວາມ​ຫຼາກ​ຫຼາຍ ແລະ ກາຍ​ເປັນ​ຜົນ​ສຳ​ເລັດ​ການ​ເຄື່ອນ​ໄຫວ​ຂອງ​ແຕ່​ລະ​ສະ​ມາ​ຄົມ ປະ​ກອບ​ສ່ວນ​ຍົກ​ລະ​ດັບ​ຄຸນ​ນະ​ພາບ​ຂອງ​ສະ​ມາ​ຄົມ​ທ້ອງ​ຖິ່ນກໍ່​ຄື​ເພີ່ມ​ທະ​ວີ​ລະ​ບົບ​ສະ​ມາ​ຄົມ​ພາຍ​ໃນ​ປະ​ເທດ​ນັບ​ມື້​ນັບ​ໝັ້ນ​ຄົງ.

 

 

ຫັດ​ທະ​ບູນ
;

同类别新闻