ສະມາຄົມນັກຂ່າວສປປລາວ-ຫວຽດນາມເພີ່ມທະວີຮ່ວມມືຢ່າງຮອບດ້ານ

14:06 2018/11/13

ວັນທີ 11 ເດືອນພະຈິກ, ເນື່ອງໃນໂອກາດສະມາຄົມນັກຂ່າວລາວຢ້ຽມຢາມຫວຽດນາມໃນວັນທີ 11-17 ພະຈິກນີ້, ຄະນະຜູ້ແທນສະມາຄົມນັກຂ່າວລາວ ປະກອບດ້ວຍສະມາຊິກ 7 ທ່ານ ນຳໂດຍ ທ່ານ ສະຫວັນຄອນ ຣາຊະມົນຕຣີ ຮອງລັດຖະມົນຕີ ກະຊວງຖະແຫລງຂ່າວ-ວັດທະນະທຳ ແລະ ທ່ອງທ່ຽວ, ປະທານສະມາຄົມນັກຂ່າວແຫ່ງ ສປປ.ລາວ ໄດ້ພົບປະເຈລະຈາ ກັບ ສະມາຄົມນັກຂ່າວແຫ່ງຊາດຫວຽດນາມ ໂດຍແມ່ນທ່ານ ຖ້ວນຮີ ຜູ້ອຳນວຍການໃຫຍ່ ໜັງສືພິມປະຊາຊົນຫວຽດນາມ, ປະທານສະມາຄົມນັກຂ່າວແຫ່ງຊາດຫວຽດນາມ ພ້ອມດ້ວຍຄະນະ.

ສະມາຄົມນັກຂ່າວສປປລາວ-ຫວຽດນາມເພີ່ມທະວີຮ່ວມມືຢ່າງຮອບດ້ານ
ການນຳທັງສອງກະຊວງ ມອບຂອງທີ່ລະນືກໃຫ້ແກ່ກັນ.

ການພົບປະຄັ້ງນີ້, ທ່ານ ຖ້ວນຮີວ ກ່າວວ່າ ສາຍພົວພັນມິດຕະພາບ ອັນດີງາມ ລະຫວ່າງ ສະມາຄົມນັກຂ່າວຫວຽດນາມ ແລະ ສະມາຄົມ ນັກຂ່າວລາວເວົ້າສະເພາະ ແລະ ໜັງສືພີມສອງປະເທດເວົ້າລວມໃນໄລຍະຜ່ານມາ ໄດ້ປະກອບສ່ວນຢ່າງຫລວງຫລາຍເຂົ້າໃນການເພີ່ມທະວີຄວາມສາມັກຄີ ອັນແໜ້ນແຟ້ນ ລະຫວ່າງ ປະຊາຊົນສອງຊາດອ້າຍນ້ອງຫວຽດນາມ-ລາວໃຫ້ນັບມື້ເພີ່ມພູນແລະພັດທະນາຂຶ້ນຢ່າງບໍ່ຢຸດຢັ້ງ. ຄາດວ່າ ສອງຝ່າຍ ຈະສືບຕໍ່ຮ່ວມມືກັນໃນການສະໜອງຂ່າວສານ ທັງຂົງເຂດ ການເມືອງ, ເສດຖະກິດ, ສັງຄົມຢ່າງຮອບດ້ານ; ນີ້ິ້ຖືເປັນວຽກງານ ສຳຄັນ ໃນການປະກອບສ່ວນ ເພີ່ມທະວີສາຍພົວພັນ ລະຫວ່າງສອງປະເທດ. ຄຽງຄູ່ກັນນັ້ນ, ສອງຝ່າຍ ຈະຊຸກຍູ້ໃນຂົງເຂດວິຊາການສື່ມວນຊົນ, ຍົກສູງຄວາມເປັນມືອາຊີບ ຂອງນັກຂ່າວຂຶ້ນຕື່ມ; ພະຍາຍາມເຂົ້າເຖິງວຽກງານການສ້າງນັກຂ່າວ ໃຫ້ໄດ້ຫລາກຫລາຍຮູບແບບເພື່ອໃຫ້ທັນກັບທ່າອຽງການພັດທະນາສື່ມວນຊົນທ່ີທັນສະໄໝ, ພ້ອມທັງ ສົ່ງເສີມບັນ ດາສະມາຄົມນັກຂ່າວລະດັບທ້ອງຖິ່ນ ຂອງ ສອງປະເທດໃຫ້ເພີ່ມທະວີຕິດຕໍ່ຮ່ວມມືກັນຢ່າງແໜ້ນແຟ້ນ ແລະ ແລກປ່ຽນຢ້ຽມຢາມລະດັບການນຳຂອງສອງຝ່າຍ.
ບັນຍາກາດການພົບປະແລກປ່ຽນ.

ທ່ານ ສະຫວັນຄອນ ຣາຊະມົນຕຣີ ກໍ່ໄດ້ສະແດງຄວາມປິຕິຍິນດີ ໃນການຢ້ຽມຢາມ ແລະ ເຮັດວຽກຢູ່ຫວຽດນາມໃນຄັ້ງນີ້, ພ້ອມທັງຢືນຢັນວ່າ ສະມາຄົມນັກຂ່າວທັງສອງ ຍາມໃດກໍມີການພົວພັນຮ່ວມມືຢ່າງແໜ້ນແຟ້ນ ຄວາມສາມັກຄີແບບພິເສດ ອັນເປັນມູນເຊື້ອລະຫວ່າງສອງປະເທດ, ພ້ອມທັງ ກ່າວວ່າ ເປົ້າໝາຍ ສຳຄັນໃນການຢ້ຽມຢາມຄັ້ງນີ້ ແມ່ນເພື່ອແລກປ່ຽນປະສົບການ ກ່ຽວກັບ ວິຊາຊີບແລະສື່ມວນຊົນ ເພື່ອພັດທະນາເສດຖະກິດ-ສັງຄົມຢູ່ສປປລາວໃນປັດຈຸບັນ, ໂດຍສະເພາະ ການເຜີຍແຜ່ຂໍ້ມູນຂ່າວສານ ໃນລາວໃຫ້ມີບາດກ້າວ ພັດທະນາກະໂດດຂັ້ນດ້ານເນື້ອໃນການນຳສະເໜີຂ່າວ ແລະ ວິທີການສົ່ງຂ່າວສານໃນຍຸກດີຈີຕອນ./.

(ແຫຼ່ງ​ຂໍ້​ມູນ​: ຂ​ປ​ລ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll