ສົ່ງເສີມການພົວພັນ ລະຫວ່າງ ກົມໃຫຍ່ການເມືອງກອງທັບ ລາວ ແລະ ຫວຽດນາມ

16:04 2019/08/07

ຍສໝ - ໃນລະຫວ່າງວັນທີ 5-8 ສິງຫາ, ສະຫາຍ ພົນຕີ ສອນທອງ ພົມລາວົງ ກຳມະການຄະນະພັກ ກະຊວງປ້ອງກັນປະເທດ, ຮອງ ຫົວໜ້າກົມໃຫຍ່ການເມືອງກອງທັບ ໄດ້ຕ້ອນຮັບການເຂົ້າຢ້ຽມ ຂ່ຳນັບຂອງສະຫາຍ ພັນເອກ ນາງ ເຈີນທິ ບິກເຮ ອໍານວຍການ ຫໍສະໝຸດກອງທັບປະຊາຊົນ ຫວຽດນາມ ພ້ອມດ້ວຍຄະນະໃນໂອກາດທີ່ຄະນະໄດ້ມາເຄື່ອນໄຫວຢ້ຽມຢາມ ແລະ ເຮັດວຽກຢູ່ສປປ ລາວ

ສະຫາຍ ພົນຕີ ສອນທອງ ພົມ ລາວົງ ໄດ້ກ່າວສະແດງຄວາມ ຍິນດີຕ້ອນຮັບ ພ້ອມທັງກ່າວວ່າ ສະຫາຍທີ່ໄດ້ມາເຄື່ອນໄຫວຢ້ຽມຢາມ ແລະ ເຮັດຢູ່ ສປປ ລາວ ໃນຄັ້ງນີ້ເຊິ່ງໄດ້ນໍາເອົາຄວາມສາມັກຄີຮັກແພງໄມຕີຈິດມິດຕະພາບ ແບບພິເສດນໍາເອົາຄວາມອົບອຸ່ນ ມາສູ່ກອງທັບປະຊາຊົນລາວ ທັງເປັນການປະກອບສ່ວນອັນສໍາຄັນເຂົ້າໃນການສືບຕໍ່ເສີມຂະຫຍາຍສາຍພົວພັນມິດຕະພາບ ຄວາມສາມັກຄີແບບພິເສດ ແລະ ການຮ່ວມມືຮອບດ້ານທີ່ເປັນມູນເຊື້ອ ລະຫວ່າງ ສອງພັກ-ສອງລັດ, ສອງກອງທັບ ແລະ ປະຊາຊົນ 2 ຊາດ ລາວ-ຫວຽດທີ່ມີມາແຕ່ດົນນານໃຫ້ເຕີບໃຫຍ່ຂະຫຍາຍຕົວ ຂຶ້ນເລື້ອຍໆ.

ສະຫາຍ ພົນຕີ ສອນທອງ ພົມ ລາວົງ ແລະ ສະຫາຍ ພັນເອກ ນາງ ເຈີນທິ ບິກເຮວ ໃນພົບປະເຈລະຈາ. (ພາບ: vov.vn)

ໂດຍສະເພາະການ ພົວພັນມືລະຫວ່າງສອງກົມໃຫຍ່ ການເມືອງກອງທັບ ລາວ-ຫວຽດ ນາມ, ກໍຄືສອງຫໍສະໝຸດກອງທັບ ລາວ-ຫວຽດນາມໃນໄລຍະຜ່ານມາມີຜົນສໍາເລັດຫລາຍດ້ານ, ເຊິ່ງຜ່ານມາກົມໃຫຍ່ການເມືອງກອງທັບ ປະຊາຊົນຫວຽດນາມ ກໍໄດ້ໃຫ້ການກໍ່ສ້າງພະນັກງານ ທັງໄລຍະຍາວ ແລະ ໄລຍະສັ້ນ, ສ້າງໂຮງຮຽນທິດສະດີການ ເມືອງ, ສ້ອມແປງຫໍພິພິທະພັນກອງທັບ, ຊ່ວຍການກໍ່ສ້າງຫໍສະໝຸດກອງທັບ ແລະ ຍັງໄດ້ຊ່ວຍເຫລືອດ້ານວັດຖຸສິງຂອງໃຫ້ບັນດາເຫຼົ່າຮົບຕ່າງໆອີກດ້ວຍ. ໂອກາດນີ້ ສະຫາຍ ພັນເອກ ນາງ ເຈີນທິ ບິກເຮວ ກໍໄດ້ສະແດງ ຄວາມຂອບອົກຂອບໃຈຕໍ່ການ ຕ້ອນຮັບຢ່າງອົບອຸ່ນ ແລະ ເຕັມໄປດ້ວຍໄມຕີຈິດມິດຕະພາບແບບດູດດື່ມ ແລະ ມີມູນເຊື້ອແບບພິເສດ ລາວ- ຫວຽດນາມ, ຫວຽດນາມ- ລາວ, ໃນໄລຍະຜ່ານມາການພົວພັນຮ່ວມມືລະຫວ່າງສອງກະຊວງປ້ອງກັນປະເທດ ຫວຽດ ນາມ-ລາວ ກໍຄືສອງຫໍສະໝຸດ ຫວຽດນາມ-ລາວ ແມ່ນມີການພົວພັນເຊິ່ງກັນ ແລະ ກັນຢ່າງສະນິດແໜ້ນ ແລະ ໄດ້ຮັບໝາກ ຜົນໜ້າເພິ່ງພໍໃຈ ໂດຍສະເພາະ ໄດ້ໃຫ້ການຊ່ວຍເຫຼືອເຝິກອົບຮົມ ໃຫ້ວິຊາການຫໍສະໝຸດ, ຊ່ວຍເຫຼືອ ຈັກກັອບປີ, ຄອມພິວເຕີ, ຈັກສະ ແກນເນີ ແລະ ອື່ນໆອີກ, ພ້ອມທັງ ໄດ້ແຈ້ງຜົນການພົບປະແລກປ່ຽນບົດຮຽນຮ່ວມກັບຄະນະອໍານວຍການຫໍສະໝຸດກອງທັບປະຊາຊົນ ລາວ ແລະ ການເຄື່ອນໄຫວຢູ່ ບັນດາກົມກອງຕ່າງໆຕໍ່ສະຫາຍ ຮອງຫົວໜ້າກົມໃຫຍ່ການເມືອງ ກອງທັບຊາບ. ພາຍຫຼັງສໍາເລັດການເຂົ້າຢ້ຽມຂ່ຳນັບສະຫາຍ ຮອງຫົວໜ້າກົມ ໃຫຍ່ການເມືອງກອງທັບແລ້ວ ຄະນະຜູ້ແທນດັ່ງກ່າວກໍໄດ້ເຄື່ອນຢ້ຽມຢາມຫໍສະໝຸດກອງທັບປະຊາຊົນລາວ, ໄປຢ້ຽມຢາມຫໍສະໝຸດກອງບັນຊາການທະຫານນະຄອນຫຼວງວຽງຈັນ ແລະ ໄດ້ເຄື່ອນໄຫວທ່ຽວຊົມສະຖານທີ່ທ່ອງທ່ຽວທາງດ້ານວັດທະນະທໍາຢູ່ນະຄອນຫຼວງວຽງຈັນອີກ ຈໍານວນໜຶ່ງ.

ຄຳຮຸ່ງ
;

同类别新闻