ລາວ-ຫວຽດນາມ ກວດກາການຈັດຕັ້ງປະຕິບັດໂຄງການຮ່ວມມື -ລົງທຶນ ຢູ່ ສປປ ລາວ

14:05 2018/06/05

ຄະນະ​ກຳ​ມະການ​ຮ່ວມ​ມື ລາວ-ຫວຽດນາມ ​ແລະ ຫວຽດນາມ-ລາວ ​ໄດ້​ຈັດ​ກອງປະຊຸມ​ ​ສະຫລຸບ​ຕີລາຄາຜົນ​ການ​ ລົງ​ຕິດຕາມ, ກວດກາ ​ແລະ ຊຸກຍູ້​ການຈັດ​ຕັ້ງ​ປະຕິບັດ ​ບັນດາ​ໂຄງການ​ຮ່ວມ​ມື-ລົງທຶນ ຂອງ​ຄະນະ​ກວດກາ​ປະສົມ​ຂອງ​ສອງ​ປະ​ເທດຢູ່ ສປປ ລາວ.

ລາວ-ຫວຽດນາມ ກວດກາການຈັດຕັ້ງປະຕິບັດໂຄງການຮ່ວມມື -ລົງທຶນ ຢູ່ ສປປ ລາວ

ໃນ​ວັນ​ທີ 5 ມິຖຸນາ 2018, ຄະນະ​ກຳ​ມະການ​ຮ່ວມ​ມື ລາວ-ຫວຽດນາມ ​ແລະ ຫວຽດນາມ-ລາວ ​ໄດ້​ຈັດ​ກອງປະຊຸມ​ ​ສະຫລຸບ​ຕີລາຄາຜົນ​ການ​ ລົງ​ຕິດຕາມ, ກວດກາ ​ແລະ ຊຸກຍູ້​ການຈັດ​ຕັ້ງ​ປະຕິບັດ ​ບັນດາ​ໂຄງການ​ຮ່ວມ​ມື-ລົງທຶນ ຂອງ​ຄະນະ​ກວດກາ​ປະສົມ​ຂອງ​ສອງ​ປະ​ເທດຢູ່ ສປປ ລາວ.  ​ພາຍ​ໃຕ້ການ​ເປັນ​ປະທານຮ່ວມ​ ຂອງ​ ທ່ານ ຄໍາ​ເຜີຍ ​ແກ້ວ​ກິນ​ນາລີ  ຮອງ​ປະທານ​ຜູ້​ປະຈຳການ ຄະນະ​ກຳ​ມະການ​ຮ່ວມ​ມື ລາວ-ຫວຽດນາມ  ​ແລະ ທ່ານ ຫງວຽນ ​ເຖ ​ເຟືອງ ຮອງ​ລັດຖະມົນຕີ​ ກະຊວງ​ແຜນການ ​ແລະ ການ​ລົງທຶນ​,  ຮອງ​ປະທານຄະນະ​ກຳ​ມະການ​ຮ່ວມ​ມື  ຫວຽດ ນາມ-ລາວ ​ໂດຍ​ມີ​ພະນັກງານ​ທັງ​ສອງ​ຝ່າຍ ​ເຂົ້າ​ຮ່ວມ.

ກອງປະຊຸມກ່ຽວ​ກັບການ​ລົງ​ຕິດຕາມ, ກວດກາ  ​ແລະ ຊຸກຍູ້​ການຈັດ​ຕັ້ງ​ປະຕິບັດບັນດາ​ໂຄງການ​ຮ່ວມ​ມື-ລົງທຶນ ຂອງ​ຄະນະ​ກວດກາ​ປະສົມ​ ຂອງ​ສອງ​ປະ​ເທດ.

​ໃນ​ກອງປະຊຸມ ທັງ​ສອງ​ຝ່າຍ​ໄດ້​ຊົມ​ເຊີຍ ​ແລະ ຕີ​ລາຄາ​ສູງ  ຕໍ່​ຜົນ​ການ​ລົງ​ຕິດຕາມ, ກວດກາ  ​ແລະ ຊຸກຍູ້​ການຈັດ​ຕັ້ງ​ປະຕິບັດບັນດາ​ໂຄງການ​ຮ່ວມ​ມື-ລົງທຶນ ຂອງ​ຄະນະ​ກວດກາ​ປະສົມ​ ຂອງ​ສອງ​ປະ​ເທດ ທີ່​ໄດ້​ເຄື່ອນ​ໄຫວດຳ​ເນີນ​ການ ​ລົງ​ກວດກາ​ຕົວ​ຈິງ​ບັນດາ​ໂຄງ​ການ​ຈຳນວນ​ໜຶ່ງ  ຢູ່​ບັນດາ​ແຂວງ​ພາກ​​ເໜືອ​, ພາກກາງ ​ແລະ ພາກ​​ໃຕ້ຂອງ​ລາວ  ນັບ​ແຕ່​ວັນ​ທີ 29 ພຶດສະພາ ຫາ 4 ມິຖຸນາ 2018,  ​ເຊິ່ງມີ​ຄະນະ​ກວດກາ​ປະສົມ​ສອງ​ຝ່າຍ ລາວ-ຫວຽດນາມ, ມີ​ບັນດາ​ເຈົ້າ​ຂອງ​ໂຄງການ​ຝ່າຍ​ລາວ  ​ແລະ ຫວຽດນາມ ປະມານ 50 ກວ່າ​ທ່ານ​ເຂົ້າຮ່ວມ.  ​ເຊິ່ງທັງໝົດ​ນີ້​​ ໄດ້ສ່ອງ​ແສງ​ໃຫ້​ເຫັນ​ ເຖິງ​ຄວາມ​ເປັນ​ຫ່ວງ​ເປັນ​​ໄຍ ​ແລະ ຄວາມ​​ເອົາ​ໃຈ​ໃສ່​ ຂອງ​ສອງ​ຝ່າຍ ​ແນ​ໃສ່​ກະຕຸກ​ຊຸກຍູ້​ການຈັດ​ຕັ້ງ​ປະຕິບັດ ​ບັນດາ​ຂໍ້​ຕົກລົງ​ຂອງ​ການ​ນຳ​ຂັ້ນ​ສູງ​ ຂອງ​ສອງ​ພັກ, ສອງ​ລັດ ​ໃຫ້​ປະກົດ​ຜົນ​ເປັນ​ຈິງ ​ແລະ ມີ​ປະສິດທິ​ຜົນ​ສູງ.

ພ້ອມ​ນີ້, ສອງ​ຝ່າຍ ສາມາດ​ເຫັນ​ໄດ້​ຫລາຍ​ບັນຫາ​ ທີ່​ແທດ​ເຖິງ​ຕົວ​​ຈິງ ຂອງ​ແຕ່ລະ​ໂຄງການ​ເປັນ​ຕົ້ນ:  ຄວາ​ມຊັກ​ຊ້າ​ໃນ​ການຈັດ​ຕັ້ງ​ປະຕິບັດ​​ໂຄງການ,  ຄວາມ​ຍືນ​ຍົງ​ຂອງ​ໂຄງການ ​ແລະ ​ເຫັນ​ວ່າ​ຈະ​ຕ້ອງ​ ໄດ້​ສືບ​ຕໍ່​ຊຸກ​ຍູ້ໃຫ້​ບັນດາ​ເຈົ້າ​ຂອງ ​ໂຄງການ​ຂອງ ​ລາວ ​ແລະ ຫວຽດນາມ  ​ໃຫ້​ຮີບ​ຮ້ອນ​ປະຕິບັດ​ໜ້າ​ທີ່​ຂອງ​ຕົນ  ​ເພື່ອ​ເຮັດ​ໃຫ້​ໂຄງການ​ມີ​ຄວາມ​ຄືບ​ໜ້າ​ຕາມ​ແຜນການ  ​ແລະ ຖືກຕ້ອງ​ຕາມ​ລະບຽບການ​ທີ່​ສອງ ​ລັດຖະບານ​ໄດ້​ຕົກລົງ​ກັນ.

(ແຫຼ່ງ​ຂໍ້​ມູນ​: ຂ​ປ​ລ)
;

ຜູ່ອ່ານອາດຈະສົນໃຈ

反馈
全名 :
电子邮箱 :
内容 :
   
 
 
 
 
   
Mobile
TieuDe
安全码 :  
发送
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll