ລັດຖະມົນຕີ ກະຊວງແຜນການ ແລະ ການລົງທຶນ ສປປ ລາວ ເຮັດວຽກຢູ່ ແຂວງກວາງຈິ

08:04 2018/11/14

ຍສໝ - ວັນທີ 13 ພະຈິກ 2018, ທ່ານ ສຸພັນ ແກ້ວມີໄຊ ລັດຖະມົນຕີກະຊວງແຜນການ ແລະ ການລົງທຶນ ສປປ ລາວ, ປະທານ ຄະນະກຳມະການ ຮ່ວມມື ລາວ - ຫວຽດນາມ ພ້ອມກັບຜູ້ແທນຈາກ ກະຊວງແຜນການ ແລະ ການລົງທຶນຫວຽດນາມ ໄດ້ມີການເຮັດວຽກ ຮ່ວມກັບ ຄະນະກຳມະການປົກຄອງ ແຂວງກ້ວາງຈິ ເພື່ອກຳໄດ້ສະພາບການ ແລະ ແລກປ່ຽນປະສົບການ ກ່ຽວກັບ ການພັດທະນາ ເສດຖະກິດ - ສັງຄົມ ທ້ອງຖິ່ນ. ໃຫ້ການຕ້ອນຮັບ ແລະ ເຮັດວຽກກັບຄະນະ ໂດຍມີ ທ່ານ ຫງວ໋ຽນ ດຶກຈິ້ງ ຮອງເລຂາ ພັກແຂວງ, ປະທານ ກຳມະການປະຊາຊົນແຂວງ ແລະ ທ່ານ ຫງວ໋ຽນເກິນຈິ້ງ ຮອງປະທານ ກຳມະການ ປະຊາຊົນ ແຂວງ.

 ລັດຖະມົນຕີ ກະຊວງແຜນການ ແລະ ການລົງທຶນ ສປປ ລາວ ເຮັດວຽກຢູ່ ແຂວງກວາງຈິ
ການນຳທັງສອງຝ່າຍ ແລກປ່ຽນຂໍ້ມູນກ່ຽວກັບ ສະພາບການພັດທະນາ ເສດຖະກິດ - ສັງຄົມຂອງທ້ອງຖິ່ນ.(ພາບ: baoquangtri.vn)

ທ່ານ ຫງວ໋ຽນ ດຶກຈິ້ງ ປະທານ ປະທານ ກຳມະການປະຊາຊົນແຂວງ ກໍ່ໄດ້ໃຫ້ຂໍ້ມູນສັງເຂບ ກ່ຽວກັບ ສະພາບການດຶງດູດການລົງທຶນ, ບັນດາຂົງເຂດບູລິມະສິດ ດຶງດູດການລົງທຶນ; ກໍ່ສ້າງ ແລະ ພັດທະນາ ເຂດເສດຖະກິດ ດົງນາມ; ພັດທະນາ ພະລັງງານ ລີຊາຍເຄີ້ນ, ທ່ອງທ່ຽວ ແລະ ໂຮງແຮມ-ຣີສອດ ແຄມທະເລ, ປູກປ່າ ແລະ ປຸງແຕ່ງໄມ້, ກະສິກຳທີ່ນຳໃຊ້ເທັກໂນໂລຢີຂັ້ນສູງ.

ທ່ານ ຫງວ໋ຽນດຶກຈິ້ງ ປະທານຄະນະກຳມະການປົກຄອງແຂວງ ມອບຂອງຂວັນໃຫ້ແກ່ ທ່ານ ສຸພັນ ແກ້ວມີໄຊ ລັດຖະມົນຕີກະຊວງແຜນການ ແລະ ການລົງທຶນ ສປປ ລາວຜ, ປະທານຄະນະກຳມະການຮ່ວມມືລາວ - ຫວຽດນາມ.(ພາບ: baoquangtri.vn)

 ເພື່ອຊຸກຍູ້ການຮ່ວມມື ດ້ານເສດຖະກິດ ລະຫວ່າງ ສອງຊາດ ຫວຽດນາມ - ລາວ,​ ຄະນະກຳມະການປະຊາຊົນແຂວງ ສະເໜີ ໃຫ້ ລັັດຖະມົນຕີກະຊວງ ແຜນການ ແລະ ການລົງທຶນ ສປປ ລາວ, ປະທານ ຄະນະກຳມະການ ຮວ່ມມື ລາວ - ຫວຽດນາມ ມີຄຳເຫັນເພື່ອໃຫ້ບັນດາການຈັດຕັ້ງທີ່ຮັບຜິດຊອບດ່ານສາກົນແດນສະຫວັນ ປະຕິບັດໃຫ້ຖືກຈິດໃຈຂະບວນການກວດກາຂອງຕົວແບບ “ປະຕູດຽວ, ຈອດຄັ້ງດຽວ”,​ ພ້ອມດຽວກັນນັ້ນກໍ່ຄວນຍົກເລີກການເກັບຄ່າທຳນຽມນອກເວລາເພື່ອສ້າງຄວາມປອດໂປ່ງໃຫ້ແກ່ ການເຄື່ອນຍ້າຍ ນຳເຂົ້າ ແລະ ສົ່ງອອກ ແລະ ການເຂົ້າ-ອອກດ່ານ; ພິຈາລະນາ ການຍົກເລີກປ້ອມກວດສອບ ຢູ່ບ້ານດົ່ງ.​ ປະສານສົມທົບແໜ້ນແຟ້ນກັບທາງ ຫວຽດນາມ ເພື່ອຍູ້ແຮງ ການປະຕິຮູບລະບຽບ ການປົກຄອງ ຢູ່ ດ່ານສາກົນ ລາໄລ ກັບ ບາງບັນຫາ ທີ່ກ່ຽວພັນເຖິງການຮ່ວມມື- ກໍ່ສ້າງ ເຂດເສດຖະກິດ ຂ້າມແດນ, ພື້ແລວເສດຖະກິດ ຄູ່ຂະໜານ ຕາເວັນອອກ-ຕາເວັນຕົກ (Para EWEC) ແລະ ພັດທະນາເສດຖະກິດ - ສັງຄົມ ຢູ່ ບັນດາ ກຸ່ມບ້ານລຽບຕາມແນວຊາຍແດນ.

ທ່ານ ສຸພັນ ແກ້ວມີໄຊ ລັດຖະມົນຕີ ກະຊວງ ແຜນການ ແລະ ການລົງທຶນ ໄດ້ສະແດງຄວາມປະທັບໃຈຕໍ່ບັນດາຜົນງານກ່ຽວກັບເສດຖະກິດ - ສັງຄົມ ຂອງແຂວງກວາງຈິ ແລະ ໄດ້ກ່າວວ່າ: ການພົບປະເຮັດວຽກ ຢູ່ຮາກຖານທ້ອງຖິ່ນ ແລະ ບັນດາແຂວງ ກໍ່ຄືນະຄອນ ຂອງຫວຽດນາມ ໃນຄັ້ງນີ້ ແມ່ນເພື່ອກະກຽມເນື້ອໃນໃຫ້ແກ່ ກອງປະຊຸມທີ່ໃກ້ຈະມາຮອດ ຂອງ ຄະນະກຳມະການ ຮ່ວມມື ຫວຽດນາມ - ລາວ ກໍ່ຄືລັດຖະບານສອງປະເທດ ແນ່ໃສ່ຊຸກຍູ້ ການຮ່ວມມືສອງຝ່າຍໃນທຸກໆຂົງເຂດ. ທ່ານ ສຸພັນ ແກ້ວມີໄຊ ກໍ່ໄດ້ລາຍງານ ໂດຍສັງເຂບກ່ຽວກັບສະພາບການຂອງບັນດາແຂວງ ຂອງລາວ ທີ່ມີຊາຍແດນຕິດກັບຫວຽດນາມ; ຮັບຮອງເອົາບັນດາຄຳສະເໜີຕ່າງໆໃນການເຮັດວຽກ ແລະ ຂໍ້ສະເໜີ ຂອງແຂວງກວາງຈິ ໃຫ້ກັບ ແຂວງສະຫວັນນະເຂດ ແລະ ສາລະວັນ ຈຳເປັນຕ້ອງສຶກສາ, ຄົ້ນຄວ້າ ເພື່ອ ມີມາດຕະການເພີ່ມທະວີ ການຮ່ວມມືເສດຖະກິດ ໂດຍຜ່ານບັນດາ ດ່ານ ຂອງແຂວງ ແລະ ແລວເສດຖະກິດ ຕາເວັນອອກ - ຕາເວັນຕົກ ຢ່າງມີປະສິດທິຜົນ ແລະ ຢັ້ງຢືນຂື້ນ..

ພ້ອມດຽວກັນນັ້ນກໍ່ຫວັງວ່າ ໃນອານາຄົດ, ດ້ວຍການຊີ້ນຳ ແລະ ຊ່ວຍເຫຼືອໃກ້ຊິດຕິດແທດ, ທັນເວລາຂອງລັດຖະບານ ສອງປະເທດ, ສະພາບເສດຖະກິດ - ສັງຄົມ, ປ້ອງກັນປະເທດ - ປ້ອງກັນຄວາມສະຫງົບ ຂອງບັນດາທ້ອງຖິ່ນ ຕາມເສັ້ນຊາຍແດນ ລາວ - ຫວຽດນາມ ຈະສືບຕໍ່ພັດທະນາ...

ຫັດ​ທະ​ບູນ
;

同类别新闻