ລັດຖະບານຫວຽດນາມ ແລະ ລາວ ເອກະພາບສືບຕໍ່ຊອກຫາ ບ່ອນບົ່ງສົບອັດຖິ ນັກຮົບທີ່ເສຍສະຫຼະຊີວິດເພື່ອຊາດ

19:38 2019/07/02

ຍສໝ - ໃນວັນທີ 2 ກໍລະກົດ, ຢູ່ແຂວງ ຫຼວງພະບາງ - ລາວ, ໄດ້ຈັດຕັ້ງການພົບປະເຈລະຈາລະຫວ່າງຄະນະປະຕິບັດວຽກງານພິເສດຂອງລັດຖະບານສອງປະເທດ ຫວຽດນາມ - ລາວ.

ພິທີລົງນາມເອກະສານສືບຕໍ່ສົມທົບກັນຊອກຫາ, ທ້ອນໂຮມອັກຖິນັກຮົບທີ່ເສຍສະຫຼະຊີວິດເພື່ອຊາດ ໃນລະດູແລ້ງ 2019 -2020.(ພາບ: qdnd.vn)

ໃນໄລຍະຜ່ານມາ, ຄະນະປະຕິບັດວຽກງານພິເສດຂອງສອງປະເທດໄດ້ສົມທົບກັນຢ່າງແໜ້ນແຟ້ນ, ແກ້ໄຂບັນດາຄວາມຫຍຸ້ງຍາກຢ່າງທັນການໃນການຈັດຕັ້ງການຊອກຫາ,ທ້ອນໂຮມອັດຖິນັກຮົບທີ່ເສຍສະຫຼະຊີວິດເພື່ອຊາດ. ດ້ວຍການໜູນຊ່ວຍ, ຊວຍເຫຼືອຢ່າງມີປະສິດທິຜົນຈາກຝ່າຍ ລາວ ຊ່ວຍໃຫ້ບັນດາກອງທ້ອນໂຮມອັດຖິຂອງ ຫວຽດນາມຊອກຫາ ອັດຖິນັກຮົບທີ່ເສຍສະຫຼະຊີວິດເພື່ອຊາດໄດ້ 230 ຊຸດ.

ທີ່ການໂອ້ລົມສົນທະນາ, ສອງຝ່າຍໄດ້ເຫັນດີເປັນເອກະພາບວ່າ ໃນລະດູແລ້ງ 2019 -2020, ຫວຽດນາມ ຈະສືບຕໍ່ຮັກສາກອງທ້ອນໂຮມ 8 ກອງທີ່ປະຕິບັດໜ້າທີ່ຢູ່ບັນດາແຂວງ, ນະຄອນຂອງລາວ. ລາວສືບຕໍ່ຊີ້ນຳທະຫານທຸກຂັ້ນ, ຈັດສົ່ງພະນັກງານເຂົ້າຮ່ວມພ້ອມກັບບັນດາກອງທ້ອນໂຮມຂອງ ຫວຽດນາມ, ພ້ອມທັງຍູ້ແຮງວຽກງານໂຄສະນາ, ຂົນຂວາຍປະຊາຊົນໃນການສະໜອງຂໍ້ມູນຂ່າວສານກ່ຽວກັບນັກຮົບທີ່ເສຍສະຫຼະຊີວິດ, ຂຸມຝັງສົບນັກຮົບອາສາສະໝັກ ແລະ ນັກຊ່ຽວຊານ ຫວຽດນາມ. ສອງຝ່າຍໄດ້ຢັ້ງຢືນຈະ ສືບຕໍ່ສົມທົບກັນໃນການຊີ້ນຳການຊອກຫາ, ທ້ອນໂຮມອັດຖິນັກຮົບອາສາສາໝັກ ແລະ ນັກຊ່ຽວຊານ ຫວຽດນາມ ທີ່ ເສຍສະຫຼະຊີວິດຢູ່ ລາວຈົນຮອດເວລາທີ່ບໍ່ມີຂໍ້ມູນຂ່າວສານໃດກ່ຽວກັບບ່ອນ ບົ່ງສົບອັດຖິນັກຮົບອາສາສະໝັກ.

(ຄຳຮຸ່ງ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll