ມອບໃບຢັ້ງຢືນພາສາຫວຽດນາມ ໃຫ້ ນັກສຳມະນາກອນລາວ ກວ່າ 100 ຄົນ ໃນໂຮງຮຽນວິທະຍາໄລສ້າງຄູ ເງະອານ

10:03 2019/08/12

ໃນຕອນບ່າຍວັນທີ 8 ສິງຫາ, ໂຮງຮຽນວິທະຍາໄລສ້າງຄູເງະອານ ໄດ້ຈັດຕັ້ງພິທີປິດຊຸດບໍາລຸງພາສາຫວຽດນາມ ພື້ນຖານໃຫ້ນັກສຳມະນາກອນລາວ ໃນສົກຮຽນ 2018-2019.

ນີ້ແມ່ນຊຸດບໍາລຸງຄັ້ງທີ 16 ໂດຍໂຮງຮຽນວິທະຍາໄລສ້າງຄູເງະອານ ຈັດຕັ້ງ. ເຂົ້າຮ່ວມຊຸດຮຽນ ມີນັກສໍາມະນາກອນ 104 ຄົນທີ່ມາຈາກບັນດາແຂວງຊຽງຂວາງ, ບໍລິຄໍາໄຊ, ຫົວພັນ, ສະຫວັນນະເຂດ, ວຽງຈັນ ແລະຄໍາມ່ວນ ຂອງ ສປປ ລາວ.

ນີ້ກໍ່ແມ່ນຊຸດທໍາອິດທີ່ບັນດານັກສໍາມະນາກອນລາວ ໄດ້ຮຽນຕາມຫຼັກສູດໃໝ່ຕາມກອບຂອງການຕີລາຄາຄວາມສາມາດບົ່ມຊ້ອນພາສາຕ່າງປະເທດ 4/6 ຂັ້ນ. ພ້ອມກັນນັ້ນ, ວິທີສິດສອນ, ການກວດກາ, ການຕີລາຄາໝາກຜົນຂອງການຮໍ່າຮຽນກໍ່ປ່ຽນແປງໄປຕາມຫຼັກສູດການກໍ່ສ້າງພາສາຫວຽດນາມ ໃຫ້ຊາວຕ່າງປະເທດ.

ຄະນະອຳນວຍການໂຮງຮຽນ ມອບໃບຢັ້ງຢືນໃຫ້ແກ່ບັນດານັກສໍາມະນາກອນລາວທີ່ມີຜົນງານຮໍ່າຮຽນດີເລີດ. (ພາບ: baonghean.cpm.vn).

ພາຍຫຼັງການຮຽນມາເປັນເວລາ 9 ເດືອນ, ຕາມການຕີລາຄາຈາກໂຮງຮຽນແລ້ວ, ບັນດານັກສໍາມະນາກອນລາວ ລ້ວນແຕ່ມີຄວາມດຸໝັ່ນຂະຫຍັນພຽນຕໍ່ການຮ່ຳຮຽນ, ມີສະຕິປະຕິບັດກົດລະບຽບໄດ້ດີ. ສິ້ນສຸດການຮຽນນັກສໍາມະນາກອນ 100% ລ້ວນແຕ່ໄດ້ຮັບໃບຢັ້ງຢືນ.

ຜ່ານ 16 ຊຸດບໍາລຸງສ້າງດ້ວຍນັກສໍາມະນາກອນລາວ ກວ່າ 1.200 ຄົນນັ້ນໄດ້ເປັນພະຍານຫຼັກຖານໃຫ້ແກ່ສາຍພົວພັນແບບພິເສດລະຫວ່າງປະຊາຊົນສອງປະເທດ ຫວຽດນາມ-ລາວ ເວົ້າລວມ ແລະຄະນະກໍາມະການປະຊາຊົນແຂວງເງະອານ ແລະອໍານາດການປົກຄອງ 6 ແຂວງຂອງລາວ ຄື: ຊຽງຂວາງ, ບໍລິຄໍາໄຊ, ຫົວພັນ, ສະຫວັນນະເຂດ, ວຽງຈັນ ແລະຄໍາມ່ວນ ເວົ້າສະເພາະ.

(ແຫຼ່ງ​ຂໍ້​ມູນ​: la.qdnd.vn)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll