ພິທີເຊັນບົດບັນທຶກ ມອບ-ຮັບ ແຜນວາດໂຄງການ ແລະ ແບ່ງງານການຄຸ້ມຄອງ, ປົກປ້ອງຊາຍແດນແຫ່ງຊາດໃຫ້ແຂວງຫຼວງພະບາງ ແລະ ແຂວງຜົ້ງສາລີ

13:59 2019/05/13

ຍສໝ - ໃນ ວັນທີ 9 ພຶດສະພາ, ຢູ່ ພະແນກພົວພັນຕ່າງປະເທດ, ຄະນະຊີ້ນໍາວຽກງານຊາຍແດນລາວ - ຫວຽດນາມຂອງ ແຂວງ ດ້ຽນບ່ຽນ ໄດ້ມີການເຮັດວຽກພົບກັບຄະນະຊີ້ນໍາວຽກງານຊາຍແດນລາວ - ຫວຽດນາມ ກັບ ສອງແຂວງ: ແຂວງຫຼວງພະບາງ ແລະ ຜົ້ງສາລີ (ສປປລາວ). ຝ່າຍຫວຽດນາມມີ ທ່ານ ເລ ແທ່ງ ໂດ, ສະມາຊິກຄະນະກໍາມະການປະຈໍາແຂວງ, ຮອງເຈົ້າແຂວງ, ຫົວຫນ້າຄະນະຊີ້ນໍາວຽກງານ ຊາຍແດນລາວ - ຫວຽດນາມແຂວງ ດ້ຽນບ່ຽນ, ແລະ ຜູ້ນໍາຂອງບັນດາພະແນກການທີ່ກ່ຽວຂ້ອງ.

ຄະນະຊີ້ນໍາວຽກງານ ຊາຍແດນລາວ - ຫວຽດນາມແຂວງ ດ້ຽນບ່ຽນມອບຮັບແບບແຕ້ມໂຄງການ ແລະ ແບ່ງງານການຄຸ້ມຄອງ, ປົກປ້ອງຊາຍແດນແຫ່ງຊາດໃຫ້ແຂວງຜົ້ງສາລີ

ທີ່ກອງປະຊຸມ, ທ່ານ ເລ ແທ່ງ ໂດ ໄດ້ລາຍງານບັນດາເນື້ອໃນຂອງແຜນການ ເພື່ອແນໃສ່ການເພີ່ມທະວີ ລະບົບຊາຍແດນແຫ່ງຊາດ ຂອງຫວຽດນາມ - ລາວ ທີ່ໄດ້ຮັບການປະຕິບັດ ໂດຍ ລັດຖະບານສອງປະເທດນັບແຕ່ປີ 2008. ຍ້ອນແນວນັ້ນ, ແຂວງ ດ້ຽນບ່ຽນ ແລະ ສອງແຂວງ: ຜົ້ງສາລີ ແລະ ຫຼວງພະບາງ ໄດ້ຮັບການປະສານງານຢ່າງແໜ້ນແຟ້ນ ແລະ ພະຍາຍາມທີ່ຈະປະຕິບັດວຽກງານກໍ່ສ້າງຫຼັກແດນ, ແບ່ງງານຄຸ້ມຄອງ ແລະ ປ້ອງກັນຊາຍແດນ ລະຫວ່າງສອງປະເທດ. ໃນປັດຈຸບັນ, ແຜນການດັ່ງກ່າວໄດ້ສໍາເລັດໃນພາກສະຫນາມ. ແຂວງ ດ້ຽນບ່ຽນ ປະຈຸບັນສຳເລັດ ການກໍ່ສ້າງຫຼັກໝາຍຊາຍແດນ ຈຳນວນ 25 ຫຼັກ / 31 ຫຼັກແດນ ທີ່ຊາຍແດນຕິດກັບແຂວງຫຼວງພະບາງ ແລະ 119 ຫັຼັກແດນ / 125 ຫຼັກແດນ ທີ່ຊາຍແດນຕິດກັບແຂວງ ຜົ້ງສາລີ. 

ລະບົບຊາຍແດນແຫ່ງຊາດຈະແຈ້ງ, ຈະສ້າງເງື່ອນໄຂໃຫ້ແຂວງ ເພີ່ມທະວີການຮ່ວມມືສອງຝ່າຍ ເພື່ອປົກປັກຮັກສາອຳນາດອະທິປະໄຕ, ຄວາມຫມັ້ນຄົງຊາຍແດນລະຫວ່າງຫວຽດນາມ ແລະ ລາວ. ທ່ານ ເລ ແທ່ງ ໂດ ໄດ້ສະເໜີນຳຄະນະຜູ້ນໍາຂອງສອງແຂວງວ່າ: ແຂວງຫຼວງພະບາງ ແລະ ຜົ້ງສາລີ ຈະແລກປ່ຽນບັນດາຂໍ້ຕົກລົງກ່ຽວກັບການຄຸ້ມຄອງ ແລະ ປົກປ້ອງຫຼັກຫມາຍຊາຍແດນແຫ່ງຊາດ ເພື່ອບັນລຸໄດ້ຮັບຂໍ້ຕົກລົງນຳກັນ ແລະ ເຊັນບົດບັນທຶກການມອບ-ຮັບ ແຜນວາດໂຄງການ ລະຫວ່າງບັນດາແຂວງ.

ກ່າວຄຳປາໄສທີ່ກອງປະຊຸມ,  ທ່ານ ວົງສະຫວັນ ເທບພະຈັນ - ຮອງເຈົ້າແຂວງ, ຫົວຫນ້າຄະນະຊີ້ນໍາວຽກງານ ຊາຍແດນລາວ - ຫວຽດນາມແຂວງຫຼວງພະບາງ  ແລະ ທ່ານ ເພງລີ ລະວົງ - ຮອງເຈົ້າແຂວງ, ຫົວຫນ້າຄະນະຊີ້ນໍາວຽກງານ ຊາຍແດນລາວ - ຫວຽດນາມແຂວງ ຜົ້ງສາລີ  ໄດ້ສະແດງຄວາມເຫັນດີ ຕໍ່ກັບການປະເມີນ ແລະ ການແລກປ່ຽນ ຂອງແຂວງ ດ້ຽນບ່ຽນ,  ພ້ອມກັນນັ້ນ, ກໍ່ໄດ້ເຊັນບົດບັນທຶກການມອບ-ຮັບ ແຜນວາດໂຄງການ ແລະ ແບ່ງງານການຄຸ້ມຄອງ, ປ້ອງກັນຊາຍແດນແຫ່ງຊາດ ລະຫວ່າງ ແຂວງ ດ້ຽນບ່ຽນ ກັບ ແຂວງຫຼວງພະບາງ ແລະ ແຂວງຜົ້ງສາລີ.

(ຄຳຮຸ່ງ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll