ຜູ້ແທນຄະນະປະຕິບັດງານ ເຮັດວຽກກັບ ຄະນະຄົ້ນຄວ້າ ກົດຫມາຍສະພາແຫ່ງຊາດ ສປປ ລາວ

12:29 2019/07/07

ຍສໝ - ທ້າຍອາທິດທີ່ຜ່ານມາ, ຢູ່ ທີ່ ສຳນັກງານຫ້ອງວ່າການສະພາແຫ່ງຊາດ, ຜູ້ແທນຄະນະປະຕິບັດງານ ໄດ້ມີການພົບປະເຮັດວຽກກັບ ຄະນະຜູ້ແທນສະຖາບັນຄົ້ນຄວ້າກົດຫມາຍ ສະພາແຫ່ງຊາດ ສປປ ລາວ, ໂດຍ ຄຳເຜີຍ ປານມະໄລທອງ ຫົວໜ້າສະຖາບັນຄົ້ນຄວ້າວິທະຍາສາດ ເປັນຫົວໜ້າຄະນະ. ທ່ານ ເຈິ່ນ ວັນ ຕຸ໋ຍ ຫົວໜ້າຄະນະປະຕິບັດງານຫວຽດນາມ ໄດ້ເປັນປະທານໃນການພົບປະ ແລະ ເຮັດວຽກຄັ້ງນີ້.

ຜູ້ແທນຄະນະປະຕິບັດງານ ເຮັດວຽກກັບ ຄະນະຄົ້ນຄວ້າ ກົດຫມາຍສະພາແຫ່ງຊາດ ສປປ ລາວ

ບັນຍາກາດກອງປະຊຸມພົບປະ ແລະ ເຮັດວຽກ.(ພາບ: quochoi.vn)

ໃນນາມຜູ້ຕາງຫນ້າຄະນະ, ທ່ານ ເຈິ່ນ ວັນ ຕຸ໋ຍ ສະແດງຄວາມຍິນດີຕ້ອນຮັບ ຫົວໜ້າສະຖາບັນ ພ້ອມຄະນະຄົ້ນຄວ້າກົດໝາຍ ສະພາແຫ່ງຊາດ ສປປ ລາວ ທີ່ມາຢ້ຽມຢາມ ແລະ ເຮັດວຽກ ກັບ ສະພາແຫ່ງຊາດຫວຽດນາມ ຢ່າງສຸດອົກສຸດໃຈ. ທ່ານ ເຈິ່ນ ວັນ ຕຸ໋ຍ ຫົວໜ້າຄະນະປະຕິບັດງານ ຫວຽດນາມ ໄດ້ກ່າວວ່າ: ຫວຽດນາມ ແລະ ສປປ ລາວ ແມ່ນສອງປະເທດບ້ານພີ່ເມືອງນ້ອງ, ພູເຂົາລຳເນົາໄພລຽນຕິດຈອດກັນເປັນຫນຶ່ງດຽວກັນ, ເສີມຂະຫຍາຍມູນເຊື້ອຮີດຄອງປະເພນີອັນດີງາມ, ຄວາມໄກ້ສິດ, ຄວາມຈິງໃຈ ລະຫວ່າງ ປະຊາຊົນ ສອງປະເທດ, ຜ່ານບັນດາຊຸດປະຊຸມສະພາແຫ່ງຊາດ ຫວຽດນາມ ແລະ ລາວ ໄດ້ເພີ່ມທະວີສາຍພົວພັນຮ່ວມມື; ຕັດສິນໃຈເປີດກວ້າງ ແລະ ເສີມຂະຫຍາຍສາຍພົວພັນ ລະຫວ່າງ ສອງສະພາແຫ່ງຊາດ ດ້ວຍຫຼາຍຮູບຫຼາຍແບບ ເພື່ອຊ່ວຍເຫຼືອເຊິ່ງກັນ ແລະ ກັນ ໃນການຈັດຕັ້ງປະຕິບັດຫນ້າທີ່ຂອງອົງການນິຕິບັນຍັດ ຢ່າງມີປະສິດທິຜົນ.

ຫົວຫນ້າຄະນະຜູ້ແທນປະຕິບັດງານ ເຈີ່ນ ວັນ ຕຸ໋ຍ  ກ່າວຄຳເຫັນທີ່ກອງປະຊຸມ.(ພາບ: quochoi.vn)

ຮອງຫົວຫນ້າຄະນະຜູ້ແທນໄດ້ຍົກຂື້ນມາຢ່າງຈະແຈ້ງວ່າ, ເນື້ອໃນຂອງການສຶກສາຝຶກອົບຮົມ ຄະນະຜູ້ແທນສະພາແຫ່ງຊາດປະຈໍາປີ ແມ່ນອີງໃສ່ ຄວາມຮຽກຮ້ອງຕ້ອງການທີ່ໄດ້ຄົ້ນຄວ້າຕົ້ນສະໄໝ ແລະ ບົນການເຄື່ອນໄຫວຂອງສະພາແຫ່ງຊາດປະຈຳປີ. ຕົ້ນສະໄໝນີ້ຈະສຸມໃສ່ໃນ ການກໍ່ສ້າງຫຼັກສູດການຝຶກອົບຮົມທີ່ໃຫ້ຄວາມຮູ້ຂັ້ນພື້ນຖານ ໃຫ້ແກ່ຜູ້ແທນສະພາແຫ່ງຊາດ ທີ່ໄດ້ຮັບການເລືອກຕັ້ງ ບົນພື້ນຖານສ້າງເງື່ອນໄຂໃຫ້ຜູ້ແທນໃໝ່ ແລະ ເກົ່າແບ່ງປັນປະສົບການໃນການປະຕິບັດງານ. ປີທີສອງຂອງສະໄໝ ຈະສຸມໃສ່ການກໍ່ສ້າງຫຼັກສູດການຝຶກອົບຮົມ ໃນການສ້າງຄວາມສາມາດເລິກເຊິ່ງ, ການປັບປຸງຄວາມຮູ້ໃໝ່ໆ; ປີສຸດທ້າຍແມ່ນຈະສຸມໃສ່ການສຶກສາອົບຮົບແບບຫົວຂໍ້, ຝຶກອົບຮົບພະນັກງານລາຍງານແຫຼ່ງ, ສະຫຼຸບການເຄື່ອນໄຫວສະໄໝ ແລະ ການສຶກສາຝຶກອົບຮົມ ໂຄສະນາຂົນຂວາຍການເລືອກຕັ້ງຜູ້ແທນສະພາແຫ່ງຊາດ... 

ຄະນະກໍາມະການ ຄົ້ນຄວ້າກົດຫມາຍ ແຫ່ງ ສປປ ລາວ ໄດ້ແບ່ງປັນໃນກອງປະຊຸມ. (ພາບ: quochoi.vn)

ທ່ານ ຄຳເຜີຍ ປານມະໄລທອງ ຫົວໜ້າ ສະຖາບັນຄົ້ນຄ້ວາ ກົດຫມາຍ ໄດ້ສະແດງຄວາມຊົມເຊີຍດ້ວຍຄວາມຈິງໃຈຢ່າງສຸດຊື້ງຕໍ່ການຕ້ອນຮັບຢ່າງອົບອຸ່ນ ຫົວຫນ້າຄະນະຜູ້ແທນ ທ່ານ ເຈີ່ນ ວັນ ຕຸ໋ຍ. ຫົວໜ້າ ສະຖາບັນຄົ້ນຄ້ວາ ກົດຫມາຍສະພາແຫ່ງຊາດ ສປປ ລາວ ໄດ້ກ່າວວ່າ: ໃນໄລຍະຜ່ານມາ ສປປ ລາວ ໄດ້ຮັບຄວາມຊ່ວຍເຫຼືອຢ່າງຫຼວງຫຼາຍຈາກຫວຽດນາມ ຕໍ່ກັບການຝຶກອົບຮົມ, ບຳລຸງສ້າງ ແລະ ການຄົ້ນຄວ້າຕ່າງໆ. ໂດຍສະເພາະແມ່ນສາຍພົວພັນອັນດີງາມ ລະຫວ່າງ ຄະນະປະຕິບັດງານຫວຽດນາມ ແລະ ສະຖາບັນຄົ້ນຄ້ວາກົດຫມາຍ ແຫ່ງ ສປປ ລາວ ໃນການເຄື່ອນໄຫວອົບຮົມຜູ້ແທນສະພາແຫ່ງຊາດ ແລະ ສະມາຊິກສະພາປະຊາຊົນ. ແຕ່ລະປີ, ຄະນະປະຕິບັດງາມຜູ້ແທນ ໄດ້ສົ່ງຄະນະຜູ້ຊ່ຽວຊານ, ນັກປາຖະກາຖາ ໄປປະສານງານ ກັບ ສະຖາບັນຄົ້ນຄ້ວາ ກົດຫມາຍ ສປປ ລາວ ເພື່ອຝຶກອົບຮົມທັກສະ ແລະ ແບ່ງປັນປະສົບການ.

ໃນອານາຄົດ, ທ່ານ ຄຳເຜີຍ ປານມະໄລທອງ ຫົວໜ້າ ສະຖາບັນຄົ້ນຄ້ວາ ກົດຫມາຍ ມີຄວາມມຸ້ງຫວັງຈະສືບຕໍ່ໄດ້ຮັບການຊ່ວຍເຫຼືອ ແລະ ແບ່ງປັນ ຈາກຫວຽດນາມ ກ່ຽວກັບທັກສະ ໃຫ້ແກ່ຄະນະຜູ້ແທນສະພາແຫ່ງຊາດ ເປັນຕົ້ນແມ່ນ: ກ່ຽວກັບການຖ່າຍທອດຂໍ້ມູນຂ່າວສານ, ທັກສະຂອງການປາກເວົ້າໃນລັດສະພາ; ບັນດາວິທີການ, ຂັ້ນຕອນການຕີລາຄາປະເມີນການສຶກສາຝຶກອົບຮົມ ໃຫ້ແກ່ຜູ້ແທນສະພາແຫ່ງຊາດ ແນວໃດທີ່ຈະໄດ້ຮັບ ປະສິດທິຜົນ.

ໃນຕອນທ້າຍກອງປະຊຸມເຮັດວຽກ, ທ່ານ ເຈິ່ນ ວັນ ຕຸ໋ຍ ຫົວຫນ້າຄະນະຜູ້ແທນປະຕິບັດງານຫວຽດນາມ ແລະ ທ່ານ ຄຳເຜີຍ ປານມະໄລທອງ ຫົວໜ້າ ສະຖາບັນຄົ້ນຄ້ວາ ກົດຫມາຍ ໄດ້ຕົກລົງເຫັນດີເປັນເອກະພາບກັນ ໃນຫຼາຍເນື້ອໃນທີ່ສອງຝ່າຍແລກປ່ຽນ. ທ່ານ ເຈິ່ນ ວັນ ຕຸ໋ຍ ຫົວຫນ້າຄະນະຜູ້ແທນປະຕິບັດງານຫວຽດນາມ ເຊື່ອໝັ້ນວ່າ:  ດ້ວຍຄວາມໄວ້ເນື້ອເຊື່ອໃຈ, ຄວາມມານະພະຍາຍາມ, ຄວາມຮັບຜິດຊອບສູງ, ສາຍພົວພັນ ລະຫວ່າງ ສະພາແຫ່ງຊາດ ແລະ ບັນດາອົງການວິຊາການ ສະພາແຫ່ງຊາດ ນັບມື້ນັບໄດ້ຮັບການ ເຕີບໂຕຢ່າງດີ, ເພີ່ມພູນຄູນສ້າງນໍ້າໃຈສາມັກຄີພິເສດ ແລະ ຮອບດ້ານ ລະຫວ່າງ ຫວຽດນາມ-ລາວ ຢ່າງບໍ່ຢຸດຢັ້ງ.

ຫັດ​ທະ​ບູນ
;

同类别新闻