ຜົນສຳເລັດການຝຶກອົບຮົມວຽກງານເສນາທິການ-ພະລາທິການໃຫ້ແກ່ພະນັກງານກອງທັບປະຊາຊົນລາວ ປີ 2019

10:02 2019/08/12

ຍສໝ - ໃນວັນທີ 9 ສິງຫາ, ທີ່ວິທະຍາຄານພະລາທິການ, ກົມໃຫຍ່ພະລາທິການກອງທັບປະຊາຊົນຫວຽດນາມ ໄດ້ຈັດຕັ້ງພິທີປິດຊຸດຝຶກອົບຮົມວຽກງານເສນາທິການ ແລະ ວຽກງານຄ້າຍທະຫານໃຫ້ແກ່ພະນັກງານກອງທັບປະຊາຊົນ ລາວ ປີ 2019.

ເຂົ້າຮ່ວມຊຸດຝຶກອົບຮົມ, ບັນດາສະຫາຍໄດ້ຄົ້ນຄວ້າບາງຫົວຂໍ້ສະເພາະກ່ຽວກັບວຽກງານພະລາທິການ, ວຽກງານພະລາທິການທ້ອງຖິ່ນ. ຊຸດຝຶກອົບຮົມວຽກງານຄ້າຍທະຫານໄດ້ຄົ້ນຄວ້າ: ວຽກງານວາງແຜນຜັງກໍ່ສ້າງຄ້າຍທະຫານ; ວຽກງານອອກແບບກິດຈະການກໍ່ສ້າງຄ້າຍທະຫານ; ລະບົບເອກະສານນິຕິກຳດ້ານກົດໝາຍກ່ຽວກັບການຄຸ້ມຄອງຄຸນນະພາບກໍ່ສ້າງ... 

ທ່ານພົນຈັດຕະວາ ຫງວຽນຮຸ່ງຖັ໋ງ, ຮອງຫົວໜ້າການເມືອງ-ຫົວໜ້າເສນາທິການກົມໃຫຍ່ພະລາທິການ ກ່າວຄໍາເຫັນທີ່ພິທີປິດ. (ພາບ: qdnd.vn)

ນອກຈາກນັ້ນ, ຊຸດຝຶກອົບຮົມຄັ້ງນີ້, ບັນດາເພື່ອນລາວ ຍັງໄດ້ໄປຢ້ຽມຊົມ, ຮໍ່າຮຽນເອົາບົດຮຽນຕົວຈິງກ່ຽວກັບວຽກງານພະລາທິການຢູ່ບາງຮູບແບບເຫຼົ່າຮົບ, ທ້ອງຖິ່ນ, ເປັນຕົ້ນແມ່ນການຮັກສາແບບແຜນເປັນກຳລັງຫຼວງຢູ່ບັນດາກົມກອງໃນກອງທັບປະຊາຊົນຫວຽດນາມ. ນີ້ຈະແມ່ນພື້ນຖານເພື່ອໃຫ້ບັນດາພະນັກງານກອງທັບປະຊາຊົນລາວ ທາບທາມເມື່ອກັບເມືອປະເທດຈະໄດ້ໜູນໃຊ້ເຂົ້າໃນຕົວຈິງຢູ່ກົມກອງ.

ພະນັກງານຊຸຸດຝຶກອົບຮົມຮັບໃບຢັ້ງຢືນສໍາເລັດຊຸດຝຶກອົບຮົມວຽກງານພະລາທິການ. (ພາບ: qdnd.vn)

ກ່າວຄໍາເຫັນທີ່ພິທີປິດ, ທ່ານພົນຈັດຕະວາ ຫງວຽນຮຸ່ງຖັ໋ງ ຮອງຫົວໜ້າການເມືອງ-ຫົວໜ້າເສນາທິການກົມໃຫຍ່ພະລາທິການເນັ້ນໜັກວ່າ, ເຖິງວ່າເວລາສັ້ນກໍ່ຕາມ, ແຕ່ວ່າບັນດາພະນັກງານເຂົ້າຮ່ວມຊຸດຝຶກອົບຮົມກໍ່ໄດ້ເສີມຂະຫຍາຍຈິດໃຈຄວາມຮັບຜິດຊອບ, ປະຕິບັດກົດລະບຽບຢ່າງເຂັ້ມງວດ, ປະຕິບັດສໍາເລັດລາຍການ, ເນື້ອໃນຊຸດຝຶກອົບຮົມ, ຮັບປະກັນຄວາມປອດໄພຢ່າງເດັດຂາດ. ທ່ານຍັງສະເໜີໃຫ້ບັນດາພະນັກງານກອງທັບປະຊາຊົນລາວ ພາຍຫຼັງກັບເມືອປະເທດແລ້ວຈົ່ງສືບຕໍ່ຄົ້ນຄວ້າ, ໜູນໃຊ້ບັນດາເນື້ອໃນທີ່ໄດ້ຮຽນມາເຂົ້າເງື່ອນໄຂຕົວຈິງວຽກງານພະລາທິການຢູ່ທຸກກົມກອງຢ່າງຄ່ອງແຄ້ວ... ພ້ອມກັນນັ້ນ, ບັນດາສະຫາຍກໍ່ແມ່ນຂົວຕໍ່ເພື່ອໃຫ້ຂະແໜງພະລາທິການ, ພະນັກງານພະລາທິການສອງປະເທດໄດ້ແລກປຽນ, ຮໍ່າຮຽນບົດຮຽນເຊິ່ງກັນ ແລະກັນ, ປະກອບສ່ວນເຮັດໃຫ້ສາຍພົວພັນທີ່ເປັນມູນເຊື້ອອັນດີງາມລະຫວ່າງກອງທັບ ແລະປະຊາຊົນສອງປະເທດເພີ່ມຂຶ້ນຕື່ມອີກ.

(ຄຳຮຸ່ງ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll