ປະເທດລາວ: ສົ່ງມອບຜູ້ເຄາະຮ້າຍ 9 ຄົນໃນຄະດີຄ້າມະນຸດໄປຫວຽດນາມ

16:35 2019/09/03

ຍສໝ - ຕອນບ່າຍວັນທີ 30 ສິງຫາ, ທີ່ນະຄອນຫຼວງວຽງຈັນ, ສູນກາງໃຫ້ຄຳປຶກສາ ແລະ ອຸປະຖຳເດັກນ້ອຍ ແລະ ແມ່ - ສະຫະພັນແມ່ຍິງລາວສູນກາງໄດ້ສົ່ງມອບ ບັນດາຜູ້ຖືກເຄາະຮ້າຍຈາກຄະດີການຄ້າມະນຸດ ໃຫ້ຜູ້ຕາງໜ້າສະຖານທູດຫວຽດນາມ ປະຈຳລາວ. ນີ້ແມ່ນຜູ້ທີ່ຖືກລ່່ຽມມາຍາຂອງການຄ້າມະນຸດໄປປະເທດລາວ ແລະ ຖືກບັງຄັບໃຫ້ເປັນຍິງໂສເພນີ, ເຊິ່ງໄດ້ຕຳຫຼວດລາວ ປະສານສົມທົບກັບ ຕຳຫຼວດຫວຽດນາມກອບກູ້ໃນທ້າຍເດືອນກໍລະກົດ.

ຜູ້ຖືກເຄາະຮ້າຍຍິງ 9 ຄົນອາຍຸແຕ່ 27 ຫາ 35 ປີ, ອາໄສຢູ່ບັນດາແຂວງ ຝູ໋ເຖາະ, ເຫງ້ອ່ານ, ຢາລາຍ, ເລີມດົ່ງ, ດົ່ງນາຍ, ຊອກຈັງ, ອ່ານຢາງ, ລ່ອງອານ... ໄດ້ຕຳຫຼວດລາວຊ່ວຍເຫຼືອ ແລະ ກອບກູ້, ສົ່ງກັບສູນໃຫ້ຄຳປຶກສາ ແລະ ອຸປະຖຳເດັກນ້ອຍ ແລະ ແມ່ ເພື່ອຟື້ນຟູສະຖຽນລະພາບດ້ານສຸຂະພາບ ແລະ ຈິດໃຈກ່ອນຈະມອບໃຫ້ຝ່າຍຫວຽດນາມ.

ຜູ້ເຄາະຮ້າຍໄດ້ຂຶ້ນລົດ ແລະ ກັບຄືນປະເທດຫວຽດນາມ. (ພາບ: vov.vn)

ໃນພິທີມອບ - ຮັບ, ຜູ້ຕາງໜ້າ ສະຖານທູດຫວຽດນາມ ປະຈຳລາວໄດ້ຂອບໃຈສູນທີ່ໄດ້ເອົາໃຈໃສ່ເບິ່ງແຍງ ແລະ ສ້າງເງື່ອນໄຂດີທີ່ສຸດໃຫ້ຜູ້ເຄາະຮ້າຍເພດຍິງໃນຂະນະທີ່ລໍຖ້າການສະໜັບສະໜູນ ເພື່ອສືບສວນ ແລະ ຂະຫຍາຍຄະດີ. ພ້ອມດຽວກັນນີ້, ສະຖານທູດຫວຽດນາມ ມອບໜັງສືຜ່ານແດນ ແລະ ເງິນຊ່ວຍເຫຼືອຜູ້ປະສົບເຄາະຮ້າຍແຕ່ລະຄົນ 1 ລ້ານກີບ, ເທົ່າກັບ 2,7 ລ້ານດົ່ງຫວຽດນາມ, ເຮັດໃຫ້ຄ່າທຳນຽມກັບບ້ານ. ໃນຕອນທ້າຍຂອງຕອນບ່າຍ, ຜູ້ເຄາະຮ້າຍຍິງ ຈຳນວນ 9 ຄົນໄດ້ນຳຕົວໄປສະຖານີລົດໂດຍສານໃຕ້ຂອງນະຄອນຫຼວງວຽງຈັນ ເພື່ອກັບຄືນປະເທດຫວຽດນາມ.

ຜູ້ຕາງໜ້າ ສະຖານທູດຫວຽດນາມ ປະຈຳລາວ ມອບໜັງສືຜ່ານແດນ ແລະ ເງິນຊ່ວຍເຫຼືອຜູ້ປະສົບເຄາະຮ້າຍ. (ພາບ: vov.vn)

ກ່ອນໜ້ານັ້ນ, ໃນກາງເດືອນມິຖຸນາ 2019, ຕຳຫຼວດລາວຮ່ວມມື ກັບຕຳຫຼວດຫວຽດນາມໄດ້ດຳເນີນການປາບປາມການຄ້າມະນຸດຢູ່ເມືອງຫຼວງພະບາງ, ແຂວງຫຼວງພະບາງ, ທາງພາກເໜືອ ຂອງລາວ. ຮອດທ້າຍເດືອນກໍລະກົດປີ 2019 ໄດ້ ທຳລາຍລ້າງກຸ່ມໂສເພນີສອງຄົນ ໂດຍ ນາງ ໂຫງ່ ທູກ ແອັງ ແມ່ນຊາວຫວຽດນາມໄດ້ສົມທົບກັບ ທ້າວ ອາຝິງ, ເຊິ່ງເປັນຄົນຈີນ.

ສິ້ນສຸດຄະດີ, ຕຳຫຼວດລາວໄດ້ຈັບຕົວ ແລະ ດຳເນີນຄະດີ ຊາວຫວຽດນາມ 4 ຄົນ, ຊາວຈີນ 1 ຄົນ; ປັບໃໝດ້ານບໍລິຫານ ແລະ ໄລ່ອອກຜູ້ຍິງປະເວນີຫວຽດນາມ 19 ຄົນ; ປະສົບຜົນສຳເລັດໃນການຊ່ວຍເຫລືອ ໄດ້ກອບກູ້ຜູ້ເຄາະຮ້າຍ 9 ຄົນທີ່ຖືກຫຼອກລວງ ແລະ ຖືກບັງຄັບໃຫ້ເຮັດວຽກເປັນໂສເພນີ. ຄະດີດັ່ງກ່າວຄາດວ່າຈະມີການພິຈາລະນາຄະດີໂດຍສານຫຼວງພະບາງໃນຕົ້ນເດືອນກັນຍາ.

(ຄຳຮຸ່ງ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll