ນາຍົກລັດຖະມົນຕີຫວຽດນາມ ຕ້ອນຮັບ ເອກອັກຄະລັດຖະທູດລາວ ເຂົ້າຢ້ຽມອຳລາ

07:06 2019/10/10

ຍສໝ -​ ໃນວັນທີ 9 ຕຸລາ 2019, ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ ໄດ້ໃຫ້ການຕ້ອນຮັບທ່ານເອກອັກຄະລັດຖະທູດລາວປະຈຳຫວຽດນາມ ທອງສະຫວັນ ພົມວິຫານ ເຂົ້າຢ້ຽມອຳລາ ເນື່ອງໃນໂອກາດສິ້ນສຸດການປະຕິບັດງານການທູດຢູ່ຫວຽດນາມ.

ນາຍົກລັດຖະມົນຕີຫວຽດນາມ ຕ້ອນຮັບ ເອກອັກຄະລັດຖະທູດລາວ ເຂົ້າຢ້ຽມອຳລາ
ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ ແລະ  ທ່ານເອກອັກຄະລັດຖະທູດລາວ ທອງສະຫວັນ ພົມວິຫານ

ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ  ໄດ້ຕີລາຄາສູງຄວາມມານະພະຍາຍາມຂອງທ່ານເອກອັກຄະລັດຖະທູດລາວ ທອງສະຫວັນ ພົມວິຫານ ຊຶ່ງໄດ້ປະຕິບັດບົດບາດເປັນຂົວເຊື່ອມຕໍ່ເປັນຢ່າງດີເພື່ອເພີ່ມທະວີສາຍພົວພັນແບບພິເສດ ແລະ ການຮ່ວມມືຮອບດ້ານລະຫວ່າງຫວຽດນາມ-ລາວ.

ບັນຍາກາດທີ່ການຕ້ອນຮັບ

ນອກຈາກນັ້ນ, ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ ຍັງຖືວ່າຍັງມີຫຼາຍບັນຫາທີ່ຈະຕ້ອງເອົາໃຈໃສ່ຊຸກຍູ້ການຮ່ວມມື, ໃນນັ້ນ ມີບັນຫາຮ່ວມມືເສດຖະກິດ, ການເຕີບໂຕວົງເງິນການຄ້າ, ບັນດາໂຄງການຈຸດສຸມ ແລະ ອື່ນໆ. ສໍາລັບສະພາບການພາກພື້ນ ແລະ ໂລກ, ໃນນັ້ນ ມີບັນຫາທະເລຕາເວັນອອກພວມສືບຕໍ່ຜັນແປຢ່າງສັບສົນ, ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ ຖືວ່າສອງປະເທດ ຫວຽດນາມ - ລາວ ຄວນເພີີ່ມທະວີຄວາມສາມັກຄີ, ສົມທົບກັນຢູ່ບັນດາເວທີປາໄສພາກພື້ນ ແລະ ສາກົນ, ພິເສດແມ່ນໃນຂອບເຂດຮ່ວມມື ອາຊຽນ, ສູ້ຊົນປະກອບສ່ວນຮັກສາສັນຕິພາບ, ສະຖຽນລະພາບ, ເພື່ອພ້ອມກັນພັດທະນາ.

ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ ແລະ  ທ່ານເອກອັກຄະລັດຖະທູດລາວ ທອງສະຫວັນ ພົມວິຫານ ພ້ອມດ້ວຍບັນດາຜູ້ແທນຂອງສອງຝ່າຍຖ່າຍຮູບເປັນທີ່ລະນຶກ.

ທີ່ການຕ້ອນຮັບ, ທ່ານເອກອັກຄະລັດຖະທູດລາວ ທອງສະຫວັນ ພົມວິຫານ ຢືນຢັນວ່າ: ຈະມານະພະຍາຍາມ ເສີມສ້າງສາຍພົວພັນອັນດີງາມຫວຽດນາມ-ລາວ ໃຫ້ສົມກັບຄວາມຫວັງຂອງການນຳ ແລະ ປະຊາຊົນ ຂອງສອງປະເທດ.

(ໄຊພອນ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll