ທາບທາມການເມືອງຫວຽດນາມ-ລາວ ຄັ້ງທີ 4

15:19 2019/07/17

ຍສໝ - ການປະຕິບັດຕາມສັນຍາການຮ່ວມມື ລະຫວ່າງ ຫວຽດນາມ-ລາວ ໃນຕອນບ່າຍວັນທີ 16 ກໍລະກົດ ຢູ່ນະຄອນຫຼວງວຽງຈັນ ທ່ານ ຫງວ໋ຽນ ກວກ ຢຸ໋ງ ຮອງລັດຖະມົນຕີກະຊວງການຕ່າງປເທດ ແລະ ຮອງລັດຖະມົນຕີການຕ່າງປະເທດລາວ ຄຳເຜົ່າ ອ່ອນທະວັນ ໄດ້ຮ່ວມເປັນປະທານ ໃນກອງປະຊຸມທາບທາມການເມືອງຄັ້ງທີ 4 ລະຫວ່າງ ກະຊວງການຕ່າງປະເທດຂອງສອງປະເທດ.

ທາບທາມການເມືອງຫວຽດນາມ-ລາວ ຄັ້ງທີ 4

ທ່ານ ສະເຫຼີມໄຊ ກົມມະສິດ  ແລະ  ທ່ານ ຫງວ໋ຽນ ກວກ ຢຸ໋ງ. (ພາບ: ຊົນຕູ໋/ສຳນັກຂ່າວຫວຽດນາມປະຈຳລາວ)

ທີ່ປຶກສາສະຖານທູດຫວຽດນາມປະຈຳ ປະເທດລາວ ທ່ານ ຫງວ໋ຽນ ແທັງ ຕຸ່ງ ໄດ້ເຂົ້າຮ່ວມກອງປະຊຸມນີ້ດ້ວຍ. ຕາມສຳນັກຂ່າວຫວຽດນາມປະຈຳ ສປປ ລາວ, ທີ່ກອງປະຊຸມທາບທາມ, ທັງສອງຝ່າຍຕີລາຄາສູງ ແລະ ໂດຍລວມສາຍພົວພັນ ຫວຽດນາມ-ລາວ, ສະແດງຄວາມດີອົກດີໃຈຕໍ່ກັບກັບບາດກ້າວພັດະທນາອັນຕັ້ງໜ້າ, ພິເສດແມ່ນໃນ 6 ເດືອນຕົ້ນປີ 2019 ລາວ-ຫວຽດນາມ ໄດ້ມີການເຄື່ອນໄຫວຮ່ວມມືທີ່ສຳຄັນ, ໃນນັ້ນມີການການຢ້ຽມຢາມ ສປປ ລາວ ຢ່າງເປັນທາງການຂອງທ່ານ ເລຂາທິການໃຫຍ່, ປະທານປະເທດຫວຽດນາມ ຫງວ໋ຽນ ຟູ໋ ຈ້ອງ; ເປັນເອກະພາບນຳກັນໃນການເພີ່ມທະວີສາຍພົວພັນຮ່ວມມືລະຫວ່າງ ກະຊວງການຕ່າງປະເທດ ຂອງສອງປະເທດ ເພື່ອແນໃສ່ປະກອບສ່ວນອັນຕັ້ງໜ້າ, ມີປະສິດຕິຜົນໃຫ້ແກ່ສາຍພົວພັນສອງປະເທດ ໃນນັ້ນມີວຽກງານການປະສານສົມທົບຮັບໃຊ້ເປັນຢ່າງດີ ການຢ້ຽມຢາມສຳພັນທະໄມຕີ ຂອງການນຳຂັ້ນສູງຂອງກະຊວງ, ຂະແໜງການ ແລະ ທ້ອງຖິ່ນ ຜັນຂະຫຍາຍຢ່າງມີປະສິດທິຜົນບັນດາ ເອກະສານທີ່ໄດ້ເຊັນລົງນາມ, ຈັດຕັ້ງປະຕິບັດໃນການກະກຽມເປັນເສນາທິການປະຈຳປີ ຂັ້ນກະຊວງການຕ່າງປະເທດຄັ້ງທີ 6 ຢູ່ ຫວຽດນາມ.

ທ່ານຮອງລັດຖະມົນຕີ ຄຳເຜົ່າ ເອີນທະວັນ ໄດ້ສະແດງຄວາມຍິນດີ ຕໍ່ຜົນສໍາເລັດທີ່ສໍາຄັນຂອງການຕ່າງປະເທດຫວຽດນາມ, ໃນນັ້ນມີ ການທີ່ໄດ້ຮັບການຄັດເລືອກເປັນສະຖານທີ່ ຈັດກອງປະຊຸມສຸດຍອດ ສະຫະລັດອາເມລິກາ-ເກົາຫລີເໜືອ ຄັ້ງທີ 2 ແລະ ການໄດ້ເຂົ້າເປັນສະມາຊິກບໍ່ປະຈຳ ສະພາຄວາມຫມັ້ນຄົງ ສະຫະປະຊາຊາດ ໄລຍະປີການ 2020-2021. ຮອງລັດຖະມົນຕີກະຊວງການຕ່າງປະເທດ ຫງວ໋ຽນ ກວກ ຢຸ໋ງ ຊົມເຊີຍ ລັດຖະມົນຕີການຕ່າງປະເທດລາວ ສືບຕໍ່ສົ່ງຄະນະຜູ້ແທນໄປແລກປ່ຽນຂໍ້ມູນຂ່າວສານ, ແບ່ງປັນບົດຮຽນໃນຫຼາຍບັນຫາທີ່ມີຄວາມສົນໃຈ.

ທັງສອງຮອງລັດຖະມົນຕີກະຊວງການຕ່າງປະເທດ ໄດ້ປຶກສາຫາລືເປັນເວລາສົມຄວນກ່ຽວກັບສະຖານະການຂອງໂລກ ແລະ ພາກພື້ນອາຊີ-ປາຊີຟິກ, ຕົກລົງທີ່ຈະປະສານສົມທົບກັນເພື່ອ ຕອບໂຕ້ຢ່າງມີປະສິດທິຜົນຕໍ່ສິ່ງທ້າທາຍໃໝ່ໆ, ໃນນັ້ນປະກອບມີການຈະເລີນເຕີບໂຕຂອງເສດຖະກິດໂລກກຳລັງອື້ງຕື້ງ ແລະ ບັນດາປະເທດມະຫາອຳນາດກຳລັງເພີ່ມທະວີການແກ່ງແຍ້ງດ້ານຍຸດທະສາດ ແລະ ເກາະຕິການຄ້າ. ສົນທະນາກ່ຽວກັບແນວຄິດລິເລີ່ມ ແລະ ຍຸດທະສາດຂອງບັນດາປະເທດມະຫາອຳນາດໃນພາກພື້ນ, ທັງສອງຝ່າຍໄດ້ເນັ້ນຫນັກວ່າ ບັນດາແນວລິເລີ່ມ ແລະ ຍຸດທະສາດເຫລົ່ານີ້ ຕ້ອງມີການປະກອບສ່ວນເຂົ້າໃນສັນຕິພາບ, ຄວາມຫມັ້ນຄົງ, ການຮ່ວມມື ແລະ ການພັດທະນາ ໃນພາກພື້ນ; ເຄົາລົບກົດຫມາຍສາກົນ, ສິດອະທິປະໄຕ ແລະ ຜືນແຜ່ນດິນອັນຄົບຖ້ວນຂອງແຕ່ລະປະເທດ;  ຮັບປະກັນບົດບາດສູນກາງຂອງ ປະຊາຄົມອາຊຽນ (ASEAN) ແລະ ຊຸກຍູ້ພາກພື້ນເປີດກວ້າງ, ຮັບ ແລະ ບໍ່ປະໃຜໄວ້ທາງຫັຼງ.

ການປຶກສາຫາລືກ່ຽວກັບການຮ່ວມມືໃນຂອບເຂດອາຊຽນ, ທັງສອງຝ່າຍຕີລາຄາສູງທີ່ປະຊາຄົມບັນລຸໄດ້ຜົນສໍາເລັດທີ່ສໍາຄັນຫຼາຍ ໃນການກໍ່ສ້າງປະຊາຄົມອາຊຽນ, ນັບມື້ນັບຢືນຢັນໄດ້ເຖິງບົດບາດເປັນສູນກາງ ແລະ ຖານະທີ່ສຳຄັນຂອງຕົນໃນພາກພື້ນ; ເປັນເອກະພາບໃນການເພີ່ມທະວີຮ່ວມມືເພື່ອປັບປຸງຄວາມສາມັກຄີພາຍໃນກຸ່ມກໍ່ຄືຍົງສູງຄວາມສາມາດເຂົ້າໄດ້ກັບ ອາຊຽນ ຕໍ່ໜ້າໂອກາດ ແລະ ສິ່ງທ້າທາຍປະຈຳບັນ.

ທ່ານຮອງລັດຖະມົນຕີການຕ່າງປະເທດ ຫງວ໋ຽນ ກວກ ຢຸ໋ງ ໄດ້ລາຍງານໃຫ້ຝ່າຍລາວທິດທາງການກະກຽມຂອງຫວຽດນາມເມື່ອຮັບໜ້າທີ່ກໍ່ຄືບົດບາດເປັນ ປະທານ ອາຊຽນ ປີ 2020 ແລະ ສະມາຊິກສະພາຄວາມໝັ້ນຄົງ ສະຫະປະຊາຊາດ ໄລຍະປີການ 2020-2021; ເໜັ້ນໜັກວ່າ ຫວຽດນາມໃຫ້ຄວາມສໍາຄັນ ໃນການຜັນຂະຫຍາຍບັນດາການເຄື່ອນໄຫວ, ຊຸກຍູ້ບັນດາເນື້ອໃນຮ່ວມມື ແລະ ແນວຄິດລິເລີ່ມເມື່ອຮັບພະລະໜ້າທີ່ສຳຄັນອັນນີ້, ຈາກນັ້ນປະກອບສ່ວນຢ່າງຕັ້ງໜ້າໃຫ້ແກ່ການສ້າງສັນຕິພາບ, ສະຖຽນລະພາບ, ຮ່ວມມື ແລະ ພັດທະນາຂອງອາຊຽນ, ພາກພື້ນ ແລະ ໃນໂລກ ດ້ວຍຖານະເປັນສະມາຊິກມີຄວາມຮັບຜິດຊອບ ແລະ ກໍ່ສ້າງ; ຫວັງເປັນຢ່າງຍິ່ງວ່າລາວ ຈະຮ່ວມມື ແລະ ປະສານສົມທົບຢ່າງໃກ້ຊິດ, ໂດຍສະເພາະແມ່ນໃນເລື່ອງທີ່ມີຄວາມສົນໃຈຮ່ວມກັນ.

ການທາບທາມການເມືອງ ຫວຽດນາມ - ລາວ ຄັ້ງທີ 4 ຈະດຳເນີນໄປບົດບັນຍາກາດອັນສະຫນິດສະຫນົມ ແລະ ເປີດເຜີຍກົງໄປກົງມາ. ສອງຝ່າຍໄດ້ຕົກລົງເປັນເອກະພາບທີ່ຈະຈັດການທາບທາມການເມືອງ ຄັ້ງຕໍ່ໄປ ຢູ່ ຫວຽດນາມ ໃນປີ 2020.

(ຫັດ​ທະ​ບູນ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll