ທ່ານ ນາງ ຫງວຽນ ຖີ້ ກິມ ເງີນ ປະທານສະພາແຫ່ງຊາດ ສສ ຫວຽດນາມພົບປະກັບທ່ານ ນາງ ປານີ ຢາທໍ່ຕູ້ ປະທານສະພາແຫ່ງຊາດ ສປປ ລາວ

09:08 2019/05/13

ຍສໝ - ໃນເມື່ອວັນທີ 15 ເດືອນມັງກອນ ປີ 2019, ທ່ານ ນາງ ຫງວຽນ ຖີ້ ກິມ ເງີນ ປະທານສະພາແຫ່ງຊາດ ສສ ຫວຽດນາມໄດ້ມີການພົບປະກັບທ່ານ ນາງ ປານີ ຢາທໍ່ຕູ້ ປະທານສະພາແຫ່ງຊາດ ສປປ ລາວ ຢູ່ສຽມຣຽບ, ກໍາປູເຈຍ.

ທ່ານ ນາງ ຫງວຽນ ຖີ້ ກິມ ເງີນ ປະທານສະພາແຫ່ງຊາດ ສສ ຫວຽດນາມພົບປະກັບທ່ານ ນາງ ປານີ ຢາທໍ່ຕູ້ ປະທານສະພາແຫ່ງຊາດ ສປປ ລາວ

 

ທ່ານ ນາງ ຫງວຽນ ຖີ້ ກິມ ເງີນ ປະທານສະພາແຫ່ງຊາດ ສສ ຫວຽດນາມພົບປະກັບທ່ານ ນາງ ປານີ ຢາທໍ່ຕູ້ ປະທານສະພາແຫ່ງຊາດ ສປປ ລາວ (ພາບ: baotintuc.vn)

ທີ່ການພົບປະໃນຄັ້ງນີ້, ທ່ານ ນາງ ຫງວຽນ ຖີ້ ກິມ ເງີນ ປະທານສະພາແຫ່ງຊາດຫວຽດນາມໄດ້ເນັ້ນຫນັກວ່າ: ການພົວພັນດ້ານການຮ່ວມມືລະຫວ່າງສອງສະພາແຫ່ງຊາດໄດ້ຮັບການຈັດຕັ້ງປະຕິບັດຢ່າງຕັ້ງໜ້າ ແລະ ເປັນຮູບປະທໍາໃນຊຸມປີຜ່ານມາ. ໄດ້ມີການຈັດຕັ້ງປະຕິບັດສັນຍາການຮ່ວມມືທີ່ໄດ້ເຊັນກັນ ລະຫວ່າງ ສອງສະພາແຫ່ງຊາດໃນ ປີ 2017, ທັງສອງຝ່າຍໄດ້ແບ່ງປັນປະສົບການທີ່ສໍາຄັນຈໍານວນຫນຶ່ງໃນວຽກງານສ້າງກົດຫມາຍ.

ທ່ານ ນາງ ປານີ ຢາທໍ່ຕູ້ ປະທານສະພາແຫ່ງຊາດ ສປປ ລາວກໍ່ໄດ້ໃຫ້ຮູ້ວ່າ: ໃນໄລຍະຜ່ານມາທັງສອງຝ່າຍໄດ້ມີການພົວພັນສອງຝ່າຍກັບການເພີ່ມທະວີການແລກປ່ຽນລະດັບສູງ ແລະ ແຕ່ລະຂັ້ນ, ທ່ານ ນາງ ປານີ ຢາທໍ່ຕູ້ ກໍ່ຫວັງວ່າໃນ ປີ 2019 ນີ້, ທັງສອງຝ່າຍຈະສືບຕໍ່ມີການພົວພັນຮ່ວມມືນັບມື້ນັບມີການພັດທະນາຢ່າງມີປະສິດທິຜົນ ແລະ ເປັນຮູບປະທໍາ. ຄຽງຄູ່ກັບການສືບຕໍ່ປະຕິບັດກິດຈະກໍາຮ່ວມມືຕ່າງໆເຊັ່ນການແລກປ່ຽນຄະນະຜູ້ແທນ, ທັງສອງຝ່າຍຄວນສືບຕໍ່ມີການຈັດຕັ້ງການສໍາມະນາ ແລະ ກອງປະຊຸມທີ່ມີເນື້ອຫາທີ່ມີຄຸນນະພາບສູງ; ສືບຕໍ່ມີການປະສານງານເພື່ອຕິດຕາມກວດກາການຈັດຕັ້ງປະຕິບັດບັນດາຂໍ້ຕົກລົງທີ່ໄດ້ລົງນາມນໍາກັນ.

ທ່ານ ນາງ ປານີ ຢາທໍ່ຕູ້ ກໍ່ໄດ້ສະແດງຄວາມຂອບໃຈຕໍ່ສະພາແຫ່ງຊາດຫວຽດນາມທີ່ໄດ້ມີການຊ່ວຍເຫຼືອສະພາແຫ່ງຊາດລາວໃນດ້ານແລກປ່ຽນຂໍ້ມູນຂ່າວສານ ແລະ ປະສົບການໃນການປັບປຸງ ແລະ ຍົກສູງຄຸນນະພາບກອງປະຊຸມຂອງສະພາແຫ່ງຊາດ, ສະພາປະຊາຊົນ, ການຮ່ວມມື ລະຫວ່າງ ສະພາແຫ່ງຊາດ ແລະ ລັດຖະບານ ໃນດ້ານວຽກງານ. ຈາກຜົນທີ່ໄດ້ຮັບຂອງການຮ່ວມມືນີ້, ທ່ານ ນາງ ປານີ ຢາທໍ່ຕູ້ ປະທານສະພາແຫ່ງຊາດລາວກໍ່ມີຄວາມຫວັງວ່າໃນປີ 2019 ແລະ ໃນຫຼາຍປີຕໍ່ໄປ, ສະພາແຫ່ງຊາດຂອງສອງປະເທດຈະສືບຕໍ່ຍຸ້ແຮງການຮ່ວມມືກໍ່ຄືການແລກປ່ຽນບັນດາບັນຫາຢ່າງລະອຽດ ແລະ ເປັນຮູບປະທໍາ.

ສະແດງຄວາມຍິນດີຕໍ່ມູນຄ່າການຄ້າສອງຝ່າຍນັບມື້ນັບມີການເພີ່ມຂຶ້ນ, ທ່ານ ນາງ ປານີ ຢາທໍ່ຕູ້ ໄດ້ສະແດງຄວາມຫວັງວ່າຄະນະກໍາມະການຂອງສະພາແຫ່ງຊາດສອງປະເທດຈະມີການຮ່ວມມືໃນການຕິດຕາມການຈັດຕັ້ງປະຕິບັດບັນດາຂໍ້ຕົກລົງຂອງຜູ້ນໍາຂັ້ນສູງຂອງສອງປະເທດເພື່ອມີການແກ້ໄຂບັນດາຂໍ້ອຸປະສັກຢ່າງທັນເວລາ, ສ້າງຄວາມສະດວກໃຫ້ແກ່ການແກ້ໄຂບັນດາລະບຽບການໃນເຂດຊາຍແດນຂອງສອງປະເທດ, ສືບຕໍ່ມີການປະກອບສ່ວນໃນການເພີ່ມມູນຄ່າການຄ້າຂອງສອງປະເທດຫວຽດນາມ - ລາວ, ກໍ່ຄືການຊຸກຍຸ້ການພົວພັນດ້ານເສດຖະກິດ ແລະ ການຄ້າລະຫວ່າງສອງປະເທດໃຫ້ນັບມື້ນັບມີການພັດທະນາ.

ທ່ານ ນາງ ຫງວຽນ ຖີ້ ກິມ ເງີນ ປະທານສະພາແຫ່ງຊາດຫວຽດນາມກໍ່ໄດ້ເຫັນດີຕໍ່ບັນດາຂໍ້ສະເໜີຂອງທ່ານ ນາງ ປານີ ຢາທໍ່ຕູ້ ປະທານສະພາແຫ່ງຊາດລາວກ່ຽວກັບການເພີ່ມທະວີສາຍພົວພັນຮ່ວມມືລະຫວ່າງສະພາແຫ່ງຊາດ, ສະພາປະຊາຊົນສອງປະເທດ. ໃນນັ້ນ, ສະພາແຫ່ງຊາດສອງປະເທດໄດ້ເຫັນດີເພີ່ມທະວີການຮ່ວມມື, ແບ່ງປັ່ນບົດຮຽນຕາມຫົວເລື່ອງຢູ່ແຕ່ລະຂັ້ນ, ແຕ່ລະ ຄະນະກໍາມາທິການ, ກຸ່ມສະມາຊິກສະພາແຫ່ງຊາດຂອງສອງປະເທດ ແລະ ສະພາປະຊາຊົນ ຢູ່ບາງທ້ອງຖິ່ນອາດຈະມີການແລກປ່ຽນບົດຮຽນລະອຽດໃນຂົງເຂດການເຄື່ອນໄຫວຂອງຕົນ. ທ່ານ ນາງ ປານີ ຢາທໍ່ຕູ້ ກໍ່ໄດ້ຢັ້ງຢືນວ່າ: ໃນຜົນສໍາເລັດລວມຂອງການພົວພັນລະຫວ່າງຫວຽດນາມ - ລາວ ກໍ່ແມ່ນມີການປະກອບສ່ວນອັນສໍາຄັນຂອງສະພາແຫ່ງຊາດສອງປະເທດ. ທ່ານນາງ ປານີ ຢາທໍ່ຕູ້ ປາດຖະໜາວ່າ ສະພາແຫ່ງຊາດສອງປະເທດຈະສືບຕໍ່ພັດທະນາການພົວພັນຮ່ວມມືໃຫ້ແທດຈິງ ແລະ ມີປະສິດທິຜົນກວ່າເກົ່າ.

(ໄຊພອນ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll