ທະນາຄານແຫ່ງລັດຫວຽດນາມ ແລະ ທະນາຄານບັນຊາກາງຂອງລາວ ໄດ້ເພີ່ມທະວີການຮ່ວມມື ແລະພັດທະນາແບບຍືນຍົງ

06:21 2019/09/19

ຍສໝ - ວັນທີ 17 ກັນຍານີ້ ທີ່ນະຄອນຫຼວງວຽງຈັນ, ທະນາຄານແຫ່ງລັດຫວຽດນາມ ແລະ ທະນາຄານບັນຊາກາງຂອງລາວ ໄດ້ຈັດກອງປະຊຸມສອງຝ່າຍ ເພື່ອແລກປ່ຽນ ແລະ ແບ່ງປັນປະສົບການ ກ່ຽວກັບການຄຸ້ມຄອງເສດຖະກິດມະຫາພາກ, ໂດຍສະເພາະໃນຂົງເຂດ ການເງິນ ແລະ ການທະນາຄານ.

ເຂົ້າຮ່ວມ ແລະ ເປັນປະທານກອງປະຊຸມສອງຝ່າຍຄັ້ງນີ້, ຝ່າຍຫວຽດນາມມີ ທ່ານ ເລມິງຮືງ, ຜູ້ວ່າການທະນາຄານແຫ່ງລັດຫວຽດນາມ, ແລະ ຝ່າຍລາວ ມີຜູ້ວ່າການທະນາຄານບັນຊາກາງ - ທ່ານສົນໄຊ ສິດປະໄຊ. ທ່ານເອກອັກຄະລັດຖະທູດຫວຽດນາມປະຈຳ ລາວ, ທ່ານ ຫງວຽນປ໋າຫູ່ງ ກໍ່ໄດ້ເຂົ້າຮ່ວມກອງປະຊຸມ.

ທີ່ກອງປະຊຸມ, ສອງຝ່າຍໄດ້ທົບທວນ ແລະ ຕີລາຄາ ໝາກຜົນຂອງການຮ່ວມມືໃນຂົງເຂດການເງິນ ແລະ ເງິນຕາ ທີ່ທະນາຄານສອງຝ່າຍ ໄດ້ບັນລຸໄດ້ໃນປີທີ່ຜ່ານມາ, ປຶກສາຫາລືບັນດາມາດຕະການເພື່ອເພີ່ມທະວີການຮ່ວມມືໃນຄັ້ງຕໍ່ໄປ. ທັງສອງຝ່າຍກໍ່ໄດ້ປຶກສາຫາລືກ່ຽວກັບນະໂຍບາຍເສດຖະກິດມະຫາພາກ, ນະໂຍບາຍການເງິນ, ການຄຸ້ມຄອງທະນາຄານທຸລະກິດຂອງລັດ ແລະ ບັນຫາທີ່ກ່ຽວຂ້ອງ.

ທັດສະນະຂອງກອງປະຊຸມ. (ພາບ: TTXVN)

ກ່າວຄຳເຫັນທີ່ກອງປະຊຸມ, ຜູ້ທ່ານ ເລມິງຮືງ, ຜູ້ວ່າການທະນາຄານແຫ່ງລັດຫວຽດນາມ ຢືນຢັນວ່າໃນໄລຍະຈະມາເຖິງ, ທະນາຄານແຫ່ງລັດຫວຽດນາມ ຈະສືບຕໍ່ຮ່ວມມື, ແບ່ງປັນປະສົບການກັບທະນາຄານບັນຊາກາງຂອງລາວໃນຫຼາຍຂົງເຂດທີ່ກ່ຽວຂ້ອງການທະນາຄານ. ສອງຝ່າຍໄດ້ເຫັນດີເປັນເອກະພາບວ່ າທະນາຄານແຫ່ງລັດຫວຽດນາມ ແລະ ທະນາຄານບັນຊາກາງຂອງຂອງລາວ ຈະເພີ່ມທະວີການຮ່ວມມືໃນຂົງເຂດວິຊາຊີບ, ເຕັກໂນໂລຢີຂໍ້ມູນຂ່າວສານ ແລະ ບັນຫາສຳຄັນອື່ນໆ ທີ່ກ່ຽວຂ້ອງກັບທະນາຄານ; ໃຫ້ຄຳໝັ້ນສັນຍາວ່າ ຈະສົ່ງເສີມ ແລະ ອຳນວຍຄວາມສະດວກໃຫ້ແກ່ບັນດາທະນາຄານການຄ້າຂອງສອງປະເທດ ໃນການສ້າງຕັ້ງການຮ່ວມມື, ການຄ້າ ແລະ ການລົງທືນໃນສອງປະເທດ ເພື່ອຊຸກຍູ້ການພັດທະນາລະບົບທະນາຄານຂອງສອງປະເທດ ແລະ ໃຫ້ບໍລິການ ສຳລັບນັກລົງທືນ ຂອງຫວຽດນາມ ແລະ ລາວໃນກິດຈະກຳ ທີ່ກ່ຽວຂ້ອງກັບການລົງທືນ, ການຄ້າ ແລະ ທຸລະກິດໃຫ້ດີຂື້ນ.

ໃນຂອບເຂດກອງປະຊຸມ ສອງຝ່າຍຄັ້ງນີ້, ຄະນະຜູ້ແທນທະນາຄານແຫ່ງລັດຫວຽດນາມ ແລະ ທະນາຄານບັນຊາກາງຂອງລາວ ກໍ່ໄດ້ໃຊ້ເວລາເພື່ອຮັບຟັງ ຄວາມຄິດຂອງຜູ້ຕາງໜ້າ ທະນາຄານຫວຽດນາມ ທີ່ດຳເນີນທຸລະກິດຢູ່ລາວເພື່ອແລກປ່ຽນປະສົບການດຳເນີນທຸລະກິດຢູ່ລາວ, ໂດຍຊອກຫາມາດຕະການເພື່ອ ເກັບກູ້ຄວາມຫຍຸ້ງຍາກ ແລະ ສິ່ງກີດຂວາງຂອງ 6 ທະນາຄານການຄ້າຫວຽດນາມທີ່ ດຳເນີນທຸລະກິດຢູ່ຕະຫຼາດລາວ, ລວມທັງ Vietinbank, Vietcombank, MB Bank (ທະນາຄານກອງທັບ), SHB, Sacombank ແລະ Laovietbank ( ການຮ່ວມທຶນລະຫວ່າງ BIDV ແລະ ທະນາຄານການຄ້າຕ່າງປະເທດລາວ).

(ຄຳຮຸ່ງ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll