ຍົກການຮ່ວມມືຮອບດ້ານ ຫວຽດນາມ-ລາວ ຂຶ້ນສູ່ລະດັບສູງໃໝ່

06:59 2019/10/29

ຍສໝ - ຜ່ານໄລຍະ 70 ປີ, ນໍ້າໃຈມິດຕະພາບ ແລະສາຍພົວພັນແບບພິເສດຫວຽດນາມ-ລາວ ໄດ້ພິສູດໃຫ້ເຫັນໃນປະຫວັດສາດຕົວຈິງ, ເຊິ່ງຜູ້ນໍາຂອງສອງປະເທດໄດ້ສ້າງເປັນພື້ນຖານພ້ອມກັບບັນດາການນໍາຮຸ່ນຕ່າງໆ ແລະປະຊາຊົນສອງປະເທດໄດ້ຜ່ານຜ່າຄວາມຫຍຸ້ງຍາກທາງດ້ານປະຫວັດສາດ, ເພີ່ມພູນຄູນສ້າງເພື່ອໃຫ້ກາຍເປັນການພົວພັນທີ່ມີຄວາມສັດຊື່ບໍລິສຸດ ແລະຫາຍາກ.

ຍົກການຮ່ວມມືຮອບດ້ານ ຫວຽດນາມ-ລາວ ຂຶ້ນສູ່ລະດັບສູງໃໝ່
ຕອນບ່າຍວັນທີ 24 ມີນາ, ຢູ່ບ້ານເດອານ, ຕາແສງແຮັ່ງເຟືອກ, ເມືອງເຫງຍແຮັ່ງ, ພະແນກວັດທະນະທໍາ, ກິລາ ແລະທ່ອງທ່ຽວແຂວງກວ໋າງຫງາຍ ໄດ້ສົມທົບກັບຄະນະຕິດຕໍ່ທະຫານອາສາສະໝັກ ແລະຊ່ຽວຊານຫວຽດນາມ-ລາວ ແຂວງກວ໋າງຫງາຍ ຈັດຕັ້ງພິທີເປີດສະຫຼອງແຜ່ນສິລາຈາລຶກປູຊະນີຍະສະຖານທະຫານອາສາສະໝັກ ແລະຊ່ຽວຊານຫວຽດນາມ-ລາວ. (ພາບ: ສໍານັກຂ່າວສານຫວຽດນາມ)

ພາຍຫຼັງໄຊຊະນະປີ 1975, ສັນຕິພາບຢູ່ປະເທດຫວຽດນາມ ແລະລາວ. ການພົວພັນສອງປະເທດກ້າວເຂົ້າສູ່ສັງກາດໃໝ່, ສັງກາດສັນຕິພາບ, ເອກະພາບ ແລະຮ່ວມແຮງຮ່ວມໃຈກັນກໍ່ສ້າງລັດທິສັງຄົມນິຍົມ. ສອງລັດຖະບານຫວຽດນາມ-ລາວ ໄດ້ເຫັນດີເປັນເອກະພາບລົງນາມໃນສົນທິສັນຍາມິດຕະພາບ ແລະການຮ່ວມມືໃນວັນທີ 18 ກໍລະກົດ 1977.

ນີ້ກໍ່ແມ່ນພື້ນຖານນິຕິກຳໃຫ້ແກ່ການເພີ່ມທະວີ, ເປີດກວ້າງການພົວພັນແບບພິເສດຫວຽດນາມ-ລາວ ໃນໄລຍະໃໝ່, ສ້າງກໍາລັງໜູນເພື່ອໃຫ້ສອງປະເທດພ້ອມກັນພັດທະນາ, ໃນການພົບປະແລກປ່ຽນລະຫວ່າງບັນດາອົງການຈັດຕັ້ງ, ບັນດາປະຊາຊົນທຸກຊັ້ນຄົນ ແລະການພົວພັນສາກົນນັບມື້ນັບອຸດົມສົມບູນ.

ການນໍາຂອງສອງປະເທດໄດ້ເຫັນດີເປັນເອກະພາບ, ຕັດສິນໃຈຊີ້ນໍາທຸກຂັ້ນ, ຂະແໜງການແຕ່ຂັ້ນສູງກາງເຖິງທ້ອງຖິ່ນ, ສອງປະເທດຫວຽດນາມ-ລາວ ສູ້ຊົນສົມທົບກັນປະຕິບັດບັນດາຈຸດສຸມເປັນຢ່າງດີ: ປັບປຸງການສຶກສາ, ພັດທະນາຢ່າງບໍ່ຢຸດຢັ້ງ ແລະເຮັດໃຫ້ສາຍພົວພັນດ້ານການເມືອງແບບພິເສດ, ຫາຍາກ, ບໍ່ພຽງແຕ່ຢູ່ການນໍາຂັ້ນສູງເທົ່ານັ້ນ ຫາກຍັງນັບທັງປະຊາຊົນທຸກຊັ້ນວັນນະອີກດ້ວຍ, ພິເສດແມ່ນຮຸ່ນໜຸ່ມໃຫ້ເລິກເຊິ່ງກວ່າອີກ; ຍົກສູງປະສິດທິຜົນເສດຖະກິດສອງຝ່າຍໃຫ້ສົມກັບການພົວພັນດ້ານການເມືອງອັນດີງາມທີ່ມີຢູ່ແລ້ວ.

ປະຊາຊົນຫວຽດນາມ ຍາມໃດກໍ່ເອກອ້າງທະນົງໃຈທີ່ມີປະຊາຊົນລາວ ເປັນເພື່ອນມິດບ້ານໃກ້ເຮືອນຄຽງສັດຊື່, ບໍລິສຸດຜຸດຜ່ອງໃນຕະຫຼອດໄລຍະທີ່ຕໍ່ສູ້ປົດປ່ອຍຊາດໃນເມື່ອກ່ອນກໍ່ຄືໃນພາລະກິດສ້າງສາປະເທດຊາດ ແລະພັດທະນາປະເທດຊາດໃນປະຈຸບັນ.

(ໄຊພອນ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll