ຄໍາມ່ວນ-ກວາງບິ່ງ ແລກປ່ຽນບົດຮຽນວຽກ​ງານ​ພາຍ​ໃນ

14:29 2019/05/14

ພະ​ແນ​ກພາຍ​ໃນ​ ແຂວງ​ຄຳ​ມ່ວນ ນຳ​ໂດຍ ທ່ານ ນາງ ແສງມະນີ ອິນທະລັງສີ ກໍາມະການພັກແຂວງ, ຫົວໜ້າພະແນກ ພາຍໃນແຂວງ ​ໄດ້​ພົບ​ປະ ​ແລກປ່ຽນ​ ບົດຮຽນ ກັບ ທ່ານ ເຈິ່ນ ດິ່ງ ຢິງ ກໍາມະການພັກແຂວງ, ຫົວໜ້າພະແນກ ພາຍໃນ ແຂວງກວາງບິ່ງ ສສ ຫວຽດນາມ ນໍາ ພ້ອມ​ຄະນະ ​ໃນວັນທີ 13 ພຶດສະພາ 2019 ຢູ່​ແຂວງ​ຄຳ​ມ່ວນ ​ເຊິ່ງການ​ພົ​ບປະ​ຄັ້ງນີ້ ສອງ​ຝ່າຍ​ ຕ່າງ​ກໍ​ໄດ້​​ແຈ້ງ​ສະພາບ​ ການ​ເຄື່ອນ​ໄຫວ ​ວຽກ​ງານ​ວິຊາ​ສະ​ເພາະ ​ຂອງ​ຕົນ ​ໃຫ້​ກັນຊາ​ບ ພ້ອມ​ທັງ​ ໄດ້​ມີ​ການ​ປຶກສາ ​ຫາລື​ວຽກ​ງານ ​ການ​ພົວພັນ ​ຮ່ວມ​ມື​ ເຊິ່ງກັນ ​ແລະ ກັນ​ໃນ​ຕໍ່ໜ້າ, ພ້ອມ​ກັນ​ນີ້, ກໍໄດ້ມີເຊັນບົດບັນທຶກຊ່ວຍຈໍາຮ່ວມກັນ ເຊິ່ງສອງຝ່າຍເຫັນດີ ເປັນເອກະພາບກັນ ກ່ຽວກັບ ບັນດາເນື້ອໃນ ທີ່ໄດ້ຄົ້ນຄວ້າ, ແລກປ່ຽນບົດຮຽນ ວຽກງານ ຂອງຂະແໜງ ພາຍໃນ ໃຫ້ມີປະສິດທິພາບ ຕໍ່ໄປເລື້ອຍໆ ເພື່ອຮັບໃຊ້ວຽກງານພັດທະນາ ຮ່ວມກັນຂອງສອງແຂວງ.

ຄໍາມ່ວນ-ກວາງບິ່ງ ແລກປ່ຽນບົດຮຽນວຽກ​ງານ​ພາຍ​ໃນ
ການແລກປ່ຽນບົດຮຽນວຽກ​ງານ​ພາຍ​ໃນ ຂອງສອງແຂວງ ຄໍາມ່ວນ-ກວາງບິ່ງ.

ຜ່ານການແລກປ່ຽນ ​ແລະ ຖອດຖອນບົດຮຽນຄັ້ງນີ້ ສອງແຂວງ ໄດ້ເປັນເອກະພາບກັນ​ ໃນ​ການຮັກສາທຸກການ ພົວພັນຮ່ວມ​ມື ​ແລະ ແລກປ່ຽນບົດຮຽນ ​ແຕ່ລະ​ໜ້າ​ວຽກຄື: ຈັດຕັ້ງຄະນະແລກປ່ຽນຖອດຖອນບົດຮຽນ ລະຫວ່າງພະແນກ ພາຍໃນຂອງສອງແຂວງ 2 ປີ/ຄັ້ງ, ພະແນກພາຍໃນ ແຂວງກວາງບິ່ງ ໄດ້ເຊີນ ພະແນກພາຍໃນ ແຂວງຄໍາມ່ວນ ໄປຢ້ຽມຢາມ ແລະ ເຮັດວຽກກັບ ພະແນກພາຍໃນ ແຂວງກວາງບິ່ງໃນເວລາ ທີ່ເໝາະສົມ, ພ້ອມນັ້ນພະແນກພາຍໃນ ແຂວງຄໍາມ່ວນ ກໍ​ໄດ້ຂໍຄວາມ ຊ່ວຍເຫລືອຈາກພະແນກພາຍໃນ ແຂວງກວາງບິ່ງ ເພື່ອຊ່ວຍຝຶກອົບຮົມ ໃຫ້ພະນັກງານ ທາງດ້ານ ພາສາຫວຽດນາມ ຕື່ມ​ອີກ.

(ແຫຼ່ງ​ຂໍ້​ມູນ​: ແດງສະຫວັດ ແສນພານິດ/ຂ​ປ​ລ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll