ຄະນະຜູ້ແທນຊາວໜຸ່ມແຂວງຄຳມ່ວນ ເຄື່ອນໄຫວພົບປະແລກປ່ຽນບົດຮຽນຢູ່ ແຂວງກວາງບິ່ງ ສສ ຫວຽດນາມ

16:10 2019/08/07

ໃນທ້າຍອາທິດທີ່ຜ່ານມາ ຄະນະຜູ້ແທນຊາວໜຸ່ມປະຊາຊົນປະຕິວັດລາວ ແຂວງຄໍາມ່ວນ ໄດ້ເຄື່ອນໄຫວ ພົບປະຢ້ຽມຢາມແລກປ່ຽນບົດຮຽນກັບຄະນະຊາວໜຸ່ມແຂວງກວາງບິ່ງ ສສ ຫວຽດນາມ .

ຄະນະຜູ້ແທນຊາວໜຸ່ມແຂວງຄຳມ່ວນ ເຄື່ອນໄຫວພົບປະແລກປ່ຽນບົດຮຽນຢູ່ ແຂວງກວາງບິ່ງ ສສ ຫວຽດນາມ
ບັນຍາກາດທີ່ການຕ້ອນຮັບ.(ພາບ:ສຳນັກງານປົກຄອງແຂວງຄຳມ່ວນ)

ເຊິ່ງນຳໂດຍ ສະຫາຍ ນາງ ວົງພະຈັນ ສີບຸນເຮືອງ ກຳມະການສູນກາງຊາວໜຸ່ມ ເລຂາຄະນະບໍລິຫານງານຊາວໜຸ່ມແຂວງຄໍາມ່ວນ ພ້ອມດ້ວຍຄະນະ ເຂົ້າຮ່ວມ 50 ສະຫາຍ, ຍິງ 22 ສະຫາຍ ເຊິ່ງໃຫ້ກຽດຕ້ອນຮັບໂດຍ ສະຫາຍ ເຈີ່ນກັວກຕວນ ກໍາມະການສູນກາງຊາວໜຸ່ມ ກອມມຸຍນິດໂຮຈີມິນ ສສ ຫວຽດນາມ ເລຂາຄະນະບໍລິຫານງານຊາວໜຸ່ມແຂວງກວາງບິ່ງ ພ້ອມຄະນະ.
ບັນຍາກາດການເຄື່ອນໄຫວຂອງຄະນະຊາວໜຸ່ມປະຊາຊົນປະຕິວັດລາວແຂວງຄຳມ່ວນ ຢູ່ ແຂວງກວ້າງບິ່ງ.(ພາບ:ສຳນັກງານປົກຄອງແຂວງຄຳມ່ວນ)

ໃນພິທີພົບປະແລກປ່ຽນບົດຮຽນໃນຄັ້ງນີ້ ແຂວງກວາງບິ່ງ ໄດ້ສື່ໃຫ້ເຫັນເຖິງສາຍພົວພັນຮ່ວມມືຮອບດ້ານແບບພິເສດ ຂອງສອງຊາດລາວ-ຫວຽດນາມ ທີ່ມີມາແຕ່ດົນນານ ເວົ້າສະເພາະແຂວງຄຳມ່ວນ-ກວາງບິ່ງ ນັບມື້ມີການເພີ່ມທະວີສາຍພົວພັນຍິ່ງໆຂຶ້ນໄປ, ການພົບປະແລກປ່ຽນບົດຮຽນ, ວັດທະນາທໍາ ແລະ ຮີດຄອງປະເພນີອັນດີງາມຂອງສອງຊາດ-ສອງແຂວງ ໃນຄັ້ງນີ້ແມ່ນມີຄວາມໝາຍອັນສໍາຄັນທາງດ້ານປະຫວັດສາດ ເພື່ອຮັດແໜ້ນຄວາມສາມັກຄີ ເສີມຂະຫຍາຍສາຍພົວພັນແບບພິເສດທັງສອງຊາດໃຫ້ຍືນຍົງຕະຫຼອດໄປ.

(来源: ສຳນັກງານປົກຄອງແຂວງຄຳມ່ວນ)
;

同类别新闻