ຄະນະຜູ້ແທນການເມືອງຂັ້ນສູງກອງທັບປະຊາຊົນລາວ ຢ້ຽມຢາມຫວຽດນາມ ຢ່າງເປັນທາງການ

00:54 2019/05/15

ໂດຍໄດ້ຮັບຄໍາເຊື້ອເຊີນຂອງທ່ານພົນເອກ ເລືອງເກື່ອງ, ເລຂາທິການສູນກາງພັກ, ຄະນະປະຈຳຄະນະພັກການທະຫານສູນກາງ, ຫົວໜ້າກົມໃຫຍ່ການເມືອງກອງທັບປະຊາຊົນຫວຽດນາມ, ຄະນະຜູ້ແທນການເມືອງຂັ້ນສູງກອງທັບປະຊາຊົນລາວໂດຍທ່ານພົນຕີ ທອງລອຍ ສີລິວົງ, ກຳມະການສູນກາງພັກ, ຮອງລັດຖະມົນຕີກະຊວງປ້ອງກັນປະເທດລາວ, ຫົວໜ້າກົມໃຫຍ່ການເມືອງກອງທັບປະຊາຊົນລາວ ນໍາໜ້າມາຢ້ຽມຢາມຫວຽດນາມ ຢ່າງເປັນທາງການແຕ່ວັນທີ 18 ຫາວັນທີ 22 ມີນາ.

ຄະນະຜູ້ແທນການເມືອງຂັ້ນສູງກອງທັບປະຊາຊົນລາວ ຢ້ຽມຢາມຫວຽດນາມ ຢ່າງເປັນທາງການ
ຕອນເຊົ້າວັນທີ 19 ມີນາ, ພິທີຕ້ອນຮັບທ່ານພົນຕີ ທອງລອຍ ສີລິວົງ ແລະບັນດາສະມາຊິກຂອງຄະນະຜູ້ແທນໄດ້ດຳເນີນຢູ່ສຳນັກງານກະຊວງປ້ອງກັນປະເທດຫວຽດນາມ ພາຍໃຕ້ການເປັນປະທານຂອງທ່ານພົນເອກ ເລືອງເກື່ອງ.
ທ່ານພົນເອກ ເລືອງເກື່ອງ ແລະທ່ານພົນຕີ ທອງລອຍ ສີລິວົງ ກວດແຖວກຽດຕິຍົດກອງທັບປະຊາຊົນຫວຽດນາມ. (ພາບ: ຈ້ອງຫາຍ)

ພາຍຫຼັງພິທີຕ້ອນຮັບ, ຄະນະຜູ້ແທນການເມືອງຂັ້ນສູງກອງທັບປະຊາຊົນຫວຽດນາມ ໂດຍທ່ານພົນເອກ ເລືອງເກື່ອງ ເປັນຫົວໜ້າຄະນະໄດ້ພົບປະເຈລະຈາກັບຄະນະຜູ້ແທນການເມືອງຂັ້ນສູງກອງທັບປະຊາຊົນລາວ ໂດຍທ່ານ ທອງລອຍ ສີລິວົງ ເປັນຫົວໜ້າຄະນະ.

ທ່ານພົນເອກ ເລືອງເກື່ອງ ແນະນຳກັບທ່ານພົນຕີ ທອງລອຍ ສີລິວົງ ບັນດາສະມາຊິກຄະນະຜູ້ແທນການເມືອງຂັ້ນສູງກອງທັບປະຊາຊົນຫວຽດນາມ. (ພາບ: ຈ້ອງຫາຍ)

ທ່ານພົນຕີ ທອງລອຍ ສີລິວົງ ແນະນຳກັບທ່ານພົນເອກ ເລືອງເກື່ອງ ບັນດາສະມາຊິກຄະນະຜູ້ແທນການເມືອງຂັ້ນສູງກອງທັບປະຊາຊົນລາວ. (ພາບ: ຈ້ອງຫາຍ)

ທ່ານພົນເອກ ເລືອງເກ່ືອງ ຢືນຢັນວ່າ, ການຢ້ຽມຢາມຫວຽດນາມຂອງທ່ານພົນຕີ ທອງລອຍ ສີລິວົງ ໄດ້ດຳເນີນພາຍຫຼັງການຢ້ຽມຢາມສັນຖະວະໄມຕີ ສປປ ລາວ ຢ່າງເປັນທາງການຂອງທ່ານ ຫງວຽນຝູຈ້ອງ ເລຂາທິການໃຫຍ່, ປະທານປະເທດຫວຽດນາມ ຈະປະກອບສ່ວນຜັນຂະຫຍາຍ ແລະຫັນບັນດາຂໍ້ຕົກລົງຂັ້ນສູງສອງປະເທດເປັນລະອຽດ; ພ້ອມທັງເຮັດໃຫ້ສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະການຮ່ວມມືຮອບດ້ານລະຫວ່າງສອງພັກ, ສອງລັດ, ກອງທັບ ແລະປະຊາຊົນສອງປະເທດເລິກເຊິ່ງກວ່າອີກ.

ທ່ານພົນເອກ ເລືອງເກື່ອງ ແລະທ່ານພົນຕີ ທອງລອຍ ສີລິວົງ. (ພາບ: ຈ້ອງຫາຍ)

ທ່ານພົນຕີ ທອງລອຍ ສີລິວົງ ຢັ້ງຢືນວ່າ ການພົວພັນຮ່ວມມືດ້ານປ້ອງກັນຊາດລະຫວ່າງສອງປະເທດແມ່ນໜຶ່ງໃນບັນດາການເຄື່ອນໄຫວສຳຄັນເຊິ່ງການນຳຂັ້ນສູງ ແລະກະຊວງປ້ອງກັນປະເທດສອງປະເທດໄດ້ເອົາໃຈໃສ່ຊຸກຍູ້. ທ່ານ ທອງລອຍ ສີລິວົງ ເຊື່ອໝັ້ນວ່າການພົວພັນດ້ານປ້ອງກັນຊາດສອງຝ່າຍອັນດີງາມຈະປະກອບສ່ວນປັບປຸງ, ຮັດແໜ້ນຄວາມໄວ້ເນື້ອເຊື່ອໃຈ, ການຮ່ວມມືຮອບດ້ານລະຫວ່າງສອງພັກ, ສອງລັດ, ປະຊາຊົນ ແລະກອງທັບສອງປະເທດກວ່າອີກ, ຮັບປະກັນການຮັກສາຄວາມໝັ້ນຄົງດ້ານການເມືອງຢູ່ແຕ່ລະປະເທດ, ປະກອບສ່ວນເຂົ້າໃນການຮັກສາສັນຕິພາບ, ສະຖຽນລະພາບ ແລະການພັດທະນາຂອງແຕ່ລະປະເທດ.

ຄະນະຜູ້ແທນການເມືອງຂັ້ນສູງກອງທັບປະຊາຊົນລາວ ທີ່ການພົບປະເຈລະຈາ. (ພາບ: ຈ້ອງຫາຍ)
ຄະນະຜູ້ແທນການເມືອງຂັ້ນສູງກອງທັບປະຊາຊົນຫວຽດນາມ ທີ່ການພົບປະເຈລະຈາ. (ພາບ: ຈ້ອງຫາຍ)
ບັນຍາກາດທີ່ການພົບປະເຈລະຈາ. (ພາບ: ຈ້ອງຫາຍ)

ທ່ານພົນເອກ ເລືອງເກື່ອງ ແລະທ່ານພົນຕີ ທອງລອຍ ສີລິວົງ ເຫັນດີເປັນເອກະພາບຕີລາຄາການຮ່ວມມືລະຫວ່າງກົມໃຫຍ່ການເມືອງກອງທັບປະຊາຊົນຫວຽດນາມ ແລະກົມໃຫຍ່ການເມືອງກອງທັບປະຊາຊົນລາວ ໃນໄລຍະຜ່ານມາໄດ້ຜັນຂະຫຍາຍຮອບດ້ານ, ມີລວງເລິກ, ແທດຈິງ ແລະປະສິດທິຜົນ, ພິເສດແມ່ນການແລກປ່ຽນບົດຮຽນໃນບັດດາຂົງເຂດຂໍ້ມູນຂ່າວສານ, ການໂຄສະນາ, ການສຶກສາມູນເຊື້ອ; ການແລກປ່ຽນຄະນະຜູ້ແທນຂັ້ນຕ່າງໆ; ການແລກປ່ຽນວັດທະນະທຳ; ການຊອກຫາ, ທ້ອນໂຮມ ແລະສົ່ງອັດຖິທະຫານອາສາສະໝັກ ແລະຊ່ຽວຊານຫວຽດນາມ ທີ່ເສຍສະຫຼະຊີວິດໃນສະໄໝສົງຄາມຢູ່ລາວກັບຄືນປະເທດ.

ບັນດາຜູ້ແທນຖ່າຍຮູບເປັນທີ່ລະນຶກ. (ພາບ: ຈ້ອງຫາຍ)

ກ່ຽວກັບທິດທາງການຮ່ວມມືໃນໄລຍະຈະມາເຖິງ, ທ່ານພົນເອກ ເລືອງເກື່ອງ ແລະທ່ານພົນຕີ ທອງລອຍ ສີລິວົງ ເຫັນດີເປັນເອກະສັນທີ່ຖືວ່າ ສອງຝ່າຍຄວນເພີ່ມທະວີການຮ່ວມມືກໍ່ສ້າງພະນັກງານ, ນັກສຳມະນາກອນການທະຫານ ລາວ ຢູ່ບັນດາວິທະຍາຄານ, ໂຮງຮຽນຂຶ້ນກັບກະຊວງປ້ອງກັນປະເທດຫວຽດນາມກວ່າອີກ; ໜູນຊ່ວຍ, ຊ່ວຍເຫຼືອເຊິ່ງກັນ ແລະກັນໃນວຽກງານໂຄສະນາເຜີຍແຜ່ກ່ຽວກັບສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະການຮ່ວມມືຮອບດ້ານລະຫວ່າງສອງພັກ, ສອງລັດ ແລະກອງທັບສອງປະເທດ.


(ແຫຼ່ງ​ຂໍ້​ມູນ​: ສົມເພັດ/ກປ.ອອນໄລ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll