ກະຊວງແຜນການ ແລະ ການລົງທຶນສອງປະເທດ ລາວ-ຫວຽດນາມ ປະຊຸຸມພົບປະ ທີ່ແຂວງເຫງະອານ

09:19 2018/11/17

ຍສໝ - ຕອນເຊົ້າຂອງວັນທີ 16 ພະຈິກ, ທີ່ນະຄອນວິງ (ແຂວງເຫງະອານ), ກະຊວງແຜນການ ແລະ ການລົງທຶນ; ຄະນະກໍາມະການຮ່ວມມືສອງປະເທດ ລາວ-ຫວຽດ ນາມ ແລະ ຫວຽດນາມ-ລາວ ໄດ້ຈັດກອງປະຊຸມສະຫຼຸບຕີລາຄາການຈັດຕັ້ງປະຕິບັດແຜນການຮ່ວມມື ລາວ-ຫວຽດນາມ ໃນ 10 ເດືອນຕົ້ນປີ 2018.

ກະຊວງແຜນການ ແລະ ການລົງທຶນສອງປະເທດ ລາວ-ຫວຽດນາມ ປະຊຸຸມພົບປະ ທີ່ແຂວງເຫງະອານ

ຄະນະຜູ້ແທນເຂົ້າຮ່ວມກອງປະຊຸມໃນຄັ້ງນີ້, ຝ່າຍລາວ ມີສະຫາຍ ຄໍາເຜີຍ ແກ້ວກິນນາລີ, ຮອງປະທານ ຜູ້ປະຈໍາການ ຄະນະກໍາມະການຮ່ວມມື ລາວ-ຫວຽດນາມ ພ້ອມດ້ວຍຜູ້ຕາງໜ້າຈາກບັນດາຂະແໜງການ ທີ່ກ່ຽວຂ້ອງ. ຝ່າຍຫວຽດນາມ ມີສະຫາຍ ຫງວຽນ ວັນ ຈຸງ, ຮອງລັດຖະມົນຕີກະຊວງແຜນການ ແລະ ການລົງທຶນ, ມີຜູ້ຕາງໜ້າຈາກບັນດາກົມກອງ ແລະ ຂະແໜງການກ່ຽວຂ້ອງຂອງກະຊວງແຜນການ ແລະ ການລົງທຶນ ເຂົ້າມຮ່ວມ.(ພາບ:ດຶກແອັງ/baonghean.vn)

ກອງປະຊຸມພົບປະຄັ້ງນີ້ ແມ່ນການເຄື່ອນໄຫວເປັນປະຈໍາ ແນໃສ່ສະຫຼຸບຕີລາຄາການຈັດຕັ້ງປະຕິບັດແຜນການຮ່ວມມືສອງປະເທດ ໃນຂົງເຂດເສດຖະກິດ ພ້ອມກັນນັ້ນ ກໍ່ເປັນການກະກຽມບັນດາເນື້ອໃນໃຫ້ແກ່ກອງປະຊຸມ ຄັ້ງທີ 41 ຂອງຄະນະກໍາມະການຮ່ວມມື ລະຫວ່າງ ສອງລັດຖະບານ ລາວ-ຫວຽດນາມ. ໃນກອງປະຊຸມຕາງໜ້າຄະນະຜູ້ແທນສອງຝ່າຍ ໄດ້ລາຍງານໃຫ້ກັນຊາບ ກ່ຽວກັບສະພາບການພັດທະນາເສດຖະກິດ-ສັງຄົມຂອງສອງປະເທດ.

ມີ 409 ໂຄງການລົງທຶນ, ມູນຄ່າການລົງທຶນທັງໝົດ 4,1 ຕື້ໂດລາສະຫະລັດ

ຕີລາຄາສູງຕໍ່ກັບຜົນການຮ່ວມມື ລະຫວ່າງ ສອງລັດຖະບານ, ສອງກະຊວງແຜນການ ແລະ ການລົງ ທຶນ ແລະ ຄະນະກໍາມະການຮ່ວມມືສອງປະເທດ, ສະຫາຍ ຄໍາເຜີຍ ແກ້ວກິນນາລີ ໄດ້ແຈ້ງໃຫ້ຮູ້ວ່າ: ປີ 2018 ແມ່ນເປັນປີທີສາມ ຂອງການຈັດຕັ້ງປະຕິບັດຕົວຈິງ ທີ່ ສປປ ລາວ ໄດ້ປະເມີນກາງສະໄໝການຈັດຕັ້ງມະຕິກອງປະຊູມໃຫຍ່ ຄັ້ງທີ X ຂອງສູນກາງພັກ ປະຊາຊົນ ປະຕິວັດລາວ. ການເຕີບໂຕທາງດ້ານເສດຖະກິດ GDP ສະເລ່ຍໃນແຕ່ລະປີຂອງລາວ ບັນລຸໄດ້ 6,5%.

ສະຫາຍ ຄໍາເຜີຍ ແກ້ວກິນນາລີ, ຮອງປະທານ  ຜູ້ປະຈໍາການ ຄະນະກໍາມະການຮ່ວມມື ລາວ-ຫວຽດນາມ ກ່າວຄໍາເຫັນໃນກອງປະຊຸມພົບປະ. (ພາບ:ດຶກແອັງ/baonghean.vn)

ຮອງປະທານ ຜູ້ປະຈໍາການ ຄະນະກໍາມະການຮ່ວມມື ລາວ-ຫວຽດນາມ ໃຫ້ຮູ້ວ່າ: ການຈັດຕັ້ງປະຕິບັດແຜນການຮ່ວມມືດ້ານເສດຖະກິດ ລະຫວ່າງ ສອງປະເທດ, ປະຈຸບັນ ມີ 409 ໂຄງການ ໄດ້ຮັບອະນຸຍາດລົງທຶນ, ມູນຄ່າການລົງທຶນທັງໝົດ ປະມານ 4,1 ຕື້ໂດລາສະຫະລັດ. ລັດຖະບານສອງປະເທດ ໄດ້ສໍາຫຼວດໂຄງການເສັ້ນທາງເຊື່ອມຕໍ່ດ້ານຄົມມະນາຄົມ ຈໍານວນໜຶ່ງ, ໃນນັ້ນ ໄດ້ສຶກສາສໍາຫຼວດເສັ້ນທາງດ່ວນ ວຽງຈັນ-ຮ່າໂນ້ຍ ແລະ ເສັ້ນທາງລົດໄຟ ວຽງຈັນ-ທ່າແຂກ-ມູຢາ-ເຕິນເອິບ-ຫວຸງອາງ.

ມູນຄ່າການຄ້າ ລາວ-ຫວຽດນາມ ໃນ 9 ເດືີອນຕົ້ນປີ 2018 ບັນລຸໄດ້ 758,11 ລ້ານໂດລາສະຫະລັດ, ເພີ່ມຂຶ້ນ 16,6% ທຽບໃສ່ໄລຍະດຽວຂອງປີ 2017 (650,02 ລ້ານໂດລາ), ໂດຍພື້ນຖານ ບັນດາໂຄງການນໍາໃຊ້ທຶນຊ່ວຍເຫຼືີອ ແມ່ນຕອບສະໜອງໄດ້ຕາມແຜນການທີ່ໄດ້ກໍານົດໄວ້ ແລະຄຸນນະພາບ. ໃນປີ 2018 ຈະສໍາເລັດ, ມອບ-ຮັບ ໃຫ້ຝ່າຍລາວ ເອົາເຂົ້າສູ່ການນໍາໃຊ້ ມີ 11 ກິດຈະການ, ໂຄງການ .

 ຄະນະຜູ້ແທນ ປຶກສາຫາລືຢູ່ດ້ານນອກຫ້ອງປະຊຸມ.(ພາບ:ດຶກແອັງ/baonghean.vn)

ສະຫາຍ ຄໍາເຜີຍ ແກ້ວກິນນາລີ, ຮອງປະທານ ຜູ້ປະຈໍາການ ຄະນະກໍາມະການຮ່ວມມື ລາວ-ຫວຽດນາມ ໄດ້ສະເໜີໃຫ້ລັດຖະບານ ແລະ ກະຊວງແຜນການ ແລະ ການລົງທຶນຫວຽດນາມ ສືບຕໍ່ໃຫ້ການຊ່ວຍເຫຼືອ, ລົງທຶນໃນກິດຈະການ, ໂຄງການຕາມແຜນການ, ສ້າງເງື່ອນໄຂ ເພື່ອໃຫ້ລັດວິສາຫະກິດລາວ ລົງທຶນໃສ່ທ່າເຮືອຫວຸງອາງ (ແຂວງຮ່າຕິ້ງ). ສູ້ຊົນຍົກມູນຄ່າການຄ້າສອງຝ່າຍ ໂດຍສະເພາະແມ່ນການສ້າງມູນຄ່າການຄ້າຊາຍແດນຂອງສອງປະເທດ; ສືບຕໍ່ຊ່ວຍເຫຼືອໃນການກໍ່ສ້າງ, ບໍາລຸງສ້າງຊັບພະຍາກອນມະນຸດ, ຍົກສູງຄຸນນະພາບ ໃນການກໍ່ສ້າງນັກຮຽນ, ນັກສຶກສາຂອງສອງປະເທດ.

ການແກ້ໄຂຂໍ້ຫຍຸ້ງຍາກ, ຂ້ອງຄາ, ຊຸກຍູ້ບັນດາໂຄງການລົງທຶນ ຢູ່ລາວ

ຮັບຊາບຕໍ່ຄວາມພະຍາຍາມຂອງກະຊວງແຜນການ ແລະ ການລົງທຶນ ແຫ່ງ ສປປ ລາວ ກໍ່ຄືຄະນະກໍາມະການຮ່ວມມື ລາວ-ຫວຽດນາມ ໃນການຊຸກຍູ້ການພົວພັນຮ່ວມມື ໃນບັນດາຂົງເຂດຂອງສອງປະເທດ, ສະຫາຍ ຫງວຽນ ວັນ ຈຸງ, ຮອງລັດຖະມົນຕີກະຊວງແຜນການ ແລະ ການລົງທຶນຫວຽດນາມ ຢືນຢັນ: ບັນດາຂໍ້ຕົກລົງຮ່ວມມືທະວິພາຄີ ລາວ-ຫວຽດນາມ ແມ່ນໄດ້ຈັດຕັ້ງຜັນຂະຫຍາຍຢ່າງມີປະສິດທິຜົນ, ແທດຕົວຈິງ. ໃນ 11 ເດືອນຕົ້ນປີ 2018 ມີ 08 ໂຄງການ ໄດ້ຮັບໃບອະນຸຍາດລົງທຶນ ຢູ່ລາວ, ທຶນຈົດທະບຽນ ບັນລຸ 95 ລ້ານໂດລາສະຫະລັດ. ທຶນຊ່ວຍເຫຼືອ ສືບຕໍ່ໄດ້ຮັບການນໍາໃຊ້ຢ່າງມີຈຸດສຸມ ຕາມຄວາມຕ້ອງການຈໍາເປັນຂອງລາວ ໂດຍຖືກຕ້ອງ, ສອດຄ່ອງຕາມການຊີ້ນໍາຂອງລັດຖະບານສອງປະເທດ.

 ສະຫາຍ ຫງວຽນ ວັນ ຈຸງ, ຮອງລັດຖະມົນຕີ ກະຊວງແຜນການ ແລະ ການລົງທຶນຫວຽດນາມ ກ່າວຄໍາເຫັນໃນກອງປະຊຸມພົບປະ.

ບາງກິດຈະການ, ໂຄງການຂະໜາດໃຫຍ່ອື່ນ ກໍ່ມີຄວາມຄືບໜ້າເຊັ່ນ: ໂຄງການປຸກສ້າງຫໍສະພາແຫ່ງຊາດລາວ, ສະໜາມບິນໜອງຄ້າງ...

ສະຫາຍ ຫງວຽນ ວັນ ຈຸງ, ຮອງລັດຖະມົນຕີ ໃຫ້ຮູ້ວ່າ: ປະຈຸບັນ, ຍັງມີຂໍ້ຫຍຸ້ງຍາກ, ຄົງຄ້າງ ທີ່ສອງຝ່າຍ ຕ້ອງໄດ້ເອົາໃຈໃສ່ປະສານສົມທົບກັນແກ້ໄຂ, ໃນນັ້ນ ຊັດສ່ວນທຶນປະຕິບັດຕົວຈິງຕໍ່ກັບທຶນຈົດທະບຽນ (ປະມານ 1,8/3,8 ຕື້ໂດລາ) ຂອງວິສາຫະກິດຫວຽດນາມ ຢູ່ລາວ ຍັງຕໍ່າ; ໂຄງການລົງທຶນ ຈໍານວນໜຶ່ງ ເປັນຕົ້ນແມ່ນໂຄງການຈຸດສຸມໃນຂົງເຂດເຂື່ອນໄຟຟ້ານໍ້າຕົກ, ຂຸດຄົ້ນແຮ່ທາດ, ຢາງພາລາ ພວມພົບຄວາມຫຍຸ້ງຍາກ.

ບັນດາຄະນະຜູ້ແທນກະຊວງແຜນການ ແລະ ການລົງທຶນຫວຽດນາມ ເຂົ້າຮ່ວມກອງປະຊຸມ.(ພາບ:ດຶກແອັງ/baonghean.vn)

ຈາກສະພາບການຂ້າງເທິງ, ສະຫາຍ ຫງວຽນ ວັນ ຈຸງ ຮອງລັດຖະມົນຕີ ກະຊວງ ຜທ ໄດ້ສະເໜີໃຫ້ສອງກະຊວງແຜນການ ແລະ ການລົງທຶນ, ຄະນະກໍາມະການຮ່ວມມືສອງປະເທດ ຕ້ອງໄດ້ສືບຕໍ່ປັບປຸງ ແລະ ເສີມຂະຫຍາຍການພົວພັນທາງດ້ານການເມືອງ, ການຕ່າງປະເທດ; ຮ່ວມມືກັນຢ່າງແໜ້ນແຟ້ນທາງດ້ານປ້ອງກັນຊາດ-ປ້ອງກັນຄວາມສະຫງົບ; ສ້າງເສັ້ນຊາຍແດນ ລາວ-ຫວຽດນາມ ເປັນຊາຍແດນແຫ່ງສັນຕິພາບ, ສະຖຽນລະພາບ, ການຮ່ວມມື ແລະ ພັດທະນາຮອບດ້ານ; ຊຸກຍູ້ຍົກສູງຄຸນນະພາບໃນການດ້ານການສຶກາ ແລະ ພັດທະນາຊັບພະຍາກອນມະນຸດ; ສຸມໃສ່ແກ້ໄຂຂໍ້ຫຍຸ້ງຍາກ, ຂ້ອງຄາ, ຊຸກຍູ້ບັນດາໂຄງການລົງທຶນ ແລະ ຊ່ວຍເຫຼືອ, ສ້າງການຫັນປ່ຽນດ້ານຄຸນນະພາບ, ຍົກສູງປະສິດທິຜົນການຮ່ວມມືສອງປະເທດ; ສືບຕໍ່ປ່ຽນແປງໃໝ່ດ້ານກົນໄກ, ວິທີການປະຕິບັດ, ສຸມໃສ່ດ້ານແຮງງານ ເພື່ອນໍາໃຊ້ທຶນຊ່ວຍເຫຼືອ ຢ່າງມີປະສິດທິຜົນ....

ຝ່າຍຫວຽດນາມ ໄດ້ເປັນເອກະພາບທິດທາງ ຕາມການສະເໜີຂອງລັດຖະບານລາວ ກ່ຽວກັບການຕໍ່ກໍານົດຮ່ວງກູ້ຢືມ, ສົ່ງຊ່ຽວຊານທີ່ປຶກສາ ມາຊ່ວຍລາວ ໃນການຄຸ້ມຄອງເສດຖະກິດ.

ສະຫາຍ ຫງວຽນ ວັນ ຈຸງ ໄດ້ຢືນຢັນວ່າ: ກະຊວງແຜນການ ແລະ ການລົງທຶນ ພ້ອມທີ່ຈະໃຫ້ການແລກປ່ຽນ ຕໍ່ກັບຂໍ້ຫຍຸ້ງຍາກຕ່າງໆຂອງລາວ ແລະ ພ້ອມທີ່ຈະແລກປ່ຽນປະສົບການ ກ່ຽວກັບຄວາມໝັ້ນທ່ຽງຂອງເສດຖະກິດມະຫາພາກ, ສະກັັດກັ້ນການຮົ່ວໄຫຼ, ເພີ່ມລາຍຮັບງົບປະມານ, ແກ້ໄຂໜີ້ສາທາລະນະ ແລະ ໜີ້ຄ້າງຊໍາລະ. ສະເໜີໃຫ້ກົມສົ່ງເສີມການລົງທຶນລາວ ເພີ່ມທະວີການແລກປ່ຽນຂໍ້ມູນ, ມີມາດຕະການແກ້ໄຂຂໍ້ຫຍຸ້ງຍາກ ໃຫ້ແກ່ວິສາຫະກິດຫວຽດນາມ ທີ່ລົງທຶນຢູ່ລາວ ຢ່າງທັນການ.

(ຫັດ​ທະ​ບູນ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll