ກະຊວງວິທະຍາສາດ ແລະ ເຕັກໂນໂລຊີ ຫວຽດນາມ ແລະ ລາວ ຊຸກຍູ້ການຮ່ວມມືກ່ຽວກັບວຽກງານພັກ

15:56 2018/08/14

ຍສໝ - ເພື່ອເປັນການປະກອບສ່ວນເຂົ້າໃນການກໍ່ສ້າງ ແລະ ປັບປຸງຄວາມສາມັກຄີມິດຕະພາບ ລະຫວ່າງ ສອງພັກ ແລະ ປະຊາຊົນສອງປະເທດ ຫວຽດນາມ-ລາວ, ຄະນະພັກກະຊວງ ວິທະຍາສາດ ແລະ ເຕັກໂນໂລຊີ ສອງປະເທດຫວຽດນາມ ແລະ ລາວ ຈະສ້າງໂຄງກາານ ແລະ ເຊັນສັນຍາຮ່ວມມືໃນຂົງເຂດວຽກງານພັກ ໃນເດືອນກັນຍາ ປີ 2018.

ກະຊວງວິທະຍາສາດ ແລະ ເຕັກໂນໂລຊີ ຫວຽດນາມ ແລະ ລາວ ຊຸກຍູ້ການຮ່ວມມືກ່ຽວກັບວຽກງານພັກ
ກອງປະຊຸມແລກປ່ຽນວຽກງານພັກ ລະຫວ່າງສອງກະຊວງ.

ກ່ຽວກັບວຽກງານດັ່ງກ່າວ ທາງກະຊວງ ວິທະຍາສາດ ແລະ ເຕັກໂນໂລຊີ ໃຫ້ຮູ້ວ່າ: ວັນທີ 10 ສິງຫາ 2018 ຢູ່ລາວ. ຄະນະຮັບຜິດຊອບຂອງຄະນະພັກ ກະຊວງ ວິທະຍາສາດ ແລະ ເຕັກໂນໂລຊີ ຫວຽດນາມ ແລະ ຄະນະພັກ ກະຊວງ ວິທະຍາສາດ ແລະ ເຕັກໂນໂລຊີລາວ ໄດ້ເຮັດວຽກຮ່ວມກັບແລ້ວ. ຈາກນັ້ນໃນຂອບເຂດການຮ່ວມມືລະຫວ່າງ ກະຊວງ ວິທະຍາສາດ ແລະ ເຕັກໂນໂລຊີຫວຽດນາມ ແລະ ກະຊວງ ວິທະຍາສາດ ແລະ ເຕັກໂນໂລຊີລາວ ທີ່ກອງປະຊຸມຄັ້ງທີ 4 ຂອງຄະນະກຳມະການປະສານງານ ກ່ຽວກັບການຮ່ວມມື ວິທະຍາສາດ ແລະ ເຕັກໂນໂລຊີ ຫວຽດນາມ ແລະ ລາວ ທີ່ໄດ້ຈັດຂື້ນຢູ່ແຂວງ ເຫງະອານ ເດືອນ ມິຖຸນາ 2018, ທັງສອງໄດ້ຢັ້ງຢືນການເພີ່ມທະວີຮ່ວມມືຮອບດ້ານລະຫວ່າງສອງກະຊວງ. ໃນນັ້ນການເຄື່ອນໄຫວດ້ານວິຊາການ, ການເຄື່ອນໄຫວດ້ານການສ້າງຕັ້ງພັກ, ແລະ ການເຄື່ອນໄຫວທັງໝົດຈະໄດຮັບຄວາສົນໃຈ ຜ່ານການແລກປ່ຽນ, ແບ່ງປັນເພື່ອເພີ່ມທະວີ ຄວາມຮູ້ ແລະ ຄວາມໄກ້ສິດ ລະຫວ່າງບັນດາອົງການຕ່າງໆຂອງສອງປະເທດ.

ທ່ານຮອງເລຂາໜ່ວຍພັກກະຊວງ ກຳມະການພັກ ຮອງນາຍົກລັດຖະມົນຕີ ກະຊວງ ວິທະຍາສາດ ແລະ ເຕັກໂນໂລຊີ ຫວຽດນາມ ເຈີ່ນວັນຕຸ່ງ, ໄດ້ໃຫ້ຮູ້ວ່າ: ນອກຈາການປະສານສົມທົບກັບ ກະຊວງ ວິທະຍາສາດ ແລະ ເຕັກໂນໂລຊີລາວ ຈັດງານ ເວທີສົ່ງເສີມຖ່າຍທອດເຕັກໂນໂລຊີ ຫວຽດນາມ-ລາວ 2018 ແລ້ວ, ຍັງເປີດບັ້ນກໍ່ສ້າງພະນັກງານກ່ຽວກັບການຄຸ້ມຄອງວິທະຍາສາດ ແລະ ເຕັກໂນໂລຊີ ໃຫ້ແກ່ບັນດາພະນັກງານຄຸ້ມຄອງຂອງຂະແໜງວິທະຍາສາດ ແລະ ເຕັກໂນໂລຊີ ລາວ, ຄະນະຮັບຜິດຊອບຄະນະພັກ ກະຊວງວິທະຍາສາດ ແລະ ເຕັກໂນໂລຊີຫວຽດນາມ ໄດ້ພົບປະ ແລະ ແລກປ່ຽນກັບ ຄະນະພັກ ແລະ ອົງການຕ່າງໜ້າຂອງກະຊວງ ວິທະຍາສາດ ແລະ ເຕັກໂນໂລຊີລາວ ເພື່ອແນໃສ່ການແລກປ່ຽນ, ແບ່ງປັນບົດຮຽນ ປະສົບການໃນການກໍ່ສ້າງລະບົບ ການເມືອງທີ່ເຂັ້ມແຂງ, ປະກອບສ່ວນໃນການຈັດຕັ້ງປະຕິບັດວຽກງານຢ່າງມີໄຊ ບັນດາພາລະກິດການເມືອງ ກ່ຽວກັບການພັດທະນາວິທະຍາສາດ ແລະ ເຕັກໂນໂລຊີຂອງແຕ່ລະປະເທດ.

ພາຍຫຼັງກອງປະຊຸມແລກປ່ຽນ ທັງສອງຝ່າຍໄດ້ເຫັນດີເປັນເອກກະພາບ ບາງເນື້ອໃນການຮ່ວມມືໃນອານາຄົດ. ໃນນັ້ນການເຄື່ອນໄຫວຮ່ວມມືລະຫວ່າງ ກະຊວງ ວິທະຍາສາດ ແລະ ເຕັກໂນໂລຊີລາວ ແລະ  ກະຊວງ ວິທະຍາສາດ ແລະ ເຕັກໂນໂລຊີຫວຽດນາມ ຈະໄດ້ສືບຕໍ່ຕາມຂອບເຂດໂຄງການ ການຮ່ວມມືທີ່ທັງສອງຝ່າຍໄດ້ລົງນາມ. ກ່ຽວກັບວຽກງານພັກ ແລະ ອົງການຈັດຕັ້ງຕ່າງໆ ທັງສອງຝ່າຍໄດ້ເຫັນດີເປັນເອກກະພາບນຳກັນ ໃນການເພີ່ມທະວີການພົວພັນຮ່ວມມື, ແລກປ່ຽນນຳກັບຢູ່ຕະຫຼອດ, ຈັດກອງປະຊຸມປືກສາຫາລື, ຝຶກອົບຮົມລະຫວ່າງ ຫວຽດນາມ-ລາວ ກ່ຽວກັບວຽກງານພັກ ແລະ ອົງການຈັດຕັ້ງອື່ນໆ.

ເຮັດໃຫ້ວຽກງານການເຄື່ອນໄຫວຂ້າງເທິງໃຫ້ປະກົດຜົນເປັນຈິງ ຄະນະພັກ ກະຊວງ ວິທະຍາສາດ ແລະ ເຕັກໂນໂລຊີ ທັງສອງປະເທດ ຈະມອບໃຫ້ບັນດາອົງການທີ່ກ່ຽວຂ້ອງຂອງປະເທດໃຜລາວ ສ້າງແຜນການ-ການຮ່ວມມືໃນຂົງເຂດວຽກງານພັກ, ອົງການຈັດຕັ້ງອື່ນໆ, ຂຽນບົດລາຍງານເຖິງຄະນະ ພັກ, ເລຂາໜ່ວຍພັກ, ການນຳ ກະຊວງວິທະຍາສາດ ແລະ ເຕັກໂນໂລຊີ ຫວຽດນາມ ແລະ ການນຳ ກະຊວງ ວິທະຍາສາດ ແລະ ເຕັກໂນໂລຊີ ລາວ ເພື່ອຈະສາມາດເຊັນລົງນາມ ໃນໂອກາດທີ່ ທ່ານລັດຖະມົນຕີ ບໍ່ແສງຄຳ ວົງດາລາ ເຂົ້າຮ່ວມກອງປະຊຸມຕີລາຄາປະເມີນຜົນ ຜົນສຳເລັດຂອງການຮ່ວມມື ຫວຽດ-ລາວ ໃນເດີືອນ ກັນຍາ 2018 ທີ່ຈະມາເຖິງນີ້.

(ຫັດ​ທະ​ບູນ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll