ກະຊວງປ້ອງກັນປະເທດຫວຽດນາມ ແລະ ລາວໄດ້ແລກປ່ຽນປະສົບການໃນວຽກງານວຽກງານຄຸ້ມຄອງ ໜັງສືເອກະສານ ແລະ ສຳເນົາ

07:00 2019/09/19

ຍສໝ - ຕອນເຊົ້າວັນທີ 17 ກັນຍາ, ທີ່ຮ່າໂນ້ຍ, ກະຊວງປ້ອງກັນປະເທດຫວຽດນາມ ແລະ ລາວ ໄດ້ຈັດກອງປະຊຸມແລກປ່ຽນປະສົບການໃນວຽກງານວຽກງານຄຸ້ມຄອງ ໜັງສືເອກະສານ ແລະ ສຳເນົາເອກະສານ ເນື່ອງໃນໂອກາດກະຊວງປ້ອງກັນປະເທດລາວ ເດີນທາງມາຢ້ຽມຢາມ ແລະ ເຮັດວຽກຢູ່ຫວຽດນາມ.

ເຂົ້າຮ່ວມກອງປະຊຸມ ມີຄະນະຜູ້ແທນຫ້ອງວ່າການກະຊວງປ້ອງກັນປະເທດຫວຽດນາມ ໂດຍທ່ານພົນຈັດຕະວາ ຫງວຽນຊວນຫງີ້, ຮອງຫົວໜ້າຫ້ອງການກະຊວງປ້ອງກັນປະເທດຫວຽດນາມ ເປັນຫົວໜ້າຄະນະ; ຝ່າຍລາວມີ ຄະນະຜູ້ແທນກົມໃຫຍ່ສັງລວມ ແລະ ແຜນການ, ຫ້ອງການກະຊວງປ້ອງກັນປະເທດ ລາວ ໂດຍທ່ານ ພັນເອກ ວີລະຕູ ວົງລະຈິດ, ຮອງຫົວໜ້າກົມເປັນຫົວໜ້າ.

ໃນກອງປະຊຸມ, ທັງສອງຝ່າຍໄດ້ແລກປ່ຽນ ແລະ ແບ່ງປັນປະສົບການໃນວຽກງານຄຸ້ມຄອງ ໜັງສືເອກະສານ ແລະ ສຳເນົາ, ນຳໃຊ້ເຕັກໂນໂລຢີຂໍ້ມູນຂ່າວສານເຂົ້າໃນວຽກງານຫ້ອງການ ແລະ ການຝຶກອົບຮົມພະນັກງານ - ການສືກສາ ແລະ ວຽກງານສຳເນົາຂໍ້ມູນລະຫວ່າງສອງຫ້ອງການກະຊວງປ້ອງກັນປະເທດ ຫວຽດນາມ - ລາວ.

ທັດສະນີຍະພາບ ກອງປະຊຸມ. (ພາບ: qdnd.vn)

ໃນຂອບເຂດການຢ້ຽມຢາມເຮັດວຽກ ຢູ່ ສສ.ຫວຽດນາມ, ກົມໃຫຍ່ສັງລວມ ແລະ ແຜນການ, ຫ້ອງການກະຊວງປ້ອງກັນປະເທດລາວ ໄດ້ໄປຢ້ຽມຢາມ ແລະ ແລກປ່ຽນປະສົບການກ່ຽວກັບການເກັບຮັກສາ ແລະ ນຳໃຊ້ເຕັກໂນໂລຢີຂໍ້ມູນຂ່າວສານ ເຂົ້າໃນວຽກງານຫ້ອງການ ກັບບັນດາອົງການ, ຫົວໜ່ວຍ ຕ່າງໆໃນ ຮ່າໂນ້ຍ ຄື: ສູນສຳເນົາ (ກະຊວງປ້ອງກັນປະເທດ); ສາງສຳເນົາຂອງກອງບັນຊາການທະຫານຊາຍແດນ; ສາງສຳເນົາຂອງເຫຼົ່າທັບອາກາດ; ສູນສຳເນົາເອກະສານແຫ່ງຊາດ 3.

ການຢ້ຽມຢາມເຮັດວຽກ ຂອງພະແນກສັງລວມ ແລະ ແຜນການ, ຫ້ອງການກະຊວງປ້ອງກັນປະເທດລາວ ໄດ້ປະກອບສ່ວນເຂົ້າໃນການປົກປັກຮັກສາ ແລະ ເສີມຂະຫຍາຍສາຍພົວພັນມິດຕະພາບທີ່ເປັນມູນເຊື້ອ, ຄວາມສາມັກຄີພິເສດລະຫວ່າງສອງປະເທດ, ສອງກອງທັບເວົ້າລວມ ແລະ ສອງຫ້ອງການກະຊວງປ້ອງກັນປະເທດຫວຽດນາມ - ລາວເວົ້າສະເພາະ.

(ຄຳຮຸ່ງ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll