ກອງທັບ ປະຊາຊົນລາວ ຮ່ວມມືດ້ານເຕັກໂນໂລຢີ ວິທະຍາຄານການແພດກອງທັບປະຊາຊົນຫວຽດນາມ

07:07 2019/09/05

ຍສໝ - ໃນວັນທີ 29 ສິງຫານີ້, ຢູ່ທີ່ ໂຮງໝໍສູນກາງ 103 ກອງທັບ ປະຊາຊົນລາວ ໄດ້ຈັດພິທີເຊັນ ສັນຍາການຮ່ວມມືດ້ານເຕັກໂນ ໂລຢີປ່ຽນ ຖ່າຍໄຂ່ຫຼັງ ລະຫວ່າງ ໂຮງໝໍສູນກາງ 103 ກອງທັບ ປະຊາຊົນລາວ ແລະ ວິທະຍາ ຄານການແພດກອງທັບປະຊາ ຊົນຫວຽດນາມ ໂດຍການເຊັນ ລົງນາມຮ່ວມຂອງສະຫາຍ ພັນ ເອກ ສຸລິນພັນ ເພັດຈັນທະລາ ຫົວໜ້າການທະຫານໂຮງໝໍສູນ ກາງ 103 ກອງທັບປະຊາຊົນ ລາວ ແລະ ສະຫາຍ ພັນເອກ ຮອງ ສຈ.

ທ່ານ ວູ້ ເຫຍິດ ດິ້ງ ຮອງຫົວໜ້າອຳນວຍການໂຮງໝໍສູນກາງ 108 ກອງທັບປະຊາຊົນຫວຽດ ນາມ. ໂດຍການເປັນສັກຂີພະຍານ ຂອງສະຫາຍ ພົນຈັດຕະວາ ບົວສິງ ອິນທະວົງ ຫົວໜ້າກົມເສນາ ຮັກກອງທັບປະຊາຊົນລາວ, ສະຫາຍ ພົນຈັດຕະວາ ສຈ. ປອ ຮ່ວງ ວັນ ເລືອງ ຮອງອຳນວຍ ການວິທະຍາຄານການແພດກອງ ທັບປະຊາຊົນຫວຽດນາມ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.

ການລົງນາມເຊັນສັນຍາ ກອງທັບ ປະຊາຊົນລາວ ຮ່ວມມືດ້ານເຕັກໂນໂລຢີ ວິທະຍາຄານການແພດກອງທັບປະຊາຊົນຫວຽດນາມ

ການຮ່ວມມືດັ່ງກ່າວແມ່ນແນ ໃສ່ເພີ່ມທະວີສາຍພົວພັນມິດຕະ ພາບອັນເປັນມູນເຊື້ອ ແລະ ຄວາມ ສາມັກຄີພິເສດລະຫວ່າງສອງ ພັກ, ສອງລັດ, ສອງກອງທັບເວົ້າ ລວມ, ເວົ້າສະເພາະລະຫວ່າງ ໂຮງໝໍສູນກາງ103 ກອງທັບ ປະຊາຊົນລາວ ແລະ ວິທະຍາຄານ ການແພດກອງທັບປະຊາຊົນ ຫວຽດນາມ ທັງສອງຝ່າຍໄດ້ມີ ການແລກປ່ຽນປຶກສາຫາລືເປັນ ເອກະພາບກັນ, ສົ່ງບົດລາຍງານ ເຖິງກະຊວງປ້ອງກັນປະເທດ ຂອງແຕ່ລະຝ່າຍກ່ຽວກັບຮ່າງ ແຜນການສັງລວມໃນການຮ່ວມ ມືຖ່າຍທອດດ້ານເຕັກໂນໂລຢີ ການປ່ຽນຖ່າຍໄຂ່ຫຼັງ ແລະ ບາງ ບັນຫາວຽກງານຄື: ວິທະຍາຄານ ການແພດ ສສ ຫວຽດນາມ ຈະ ຊ່ວຍກໍ່ສ້າງພະນັກງານດ້ານເຕັກ ໂນໂລຢີການປ່ຽນຖ່າຍໄຂ່ຫຼັງ ໃຫ້ແກ່ໂຮງໝໍສູນກາງ 103 ກອງ ທັບປະຊາຊົນລາວ ໃນປີ 2019 ຫາປີ 2020, ຈະຊ່ວຍບຳລຸງກໍ່ສ້າງໄລຍະສັ້ນໃຫ້ພະນັກງານ ແພດໝໍກອງທັບປະຊາຊົນລາວ ໃນຂະແໜງການໂປກໂພງ ແລະ ຂະແໜງພະຍາດຈິດວິທະຍາ, ຮັບ ຊ່ວຍເຫຼືອບຳລຸງກໍ່ສ້າງພະນັກ ງານແພດໝໍຂອງໂຮງໝໍສູນກາງ 103 ກອງທັບປະຊາຊົນລາວ ໃນ ຂະແໜງການກະດູກ, ຜ່າຕັດຜົ້ງ ເອິກ ແລະ ໃຫ້ຄຳປຶກສາ, ບົດຮຽນ ໃນການປຸກລະດົມຂົນຂວາຍໃນ ການອຸທິດເນື້ອເຫຍື້ອ ແລະ ອະໄວ ຍະວະຮ່າງກາຍໃຫ້ເໝາະສົມກັບ ສະພາບ ແລະ ເງື່ອນໄຂຕົວຈິງ ຂອງກົດໝາຍ ສາທາລະນະລັດ ປະຊາທິປະໄຕ ປະຊາຊົນລາວ.

ກໍ່ສ້າງໃຫ້ພະນັກງານວິຊາການ ໂຮງໝໍສູນກາງ 103 ກອງທັບປະ ຊາຊົນລາວກ້າວໄປສູ່ການປ່ຽນ ຖ່າຍດ້ວຍຕົນເອງ. ອຸປະຖຳຄ່າໃຊ້ ຈ່າຍປິ່ນປົວກ່ອນ ແລະ ຫຼັງປ່ຽນ ຖ່າຍໃຫ້ແກ່ກໍລະນີຄັ້ງທຳອິດເປັນ ເວລາ 1 ປີ. ໃນການລົງນາມເຊັນສັນຍາ ໃນຄັ້ງນີ້, ຈຸດປະສົງເພື່ອຍົກລະ ດັບທາງດ້ານວິຊາການແພດຂອງ ກອງທັບປະຊາຊົນລາວໃຫ້ນັບມື້ ນັບມີການພັດທະນາສູງຂຶ້ນຢ່າງ ບໍ່ຢຸດຢັ້ງ. ພ້ອມນີ້ ສະຫາຍ ພົນຈັດ ຕະວາ ບົວສິງ ອິນທະວົງ, ຫົວໜ້າ ກົມເສນາຮັກກອງທັບປະຊາຊົນ ລາວ ໄດ້ຮຽກຮ້ອງໃຫ້ຄະນະພັກ- ຄະນະອຳນວຍການໂຮງໝໍສູນ ກາງ 103 ກອງທັບປະຊາຊົນລາວ ພ້ອມກັນຈັດຕັ້ງປະຕິບັດເນື້ອໃນ ບົດບັນທຶກດັ່ງກ່າວໃຫ້ໄດ້ຮັບ ໝາກຜົນສູງສຸດ ເພື່ອພັດທະນາ ໂຮງໝໍຂອງຕົນໃຫ້ກາຍເປັນໂຮງ ໝໍທີ່ທັນສະໄໝ ແລະ ອວຍພອນ ໃຫ້ສາຍພົວພັນ ແລະ ຄວາມສາ ມັກຄີພິເສດ ລະຫວ່າງ ສອງຊາດ, ສອງກອງທັບ ລາວ-ຫຽດນາມ ໃຫ້ນັບມື້ພັດທະນາ ແລະ ໝັ້ນຄົງ ຕະຫຼອດໄປ.

(ຄຳຮຸ່ງ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll